តម្លៃប្រមាណ ៨០លានដុល្លារ កម្ពុជាគ្រោងសាងសង់មន្ទីរពេទ្យសាកលវិទ្យាល័យដ៏ធំដំបូងគេបង្អស់

ឧកញ៉ាកោះក្របី — Tue, 23 Nov 2021 01:42:47 +0000

រដ្ឋលេខាធិការក្រសួងសុខាភិបាលកម្ពុជា លោកស្រី យក់ សម្បត្តិ បានថ្លែងថា ប្រទេសកម្ពុជានឹងមានមន្ទីរពេទ្យសាកលវិទ្យាល័យដែលមានតម្លៃប្រមាណ ៨០ លានដុល្លារអាមេរិក ដែលវិនិយោគសាងសង់ដោយក្រុមហ៊ុន inje joint venture ប្រទេស កូរ៉េ។

បើតាមលោកស្រី ក្រុមប្រតិភូមកពីក្រុមហ៊ុន inje joint venture ប្រទេសកូរ៉េ បានចុះមកសិក្សាគម្រោងបង្កើតមន្ទីរពេទ្យមួយដ៏ធំ ហើយដំបូងគេនៅកម្ពុជា ដែលគម្រោងនេះផ្ដល់ថវិកាកម្ចីដោយធនាគាររបស់ កូរ៉េ និងមានការចូលរួមជាថវិការបស់រាជរដ្ឋាភិបាលកម្ពុជា។

លោកស្រី យក់ សម្បត្តិ បន្តថា គម្រោងសាងសង់សាកលវិទ្យាល័យមន្ទីរពេទ្យនេះ ទទួលបានការឯកភាពពីនាយករដ្ឋមន្ត្រីកម្ពុជា ក៏ដូចជាក្រសួងសេដ្ឋកិច្ច និងហិរញ្ញវត្ថុ ដែលមានទីតាំងនៅផ្លូវកប់ស្រូវ ក្នុងទំហំដីជាង ២ ហិកតា អាចដាក់គ្រែបាន ៤០០ ចំណាយទឹក ប្រាក់សាងសង់សរុប ៨០ លានដុល្លារ ក្នុងនោះ ៦៦ លានដុល្លារជាប្រាក់កម្ចីរបស់ធនាគារកូរ៉េ និងថវិកាបដិភាគរបស់រាជរដ្ឋាភិបាល ១៤ លានដុល្លារសហរដ្ឋអាមេរិក។ គម្រោងនេះអាចសាងសង់រួចរាល់ក្នុងរយៈពេល ២ ឆ្នាំកន្លះទៅ ៤ឆ្នាំកន្លះ។

មន្ទីពេទ្យសាកលវិទ្យាល័យដ៏ធំមួយនេះជាការផ្ដល់អាទិភាពខ្ពស់ដល់វិស័យសុខាភិបាលនៅកម្ពុជា ហើយជាកន្លែងផ្ដល់ការសិក្សាដល់និស្សិតដែលទើបតែបញ្ចប់ការសិក្សាពីមហាវិទ្យាល័យ ឬសាកលវិទ្យាល័យដើម្បីមកធ្វើការអនុវត្តសិក្សារបស់ខ្លួនក្នុងវិស័យសុខាភិបាល៕

The post តម្លៃប្រមាណ ៨០លានដុល្លារ កម្ពុជាគ្រោងសាងសង់មន្ទីរពេទ្យសាកលវិទ្យាល័យដ៏ធំដំបូងគេបង្អស់ appeared first on .

គ្រោងសាងសង់មន្ទីរពេទ្យធំបំផុតលើលោក ចាយលុយ ១,៨ ពាន់លានដុល្លារ

ឧកញ៉ាសំពៅ — Fri, 17 Sep 2021 03:06:07 +0000

Texas Medical Center ហៅកាត់ TMC កំពុងមានគម្រោងសាងសង់មន្ទីរពេទ្យមួយកន្លែងនៅទីក្រុង Houston រដ្ឋ Texas ចំណាយជាង ១,៨ ពាន់លានដុល្លារ ជាគម្រោងមន្ទីរពេទ្យធំបំផុតលើពិភពលោក។

TMC គឺជាមន្ទីរពេទ្យសុខភាពកុមារធំបំផុត និងជាមន្ទីរពេទ្យជំនាញផ្នែកជំងឺមហារីកថែមទៀត ហើយអាចនិយាយបានថា ជាមន្ទីរពេទ្យមួយកន្លែងដែលមានប្រតិបត្តិការច្រើនស្អេកស្កះ អាចសម្រាលទារកកើតថ្មីរៀងរាល់ ២០ នាទីម្ដង និងការវះកាត់វិញរៀងរាល់ ៣ នាទីម្ដងនៅទីនោះ។

គម្រោងមន្ទីរពេទ្យនេះមានឈ្មោះថា TMC3 ក្រោមការចាត់ចែងរបស់ស្ថាបត្យករល្បីឈ្មោះ Elkus Manfredi ដែលនឹងសាងសង់លើផ្ទៃដី ៥៥៧ ០០០ ម៉ែត្រការ៉េ។ បើតាមគម្រោងមិនមែនត្រឹមតែជាមន្ទីរពេទ្យឡើយ វានឹងមកជាមួយកន្លែងស្រាវជ្រាវ កន្លែងសិក្សា អាចអនុញ្ញាតឲ្យរដ្ឋាភិបាល និងក្រុមហ៊ុនឯកជនសហការស្វែងរកថ្នាំថ្មីៗ ឧបករណ៍វេជ្ជសាស្ត្រថ្មីៗជាដើម។

បញ្ជាក់ដែរថា គម្រោងសាងសង់ទីក្រុងវេជ្ជសាស្ត្រមួយនេះគឺមានការចូលរួមពីមន្ទីរស្រាវជ្រាវជាច្រើនកន្លែងមានដូចជា TMC, Baylor College of Medicine, Texas A&M University, the University of Texas Health Science Centre at Houston និង the University of Texas MD Anderson Cancer Centre ជាដើម៕

ប្រភព: globalconstructionreview

The post គ្រោងសាងសង់មន្ទីរពេទ្យធំបំផុតលើលោក ចាយលុយ ១,៨ ពាន់លានដុល្លារ appeared first on .

មន្ទីរពេទ្យ

តម្លៃប្រមាណ ៨០លានដុល្លារ កម្ពុជាគ្រោងសាងសង់មន្ទីរពេទ្យសាកលវិទ្យាល័យដ៏ធំដំបូងគេបង្អស់

គ្រោង​សាងសង់​មន្ទីរពេទ្យធំ​បំផុត​លើ​លោក ​ចាយ​លុយ ១,៨ ពាន់​លាន​ដុល្លារ​

គ្រោងសាងសង់មន្ទីរពេទ្យធំបំផុតលើលោក ចាយលុយ ១,៨ ពាន់លានដុល្លារ