មហាសេដ្ឋីតៃវ៉ាន់

មហាសេដ្ឋីម្នាក់អះអាងថា បើខ្លួនក្លាយជាប្រធានាធិបតី ចិនគ្មានថ្ងៃវាយប្រហារតៃវ៉ាន់ឡើយ

ឧកញ៉ាសំពៅ — Thu, 27 Apr 2023 07:00:52 +0000

ស្ថាបនិកក្រុមហ៊ុន Foxconn និងជាមហាសេដ្ឋីតៃវ៉ាន់ Terry Gou បាននិយាយកាលពីថ្ងៃព្រហស្បតិ៍ថា ចិននឹងមិនវាយប្រហារលើដីកោះមួយនេះឡើយ បើសិនជាលោកជាប់ឆ្នោតជាប្រធានាធិបតី។

យោងតាមការចុះផ្សាយពី Kelo បានបង្ហាញថា ភាពតានតឹងរវាងប្រទេសចិន និងតៃវ៉ាន់កាន់តែយ៉ាប់យ៉ឹន ខណៈការបោះឆ្នោតជ្រើសរើសប្រធានាធិបតីតៃវ៉ាន់ខិតកាន់តែកៀក ពោលគឺខែមករាខាងមុខ។

“បើតាមការយល់ឃើញរបស់ខ្ញុំ ពួកគេមិនចង់បានសង្គ្រាមទេ ប៉ុន្តែវានឹងផ្ទុះសង្គ្រាម បើសិនជាចង់បានឯករាជ្យភាព ដ្បិតពួកគេគិតថា តៃវ៉ាន់ជាផ្នែកមួយរបស់ពួកគេ”។ នេះបើតាមសម្ដីមហាសេដ្ឋីម្នាក់នេះបាននិយាយ។

គួររំលឹកដែរថា បុរសដែលមានទ្រព្យសម្បត្តិប្រមាណ ៧,៣ពាន់លានដុល្លារ កំពុងព្យាយាមឈរឈ្មោះជាបេក្ខភាពប្រធានាធិបតី សម្រាប់ការបោះឆ្នោតខាងមុខ តំណាងឲ្យបក្សប្រឆាំង Kuomingtang ហៅកាត់ KMT ដែលកន្លងមកធ្លាប់មានទំនាក់ទំនងស្អិតល្មួតជាមួយចិនដីគោក៕

The post មហាសេដ្ឋីម្នាក់អះអាងថា បើខ្លួនក្លាយជាប្រធានាធិបតី ចិនគ្មានថ្ងៃវាយប្រហារតៃវ៉ាន់ឡើយ appeared first on .

ស្ដេចត្រាញ់តៃវ៉ាន់ដកលុយពីហោប៉ៅ ៣៣ លានដុល្លារ បង្វឹកទ័ពរាប់លាននាក់ ត្រៀមតតាំងជាមួយចិន

ឧកញ៉ាសំពៅ — Thu, 01 Sep 2022 07:36:34 +0000

ទំនាស់រវាងប្រទេសចិន និងកោះតៃវ៉ាន់នៅតែមិនទាន់អាចដោះស្រាយដោយសន្តិវិធីនៅឡើយ ហើយវាកាន់តែក្ដៅគគុក ក្រោយមានវត្តមានរបស់មន្ត្រីជាន់ខ្ពស់អាមេរិក Nancy Pelosi មកធ្វើទស្សនកិច្ចកាលពីពេលកន្លងទៅថែមទៀត។

បើទោះបីជា តំណាងរាស្ត្រសហរដ្ឋអាមេរិកបានចាកចេញពីទីក្រុងតៃប៉ិហើយក្ដី ប៉ុន្តែរដ្ឋាភិបាលកោះតៃវ៉ាន់នៅតែអះអាងថា ចិនកំពុងតែត្រៀមកម្លាំងជុំវិញកោះនៅឡើយ ខណៈកងទ័ពតៃវ៉ាន់ក៏ត្រៀមរួចស្រេចសម្រាប់ការវាយបក បើសិនជាសង្គ្រាមផ្ទុះឡើងពិតមែន។

