មរណភាព

ម្ដាយ តារាចម្រៀងឳក សុម៉ារីម៉ា ស្លាប់

កូនចៅឧកញ៉ា — Fri, 24 Jul 2020 04:01:47 +0000

តារាចម្រៀងត្រកូល អោក កំពុងមានទុក្ខជាទម្ងន់ ក្រោយអ្នកម្តាយរបស់ខ្លួនបានលាចាកលោកនេះដោយជំងឺកាលពីយប់មិញ ។ ដោយឡែក អោក សុម៉ារីម៉ា ដែលជាកូនស្រីទី ៣ កំពុងរស់នៅ សហរដ្ឋអាមេរិក បានបង្ហាញនូវអារម្មណ៍សោកស្តាយជាខ្លាំងដែលមកមិនទាន់ដង្ហើមម្តាយជាទីស្រឡាញ់ ។

ប៉ុន្មានម៉ោងមុននេះ ម្តាយរបស់តារាចម្រៀងត្រកូន អោក ទាំង៤ បានលាចាកលោកនេះហើយ ដោយសារតែរោគាពាធ ។ ពេលនេះក្រុមគ្រួសាររបស់ពួកគេកំពុងធ្វើបុណ្យសពជូនម្តាយទៅតាមប្រពៃណី ខ្មែរ ។

បើតាមសាររបស់តារាចម្រៀង អោក សុម៉ារីម៉ា ដែលកំពុងរស់នៅសហរដ្ឋអាមេរិក បានរៀបរាប់ប្រាប់ថា « ម៉ាក់អើយទ្រាំបន្តិចណាម៉ាក់ណា កូននឹងទៅជួបម៉ាក់ហើយ ឆាប់ជាសះស្បើយណាម៉ាក់ណា សូមទេវតាថែរក្សាម៉ាក់ខ្ញុំផង » ។ គ្រាន់តែនិយាយឡាយវិដេអូជាមួយម្តាយមិនបានប៉ុន្មានផង ស្រាប់តែ ម្តាយរបស់នាងបានផុតដង្ហើមទៅហើយ ។
អោក សុម៉ារីម៉់ា មានការសោកស្តាយយ៉ាងខ្លាំងនៅពេលដែលមកមិនទាន់ដង្ហើមម្តាយជាទីស្រឡាញ់ ។

នាងបានត្រឹមតែបង្ហូរទឹកភ្នែកពីចំងាយប៉ុណ្ណោះ ។ អោក សុម៉ារីម៉ា នៅពុំទាន់ប្រាកដថានឹងចុះមកស្រុកកំណើតភ្លាមៗនៅឡើយទេ ដោយសារតែពេលនេះ នាងកំពុងឈឺផងដែរ ណាមួយការចេញចូលក្រៅប្រទេសក្នុងគ្រានេះ លំបាកណាស់ ដោយសារការរឹតត្បិតសុវត្ថិភាពពី កូវីដ១៩។

ក្នុងពេលនេះគេក៏បានឃើញ ក្រុមអ្នករួមរង្វង់សិល្បៈជាច្រើននាក់ ក៏កំពុងចូលរួមរំលែកមរណទុក្ខដ៏ក្រៀមក្រំរបស់ក្រុមគ្រួសារនៃសពផងដែរ៕

The post ម្ដាយ តារាចម្រៀងឳក សុម៉ារីម៉ា ស្លាប់ appeared first on .

ឧកញ៉ា ខូវ ជីលី ទទួលមរណភាពក្នុងជន្មាយុ ៩១ឆ្នាំ

កូនចៅឧកញ៉ា — Wed, 22 Jul 2020 02:31:00 +0000

លោកឧកញ៉ា ខូវ ជីលី ដែលជាឧកញ៉ាល្បីឈ្មោះមួយរូបនៅក្នុងប្រទេសកម្ពុជា បានទទួលមរណភាពនៅព្រឹកថ្ងៃអង្គារ ទី២១ ខែកក្កដា ឆ្នាំ២០២០នេះ ដោយសារជរាពាធ ក្នុងជន្មាយុ ៩១ឆ្នាំ។

សពរបស់លោកឧកញ៉ា ត្រូវបានតម្កល់ធ្វើបុណ្យទក្ខិណានុប្បទានតាមប្រពៃណីព្រះពុទ្ធសាសនា នៅវត្តស្វាយពពែ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ សពរបស់លោក នឹងដង្ហែយកទៅបញ្ចុះនៅភូមិថ្លើក ឃុំពើក ស្រុកអង្គស្នួល ខេត្តកណ្តាល នៅព្រឹកថ្ងៃសៅរ៍ ទី២៥ ខែកក្កដា ឆ្នាំ២០២០។

