លោកបន្តថា ការប្រឡងកាលពីពេលថ្មីៗនេះជាជំហានទី២ ពីព្រោះជំហានទី១ បានពង្រាយចំនួន ២៥០នាក់រួចមកហើយ នៅ ១៧ខេត្ត ហើយចំនួនបន្ទាប់នេះ គឺដាក់ពង្រាយនៅគ្រប់ ២៤ខេត្ត រើសបាន ១,០០០នាក់បន្ថែមទៀត ធ្វើឱ្យចំនួនសរុបឡើងដល់ ១,២៥០នាក់ នៅសល់ ៣៥០នាក់ នឹងគ្រោងរើសនៅក្នុងឆ្នាំ២០២៥ ខាងមុខនេះ។

សូមជម្រាបផងដែរថា រាជរដ្ឋាភិបាលកម្ពុជាសម្រាប់នីតិកាលទី៧ បានបន្តយកចិត្តទុកដាក់ជំរុញ និងអភិវឌ្ឍន៍វិស័យ កសិកម្ម ដើម្បីធានាសន្តិសុខស្បៀង និងការលើកកម្ពស់ជីវភាពប្រជាពលរដ្ឋ ព្រមទាំងបានដាក់ចេញនូវគោលនយោបាយ យុទ្ធសាស្ត្របញ្ចកោណដំណាក់កាលទី១ និងកម្មវិធីនយោបាយអាទិភាពចំនួន៦ ដោយក្នុងនោះអាទិភាពទី៥ និងទី៦ គឺជួយដល់ការអភិវឌ្ឍវិស័យកសិកម្ម រួមមាន ១, ការលើកស្ទួយផលិតកម្មកសិកម្ម ទីផ្សារ និងស្ថិរភាពតម្លៃកសិផល ២, ការដាក់ពង្រាយមន្ត្រីកសិកម្មឃុំ ដើម្បីបង្ខិតការផ្តល់សេវា ឲ្យកាន់តែជិតកសិករ និង៣, ការអភិវឌ្ឍសហគមន៍កសិកម្មទំនើប៕

The post ក្រសួងកសិកម្ម នឹងដាក់ពង្រាយមន្រ្តីកសិកម្មឃុំ៣៥០នាក់ទៀត នៅឆ្នាំ២០២៥ខាងមុខ ឱ្យគ្រប់១ ៦០០នាក់ តាមផែនការ appeared first on .

លើសពីនេះ នៅឆ្នាំ២០២៥ខាងមុខ រាជរដ្ឋាភិបាលនឹងរើសមន្ត្រីកសិកម្មចុះតាមមូលដ្ឋានឱ្យបាន ១,០០០នាក់ ដើម្បីជួយផ្តល់បច្ចេកទេសកសិកម្មដល់ប្រជាកសិករនៅតាមឃុំ-សង្កាត់។

តើមន្រ្តីកសិកម្មឃុំ អាចជួយសម្របសម្រួលដោះស្រាយបញ្ហាទីផ្សារ និងតម្លៃស្រូវជូនកសិករយ៉ាងដូចម្តេចខ្លះ?

ពាក់ព័ន្ធនឹងការឆ្លើយតបសំណួរខាងលើ លោក យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តាមរយៈទំព័រហ្វេសប៊ុកកាលពីពេលថ្មីៗនេះ បានពន្យល់ថា មន្រ្តីកសិកម្មឃុំ អាចជួយសម្របសម្រួលដោះស្រាយបញ្ហាទីផ្សារ និងតម្លៃស្រូវជូនកសិករដូចខាងក្រោម៖

១, សម្របសម្រួលពេលវេលា ទីកន្លែងច្រូត ទំហំដីត្រូវច្រូត គុណភាព និងបរិមាណស្រូវត្រូវច្រូតតាមថ្ងៃទៅតាមប្រភេទពូជ (កាលវិភាគច្រូតទៅតាមប្រភេទពូជ)។

២, សម្របសម្រួលរៀបចំទីកន្លែងប្រមូលផ្តុំ និងប៉ាន់ស្មានបរិមាណស្រូវប្រមូលផ្តុំប្រចាំថ្ងៃទៅតាមប្រភេទពូជ។