ទាក់ទងនឹងបញ្ហាមួយនេះ លោក Robert Tsao ជាអ្នកជំនួញជោគជ័យបំផុតមួយរូបនៅតៃវ៉ាន់បានចេញមុខគាំទ្ររដ្ឋាភិបាលរបស់ខ្លួន ដោយបានបរិច្ចាគទឹកប្រាក់ ១ ពាន់លានដុល្លារតៃវ៉ាន់ ឬប្រមាណ ៣៣ ពាន់លានដុល្លារអាមេរិក សម្រាប់ការហ្វឹកហាត់ទ័ព ៣ លាននាក់បន្ថែមដើម្បីការពារការឈ្លានពានពីប្រទេសចិន។ នេះបើតាមការចុះផ្សាយពី France24។

ស្ដេចត្រាញ់ខាងលើបានអះអាងថា លោកនឹងចាយលុយ ៦០០ លានដុល្លារតៃវ៉ាន់ ដើម្បីបង្វឹកទ័ព ៣ លាននាក់ដែលលោកដាក់ឈ្មោះថា “កងកម្លាំងខ្លាឃ្មុំខ្មៅ” ក្នុងរយៈពេល ៣ ឆ្នាំ ដើម្បីអាចធ្វើការរួមគ្នាជាមួយកងយោធា ខណៈទឹកប្រាក់ ៤០០ លានទៀតនឹងចាយលើការហ្វឹកហ្វឺនខ្មាន់កាំភ្លើង ៣ សែននាក់៕

The post ស្ដេចត្រាញ់តៃវ៉ាន់ដកលុយពីហោប៉ៅ ៣៣ លានដុល្លារ បង្វឹកទ័ពរាប់លាននាក់ ត្រៀមតតាំងជាមួយចិន appeared first on .

រហ័សនាមខ្លាសេដ្ឋកិច្ចទាំង ៤ នៅអាស៊ី កោះតៃវ៉ាន់សំបូរមហាសេដ្ឋីប្រាក់ពាន់លានដុល្លារមិនខ្វះ

ឧកញ៉ាសំពៅ — Sun, 29 Aug 2021 00:18:00 +0000

កោះតៃវ៉ាន់ស្ថិតនៅអាស៊ីខាងកើត ជាប់ព្រំប្រទល់ប្រទេសចិន ជប៉ុន និងហ្វីលីពីន។ កោះតៃវ៉ាន់ ត្រូវបានអ្នកទេសចរណ៍ឲ្យរហស្សនាមថា ជាឋានសួគ៌សម្រាប់អ្នកចូលចិត្តញាំអាហារតាមចិញ្ចើមផ្លូវ (Street Food) ដ្បិតនៅទីនោះ អាហារ Street Food គឺមានរាប់រយមុខឯណោះ។

ក្រៅពីល្បីរឿង Street Food កោះតូចមួយនេះ ក៏មានរហ័សនាមជាខ្លាសេដ្ឋកិច្ចទាំង ៤ នៅតំបន់អាស៊ី ដូច្នេះវាមិនមែនជារឿងចម្លែកឡើយដែលកោះតៃវ៉ាន់សំបូរមហាសេដ្ឋីនោះ។

តទៅនេះគឺជាបញ្ជីឈ្មោះមហាសេដ្ឋីតៃវ៉ាន់មានបំផុតប្រចាំប្រទេសទាំង ៩ រូប៖

1/ Zhang Congyuna និងគ្រួសារ

លោក Zhang Congyuan ជាស្ថាបនិកក្រុមហ៊ុន Huali Industrial ដែលជារោងចក្រផលិតស្បែកជើង មានសាខាជាច្រើនកន្លែងតាំងនៅប្រទេសចិន វៀតណាម និងប្រទេសដូមីនីកាជាដើម។

ក្រុមហ៊ុនរបស់លោក Zhang ចែកចាយស្បែកជើងច្រើនម៉ាករួមមាន Nike, Puma, UGG និង Vans ជាដើម។ បច្ចុប្បន្ន ទ្រព្យសម្បត្តិរបស់លោកគឺមានប្រមាណ ១៣,៨ ពាន់លានដុល្លារ។

