Elon Musk ប្រហោងពោះធ្លុង ក្រោយរបូតតំណែងមហាសេដ្ឋីមានបំផុតដាច់គេកន្លះថ្ងៃ

ឧកញ៉ាសំពៅ — Thu, 08 Dec 2022 08:54:00 +0000

កាលពីថ្ងៃពុធកន្លងទៅ មហាសេដ្ឋីអាមេរិក Elon Musk បានរបូតតំណែងជាអ្នកមានដាច់គេលើលោកប្រហែលកន្លះថ្ងៃ បន្ទាប់ពីតម្លៃហ៊ុនរបស់ Tesla មានការប្រែប្រួល ធ្វើឲ្យទ្រព្យសម្បត្តិរបស់លោកមានតិចជាងមហាសេដ្ឋីបារាំង Bernard Arnault។ នេះបើតាមការចុះផ្សាយពី National។

យ៉ាងណា នៅក្នុងថ្ងៃដដែលនោះទិន្នន័យទ្រព្យសម្បត្តិរបស់មេធំ Tesla មានការផ្លាស់ប្ដូរឡើងវិញ ដោយលោកនៅតែទទួលបានតំណែងជាមហាសេដ្ឋីមានបំផុតលើលោកដដែល ជាមួយនឹងទ្រព្យសម្បត្តិ ១៨៤,៩ ពាន់លានដុល្លារ ខណៈអ្នកមានដាច់គេនៅអឺរ៉ុបមាន ១៨៤,៧ ពាន់លានដុល្លារ។

នេះមិនមែនជាលើកទី ១ ទេដែលមេធំ LVMH បានឈានមកដល់ចំណុចកំពូលនៃបញ្ជីមហាសេដ្ឋីមានបំផុតលើលោក ពោលកាលពីឆ្នាំ ២០២១ លោកក៏ធ្លាប់ទទួលបានតំណែងនេះម្ដងដែរ ប៉ុន្តែបានតែប៉ុន្មានម៉ោងប៉ុណ្ណោះ។

សូមជម្រាបដែរថា មួយរយៈកាលចុងក្រោយនេះ Elon Musk និង Bernard Arnault គឺកំពុងប្រកៀកប្រកិតគ្នាខ្លាំង ក្នុងការដណ្ដើមតំណែងជាស្ដេចត្រាញ់កំពូលលើលោក ដ្បិតទ្រព្យសម្បត្តិរបស់អ្នកទាំង ២ មានគម្លាតមិនឆ្ងាយពីគ្នាប៉ុន្មានឡើយ៕

The post Elon Musk ប្រហោងពោះធ្លុង ក្រោយរបូតតំណែងមហាសេដ្ឋីមានបំផុតដាច់គេកន្លះថ្ងៃ appeared first on .

ណែនាំឲ្យស្គាល់មហាសេដ្ឋីមានបំផុតនៅតំបន់អឺរ៉ុប ទាំង ១០ រូប

ឧកញ៉ាសំពៅ — Sat, 19 Mar 2022 04:54:00 +0000

និយាយពីមហាសេដ្ឋីមានបំផុតលើលោក គ្រប់គ្នាប្រាកដជានឹកឃើញដល់ Elon Musk ដែលមានទ្រព្យសម្បត្តិប្រមាណជាង ២០០ ពាន់លានដុល្លារ ដែលលោកថែមទាំងជាមហាសេដ្ឋីមានបំផុតនៅសហរដ្ឋអាមេរិកផងដែរ។

ហើយបើនិយាយពីមហាសេដ្ឋីមានបំផុតនៅអាស៊ី គឺលោក Mukesh Ambani ដែលទើបនឹងទទួលបានងារជាស្ដេចត្រាញ់មានដាច់គេនៅអាស៊ីម្ដងទៀតជាមួយទំហំទ្រព្យសម្បត្តិ ១០៣ ពាន់លានដុល្លារ ក្រោយប្រកួតជាមួយមហាសេដ្ឋីរួមសញ្ជាតិ Gautam Adani អស់រយៈពេលជាច្រើនសប្ដាហ៍។

