មហាសេដ្ឋីអ៊ុយក្រែន

អ៊ុយក្រែនប្រទេសធំបំផុតទី២ នៅតំបន់អឺរ៉ុប តែមានមហាសេដ្ឋីតែ ៥រូបគត់

ឧកញ៉ាសំពៅ — Mon, 13 Nov 2023 06:43:46 +0000

តំបន់អឺរ៉ុបគឺមានសមាជិកដល់ទៅ ៤៤ ប្រទេស ខណៈប្រទេសដែលមានផ្ទៃដីធំបំផុតនោះគឺប្រទេសរុស្ស៊ី ស្របពេលអ៊ុយក្រែនជាប់ចំណាត់ថ្នាក់លេខ ២ ប៉ុន្តែបើនិយាយពីចំនួនមហាសេដ្ឋីវិញ អ៊ុយក្រែនចាញ់សមាជិកអឺរ៉ុបដទៃដាច់។

យោងតាមការចុះផ្សាយពីទស្សនាវដ្ដី Forbes បានរាយការណ៍ថា បច្ចុប្បន្ន អ៊ុយក្រែនមានមហាសេដ្ឋីតែ ៥នាក់គត់ ខណៈពួកគេក៏មិនសូវជាលេចមុខលេចមាត់ លើឆាកអន្តរជាតិដូចជាមហាសេដ្ឋីនៅអឺរ៉ុបដទៃទៀតដែរ។

Rinat Akhmetov

ខាងក្រោមនេះគឺជាបញ្ជីឈ្មោះមហាសេដ្ឋីអ៊ុយក្រែនទាំង ៥រូប ផ្អែកតាមរបាយការណ៍ផ្ដល់ឲ្យដោយ Forbes៖

Rinat Akhmetov មានទ្រព្យសម្បត្តិ ៥,៧ពាន់លានដុល្លារ មានអាជីវកម្មរ៉ែដែក និងធ្យូងថ្ម
Viktor Pinchuk មានទ្រព្យសម្បត្តិ ២,១ពាន់លានដុល្លារ មានអាជីវកម្មដែកថែប និងមុខរបរជាច្រើនផ្សេងទៀត
Vadim Novinsky មានទ្រព្យសម្បត្តិ ១,៤ ពាន់លានដុល្លារ មានអាជីវកម្មរ៉ែដែក
Kostyantin Zhevago មានទ្រព្យសម្បត្តិ ១,១ពាន់លានដុល្លារ មានអាជីវកម្មរ៉ែ
Henadiy Boholyubov មានទ្រព្យសម្បត្តិ ១,១ពាន់លានដុល្លារ មានអាជីវកម្មធនាគារ និងជាវិនិយោគិន

បញ្ជាក់ដែរថា ក្នុងចំណោមបុគ្គលទាំង ៥រូបខាងលើ មានតែលោក Henadiy ប៉ុណ្ណោះដែលមានសញ្ជាតិដល់ទៅ ៣ មិនរាប់អ៊ុយក្រែននោះគឺ អង់គ្លេស អ៊ីស្រាអែល និងស៊ីប៕

The post អ៊ុយក្រែនប្រទេសធំបំផុតទី២ នៅតំបន់អឺរ៉ុប តែមានមហាសេដ្ឋីតែ ៥រូបគត់ appeared first on .

ប្រធានាធិបតីអ៊ុយក្រែន សោកស្តាយមរណភាពមហាសេដ្ឋីរបស់ខ្លួន ក្នុងការវាយប្រហារមីស៊ីលពីរុស្សុី

ឧកញ៉ាសំពៅ — Mon, 01 Aug 2022 10:49:12 +0000

កាលពីពេលថ្មីៗនេះ កងកម្លាំងយោធារបស់រុស្ស៊ីបានធ្វើការវាយប្រហារទៅលើភាគខាងត្បូងនៃទីក្រុង Mykolaiv របស់ប្រទេសអ៊ុយក្រែន ហើយបានធ្វើឲ្យប្រជាជន និងទីក្រុងទទួលរងការខូចខាតជាដំណំ។