2/ បងប្អូន Tsai Hong-tu និង Cheng-ta

បងប្អូន Tsai Hong-tu និង Cheng-ta រួមជាមួយ Cheng-Chiu កំពុងក្ដោបក្ដាប់ក្រុមហ៊ុន Cathay Financial Holding ដែលជាក្រុមហ៊ុនផ្ដល់សេវាកម្មផ្នែកហិរញ្ញវត្ថុ។ ក្រៅពីនេះ គ្រួសារមួយនេះក៏កំពុងគ្រប់គ្រង Cathay Real Estate ដែលមានវិសាលភាពខ្លាំងផ្នែកសណ្ឋាគារថែមទៀត។

បច្ចុប្បន្ន ទ្រព្យសម្បត្តិរបស់អ្នកទាំង ២ គឺមានប្រមាណ ៩,២ ពាន់លានដុល្លារ។

3/ បងប្អូន Daniel និងRichard Tsai

Fubon Financial ដែលជាស្ថាប័នមានហិរញ្ញវត្ថុធំបំផុតមួយនៅតៃវ៉ាន់ និងមានមូលធនទីផ្សារច្រើនជាង ២០ ពាន់លានដុល្លារកំពុងស្ថិតក្រោមការគ្រប់គ្រងរបស់បងប្អូន Daniel និងRichard Tsai។ ដោយឡែកទ្រព្យសម្បត្តិផ្ទាល់ខ្លួនរបស់អ្នកទាំង ២ គឺប្រមាណ ៧,៩ ពាន់លានដុល្លារ។

4/ បងប្អូនត្រកូល Wei

បងប្អូន ៤ នាក់ Wei Ing-Chou, Ying-Chiao, Yin-Chun និង Yin-Heng កំពុងគ្រប់គ្រងក្រុមហ៊ុន Tingyi ដែលជារោងចក្រផលិតភេសជ្ជៈ និងគុយទាវធំបំផុតមួយនៅប្រទេសចិន។ ដ្បិតមានងារកាន់កាប់រោងចក្រតែមួយ តែបងប្អូនទាំង ៤ រូបសុទ្ធតែមានជំនួញផ្សេងៗក្នុងដៃ តួយ៉ាងដូចជា Ing-chun ធ្វើការផ្នែកចំណីអាហារ Ying-chiao ខាងគមនាគមន៍ និងអចលនទ្រព្យ Yin-chun ផ្នែកប្រេង និងទឹកដោះគោ ខណៈ Yin-heng ខាងអាហារដ្ឋាន និងផ្សារទំនើប។ បងប្អូនទាំង ៤ រូបនេះមានទ្រព្យសម្បត្តិប្រមាណ ៧,៨ ពាន់លានដុល្លារ ខណៈកាលពី ឆ្នាំ២០១៨ Yin-chun ត្រូវបានកាត់ទោសឲ្យជាប់ពន្ធនាគាររយៈពេល ៥ឆ្នាំ ៩ខែ ពីបទបំពានច្បាប់សុវត្ថិភាពចំណីអាហារ និងបំពានសេចក្ដីទុកចិត្តអតិថិជន។

5/ Jason និង Richard Chang

ក្រុមហ៊ុន ASE ដែលជាក្រុមហ៊ុនធំបំផុតលើលោកផ្នែកវេចខ្ចប់ឧបករណ៍អេឡិចត្រូនិក បច្ចុប្បន្នកំពុងគ្រប់គ្រងដោយបងប្អូន Chang ដោយមាន Jason ជាប្រធាន និង Richard ជាអនុប្រធាន។ អ្នកទាំង ២ មានដើមកំណើតនៅទីក្រុងសៀងហៃ តែបានភៀសខ្លួនមកកោះតៃវ៉ាន់ក្រោយបដិវដ្តឆ្នាំ ១៩៤៩។ គិតមកទល់ពេលនេះ ទំហំទ្រព្យសម្បត្តិរបស់បងប្អូនទាំង ២ គឺប្រមាណ ៧,២ ពាន់លានដុល្លារ