ចុះបើនិយាយដល់តំបន់អឺរ៉ុបវិញ តើអ្នកដឹងថា បុគ្គលរូបណាទើបជាមហាសេដ្ឋីមានបំផុតប្រចាំតំបន់អឺរ៉ុបដែលមានឥទ្ធិពលសេដ្ឋកិច្ចដ៏ខ្លាំងលើលោកមួយនេះ? ចម្លើយគឺ ប្រធានក្រុមហ៊ុន LVMH លោក Bernard Arnault គឺជាអ្នកមានបំផុតនៅអឺរ៉ុប ជាមួយទំហំទ្រព្យសម្បត្តិប្រមាណ ១៤៦ ពាន់លានដុល្លារ។

បើសិនចង់ដឹងថា ក្រៅពីមហាសេដ្ឋីបារាំង តើអ្នកមានបំផុត ៩ រូបផ្សេងទៀតជាអ្នកណា? សូមក្រឡេកទៅមើលបញ្ជីឈ្មោះនៅខាងក្រោមដូចតទៅ៖

Bernard Arnault ប្រទេសបារាំង ជាប្រធានក្រុមហ៊ុន LVMH មានទ្រព្យសម្បត្តិប្រមាណ ១៤៦ ពាន់លានដុល្លារ
Francoise Bettencourt Meyers ប្រទេសបារាំង ជាប្រធានក្រុមហ៊ុន L’Oreal មានទ្រព្យសម្បត្តិប្រមាណ ៧៩,៦ ពាន់លានដុល្លារ
Amancio Ortega ប្រទេសអេស្ប៉ាញ ជាស្ថាបនិកក្រុមហ៊ុន Inditex មានទ្រព្យសម្បត្តិប្រមាណ ៤៩,៦ ពាន់លានដុល្លារ
Klaus-Michael Kuehne ប្រទេសអាល្លឺម៉ង់ ជាប្រធានកិត្តិយសក្រុមហ៊ុន Kuehne + Nagel មានទ្រព្យសម្បត្តិប្រមាណ ៤៣,៨ ពាន់លានដុល្លារ
François Pinault ប្រទេសបារាំង ជាប្រធានក្រុមហ៊ុន Keringមានទ្រព្យសម្បត្តិប្រមាណ ៤៣,៧ ពាន់លានដុល្លារ
Giovanni Ferrero ប្រទេសអ៊ីតាលី ជាប្រធានក្រុមហ៊ុន Ferrero Rocher មានទ្រព្យសម្បត្តិប្រមាណ ៣៥,១ ពាន់លានដុល្លារ
Pallonji Mistry ប្រទេសអៀរឡង់ ជាម្ចាស់ក្រុមហ៊ុន Shapoorji Pallonji Group មានទ្រព្យសម្បត្តិប្រមាណ ៣៣,១ ពាន់លានដុល្លារ
Leonardo Del Vecchio ប្រទេសអ៊ីតាលី ជាម្ចាស់ភាគហ៊ុនធំបំផុតមួយនៅក្រុមហ៊ុន EssilorLuxottica មានទ្រព្យសម្បត្តិ ២៩,៧ ពាន់លានដុល្លារ
Dieter Schwarz ប្រទេសអាល្លឺម៉ង់ ជាម្ចាស់ក្រុមហ៊ុន Schwarz-Gruppe ដែលជាក្រុមហ៊ុនលក់រាយធំបំផុតមួយនៅអឺរ៉ុប មានទ្រព្យសម្បត្តិ ២៨,១ ពាន់លានដុល្លារ
Alain Wertheimer ប្រទេសបារាំង ជាស្ថាបនិកក្រុមហ៊ុនដ៏ល្បីលើពិភពលោក Chanel មានទ្រព្យសម្បត្តិ ២៥,៧ ពាន់លានដុល្លារ៕

ប្រភព: Ceoworld

The post ណែនាំឲ្យស្គាល់មហាសេដ្ឋីមានបំផុតនៅតំបន់អឺរ៉ុប ទាំង ១០ រូប appeared first on .

មហាសេដ្ឋីអឺរ៉ុប

Elon Musk ប្រហោងពោះធ្លុង ក្រោយរបូតតំណែងមហាសេដ្ឋីមានបំផុតដាច់គេកន្លះថ្ងៃ

ណែនាំ​ឲ្យ​ស្គាល់​មហាសេដ្ឋី​មាន​បំផុត​នៅ​តំបន់​អឺរ៉ុប ទាំង ១០ រូប

ណែនាំឲ្យស្គាល់មហាសេដ្ឋីមានបំផុតនៅតំបន់អឺរ៉ុប ទាំង ១០ រូប