មាស សុខសោភា

អាយដល ណាខ្លះចូលរួមក្នុងព្រឹត្តិការណ៍រត់បណ្តាក់ដ៏ធំ V-Active Fun Run នាព្រឹកនេះ?

ឧកញ៉ា ឆ្នាំងដី — Sun, 19 Feb 2023 05:38:00 +0000

នេះជាព្រឹត្តិការណ៍រត់ប្រណាំងកម្សាន្តបណ្តាក់ជាក្រុម V-Active Fun Run លើកទី២ ហើយ ដែលរៀបចំឡើងដោយក្រុមហ៊ុន វឌ្ឍនៈ ប៊្រូវើរី ជាការអបអសាទរដាក់ឲ្យដំណើរការភេសជ្ជៈ វី អាកទីវ (V-Active) ក្រហម ស្ថិតនៅសួន Vanttanac Capital Lifestyle Park ផ្ទាល់ នៅព្រឹកថ្ងៃទី១៩ ខែកុម្ភៈ ឆ្នាំ២០២៣។

ទន្ទឹមនឹងការរត់ប្រណាំងនេះ យើងក៏ឃើញមានវត្តមានរបស់អាយដលល្បីៗ ចំនួន៧រូប រួមមាន អាយដល Top5 កញ្ញា មាស សុខសោភា, ពូ ឃ្លាំង, កញ្ញា ចិត្ត កញ្ចនា , លោក SAI , កីឡាការិនី Tharoth Sam និងលោក ណាន វីសារ ដែលរត់បណ្តាក់គ្នាពីទីតាំងមួយ ទៅទីតាំងមួយទៀត ផ្តើមចេញពីអគារវឌ្ឍនៈ កាពីតាល ដោយរត់បណ្តាក់ចម្ងាយ១៩គីឡូម៉ែត្រ និងរត់ ឬដើរចម្ងាយ៥គីឡូម៉ែត្រ។ លើសពីនេះ ក៏មានការចូលរួមពីសិល្បៈករ និងសិល្បៈការិនីល្បីៗ ជាច្រើនរូបទៀត នៅក្នុងព្រឹត្តិការណ៍ដ៏ធំនេះផងដែរ។

នៅក្នុងនោះ តារាចម្រៀង មាស សុខសោភា បានលើកឡើងថា ការរត់ប្រណាំងនេះ មិនមែនជាការរត់ដើម្បីចាញ់ ឈ្នះទេ គឺរត់ដើម្បីសុខភាព ហើយជាការចូលរួមដោយសេរី។

នៅក្នុងព្រឹត្តិការណ៍ដ៏មានអត្ថន័យលើកទី២ នៅទីក្រុងភ្នំពេញនេះ ជាការបញ្ជាក់ពីបេះដូងនៃប្រទេសកម្ពុជា ទាមទារឱ្យមានភាពស្វាហាប់ និងរស់រវើកជានិច្ចមិនថាក្នុងអំឡុងពេលហ្វឹកហាត់ និងប្រកួត។ ភេសជ្ជៈកីឡា វី-អាក់ទីវ គឺជាជំនួយការដ៏ចាំបាច់ដែលជម្រុញឱ្យកាន់តែមានភាពស្រស់ស្រាយ កម្លាំងមាំមួន គ្រប់កាលៈទេសៈ ហើយក្រុមហ៊ុន វឌ្ឍនៈ ប៊្រូប៊ើរី នៅតែប្តេជ្ញាបន្តគាំទ្រ និងលើកកម្ពស់វិស័យសុខុមាលភាពនិងកីឡានៅកម្ពុជា ជាបន្តបន្ទាប់ទៀត។

គួរឱ្យដឹងផងដែរថា កាលពីថ្ងៃទី២៩ ខែមករា ឆ្នាំ២០២៣ ក្រុមហ៊ុន វឌ្ឍនៈ ប្រ៊ូវើរី ក៏មានការរៀបចំព្រឹត្តិការណ៍រត់ប្រណាំងកម្សាន្តបណ្តាក់ជាក្រុម V-Active Fun Run ដោយមានអ្នកចូលរួមយ៉ាងកុះករប្រមាណ១០០០នាក់ ស្ថិតនៅខេត្តព្រះសីហនុ។ ហើយព្រឹត្តិការណ៍នេះ នឹងមានការរំពឹងជាលើកទី៣ នៅទឹកដីខេត្តសៀមរាប ក្នុងពេលខាងមុខផងដែរ៕

The post អាយដល ណាខ្លះចូលរួមក្នុងព្រឹត្តិការណ៍រត់បណ្តាក់ដ៏ធំ V-Active Fun Run នាព្រឹកនេះ? appeared first on .