សូមបញ្ជាក់ថា ឧកញ៉ា ខូវ ជីលី ជាមហាសេដ្ឋី និងជាអ្នកជំនួញដ៏ល្បាញល្បីមួយរូប ហើយបានក្តោបក្តាប់មុខជំនួញ និងក្រុមហ៊ុនជាច្រើននៅកម្ពុជា៕

The post ឧកញ៉ា ខូវ ជីលី ទទួលមរណភាពក្នុងជន្មាយុ ៩១ឆ្នាំ appeared first on .

ឪពុករបស់អ្នកនាង ខាត់ សុឃីម ទទួលមរណភាព

កូនចៅឧកញ៉ា — Tue, 23 Jun 2020 05:44:31 +0000

គ្រូភ្លេងប្រពៃណីខ្មែរប្រចាំគ្រួសារត្រកូលខាត់ និងត្រូវជាឪពុកបង្កើត របស់អ្នកនាង ខាត់ សុឃីម គឺលោក លាវ ខាត់ បានទទួលមរណភាពហើយក្នុងអាយុ ៦៨ឆ្នាំ នៅ វេលាទៀបភ្លឺ ថ្ងៃទី២២ ខែមិថុនា ឆ្នាំ២០២០ នេះ។

លោក លាវ ខាត់ គឺជាសិល្បករជើងចាស់ផ្នែកចម្រៀង និងភ្លេងប្រពៃណីខ្មែរតាំងពីអំឡុងឆ្នាំ១៩៩០។ លោកធ្លាប់មានឈ្មោះបោះសំឡេងខ្លាំងបន្ទាប់ពីលោកបានឡើងបង្ហាញសមត្ថភាពសិល្បៈប្រពៃណីខ្មែររបស់លោកនៅលើកញ្ចក់ទូរទស្សន៍ជាញឹកញាប់ ហើយលោកថែមទាំងបានបណ្ដុះបណ្ដាលកូនៗរបស់លោកទាំង៩នាក់ឲ្យស្គាល់ពីសិល្បៈប្រពៃណីខ្មែរទៀតផងនោះ។

កូនរបស់លោកមួយចំនួនធំ បានបន្តចាប់អាជីពជាជាអ្នកសិល្បនឹងមួយចំនួនទៀត បានចេញទៅរស់នៅក្រៅប្រទេសបន្ទាប់ពីមាន ស្វាមីរបស់នៅក្រៅប្រទេស។

មរណភាពលោកគ្រូ លាវ ខាត់ ដែលជា ឪពុកបង្កើតរបស់អ្នកនាង ខាត់ សុឃីមនេះ បានធ្វើឲ្យមហាជនមានសម្ដែងការសោកស្ដាយ នឹង អាណិតអាសូរជាខ្លាំង។ ក្រុមអ្នកសិល្បៈដែលធ្លាប់មានអនុស្សាវរីយ៍ ជាមួយត្រកូលខាត់ មួយនេះ បានបង្ហោះនៅសារសម្ដែងការសោកស្ដាយ នឹង ចូលរួមចែករំលែកទុក្ខជាច្រើនអ្នក។ ក្នុងនោះដែរ អ្នកខ្លះក៏បានទៅ ចូលបុណ្យសបដោយផ្ទាល់ ផងដែរ។

ឪពុករបស់អ្នកនាង ខាត់ សុឃីម ត្រូវបានគេដឹងថា មានជំងឺលើសឈាមប្រចាំកាយ ហើយកូនៗរបស់ លោកក៏ធ្លាប់យកទៅព្យាបាលនៅមន្ទីរពេទ្យកាល់ម៉ែត្រ ជាច្រើនលើកផងដែរ។ បច្ចុប្បន្នសពលោកគ្រូ ត្រូវបានគ្រួសារធ្វើបុណ្យតាមប្រពៃណីខ្មែរ នៅឯស្រុកកំណើត នាភ្នំប្រសិទ្ធិ ស្រុកពញាឮ ខេត្តកណ្ដាល៕

The post ឪពុករបស់អ្នកនាង ខាត់ សុឃីម ទទួលមរណភាព appeared first on .

