អាមេរិកប្ដឹងមហាសេដ្ឋីស្វីស ក្រោយបរិច្ចាគប្រាក់រាប់លានក្នុងជួររដ្ឋាភិបាល

ឧកញ៉ាសំពៅ — Wed, 18 May 2022 11:27:21 +0000

រយៈពេលប៉ុន្មានឆ្នាំចុងក្រោយនេះ មហាសេដ្ឋីស្វីស Hansjorg Wyss បានក្លាយជាបុគ្គលសំខាន់មួយរូប ជាពិសេសសម្រាប់គណបក្សប្រជាធិបតេយ្យតែម្ដង ដោយសារលោកជាសប្បុរសជនចិត្តទូលាយ បរិច្ចាគលុយម្ដងរាប់លានដុល្លារ។

យ៉ាងណាការធ្វើសប្បុរសធម៌របស់មហាសេដ្ឋីខាងលើ បានក្លាយជាការនាំទុក្ខទោសដាក់ខ្លួនទៅវិញ ពោលរដ្ឋាភិបាលអាមេរិកបានចោទប្រកាន់បុរសរូបនេះថា បានល្មើសច្បាប់សហរដ្ឋអាមេរិក ដោយបរិច្ចាគប្រាក់ទៅលើវិស័យនយោបាយ ទាំងលោកជាជនបរទេសសោះ។

យោងតាមច្បាប់សហរដ្ឋអាមេរិកបានចែងថា រាល់ជនបរទេសទាំងឡាយដែលមិនទាន់មានសញ្ជាតិអាមេរិក គឺមិនអាចធ្វើការបរិច្ចាគទៅកាន់បេក្ខភាពនៅក្នុងជួររដ្ឋាភិបាលដោយផ្ទាល់បានឡើយ ប៉ុន្តែអាចមានសិទ្ធិចូលរួមសម្រាប់ក្រុមតស៊ូមតិក្នុងគោលនយោបាយសាធារណៈ។

ស្របពេលអាមេរិកយល់ឃើញថា ការបរិច្ចាគប្រាក់ទាំងលានៗរបស់មហាសេដ្ឋីខាងលើចាត់ទុកជាទង្វើលាងលុយ ប៉ុន្តែអ្នកនាំពាក្យរបស់លោក Wyss បាននិយាយម្ដងហើយម្ដងទៀតថា ការបរិច្ចាគរបស់លោកអាចប្រព្រឹត្តទៅបាន ដោយសារលោកជឿលើការយល់ឃើញផ្ទាល់ខ្លួន មិនមែនជាការបង្ហាញការគាំទ្រដល់បេក្ខភាពរូបណាម្នាក់ឡើយ។

បញ្ជាក់ដែរថា ថ្វីបើមានឈ្មោះជាអ្នកបរិច្ចាគធំបំផុតមួយនៅអាមេរិកក៏ពិតមែន ប៉ុន្តែមកទល់នឹងពេលនេះមហាសេដ្ឋីមានប្រាក់ ៥,១ ពាន់លានដុល្លារនៅមិនទាន់ទទួលបានសញ្ជាតិអាមេរិកកាំងនៅឡើយ បើទោះជាបានមករស់នៅប្រទេសលោកខាងលិចអស់រយៈពេលជាយូរហើយក្ដី៕

ប្រភព: Dailymail

The post អាមេរិកប្ដឹងមហាសេដ្ឋីស្វីស ក្រោយបរិច្ចាគប្រាក់រាប់លានក្នុងជួររដ្ឋាភិបាល appeared first on .