មាស សុខសោភា ព្រឺរោមខ្លាំងណាស់ បន្ទាប់ពីនាងចូលជ្រកនៅក្នុងផលិតកម្មរាម

ឧកញ៉ាកោះក្របី — Sat, 03 Apr 2021 08:13:46 +0000

ខណៈដែលមហាជនភាគច្រើន កំពុងតែមើលឃើញថា ការគាំទ្រក្នុងបទ”ត្រលប់” នៅមិនទាន់អស់ចំហាយផង ពេលនេះតារាចម្រៀងប្រចាំផលិតកម្មរាម គឺ កញ្ញា មាស សុខសោភា បានបញ្ចេញបទទី២ បន្ទាប់ពីនាងចូលជ្រកនៅក្នុងផលិតកម្មរាមទៀតហើយ ដោយស្នាដៃទី២នេះ ត្រូវគេមើលឃើញថា ទទួលបានការគាំទ្រខ្លាំងក្លា ក្រោយចេញបង្ហោះក្ដៅៗនៅលើយូធូ ។

បទថ្មី ក្រោមចំណងជើងថា”មនុស្សចុងក្រោយ” ដែលទើបតែចេញ ជា Audio កាលពីយប់ថ្ងៃទី២ មេសា ឆ្នាំ២០២១ នេះ ត្រូវគេឃើញមានអ្នកចូលស្ដាប់កើនឡើងខ្ពស់តែមួយពព្រិចភ្នែកតែម្ដង ដែលមានន័យថា ស្នាដៃរបស់នាង គឺហ្វេនហ្វេនទន្ទឹងរង់ចាំតែបង្ហាញ អង្អាលនឹងចូលស្ដាប់ និង ចែកចាយ។ ចម្រៀងមួយបទត្រូវបានគេដឹងថា មានអត្ថន័យតភាគនឹងបទ”ត្រលប់” ដែលផ្ទុះការគាំទ្រខ្លាំងនោះផង ទើបគ្រាន់តែចេញមិនទាន់បានប៉ុន្មានផង ក៏កក្រើកអ្នកគាំទ្រ។

មួយបទនេះ ផ្អែលតាម Cover ដែលបានឌីហ្សាញ ក៏បានបញ្ជាក់ថា ជាបទដែលមានសាច់រឿងបន្តពីបទទី១ដែលនាងបានបញ្ចេញពីផលិតកម្មរាមផងដែរ ទើបធ្វើអោយស្នាដៃទី២របស់នាងមួយបទនេះ ត្រួវបានគេរំពឹងថា នឹងទទួលបានការគាំទ្រខ្លាំង។

ប្រភពពីផលិតកម្មរាម បានអះអាងថា ចម្រៀងមួយបទនេះ ត្រូវបានផលិតជា MV សាច់រឿងរួចរាល់ហើយ ដោយស្នាដៃ MV នេះ ក៏បង្ហោះឆាប់ៗបន្ទាប់ពី Audio ត្រូវបានបង្ហោះនេះផងដែរ ដើម្បីអោយទាន់ចិត្តមហាជនដែលរង់ចាំស្នាដៃថ្មីៗរបស់ផលិតកម្មរាមនៅក្នុងពិភពចម្រៀង។ មាស សុខសោភា ញញឹមបិទមាត់មិនជិតនោះទេ បន្ទាប់ពីបទទី២របស់នាងដែលទើបតែបញ្ចេញក្ដៅៗ ទទួលបានការគាំទ្រភ្លាមៗ ដូចការរំពឹងទុក។

The post មាស សុខសោភា ព្រឺរោមខ្លាំងណាស់ បន្ទាប់ពីនាងចូលជ្រកនៅក្នុងផលិតកម្មរាម appeared first on .

មាស សុខសោភា ប្រកាសដើរចេញពីផលិតកម្ម ថោន ទាំងអារម្មណ៍តានតឹង

កូនចៅឧកញ៉ា — Wed, 10 Jun 2020 02:13:51 +0000

អ្នកគាំទ្រ និងមហាជនទូទៅ បានសម្ដែងការភ្ញាក់ផ្អើល បន្ទាប់ពីតារាចម្រៀង មាស សុខសោភា បានប្រកាសនៅលើបណ្ដាញសង្គមផ្លូវការរបស់ខ្លួន កាលពីម្សិលមិញនេះ ថា នាងបានសម្រេចចិត្តទាំងតានតឹងក្នុងអារម្មណ៍ ដើរចេញពីផលិតកម្ម ថោន ដែលជាទ្រនំធ្លាប់ជ្រកសាងភាពល្បីល្បាញ ក្នុងវិស័យសិល្បៈអស់រយៈពេលជិត១០ឆ្នាំមកហើយ។