ព្រឺសម្បុរគ្រប់គ្នា! សាស្ត្រាចារ្យផ្នែកល្ខោនខោលម្នាក់ ស្លាប់ វិញ្ញាណចូលសណ្ឋិតចាំប្រុសរាំមុខម្ឈូស

កូនចៅឧកញ៉ា — Mon, 25 May 2020 02:07:22 +0000

លោកគ្រូ ទិត្យ សែម សាស្ត្រាចារ្យផ្នែកល្ខោនខោលបានទទួលមរណភាពហើយ កាលថ្ងៃទី២៣ ខែឧសភា ឆ្នាំ ២០២០ នៅថ្ងៃបុណ្យសព្វ វិញ្ញាណរបស់លោកបានចូលសណ្ឋិតចាំប្រុសដែលមិនដែលចេះរាំសោះ ទៅរាំនៅមុខមជ្ឈូស ធ្វើឲ្យម្នាក់ៗដែលចូលរួមពិធីបុណ្យនោះ ព្រឺសម្បុរគ្រប់ៗគ្នា។

https://www.facebook.com/100004641571320/videos/1592118630952841/

មិនមានឯកសារណាមួយ បានលំអិត ពីប្រវត្តិ លោកគ្រូ ទិត្យ សែម នោះទេ ប៉ុន្តែលោកត្រូវបានមហាជនស្គាល់ថា សាស្ត្រាចារ្យផ្នែកល្ខោនខោលជំនាញតួយក្ស និងជាអ្នកដំឡើងរាល់ស្នាដៃរបស់សិស្ស ដែលសិក្សានៅសាលាមធ្យមវិចិត្រសិល្បៈផ្នែកល្ខោនខោលជាង៤០ឆ្នាំមកហើយ។ ជាង៤០ឆ្នាំ នៃជីវិតលើវិថីសិល្បៈនេះ លោក ទិត្យ សែម បានសាងស្នាដៃជាច្រើនធ្វើឲ្យសិស្សានុសិស្សដែលបានសិក្សាជាមួយលោក គោរពស្រលាញ់ជាខ្លាំង។ ក្នុងនោះដែរ ក្រៅពីសម្ដែងក្នុងស្រុក លោកធ្លាប់បានចេញសម្ដែង ជំនាញសិល្បៈរបស់លោកនៅក្រៅប្រទេសជាច្រើនប្រទេស។ លោក បានទទួលមរណភាពកាលថ្ងៃទី២៣ ខែឧសភា ឆ្នាំ ២០២០ដោយរោគាពាធ។

https://www.facebook.com/100004641571320/videos/1592118620952842/

ក្រៅពីការសោកស្ដាយអាឡោះអាល័យ នៅការបាត់បង់ធនធានសិល្បៈ ដ៍សំខាន់មួយនេះ អ្វីដែលធ្វើឲ្យមហាជនមានការចាប់អារម្មណ៍នោះ គឺធ្វើពិធីបុណ្យសពតាមប្រពៃណី ដើម្បីជាកិច្ចជូនដំណើរលោកទៅកាន់ទីឋានដែលសុខសាន្តនោះ ស្រាប់តែមានហេតុការណ៍មួយបានកើតឡើង ដែលធ្វើឲ្យមានការភ្ញាក់ផ្អើលយ៉ាងខ្លាំងនៅក្នុងរោងពិធីបុណ្យ។

បុរសម្នាក់ដែល គេស្គាល់ថា ជាចៅបង្កើតរបស់ លោក បានងើបឡើងរាំ ក្បាច់យក្សនឹងក្បាច់ស្វា ស្របពេលដែលភ្លេងពិណពាទ្យកំពុងតែលេងកំដរ រោង ដោយចៅប្រុសម្នាក់នោះកន្លងមក មិនធ្លាប់ចេះរាំ សូម្បីតែបន្តិច។ ដំណើរនៃការរាំរបស់ចៅប្រុសម្នាក់នោះ អ្នកដែលចូលក្នុងពិធី និយាយថា មានលក្ខណៈដូចនឹងលោកគ្រូ ទិត្យ សែម តែម្ដង ហើយម្នាក់គិតថា វិញ្ញាណរបស់លោកបានចូលសណ្ឋិត ។ ពេលឃើញសកម្មភាពរាំរបស់ ចៅប្រុសម្នាក់នោះ ម្នាក់ៗបានទាញទូសព្ទថត ទាំងព្រឺសម្បុរគ្រប់ៗគ្នា៕

The post ព្រឺសម្បុរគ្រប់គ្នា! សាស្ត្រាចារ្យផ្នែកល្ខោនខោលម្នាក់ ស្លាប់ វិញ្ញាណចូលសណ្ឋិតចាំប្រុសរាំមុខម្ឈូស appeared first on .