ក្នុងនោះផងដែរ លោក Oleksiy Vadatursky និងភរិយាបានទទួលមរណភាពពីការវាយប្រហារមួយនេះ នៅពេលដែលគ្រាប់មីស៊ីលហោះចំផ្ទះរបស់លោក។ នេះបើតាមការឲ្យដឹងពីអាជ្ញាធរប្រចាំតំបន់។

លោក Vadatursky គឺជាស្ដេចត្រាញ់ជំនួញលើវិស័យកសិកម្មនៃប្រទេសអ៊ុយក្រែន ដែលជាក្រុមហ៊ុននាំចេញផលិតផលកសិកម្មដ៏ធំមួយប្រចាំប្រទេស ហើយលោកក៏ធ្លាប់ទទួលបានពានរង្វាន់ Hero of Ukraine ថែមទៀតផង។

បន្ថែមពីនោះ ប្រធានាធិបតីអ៊ុយក្រែន Volodymyr Zelensky ថែមទាំងចាត់ទុកថា មរណភាពរបស់សេដ្ឋីរូបនេះ គឺជាការខាតបង់ដ៏សំបើមរបស់អ៊ុយក្រែន ស្របពេលទីប្រឹក្សាប្រធានាធិបតីនិយាយថា រុស្ស៊ីគឺបានចាត់ទុកអ្នកជំនួញម្នាក់នេះជាគោលដៅរួចស្រេចហើយ។

សូមជម្រាបដែរថា លោក Vadatursky ជាបុគ្គលសំខាន់មួយរូបនៃប្រទេសអ៊ុយក្រែន ដែលបានជួយដល់សង្គមជាតិជាខ្លាំង ដូចជាផ្ដល់អំណោយសប្បុរសធម៌ និងកញ្ចប់ជំនួយសម្រាប់ការសាងសង់ហេដ្ឋារចនាសម្ព័ន្ធក្នុងប្រទេសជាដើម៕

The post ប្រធានាធិបតីអ៊ុយក្រែន សោកស្តាយមរណភាពមហាសេដ្ឋីរបស់ខ្លួន ក្នុងការវាយប្រហារមីស៊ីលពីរុស្សុី appeared first on .

មហាសេដ្ឋីមានបំផុតនៅ អ៊ុយក្រែន ត្រៀមប្តឹងរុស្ស៊ី ទារសំណង ២០ ពាន់លានដុល្លារ ក្រោយបំផ្លាញរោងចក្រខ្លួន

ឧកញ៉ាសាមញ្ញ — Fri, 27 May 2022 06:25:22 +0000

ថ្មីៗនេះ មហាសេដ្ឋីរបស់អ៊ុយក្រែនម្នាក់ បាននិយាយថា គាត់គ្រោងនឹងធ្វើការប្តឹងទៅលើរុស្ស៊ី ជុំវិញការខាតបង់ទឹកប្រាក់ចន្លោះពី ១៧ ទៅ ២០ ពាន់លានដុល្លារ ដោយសារតែការទម្លាក់គ្រាប់បែក មកលើរោងចក្រផលិតដែករបស់ខ្លួន នៅក្នុងទីក្រុង Mariupol ដែលត្រូវបានបំផ្លិចបំផ្លាញស្ទើទាំងស្រុង ។

គួរឱ្យដឹងថា រោចក្រផលិតដែក Azovstal បានរងការខូចខាតយ៉ាងដំណំ បន្ទាប់ពីរងការទម្លាក់គ្រាប់បែក និងការបាញ់ផ្លោងពីរុស្ស៊ី បន្ទាប់ពីរោងចក្រ ដែលស្ថិតនៅក្នុងតំបន់កំពង់ផែ មួយនេះ បានក្លាយជាបន្ទាយការពារចុងក្រោយ របស់កងទ័ពអ៊ុយក្រែន។