មហាសេដ្ឋីរុស្ស៊ីបង្ហើបចង់លក់ក្លឹប Chelsea ទៅឲ្យមហាសេដ្ឋីស្វីស

ឧកញ៉ាសំពៅ — Wed, 02 Mar 2022 08:05:57 +0000

កាលពីពេលកន្លងទៅ Roman Abramovich គឺបានប្រកាសផ្ដល់សិទ្ធិគ្រប់គ្រង និងមើលការខុសត្រូវដោយផ្ទាល់ចំពោះក្រុមបាល់ទាត់ Chelsea ទៅកាន់មូលនិធិនៃក្រុម បន្ទាប់ពីមានដំណឹងថា រដ្ឋាភិបាលអង់គ្លេសមានបំណងចង់ដកហូតសិទ្ធិកាន់កាប់ទ្រព្យសម្បត្តិរបស់លោក។

ជាមួយគ្នានោះ ក៏ស្រាប់តែលឺល្ហៀងៗមកថា ម្ចាស់ក្លឹបតោខៀវក៏ធ្លាប់បានដាក់សំណើលក់ក្លឹបមួយនេះទៅឲ្យមហាសេដ្ឋីម្នាក់ដែលមានឈ្មោះថា Hansjorg Wyss គឺជាមហាសេដ្ឋីជនជាតិស្វីស។

បើយោងតាមការទម្លាយឲ្យដឹងពីលោក Wyss ទៅកាន់សារព័ត៌មាន Blick បានឲ្យដឹងថា៖ “Abramovich គឺជាមនុស្សម្នាក់ដែលមានទំនាក់ទំនងយ៉ាងស្អិតល្មួតជាមួយនឹងប្រធានាធិបតី Putin ហើយបច្ចុប្បន្នគាត់កំពុងស្ថិតនៅក្នុងវិបត្តិដ៏តឹងតែងមួយ”។

“Abramovich កំពុងចង់លក់នូវរាល់ភូមិគ្រឹះរបស់លោកទាំងអស់នៅអង់គ្លេស និងចង់វៃចេញ Chelsea ឲ្យបានលឿនបំផុត។ ខ្ញុំនិងមនុស្ស ៣ នាក់ផ្សេងទៀតបានទទួលសំណើពីការចង់លក់ក្លឹបបាល់ទាត់មួយនេះពី Abramovich កាលពីថ្ងៃអង្គារ”។

“ខ្ញុំត្រូវការពេល ៤-៥ថ្ងៃដើម្បីធ្វើការសម្រេចចិត្ត ដ្បិត Abramovich គឺបានដាក់តម្លៃខ្ពស់ពេក ស្របពេល Chelsea គឺជំពាក់គាត់ ២ ពាន់លានផោន ហើយពេលនេះក្លឹបគ្មានលុយឡើយ ដូច្នេះបើសិនជាទិញ Chelsea នោះ ក៏ត្រូវសងបំណុលទៅគាត់ដូចគ្នា”។

បញ្ជាក់ដែរថា មហាសេដ្ឋីដែលមានទំហំទឹកប្រាក់ប្រមាណ ៥ ពាន់លានដុល្លារ ក៏បានបង្ហើបដែរថា លោកនឹងមិនទិញ Chelsea ដោយផ្ទាល់ឡើយ ដ្បិតការចំណាយច្រើន ហើយបើសិនជាមានវិនិយោគិន ៦-៧ នាក់ចូលហ៊ុន នោះលទ្ធភាពនៃការក្លាយជាម្ចាស់ក្លឹបថ្មីនឹងអាចកើតមានបាន៕

ប្រភព: GOAL

The post មហាសេដ្ឋីរុស្ស៊ីបង្ហើបចង់លក់ក្លឹប Chelsea ទៅឲ្យមហាសេដ្ឋីស្វីស appeared first on .

មហាសេដ្ឋីស្វីស

អាមេរិក​ប្ដឹង​មហាសេដ្ឋី​ស្វីស ​ក្រោយ​បរិច្ចាគ​ប្រាក់​រាប់​លាន​ក្នុង​ជួរ​រដ្ឋាភិបាល

មហាសេដ្ឋី​រុស្ស៊ី​បង្ហើប​ចង់​លក់​ក្លឹប Chelsea ទៅ​ឲ្យ​មហាសេដ្ឋី​ស្វីស​

អាមេរិកប្ដឹងមហាសេដ្ឋីស្វីស ក្រោយបរិច្ចាគប្រាក់រាប់លានក្នុងជួររដ្ឋាភិបាល

មហាសេដ្ឋីរុស្ស៊ីបង្ហើបចង់លក់ក្លឹប Chelsea ទៅឲ្យមហាសេដ្ឋីស្វីស