អ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី មាតាបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងជាម្តាយ ក្មេករបស់ សម្តេចតេជោហ៊ុន សែន បានទទួលមរណភាពក្នុងព្រះជន្ម៩៦ឆ្នាំ

កូនចៅឧកញ៉ា — Mon, 04 May 2020 03:41:28 +0000

(ភ្នំពេញ)៖ អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ដែលត្រូវជាមាតាបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងជាម្តាយក្មេករបស់សម្តេចតេជោ ហ៊ុន សែន បានទទួលមរណភាព នាថ្ងៃចន្ទ ១៣កើត ខែពិសាខ ឆ្នាំជូត ទោស័ក ព.ស.២៥៦៣ ត្រូវនឹងថ្ងៃទី០៤ ខែឧសភា ឆ្នាំ២០២០ វេលាម៉ោង ២៖១២នាទីទៀបភ្លឺ ដោយជរាពាធ ក្នុងជន្មាយុ៩៦ឆ្នាំ។

តាមសេចក្តីជូនដំណឹង សពរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី តម្កល់ធ្វើបុណ្យតាមប្រពៃណី និងព្រះពុទ្ធសាសនានៅភូមិគ្រឹះសម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ផ្ទះលេខ៤១ ផ្លូវសុរាម្រិត សង្កាត់ចតុមុខ ខណ្ឌដូនពេញ រាជធានីភ្នំពេញ។

សូមជំរាបថា កាលពីថ្ងៃទី៣០ ខែវិច្ឆិកា ឆ្នាំ២០១៩នេះ ព្រះករុណា សម្តេច ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃកម្ពុជា បានចេញព្រះរាជក្រឹត្យ ប្រោសព្រះរាជទានគោរមងារ ជូនមហាឧបាសិកា ប៊ុន ស៊ាងលី ជា «អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី»។

សូមបញ្ជាក់ថា ក្នុងមួយជន្មាយុរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី មាតាបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានបូជា នូវកម្លាំងកាយពល និងបញ្ញាញាណ ក្នុងការចិញ្ចឹមបីបាច់បុត្រធីតារបស់មហាឧបាសិកា ចាប់តាំងពីប្រសូត្រពីផ្ទៃរហូតធំដឹងក្តី មាន កេរ្តិ៍ឈ្មោះបោះសម្លេងក្នុងសង្គម និងក្លាយជាគ្រួសារដែលប្រជាពលរដ្ឋកម្ពុជាទូទៅគោរពស្រឡាញ់ និងជាគ្រួសារមួយដែលតែងតែមានព្រហ្មវិហាធម៌ សណ្តោសប្រោះប្រណី ដល់មនុស្សផងទាំងពួង តាមរយៈកាយវិកាយ និងកិច្ចការមនុស្សធម៌ធ្វើបុណ្យចែកទាន និងកសាងនូវសមិទ្ធផលសង្គមជាច្រើន រាប់មិនអស់ ចាប់តាំងពីទីក្រុងរហូតដល់ទី ជនបទឆ្ងាយដាច់ស្រយាល ដោយមិនប្រកាន់នូវវណ្ណះ ពណ៌សប្បុរ និងនិន្នាការអ្វីទាំងអស់៕

The post អ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី មាតាបង្កើតសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងជាម្តាយ ក្មេករបស់ សម្តេចតេជោហ៊ុន សែន បានទទួលមរណភាពក្នុងព្រះជន្ម៩៦ឆ្នាំ appeared first on .

នាយ ស្មាញត្រូវរថយន្តកិនស្លាប់មុននេះ បន្ទាប់បញ្ចប់ការថតរឿងមួយ…

កូនចៅឧកញ៉ា — Sat, 28 Dec 2019 13:58:03 +0000

តារាកំប្លែងជើងចាស់នាយ ស្មាញ ត្រូវបានរថយន្តធន់ធំដឹកដី កិនស្លាប់នៅត្រង់ចំណុចផ្លូវ៦០ម៉ែត្រ ចំណុចស្តុបរថយន្តម៉ាកសឺដេស កែងផ្លូវ ៣០ម៉ែត្រ កាលពីវេលាម៉ោង ៥ ល្ងាចថ្ងៃទី ២៨ ខែធ្នូ ឆ្នាំ២០១៩ នេះ ខណៈភរិយារបស់លោកបានរងរបួសធ្ងន់យកទៅសង្គ្រោះបន្ទាន់នៅមន្ទីរពេទ្យ។