៣, ទំនាក់ទំនងជាមួយរោងម៉ាស៊ីន ឬអ្នកប្រមូលទិញស្រូវ ឲ្យបានច្រើនថ្ងៃមុនពេលច្រូត និងចរចាតម្លៃទៅតាមប្រភេទពូជ និងគុណភាពស្រូវ។

៤, ទំនាក់ទំនងជាមួយម្ចាស់ម៉ាស៊ីនច្រូតឲ្យបានច្រើនថ្ងៃមុនពេលត្រូវច្រូត ដើម្បីសម្របសម្រួលសេវាច្រូត ហើយចរចាតម្លៃច្រូតទៅតាមទំហំដីត្រូវច្រូតប្រចាំថ្ងៃ និងគុណភាពនៃការច្រូត។

៥, ជួយសម្របសម្រួលពេលប្រមូលផល ពេលប្រមូលផ្តុំដឹកជញ្ជូន និងពេលខ្លះជួយនាំស្រូវដល់រោងម៉ាស៊ីនថែមទៀតផង។

លោកបន្តថា តាមរយៈការសម្របសម្រួលដូចខាងលើនេះ នឹងជួយឲ្យកសិករកាត់បន្ថយហានិភ័យទីផ្សារនៅពេលប្រមូលផល ទទួលបានតម្លៃសមរម្យ ហើយក៏បង្កភាពងាយស្រួលដល់អ្នកផ្តល់សេវាច្រូត និងប្រមូលទិញស្រូវ ដែលជារួមគឺលើកស្ទួយប្រសិទ្ធភាពសេដ្ឋកិច្ច ដើម្បីផលប្រយោជន៍ទាំងកសិករ និងអ្នកពាក់ព័ន្ធ។

សូមជម្រាបជូនថា​  រាជរដ្ឋាភិបាលគ្រប់អាណត្តិ រួមទាំងអាណត្តិទី៧នេះ មិនដែលព្រងើយកន្តើយចំពោះវិស័យកសិកម្មនោះឡើយ។ ជាក់ស្តែង រាជរដ្ឋាភិបាល​អាណត្តិ​ទី៧​ បានដាក់ចេញនូវកម្មវិធីគោលនយោបាយាអាទិភាពចំនួន ៣ សម្រាប់វិស័យកសិកម្មគឺ៖១.ការលើកស្ទួយផលិតកម្មកសិកម្ម រកទីផ្សារ និងរក្សាលំនឹងថ្លៃផលិតផល តាមរយៈកម្មវិធីហិរញ្ញប្បទាន ២.ការដាក់ពង្រាយមន្ត្រីកសិកម្មនៅតាមឃុំ-សង្កាត់ និង៣.ការអភិវឌ្ឍសហគមន៍កសិកម្មទំនើប។

កម្មវិធីគោលនយោបាយទាំងបីនេះ បាននិងកំពុងអនុវត្តយ៉ាងសកម្ម ដែលក្នុងនោះមានកម្មវិធីហិរញ្ញប្បទានចំនួន ១០០ លានដុល្លារ របស់រាជរដ្ឋាភិបាលសម្រាប់រក្សាលំនឹងតម្លៃស្រូវ៕

The post តើមន្រ្តីកសិកម្មឃុំ ជួយដោះស្រាយបញ្ហាទីផ្សារ និងតម្លៃស្រូវជូនកសិករយ៉ាងដូចម្តេចខ្លះ ? appeared first on .

លោក យ៉ង សាំងកុមា បានឱ្យដឹងនៅលើបណ្តាញសង្គមផ្ទាល់ខ្លួននៅថ្ងៃទី២៧ ខែសីហា ឆ្នាំ២០២៤នេះថា ក្រសួងកសិកម្ម រុក្ខាប្រមាញ់ និងនេសាទត្រៀមដាក់ពង្រាយមន្រ្តីកសិកម្មឃុំថែម១៤៣នាក់ទៀត ឱ្យគ្រប់ឃុំនៅខេត្តទាំង៤ រួមមានខេត្តក្រចេះ ស្ទឹងត្រែង រតនគិរី និងមណ្ឌលគិរី នៃតំបន់ CLV នៅចុងឆ្នាំ២០២៤នេះ។