មាស សុខសោភា បានបញ្ចេញសារប្រាប់ប្រិយមិត្តអ្នកគាំទ្ររបស់នាង ដោយនាងបានបញ្ជាក់ថា នេះជាវេលាដ៏តានតឹងបំផុតរបស់នាង។ ” ថ្ងៃនេះគឺជាថ្ងៃដ៏តានតឹងមួយរបស់នាងខ្ញុំ ដែលនាងខ្ញុំត្រូវចាកចេញពីផលិតកម្ម Town។ អរគុណដល់បងប្រុស បងស្រីដែលបានមើលថែប្អូនរយៈពេល ៩ឆ្នាំនេះ អនុស្សាវរីយ៍ និងអំពើល្អរបស់បងទាំងពីរនៅតែស្ថិតក្នុងបេះដូងរបស់ប្អូនជានិច្ច”។

បន្ថែមពីលើនេះ សោភា បានថ្លែងអរគុណដល់បណ្តាផលិតកម្មទាំងអស់ ដែលបានផ្តល់ឱកាសដល់នាងនាពេលកន្លងមក ហើយបន្ទាប់ពីប្រកាសដើរចេញពីថោននេះ នាងក៏បានប្រកាសបើកចំហសម្រាប់ការសហការផលិតបទចម្រៀង ពីបណ្តាផលិតកម្មទាំងអស់ដូចគ្នា ជាមួយនឹងការតាំងចិត្តថា នឹងខិតខំប្រឹងប្រែងផលិតនូវបទចម្រៀងថ្មីៗ ដើម្បីបងប្អូនទាំងអស់គ្នាជានិច្ច។ដំណឹងនេះ បាន និងកំពុងធ្វើឲ្យមានការរំជើបរំជួលក្នុងចង្កោមអ្នកគាំទ្ររបស់នាង ខណៈដំណឹងចង់ចាកចេញពីថោនបានកើតឡើងជាយូរមកហើយ ខណៈនាងត្រូវបានភ្ជាប់ជាមួយផលិតកម្មមួយផ្សេងទៀត។

បែបនេះក្ដី តាមប្រភពមួយពីក្នុងផលិតកម្មថោន បានបង្ហើបថា អ្វីៗមិនទាន់ផ្លូវការនៅឡើយ ហើយថា នេះមិនមែនជាលើកទី១ដែរ ដែលតារាចម្រៀងស្រី បានប្រកាសដូច្នេះ ពោលគឺច្រើនដងមកហើយ ប៉ុន្តែបន្ទាប់ពីការសម្រុះសម្រួលគ្នារវាងភាគីតារាចម្រៀង និងផលិតផលឈានដល់ព្រមព្រៀងគ្នា នាងបន្តនៅដដែល។

ដោយឡែកលោក មាស សុខរតនៈ ជាបងប្រុសបង្កើតវិញ បានថ្លែងប្រាប់ សារព័ត៌មានក្នុងស្រុកមួយថា រូបលោកបានសម្រេចចិត្តចាកចេញពីផលិតកម្ម ថោន ជាមួយនឹងប្អូនស្រី ដោយសារតែដល់ថ្ងៃកំណត់ បញ្ចប់កិច្ចសន្យាជាមួយនឹងផលិតកម្ម។ ម្យ៉ាងវិញទៀត លោក និងប្អូនស្រីក៏ត្រូវមើលការខុសត្រូវ មុខជំនួញរកស៊ីរបស់ខ្លួនផងដែរ ទើបសម្រេចចិត្តចាកចេញ ដោយមិនបន្តកិច្ចសន្យាទៀតឡើយ។

តារាចម្រៀង មាស សុខសោភា មួយរយៈធំចុងក្រោយនេះ នាងហាក់ដូចជាមិនមានសកម្មភាពសិល្បៈខ្លាំង ចេញបទច្រៀងច្រើនក្នុងផលិតកម្ម ដូចពីពេលមុននោះទេ ព្រោះតែនាងមានភារកិច្ច រវល់ជាប់មើលថែរក្សាប្ដីរបស់នាង ដែលមានជំងឺ ស្របពេលជំងឺកូវីដ១៩វាយលុកនៅក្នុងប្រទេសកម្ពុជា និងសកលលោក។ យ៉ាងណាមិញ ខណៈដែលនាង ជាតារាចម្រៀងប្រចាំក្នុងផលិតកម្ម ថោន មាស សុខសោភា ក៏មានផលិតកម្មផ្ទាល់ខ្លួនមួយទៀតដែរ គឺផលិតកម្ម «Camtrax» ដែលមានស្វាមីរបស់នាង គឺលោក អ៊ឹត រ៉ាដា ជាអ្នកគ្រប់គ្រង។

