មហាសេដ្ឋីអេហ្ស៊ីប

កំពូលអ្នកមាននៅអេហ្ស៊ីប ប្រើពេល ៩ខែ កើបលុយជាង ៩០០លានដុល្លារ

ឧកញ៉ាសំពៅ — Wed, 18 Sep 2024 08:01:00 +0000

មហាសេដ្ឋីមានបំផុតនៅអេហ្ស៊ីប លោក Nassef Sawiris មានកំណើនទ្រព្យសម្បត្តិយ៉ាងច្រើន រយៈពេល ៩ខែមកនេះ ដោយបានកើនឡើងប្រហែល ៩១២លានដុល្លារ។ នេះបើតាមការចុះផ្សាយពីសារព័ត៌មាន Nairametrics។

កត្តាសំខាន់ដែលធ្វើឲ្យទ្រព្យសម្បត្តិរបស់មហាសេដ្ឋីរូបនេះ កើនឡើងជាលំដាប់ គឺដោយសារតម្លៃភាគហ៊ុនក្រុមហ៊ុន OCI Group របស់លោក មានកំណើនប្រហែល ៨% ខណៈក្រុមហ៊ុននេះមានតម្លៃមូលធនទីផ្សារជាង ៦ពាន់លានដុល្លារ។

ក្រោមការដឹកនាំរបស់លោក Nassef ក្រុមហ៊ុន OCI ឆ្លងកាត់ការកែប្រែជាច្រើន ជាពិសេសគឺធ្វើកំណែទម្រង់ ផ្ដោតសំខាន់លើការអភិវឌ្ឍន៍យុត្តិសាស្ត្រ និងភាពបត់បែនលឿន ស្របពេលក្រុមហ៊ុន OCI គឺជាក្រុមហ៊ុនធំបំផុតនៅអេហ្ស៊ីប រកស៊ីលើវិស័យគីមី និងជីកសិកម្ម។

សូមជម្រាបដែរថា លោក Nassef Sawiris គឺជាមហាសេដ្ឋីមានបំផុតនៅអេហ្ស៊ីប ជាមួយទ្រព្យសម្បត្តិប្រមាណ ៩,៤ពាន់លានដុល្លារ៕

The post កំពូលអ្នកមាននៅអេហ្ស៊ីប ប្រើពេល ៩ខែ កើបលុយជាង ៩០០លានដុល្លារ appeared first on .

តម្លៃហ៊ុន Adidas ធ្លាក់ចុះ ៦% ធ្វើឲ្យមហាសេដ្ឋីមានបំផុតនៅអេហ្ស៊ីប របូតប្រាក់អស់ ២៣០ លានដុល្លារ

ឧកញ៉ាសំពៅ — Fri, 04 Feb 2022 01:48:36 +0000

ក្នុងរយៈពេលត្រឹម ២ សប្ដាហ៍ មហាសេដ្ឋីអេហ្ស៊ីប Nassef Sawiris ខាតបង់ទ្រព្យសម្បត្តិអស់ប្រមាណ ២៣០ លានដុល្លារ ដោយសារតម្លៃភាគហ៊ុននៃក្រុមហ៊ុនផលិតសម្ភារៈកីឡាអាល្លឺម៉ង់ Adidas បានធ្លាក់ចុះ ៦% ពី ២៩១,៣ ដុល្លារ មកនៅ ២៧២,២ ដុល្លារ។

បើយោងតាមការចុះផ្សាយពី Bloomberg Billionaire Index ទឹកប្រាក់ដែលនៅសេសសល់ប្រមាណ ៦,៤ ពាន់លានដុល្លាររបស់អ្នកជំនួញរូបនេះ គឺនៅតែអាចជួយទប់តំណែងអ្នកមានបំផុតរបស់លោកនៅអេហ្ស៊ីប និងអ្នកមានទី ៨ នៅទ្វីបអាហ្វ្រិក។

តែបើក្រឡេកទៅមើលពីភាពខុសគ្នារវាងអ្នកមានបំផុតនៅអាហ្វ្រិក និងសេដ្ឋីមានដាច់គេនៅអេហ្សីបរូបនេះ គឺមានភាពខុសគ្នាឆ្ងាយ ពោលគឺអ្នកមានដាច់គេនៅអាហ្វ្រិកលោក Aliko Dangote នាំមុខលោក Sawiris ដល់ទៅជិត ១៤ ពាន់លានដុល្លារ ដោយសារទ្រព្យសម្បត្តិរបស់ Dangote មានជិត ២០ ពាន់លានដុល្លារ។

ក្រៅពីភាគហ៊ុននៅក្នុង Adidas សេដ្ឋីអេហ្សីបលោក Sawiris បច្ចុប្បន្នកាន់កាប់ ៣០% របស់ក្រុមហ៊ុន OCI ដែលជាអ្នកផលិតជីដែលមានមូលដ្ឋាននៅ Geleen ប្រទេសហូឡង់។ ទ្រព្យសម្បត្តិផ្សេងទៀតរបស់សេដ្ឋីរូបនេះរួមមាន ៦% នៃក្រុមហ៊ុនសម្លៀកបំពាក់កីឡារបស់ Adidas និងភាគហ៊ុននៅក្នុង LafargeHolcim ដែលជាក្រុមហ៊ុនផលិតស៊ីម៉ងត៍ដ៏ធំបំផុតរបស់ពិភពលោក៕

ប្រភព: businessinsider

The post តម្លៃហ៊ុន Adidas ធ្លាក់ចុះ ៦% ធ្វើឲ្យមហាសេដ្ឋីមានបំផុតនៅអេហ្ស៊ីប របូតប្រាក់អស់ ២៣០ លានដុល្លារ appeared first on .