សូមបញ្ជាក់ថា ការសម្រេចជ្រើសរើសមន្រ្តីកសិកម្មថែមគ្រប់ឃុំនៅខេត្តទាំង៤ នៃតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម  (CLV-DTA) ស្របតាមអនុសាសន៍សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា កាលពីពេលថ្មីនេះ ដែលសម្តេចធិបតីបានឯកភាពឱ្យប្រឡងជ្រើសរើសមន្រ្តីបច្ចេកទេសកសិកម្មឃុំ ចំនួន១ពាន់នាក់បន្ថែមទៀត ដែលផែនការចាស់មានត្រឹមតែ៨០០នាក់ប៉ុណ្ណោះ។សម្តេចធិបតីបានអនុញ្ញាតឱ្យបន្ថែម២០០នាក់ទៀតឱ្យគ្រប់១ពាន់នាក់ ដើម្បីពន្លឿនការពង្រាយមន្រ្តីបច្ចេកទេសកសិកម្ម តាមបណ្តាខេត្ត ជាពិសេសនៅតាមឃុំទាំងអស់នៃខេត្តស្ទឹងត្រែង ខេត្តក្រចេះ ខេត្តមណ្ឌលគិរី និងខេត្តរតនគិរី ដើម្បីចូលរួមជំរុញការអភិវឌ្ឍន៍វិស័យកសិកម្មនៅខេត្តក្នុងតំបន់ឦសានរបស់កម្ពុជា។

សូមជម្រាបជូនថា មន្រ្តីកសិកម្មឃុំ-សង្កាត់ ប្រមាណ២៥០រូប បន្ទាប់ពីបានប្រឡងជ្រើសរើសកាលពីចុងឆ្នាំ២០២៣ បានដាក់ពង្រាយនៅខេត្តចំនួន១៧ ដើម្បីជួយដល់កសិករ និងការធ្វើកសិកម្មនៅកម្ពុជាឱ្យកាន់តែប្រសើរបន្ថែមទៀត៕

The post ក្រសួងកសិកម្មនឹងរើសមន្រ្តីកសិកម្មឃុំប្រមាណជាង១០០នាក់ឱ្យគ្រប់ឃុំនៅខេត្តទាំង៤ នៃតំបន់ CLVចុងឆ្នាំនេះ appeared first on .

តាមរយៈថ្លែងការណ៍ពិសេសស្តីពី«សមិទ្ធផល១ឆ្នាំ របស់រាជរដ្ឋាភិបាលនីតិកាលទី៧នៃរដ្ឋសភា នៃកម្ពុជា» កាលពីទី២២ ខែសីហា ឆ្នាំ២០២៤ សម្តេចធិបតីមានប្រសាសន៍ថា គិតត្រឹមពេលនេះ រាជរដ្ឋាភិបាលបានធ្វើការប្រឡងជ្រើសរើស មន្រ្តីបច្ចេកទេសកសិកម្មចំនួន២៥០នាក់ និងបានដាក់ពង្រាយនៅតាមគោលដៅចំនួន២៥០ឃុំ នៅក្នុង៨៩ស្រុក និង១៧ខេត្ត ដែលបានចុះជួប ផ្សព្វផ្សាយ និងបណ្តុះបណ្តាលបច្ចេកទេសកសិកម្មជូនដល់ប្រជាកសិករបានសរុបជិត១២ម៉ឺនគ្រួសារ ។

សម្តេចធិបតីបានបន្តថា «ខ្ញុំបានឯកភាពឱ្យប្រឡងជ្រើសរើសមន្រ្តីបច្ចេកទេសកសិកម្មឃុំ ចំនួន១ពាន់នាក់បន្ថែមទៀត ដែលផែនការចាស់មានត្រឹមតែ៨០០នាក់ទេ។ ខ្ញុំបានអនុញ្ញាតឱ្យបន្ថែម២០០នាក់ទៀតឱ្យគ្រប់១ពាន់នាក់ ដើម្បីពន្លឿនការពង្រាយមន្រ្តីបច្ចេកទេសកសិកម្ម តាមបណ្តាខេត្ត ជាពិសេសនៅតាមឃុំទាំងអស់នៃខេត្តស្ទឹងត្រែង ខេត្តក្រចេះ ខេត្តមណ្ឌលគិរី និងខេត្តរតនគិរី ដើម្បីចូលរួមជំរុញការអភិវឌ្ឍន៍វិស័យកសិកម្មនៅខេត្តក្នុងតំបន់ឦសានរបស់យើង»។