តាមប្រភពព័ត៌មានឮល្ហិចល្ហៀងពីអ្នកសិល្បៈដូចគ្នា បានបង្ហើបថា តារាចម្រៀង មាស សុខសោភា បន្ទាប់ពីដើរចេញពីផលិតកម្ម ថោន នាងអាចនឹងដឹកដៃបងប្រុសរបស់ខ្លូន ចូលក្នុងផលិតកម្ម រស្មីហង្សមាស ប៉ុន្តែពេលនេះកំពុងស្ថិតនៅក្នុងការពិចារណា និងចរចាគ្នាសិន។

ប្រសិនបើជាការពិតមែននោះ វាជាការចាក់ចេញគ្រាប់ពេជ្រដ៏មានតម្លៃមហាហាលមួយរបស់ផលិតកម្មថោន។ សម្រាប់ផលិតកម្មថោន ថ្មីៗនេះ លោក ខេម ក៏ត្រូវបានគេទម្លាយឲ្យដឹងថា ក៏បានចាក់ចេញពីទ្រនំនេះដូចគ្នា ដោយលោកបានចូលនៅផលិតកម្ម Galaxy Navatra របស់លោកឧកញ៉ា វ័យក្មេង ឡេង ណាវ៉ាត្រាផងដែរ៕

The post មាស សុខសោភា ប្រកាសដើរចេញពីផលិតកម្ម ថោន ទាំងអារម្មណ៍តានតឹង appeared first on .

មាស សុខសោភា នឹងស្វាមី ពាក់ម៉ាស ចារ សុទ្ធតែយ័ន្តការពារកូវីដ-១៩

កូនចៅឧកញ៉ា — Tue, 28 Apr 2020 02:42:36 +0000

តារាចម្រៀងល្បីឈ្មោះក្នុងផលិតកម្មថោន អ្នកនាង មាស សុខសោភា នឹង ស្វាមី បានបង្ហាញរូបភាពស្និទ្ធស្នាលគ្នាជាច្រើនលើគណនីយFacebook ផ្ទាល់ខ្លួនរបស់នាងកាលពីពេលថ្មីៗនេះ ដោយពួកគេបានពាក់ម៉ាស ចារ សុទ្ធតែយ័ន្ត ដើម្បីការពារកូវីដ-១៩ ដែលកំពុងតែយាយីមនុស្ស ពេញពិភពលោក ធ្វើឲ្យភ័យក្លាយគ្រប់គ្នានេះ។

រូបភាពកៀកកើយជាមួយស្វាមី របស់តារាចម្រៀងស្រីល្បីឈ្មោះខាងលើ គឺនាងបានថតនៅប្រទេសថៃ គ្រាដែលនាងនាំស្វាមីរបស់ខ្លួនទៅ ពិនិត្យនឹងព្យាបាលជំងឺនៅទីនោះ។ តារាស្រីរូបនេះ មិនប្រាប់ថា លោកអ៊ឹត រ៉ាដា ដែលជា ស្វាមីនោះ មានជំងឺអ្វីឡើយ ប៉ុន្តែអ្វីដែលធ្វើឲ្យអ្នកគាំទ្រនាង ចាប់អារម្មណ៍នោះ ការពាក់ម៉ាស់ របស់ពួកគេដែលមានចារយ័ន ហាក់បង្កប់នៅ អប្បិយជំនឿមួយ ស្របពេល ដែលបច្ចុប្បន្ន វីរុស រកូវីដ-១៩ កំពុងតែយាយីមនុស្ស ពេញពិភពលោក ធ្វើឲ្យភ័យក្លាយគ្រប់គ្នានេះ។ ក្រុមអ្នកគាំទ្ររបស់នាងលាន់ មាត់ថា ចារយ័នប៉ុណ្ណឹងហើយ តើឲ្យកូវីដ-១៩ ឯណាមកហ៊ានចូលជិតទៅ?