កាន់កាប់តំណែងជាង ៣០ ឆ្នាំ មហាសេដ្ឋីអេហ្ស៊ីបប្រកាសចាកចេញ ប្រគល់ការងារឲ្យកូនស្នងបន្ត

ឧកញ៉ាសំពៅ — Fri, 17 Dec 2021 07:42:11 +0000

មហាសេដ្ឋីអេហ្ស៊ីបដែលមានជំនួញខ្នាតយក្សផ្នែកសាងសង់ លោក Samih Sawiris នឹងប្រកាសចុះចេញពីតំណែងជាប្រធានក្រុមហ៊ុន Orascom Development Holding ដោយប្រគល់ភារកិច្ចមួយនេះទៅកាន់កូនប្រុសរបស់លោកវិញ។ នេះបើតាមការអះអាងពីក្រុមហ៊ុនបាននិយាយកាលពីថ្ងៃអង្គារ។

ប្រភពដដែលបន្ថែមថា Sawiris នឹងមិនឈរឈ្មោះជាបេក្ខភាពទៀតឡើយនៅពេលមានការប្រជុំប្រចាំឆ្នាំសម្រាប់ការជ្រើសរើសតំណែងមួយនេះនៅខែឧសភាឆ្នាំក្រោយ។

នេះមានន័យថា ស្ដេចត្រាញ់ផ្នែកសំណង់រូបនេះនឹងចុះចេញពីកៅអីជាក្បាលម៉ាស៊ីនក្រុមហ៊ុន បន្ទាប់ពីក្ដោបក្ដាប់តំណែងមួយនេះអស់រយៈពេលជាង ៣០ ឆ្នាំ តែលោកក៏នឹងនៅតែបន្តជាអ្នកផ្ដល់ប្រឹក្សាសម្រាប់គម្រោងការណ៍សំខាន់ៗដដែល។

ដោយឡែក ក្រុមប្រឹក្សាភិបាលរបស់ក្រុមហ៊ុនបានស្នើជាឯកច្ឆន្ទតែងតាំង Naguib Samih Sawiris ឱ្យជាប់ឆ្នោតជាប្រធានបន្តពីឪពុកនៅក្នុងកិច្ចប្រជុំសន្និបាតប្រចាំឆ្នាំ ខណៈគាត់នឹងក្លាយជាម្ចាស់ភាគហ៊ុនធំជាងគេនៅក្នុងក្រុមហ៊ុនជំនួសឱ្យឪពុករបស់គាត់។

រីឯបេក្ខភាពប្រធានក្រុមហ៊ុនថ្មី Naguib Samih Sawiris វិញ បាននិយាយពីចក្ខុវិស័យរបស់លោកថា នឹងផ្ដល់សំខាន់ទៅលើការធានាផ្ដល់ឲ្យក្រុមហ៊ុននូវភាពចម្រុងចម្រើនដូចកាលពីអតីតភាព និងជួយអភិវឌ្ឍន៍ក្រុមហ៊ុនឲ្យឆ្ពោះទៅរកគោលដៅដែលមានភាពត្រចះត្រចង់នាថ្ងៃអនាគត៕

ប្រភព: Reuters

The post កាន់កាប់តំណែងជាង ៣០ ឆ្នាំ មហាសេដ្ឋីអេហ្ស៊ីបប្រកាសចាកចេញ ប្រគល់ការងារឲ្យកូនស្នងបន្ត appeared first on .

មហាសេដ្ឋីអេហ្ស៊ីប

កំពូលអ្នកមាននៅអេហ្ស៊ីប ប្រើពេល ៩ខែ កើបលុយជាង ៩០០លានដុល្លារ

តម្លៃ​ហ៊ុន​ Adidas ធ្លាក់​ចុះ ៦% ធ្វើ​ឲ្យ​មហាសេដ្ឋី​មាន​បំផុត​នៅ​អេហ្ស៊ីប​ របូត​ប្រាក់​អស់ ២៣០ លាន​ដុល្លារ

កាន់កាប់​តំណែង​ជាង ៣០ ឆ្នាំ មហាសេដ្ឋី​អេហ្ស៊ីប​ប្រកាស​ចាកចេញ​​ ប្រគល់ការងារ​ឲ្យ​កូន​ស្នង​បន្ត​

តម្លៃហ៊ុន Adidas ធ្លាក់ចុះ ៦% ធ្វើឲ្យមហាសេដ្ឋីមានបំផុតនៅអេហ្ស៊ីប របូតប្រាក់អស់ ២៣០ លានដុល្លារ

កាន់កាប់តំណែងជាង ៣០ ឆ្នាំ មហាសេដ្ឋីអេហ្ស៊ីបប្រកាសចាកចេញ ប្រគល់ការងារឲ្យកូនស្នងបន្ត