ជាមួយគ្នានេះ សម្តេចធិបតីបានគូសបញ្ជាក់ថា រាជរដ្ឋាភិបាលក៏បានរៀបចំដាក់ឱ្យដំណើរការនូវសហគមន៍ទំនើបចំនួន៨ ដែលបានអនុវត្តនៅក្នុងខេត្តសៀមរាប ខេត្តតាកែវ ខេត្តកំពង់ឆ្នាំង ខេត្តកំពង់ធំ និងខេត្តកណ្តាល ដើម្បីជួយកសិករអំពីវិធីសាស្រ្តថ្មីនៅក្នុងការបង្កើនផលិតផលដាំដុះ និងការបង្កើនប្រាក់ចំណូល ។

សូមបញ្ជាក់ថា មន្រ្តីកសិកម្មឃុំ-សង្កាត់ ប្រមាណ២៥០រូប បន្ទាប់ពីបានប្រឡងជ្រើសរើសកាលពីចុងឆ្នាំ២០២៣ បានដាក់ពង្រាយនៅខេត្តចំនួន១៧ ដើម្បីជួយដល់កសិករ និងការធ្វើកសិកម្មនៅកម្ពុជាឱ្យកាន់តែប្រសើរបន្ថែមទៀត។

សូមជម្រាបផងដែរថា រាជរដ្ឋាភិបាលកម្ពុជាសម្រាប់នីតិកាលទី៧ បានបន្តយកចិត្តទុកដាក់ជំរុញ និងអភិវឌ្ឍន៍វិស័យ កសិកម្ម ដើម្បីធានាសន្តិសុខស្បៀង និងការលើកកម្ពស់ជីវភាពប្រជាពលរដ្ឋ ព្រមទាំងបានដាក់ចេញនូវគោលនយោបាយ យុទ្ធសាស្ត្របញ្ចកោណដំណាក់កាលទី១ និងកម្មវិធីនយោបាយអាទិភាពចំនួន៦ ដោយក្នុងនោះអាទិភាពទី៥ និងទី៦ គឺជួយដល់ការអភិវឌ្ឍវិស័យកសិកម្ម រួមមាន ១, ការលើកស្ទួយផលិតកម្មកសិកម្ម ទីផ្សារ និងស្ថិរភាពតម្លៃកសិផល ២, ការដាក់ពង្រាយមន្ត្រីកសិកម្មឃុំ ដើម្បីបង្ខិតការផ្តល់សេវា ឲ្យកាន់តែជិតកសិករ និង៣, ការអភិវឌ្ឍសហគមន៍កសិកម្មទំនើប៕

The post រាជរដ្ឋាភិបាលកម្ពុជា នឹងដាក់ពង្រាយមន្រ្តីបច្ចេកទេសកសិកម្មឱ្យដល់១ពាន់នាក់ ដើម្បីជួយដល់ប្រជាកសិករទូទាំងប្រទេស appeared first on .

លោក យ៉ង សំាង កុមារ រដ្ឋលេខាធិការក្រសួង កសិកម្មរុក្ខាប្រមាញ់ និងនេសាទ មានប្រសាសន៍ថា «ការបណ្តុះបណ្តាលតម្រង់ទិសដល់ដល់មន្ត្រីកសិកម្មឃុំ២៥០នាក់នឹងបញ្ចប់នៅថ្ងៃទី១៦ខែកុម្ភៈឆ្នំា២០២៤ ហើយដល់ថ្ងៃទី១៩គាត់នឹងចុះទៅធ្វើការនៅតាមឃុំគោលដៅដែលបានជ្រើសរើស ហើយនៅក្នុងពេលនោះនឹងមានការណែនាំតាមខេត្ត តាមរយៈមន្ទីរកសិកម្មនៅខេត្ត ស្រុក ឃុំ ហើយបន្ទាប់មកនឹងមានការប្រជុំនៅតាមភូមិ ក្នុងគោលបំណងធ្វើយ៉ាងម៉េចឱ្យអ្នកពាក់ព័ន្ធទំាងអស់រួមទំាងកសិករបានដឹងអំពីវត្តមានរបស់ មន្ត្រីកសិកម្ម យល់ពីតួនាទី នឹងការទទួលខុសត្រូវរបស់មន្ត្រីកសិកម្ម ហើយចូលរួមជាមួយគាត់ដើម្បីអនុវត្តការងារឱ្យទទួលបានជោគជ័យ»។