មាស សុខសោភា បានសរសេរលើគណនីFacebook មានខ្លឹមសារបែបនេះថា”ជូនអ្នកជំងឺមកស្រូបខ្យល់អាកាស សូមឲ្យបងមានសុខភាពប្រសើរឡើង”។ ជាមួយនេះដែរ មាស សុខសោភា បានបញ្ចេញសារបង្ហាញអារម្មណ៍យកព្រះធម៌មកដាក់នៅក្នុងខ្លួន ដើម្បីការពារជំងឺកូវីដ-១៩ ក្នុងនោះនាងបានថ្លែងសារថា សម័យកូវីដ គ្មានអ្វីក្រៅពីយកព្រះពុទ្ធ ព្រះធម៌ ព្រះសង្ឃ មកបិទបាំងជាប់ខ្លួនយើងទេ។ នាងបន្ថែមថា ជីវិតមនុស្សយើងមានតែ៣ថ្ងៃប៉ុណ្ណោះ គឺម្សិលមិញ ,ថ្ងៃនេះ នឹងថ្ងៃស្អែក។

ជាមួយខ្លឹមសារនេះដែរ សោភា ក៏បានដាស់តឿនឲ្យបងប្អូនទាំងឡាយ កុំធ្វេសប្រហែសឲ្យសោះ ពីការពារជំងឺកូវីដ-១៩នេះ តាមរយៈការពាក់ម៉ាសក៍ ក៏ដូចជាលាងដៃជាមួយសាប៊ូ ឬអាល់កុល ជាប្រចាំផងដែរ។ ចំណែកអ្នកគាំទ្រមាស សុខសោភា ក៏បានជូនពរឲ្យស្វាមីរបស់នាងសូមឲ្យឆាប់បានជាសះស្បើយពីជំងឺឡើងវិញផងដែរ៕

The post មាស សុខសោភា នឹងស្វាមី ពាក់ម៉ាស ចារ សុទ្ធតែយ័ន្តការពារកូវីដ-១៩ appeared first on .

វិចិត្រករម្នាក់ធ្វើ Idol ទីងមោង ផ្អើលពេញFacebook

កូនចៅឧកញ៉ា — Tue, 11 Jun 2019 08:02:25 +0000

មានការភ្ញាក់ផ្អើលពេញអ្នកលេងបណ្ដាញសង្គមFacebook ក្រោយអ្នកច្នៃទីងមោងម្នាក់ បានធ្វើការបង្ហាញរូបរាងមុខមាត់ទីងមោង យ៉ាងស្រស់ស្អាត និងប្លែកភ្នែក ដែមមានមុខមាត់ដូចតារាល្បីៗដែលជាIdol របស់របស់អ្នកគាំទ្រ។ តារាដែល ត្រូវបានវិចិត្រករ មិនទាន់បង្ហាញឈ្មោះធ្វើរូបទីងមោង មានដូចជាកញ្ញា មាន សូនីតា លោកណុប បាយ៉ារិទ្ធ អ្នកនាង មាស សុខសោភា លោកងួន ចាន់ដេវីត និង តារាវ័យក្មេង បុត្រ។

ទន្ទឹមនឹងរូបភាពនៃមុខមាត់របស់ទីងមោងទាំងនោះ បានធ្វើឲ្យអ្នកលេងបណ្តាញសង្គមមួយចំនួន ពិតជាមិនសរសើរមិនបាននោះទេ ជាមួយនឹងស្នាដៃដ៏ប្លែក មិនធ្លាប់មានពីមុនមក ដែលធ្វើឡើងដូចទៅនឹងមុខមាត់ ទៅនឹងតារាល្បីៗតែម្ដង៕

The post វិចិត្រករម្នាក់ធ្វើ Idol ទីងមោង ផ្អើលពេញFacebook appeared first on .

មាស សុខសោភា

អាយដល ណាខ្លះចូលរួមក្នុងព្រឹត្តិការណ៍រត់បណ្តាក់ដ៏ធំ V-Active Fun Run នាព្រឹកនេះ?

មាស សុខសោភា ព្រឺរោមខ្លាំងណាស់ បន្ទាប់ពីនាងចូលជ្រកនៅក្នុងផលិតកម្មរាម

មាស សុខសោភា ប្រកាស​ដើរចេញពីផលិតកម្ម ថោន ទាំងអារម្មណ៍តានតឹង

មាស សុខ​សោភា នឹង​ស្វាមី ពាក់​ម៉ាស ចារ សុទ្ធតែ​យ័ន្តការពារ​កូវីដ-១៩

វិចិត្រករ​ម្នាក់​ធ្វើ Idol ទីងមោង ផ្អើល​ពេញFacebook

មាស សុខសោភា ប្រកាសដើរចេញពីផលិតកម្ម ថោន ទាំងអារម្មណ៍តានតឹង

មាស សុខសោភា នឹងស្វាមី ពាក់ម៉ាស ចារ សុទ្ធតែយ័ន្តការពារកូវីដ-១៩

វិចិត្រករម្នាក់ធ្វើ Idol ទីងមោង ផ្អើលពេញFacebook