ទន្ទឹមនឹងនោះ រោងចក្រផលិតដែក Illich Steel and Iron Works ដែលជាកម្មសិទ្ធិរបស់មហាសេដ្ឋី លោក Rinat Akhmetov ក៏ត្រូវបានរងការខូចខាតយ៉ាងធ្ងន់ធ្ងរផងដែរ អំឡុងមានការបាញ់ផ្លោងរបស់រុស្ស៊ី មកលើទីក្រុង Mariupol ។

លើសពីនេះ លោក Akhmetov ដែលជាម្ចាស់ក្រុមហ៊ុនដែកថែបដ៏ធំបំផុត របស់អ៊ុយក្រែន Metinvest ផងនោះ បានប្រាប់គេហទំព័រព័ត៌មាន mrpl city ក្នុងបទសម្ភាសមួយថា ៖ ” យើងនឹងធ្វើការប្តឹងទៅកាន់រុស្ស៊ី នឹងទាមទារសំណងសមរម្យសម្រាប់ការខូចខាត និងការបាត់បង់អាជីវកម្មទាំងអស់របស់យើង ” ។

មិនតែប៉ុណ្ណោះ នៅពេលត្រូវបានគេសួរថា តើក្រុមហ៊ុន Metinvest បានខាតបង់ទឹកប្រាក់ចំនួនប៉ុន្មាន ដោយសារតែការខូតខាតរោងចក្រ Azovstal និង Illich ? លោក Akhmetov បានឆ្លើយតបថា ៖” សម្រាប់ការចំណាយ ដោយសារតែការឈ្លានពានពីរុស្ស៊ី គឺអាចនៅចន្លោះពី ១៧ ទៅ ២០ ពាន់លានដុល្លារ។ ហើយសម្រាប់ចំនួនទឹកប្រាក់ចុងក្រោយ នឹងត្រូវកំណត់ នៅក្នុងពាក្យបណ្តឹងប្រឆាំងទៅនឹងប្រទេសរុស្ស៊ី ” ។

បញ្ជាក់ថា ចាប់តាំងពីមានការឈ្លានពានរបស់រុស្ស៊ី មកលើអ៊ុយក្រែន នៅថ្ងៃទី ២៤ កុម្ភៈមក ក្រុមហ៊ុន Metinvest បានប្រកាសថាខ្លួន មិនអាចផ្តល់ជូនកិច្ចសន្យាចំពោះការផ្គត់ផ្គង់បានទៀតនោះទេ ហើយស្របពេលជាមួយគ្នានោះ ក្រុមហ៊ុនហិរញ្ញវត្ថុ និងឧស្សាហកម្ម SCM Group របស់ លោក Akhmetov ក៏កំពុងធ្វើការរៀបចំរចនាសម្ព័ន្ធបំណុលរបស់ខ្លួន ឡើងវិញផងដែរ ៕

ប្រភព: CNA

The post មហាសេដ្ឋីមានបំផុតនៅ អ៊ុយក្រែន ត្រៀមប្តឹងរុស្ស៊ី ទារសំណង ២០ ពាន់លានដុល្លារ ក្រោយបំផ្លាញរោងចក្រខ្លួន appeared first on .

សង្គ្រាមរុស្ស៊ី-អ៊ុយក្រែន បង្កឲ្យក្រុមមហាសេដ្ឋីរុស្ស៊ីរបូតលុយ ៣២ ពាន់លានដុល្លារ

ឧកញ៉ាសំពៅ — Thu, 24 Feb 2022 07:57:01 +0000

កាលពីពេលថ្មីៗនេះ មហាអំណាចរុស្ស៊ីទើបនឹងព្រលះប្រទេសអ៊ុយក្រែនដោយបានធ្វើការវាយប្រហារទៅកាន់ពួកគេមុន ដែលវាគឺជាសញ្ញាមួយសម្រាប់ការប្រកាសសង្គ្រាមផងដែរ។

សង្គ្រាមមួយនេះទៀតសោតបានធ្វើឲ្យក្រុមមហាសេដ្ឋីរុស្ស៊ីខូចខាតទ្រព្យសម្បត្តិជាច្រើន ប្រមាណជាង ៣២ ពាន់លានដុល្លារតាំងពីដើមខែមករា។ នេះបើតាមការអះអាងពី Bloomberg។