លោកថា បេសកម្មរបស់មន្ត្រីកសិកម្មឃុំចំនួន២៥០នាក់នេះ គឺគាំទ្រដល់កសិករដើម្បីបង្កើននូវប្រាក់ចំណូលពីការប្រកបមុខរបរធ្វើកសិកម្ម។ ក្នុងន័យបង្កើនការផលិត គ្រប់គ្រងថ្លៃដើមនិងធ្វើយ៉ាងម៉េចឱ្យកសិករមានទីផ្សារអាចលក់កសិផលរបស់គាត់បានតម្លៃសមរម្យ។ជារួមធ្វើយ៉ាងណាឱ្យប្រាក់ចំណូលរបស់ប្រជាកសិករកើនឡើង ហើយធានាបាននៅសន្តិសុខស្បៀងសម្រាប់គ្រួសារកសិករ ក៏ដូចជាសង្គមជាតិទំាងមូល។

លោកសង្កត់ធ្ងន់ថា «យើងរំពឹងថា ចំនួនប្រជាកសិករដែលនៅបន្តប្រកបការងារកសិកម្មនឹងទទួលបានជោគជ័យ។ ភាពជោគជ័យនេះបង្ហាញតាមរយៈប្រាក់ចំណូលយកមកទ្រទ្រង់សេដ្ឋកិច្ចគ្រួសារ ការកើនឡើងនៃផលិតកម្ម ចូលរួមចំណែករក្សាដល់សន្តិសុខស្បៀងសម្រាប់ប្រទេសនិងសេដ្ឋកិច្ចជាតិទំាងមូល»។

ពាក់ព័ន្ធនឹងមន្ត្រីកសិកម្មឃុំសង្កាត់នេះ ឆ្នំា២០២៣រាជរដ្ឋាភិបាលជ្រើសរើស២៥០នាក់ ឆ្នំា២០២៤ជ្រើសរសើ៨០០នាក់និងឆ្នំា២០២៥ជ្រើសរើស៥៥០នាក់ សរុប១៦០០នាក់សម្រាប់ដាក់ពង្រាយនៅទូទំាងប្រទេស៕
តាកែវ

The post មន្ត្រីកសិកម្មឃុំ២៥០នាក់នឹងបញ្ជូនទៅបម្រើការងារនៅថ្ងៃទី១៩កុម្ភៈបន្ទាប់ពីទទួលការបណ្តុះបណ្តាលតម្រង់ទិស៤ថ្ងៃ appeared first on .

កញ្ញា ស៊ិន រចនា មន្ត្រីកសិកម្មមានស្រុកកំណើនៅខាងខេត្តពោធិ៍សាត់ បានឱ្យដឹងថា« វគ្គបណ្តុះបណ្តាលតម្រង់ទិសក្នុងរយៈពេល៤នេះ ខ្ញុំសង្ឃឹមថានឹងទទួលបានចំណេះដឹងច្បាស់លាស់មួយបន្ថែមដើម្បីសម្រាប់ ជួយដោះស្រាយកសិករបានចំគោលដៅគាត់ចង់បាន»។

បើតាមមន្ត្រីកសិកម្មវ័យក្មេងក្រៅពីមិនប្រកាន់ការងារកសិកម្មជាឧបសគ្គចំពោះខ្លួនឯង ធៀបទៅនិងបុរស ថែមទំាងបានប្តេជ្ញាចិត្តថានឹងជួយកសិករដែលជួបការលំបាកនៅក្នុងវិស័យកសិកម្មនៅពេលកន្លងមកក៏ដូចជានៅពេលខាងមុខនេះ ប្រឹងឱ្យអស់ពីសមត្ថភាព ដោះឱ្យចំគោលដៅដែលក្រុមកសិករចង់បានដំណោះស្រាយ និងឆ្លើយតបឱ្យបានទាន់ពេលវេលា។