សាក្សីនៅកន្លែងកើតហេតុបានឱ្យដឹងថា ជនរងគ្រោះបានគាបជាប់ ខាងក្រោមរថយន្តតែម្តង ខណៈអ្នកបើកបរត្រូវបាននាំខ្លួនទៅប៉ុស្តិ៍នគរបាលចាក់អង្រែក្រោម។

មុននាយ ស្មាញស្លាប់១ថ្ងៃ នាយ ត្រូវបានប្រភពមួយ ប្រាប់ឲ្យដឹងថា លោកទើបតែថតបញ្ចប់សាច់រឿង “ក្តាមវង្វេងស្រែ” របស់កម្មវិធី “សំណើចចុងសប្តាហ៍” ជាមួយក្រុមតារាកំប្លែងជាច្រើនរូបផ្សេងទៀត របស់ស្ថានីយទូរទស្សន៍បាយ័ន។

បច្ចុប្បន្នបុណ្យសពនាយស្មាញ នៅឯគេហដ្ឋានទល់មុខវត្តព្រែកហូរ។ បងប្អូនខ្មែរ និងសិល្បករសិល្បការនីទាំងអស់ ដែលអាណិតស្រឡាញ់គាត់ សូមអញ្ជើញទៅគោរពវិញ្ញាណក្ខន្ធនិងចូលបុណ្យតាមសទ្ធាជ្រះថ្លា។សូមទំនាក់ទំនងលេខទូរសព្ទប្រពន្ធរបស់គាត់ 018 545 1819។

The post នាយ ស្មាញត្រូវរថយន្តកិនស្លាប់មុននេះ បន្ទាប់បញ្ចប់ការថតរឿងមួយ… appeared first on .

នាយ សានម៉ៅ ស្លាប់មុននេះ នៅមន្ទីរពេទ្យ១ក្នុងប្រទេសថៃ

កូនចៅឧកញ៉ា — Wed, 02 Oct 2019 14:00:16 +0000

តារាកំប្លែង នាយ សានម៉ៅ បានទទួលមរណភាពហើយកាលពីវេលាម៉ោង៦ល្ងាច ថ្ងៃទី២ តុលា នេះនៅមន្ទីរពេទ្យប្រទេសថៃ ។ នេះបើតាមការបង្ហោះនៅលើគណនីហ្វេសប៊ុករបស់លោក ហេង ឡុង ប្រធានក្រុមប្រឹក្សាភិបាលរបស់សមាគមសិល្បករខ្មែរ។

សពរបស់លោកកំពុងតែត្រូវបានក្រុមគ្រួសារ រៀបចំដឹកយកមកធ្វើបុណ្យនៅគេហដ្ឋានរបស់លោកនៅ ក្នុងខណ្ឌច្បារអំពៅ ខាងត្បូងវត្តព្រែកប្រា។ មុនលោកស្លាប់ តារាកំប្លែងរូបនេះត្រូវបានញាំញីដោយជំងឺលើសឈាម និងទឹកនោមផ្អែម ជាង១០ឆ្នាំមកហើយ៕

The post នាយ សានម៉ៅ ស្លាប់មុននេះ នៅមន្ទីរពេទ្យ១ក្នុងប្រទេសថៃ appeared first on .

មរណភាព

ម្ដាយ តារា​ចម្រៀងឳក សុម៉ារីម៉ា ស្លាប់

ឧកញ៉ា ខូវ ជីលី ទទួលមរណភាពក្នុងជន្មាយុ ៩១ឆ្នាំ

ឪពុក​របស់​អ្នកនាង ខាត់ សុឃីម ទទួលមរណភាព

នាយ ស្មាញ​​ត្រូវ​រថយន្ត​កិន​ស្លាប់​មុន​នេះ បន្ទាប់​​បញ្ចប់​ការ​ថត​រឿង​មួយ​…

នាយ សានម៉ៅ ស្លាប់​មុន​នេះ នៅ​មន្ទីរពេទ្យ​១​ក្នុង​ប្រទេស​ថៃ

ម្ដាយ តារាចម្រៀងឳក សុម៉ារីម៉ា ស្លាប់

ឪពុករបស់អ្នកនាង ខាត់ សុឃីម ទទួលមរណភាព

នាយ ស្មាញត្រូវរថយន្តកិនស្លាប់មុននេះ បន្ទាប់បញ្ចប់ការថតរឿងមួយ…

នាយ សានម៉ៅ ស្លាប់មុននេះ នៅមន្ទីរពេទ្យ១ក្នុងប្រទេសថៃ