ប្រភពដដែលបន្ថែមទៀតថា សហរដ្ឋអាមេរិក ចក្រភពអង់គ្លេស និងអាល្លឺម៉ង់បានដាក់សំពាធសេដ្ឋកិច្ចទៅកាន់ក្រុមអ្នកមានរុស្ស៊ី និងក្រុមហ៊ុនរុស្ស៊ី បន្ទាប់ពីប្រធានាធិបតី Vladimir Putin បានបញ្ជាទ័ពឲ្យចូលឈ្លានពាននៅភាគខាងកើតនៃប្រទេសអ៊ុយក្រែន។

ក្នុងចំណោមក្រុមហ៊ុន និងក្រុមអ្នកមានរុស្ស៊ីដែលកំពុងជាប់គំនាបសេដ្ឋកិច្ចពីសហរដ្ឋអាមេរិក និងចក្រភពអង់គ្លេសរួមមានធនាគាររុស្ស៊ី Rossiya, IS Bank, General Bank, Promsvyazbank និងធនាគារ Black Sea Bank ខណៈមហាសេដ្ឋីរួមមាន Gennady Timchenko, Boris Rotenberg និង Igor Rotenbeg ស្របពេលអាល្លឺម៉ង់ផ្អាកគម្រោងថាមពលដែលចូលរួមជាមួយនឹងរុស្ស៊ី។

បើយោងទៅតាមការចុះផ្សាយពី Bloomberg Billionaires Index បានឲ្យដឹងថា មហាសេដ្ឋីដែលមានការខាតបង់ច្រើនបំផុតនោះគឺ Gennady Timchenko ជាមួយនឹងការរបូតទ្រព្យសម្បត្តិប្រមាណ ១៦ ពាន់លានដុល្លារ។

បច្ចុប្បន្ន រុស្ស៊ីមានមហាសេដ្ឋី ២៣ នាក់ជាមួយនឹងទ្រព្យសម្បត្តិប្រមាណ ៣៤៣ ពាន់លានដុល្លារ ដែលវាបានធ្លាក់តាំងពី ៣៧៥ ពាន់លានដុល្លារកាលពីចុងឆ្នាំ ២០២១៕

ប្រភព: cnbctv18

The post សង្គ្រាមរុស្ស៊ី-អ៊ុយក្រែន បង្កឲ្យក្រុមមហាសេដ្ឋីរុស្ស៊ីរបូតលុយ ៣២ ពាន់លានដុល្លារ appeared first on .

មហាសេដ្ឋីអ៊ុយក្រែន

អ៊ុយក្រែនប្រទេសធំបំផុតទី២ នៅតំបន់អឺរ៉ុប តែមាន​មហាសេដ្ឋីតែ ៥រូបគត់

ប្រធានាធិបតីអ៊ុយក្រែន សោកស្តាយមរណភាពមហាសេដ្ឋីរបស់ខ្លួន ក្នុងការវាយប្រហារមីស៊ីលពីរុស្សុី

មហាសេដ្ឋីមានបំផុតនៅ អ៊ុយក្រែន ត្រៀមប្តឹងរុស្ស៊ី ទារសំណង ២០ ពាន់លានដុល្លារ ក្រោយបំផ្លាញរោងចក្រខ្លួន

សង្គ្រាម​រុស្ស៊ី​-អ៊ុយក្រែន​ បង្ក​ឲ្យ​ក្រុម​មហាសេដ្ឋី​រុស្ស៊ី​របូត​លុយ​ ៣២ ពាន់​លាន​ដុល្លារ

អ៊ុយក្រែនប្រទេសធំបំផុតទី២ នៅតំបន់អឺរ៉ុប តែមានមហាសេដ្ឋីតែ ៥រូបគត់

សង្គ្រាមរុស្ស៊ី-អ៊ុយក្រែន បង្កឲ្យក្រុមមហាសេដ្ឋីរុស្ស៊ីរបូតលុយ ៣២ ពាន់លានដុល្លារ