ពាក់ព័ន្ធនឹងសំនួរថាតើមានមូលហេតុអ្វីបានជាចង់ក្លាយជាមន្ត្រីកសិកម្ម? កញ្ញា ស៊ិន រចនា បញ្ជាក់ថា«នៅតំបន់ឃុំគោលដៅរបស់ខ្ញុំជាតំបន់មានអាទិភាពដំណាំស្រូវ ពួកគាត់ធ្វើស្រូវច្រើន ជួបប្រទះបញ្ហាមួយចំនួនឃើញថាគាត់ជួបការលំបាក អីចឹងទើបខ្ញុំចង់មកប្រឡងធ្វើជាមន្ត្រីកសិកម្ម ហើយបើយើងជាប់ជាមន្ត្រីកសិកម្មយើងអាចទៅជួយដោះស្រាយជូនពួកគាត់បាន ព្រោះស្រូវជាដំណាំអាទិភាពសំខាន់មួយដែលប្រជាពលរដ្ឋរស់នៅក្នុងប្រទេសត្រូវបរិភោគបាយទំាងអស់គ្នា»។

កញ្ញា ខុន ស្រីដែន ដែលជាមន្ត្រីកសិកម្មឃុំប្រចំានៅខេត្តកណ្តាលបានចាត់ទុកវគ្គតម្រង់ទិសនេះវគ្គនេះវាធ្វើឱ្យកញ្ញាមានជំនឿកាន់តែមុះមុតជាងមុនក្នុងការធ្វើការងារជាមួយកសិករ ដើម្បីចូលរួមអភិវឌ្ឍន៍ឱ្យកសិករមានការរីកចម្រើនថែមទៀត។

កញ្ញា ខុន ស្រីដែន បញ្ជាក់ថា« សម្រាប់ខ្ញុំ! ខ្ញុំគិតថាវាអត់មានបញ្ហាចោទនោះ តែសម្រាប់ស្ត្រីៗជំនាន់មុនៗវាអាចពិបាកបន្តិច តែសម័យឥលូវយើងមានសិទ្ធស្មើគ្នា។មានន័យថាបុរសធ្វើការងារជាមន្ត្រីកសិកម្មឃុំសង្កាត់បានសម្រាប់ស្ត្រីក៏អាចធ្វើបានដូចគ្នា។សម្រាប់ខ្ញុំ នឹងខំប្រឹងឱ្យអស់លទ្ធភាពអ្វីជួយដល់កសិករឱ្យបានផ្អែក ទៅតាមចំណេះដឹងនិង បទពិសោធន៍ ខ្លួនមានដោយធ្វើយ៉ាងណាឱ្យការបង្កបង្កើនផលរបស់ពួកគាត់កើនឡើង»។

បើយោងតាម កញ្ញា ខុន ស្រីដែនលើកឡើងថាសម្រាប់និស្សិតដែលចង់ប្រឡងជាប់ជាមន្ត្រីកសិកម្មឃុំសង្កាត់នៅវគ្គក្រោយ ត្រូវស្វែងយល់ពីវិស័យកសិកម្មឱ្យច្បាស់លាស់ ទៅលើប្រភេទដំណំាផ្សេងៗក៏ដូចជាបទដ្ឋានទូទៅនៃដំណំាស្រូវនិងផ្នែកទូទៅនៃវិស័យកសិកម្ម ទើបងាយស្រួលក្នុងប្រឡង។

លោក គឿង លីង និស្សិតសាកលវិទ្យាល័យភូមិន្ទកសិកម្មឆ្នំាទី៤ បានឱ្យដឹងថា  ការងារនៅក្នុងវិស័យកសិម្ម កំពុងមានការចាប់អារម្មណ៍ច្រើនពីនិស្សិត ពិសេសចង់ក្លាយជាមន្ត្រីកសិកម្មឃុំនៅពេលខាងមុខ ហើយដើម្បីសម្រេចបំណងប្រាថ្នាមួយនេះយើងត្រូវខិតខំប្រឹងប្រែងរៀនសូត្រនឹងស្វែងរកមេរៀនដែលទាក់ទងកាលធ្វើការប្រឡងពេលមុនៗ នឹងត្រូវបង្កើនសមត្ថភាពខ្លួនឯងឱ្យខ្លំាង ដល់ពេលនោះនឹងទទួលបានលទ្ធផលល្អ៕តាកែវ

The post មន្ត្រីកសិកម្មវ័យក្មេងអះអាងថានឹងជួយដោះស្រាយបញ្ហាជូនកសិករឱ្យអស់ពីសមត្ថភាព appeared first on .