6/ Terry Gou

លោក Terry Gou ជាស្ថាបនិកក្រុមហ៊ុន Hon Hai Precision ដែលជារោងចក្រផលិតគ្រឿងបង្គុំអេឡិចត្រូនិកធំបំផុតលើលោក ដែលមានអតិថិជនធំៗដូចជា Apple ជាដើម។ កាលពីឆ្នាំ ២០១៦ ពួកគេបានទិញក្រុមហ៊ុនជប៉ុន Sharp និង Nokia ហើយក្នុងឆ្នាំ ២០១៩ Terry បានប្រកាសចុះចេញពីតំណែងជាប្រមុខក្រុមហ៊ុន បន្ទាប់ពីកាន់តំណែងនេះអស់រយៈពេល ៤៥ ឆ្នាំ។ បច្ចុប្បន្ន បុរសវ័យ ៧០ ឆ្នាំមានទ្រព្យសម្បត្តិប្រមាណ ៧,១ ពាន់លានដុល្លារ។

7/ Tsai Eng-meng

លោក Tsai ជាគណៈគ្រប់គ្រងក្រុមហ៊ុន Want Want China ដែលជាក្រុមហ៊ុនផ្គត់ផ្គង់ធំបំផុតមួយលើលោកផ្នែកអាហារសម្រន់ និងភេសជ្ជៈបែបចិន។ ក្រៅពីនោះ លោកក៏ជាវិនិយោគិនមួយរូបផងដែរ ដោយបានវិនិយោគលើវិស័យសណ្ឋាគារ សេវាកម្មហិរញ្ញវត្ថុ និងបណ្ដាញសារព័ត៌មានរួមមាន China Times និង China Television Co ជាដើម។ គិតមកទល់ពេលនេះ លោក Tsai មានទ្រព្យសម្បត្តិសរុបប្រមាណ ៦,១ ពាន់លានដុល្លារ។

8/ Barry Lam

លោក Barry Lam បច្ចុប្បន្នមានទ្រព្យសម្បត្តិប្រមាណ ៥,៨ ពាន់លានដុល្លារ ខណៈលោកក៏ជាប្រធានក្រុមហ៊ុន Quanta Computer ដែលជារោងចក្រផលិតកុំព្យូទ័រ និងគ្រឿងអេឡិចត្រូនិកធំបំផុតមួយក្នុងលោកផងដែរ ហើយ Quanta ក៏ជាអ្នកផលិតនាឡិកាឆ្លាតវៃ Apple ថែមទៀត។

9/ Pierre Chen

លោក Chen គឺជាប្រធានក្រុមហ៊ុន Yageo ដែលជារោងចក្រផលិតគ្រឿងបង្គំរាប់តាំងពីទូរស័ព្ទដល់ឡាន ដែលចាប់ផ្ដើមតំបូងក្នុងឆ្នាំ ១៩៧៧ និងប្រកាសជាសាធារណៈ ១៦ ឆ្នាំបន្ទាប់ពោលគឺ ១៩៩៣។ បច្ចុប្បន្ន ទ្រព្យសម្បត្តិរបស់លោក Chen មានប្រមាណ ៥ ពាន់លានដុល្លារ៕

ប្រភព: Forbes

The post រហ័សនាមខ្លាសេដ្ឋកិច្ចទាំង ៤ នៅអាស៊ី កោះតៃវ៉ាន់សំបូរមហាសេដ្ឋីប្រាក់ពាន់លានដុល្លារមិនខ្វះ appeared first on .

មហាសេដ្ឋីតៃវ៉ាន់

មហាសេដ្ឋីម្នាក់អះអាងថា បើខ្លួនក្លាយជាប្រធានាធិបតី ចិនគ្មានថ្ងៃវាយប្រហារតៃវ៉ាន់ឡើយ

ស្ដេចត្រាញ់តៃវ៉ាន់ដកលុយពីហោប៉ៅ ៣៣ លានដុល្លារ បង្វឹកទ័ពរាប់លាននាក់ ត្រៀមតតាំងជាមួយចិន

រហ័សនាម​​ខ្លា​សេដ្ឋកិច្ច​ទាំង ៤ នៅ​អាស៊ី កោះតៃវ៉ាន់សំបូរ​​មហាសេដ្ឋី​ប្រាក់​ពាន់​លាន​ដុល្លារមិន​ខ្វះ

រហ័សនាមខ្លាសេដ្ឋកិច្ចទាំង ៤ នៅអាស៊ី កោះតៃវ៉ាន់សំបូរមហាសេដ្ឋីប្រាក់ពាន់លានដុល្លារមិនខ្វះ