សូមចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

លោកឧកញ៉ា សំ សុខនឿន ប្រធានសមាគមអចលនទ្រព្យសកល បានប្រាប់ឧកញ៉ាញូស៍ថា៖ តារាសម្តែង ងួន ច័ន្ទចរិយា គឺជាតារាមួយដែលបានចូលរួមថតស្ពតពាណិជ្ជកម្មជាច្រើនឲ្យក្រុមហ៊ុន និងបុរីធំៗមួយចំនួនរួចមកហើយក្នុងនោះមានបុរី ប៉េងហួតមួយផង។ មួយវិញទៀត កញ្ញាជាមនុស្សម្នាក់ដែលមានចំណេះដឹងផ្នែកអចលនទ្រព្យ ឬអាចនិយាយបានថា ជាតារាម្នាក់ដែលចាប់អារម្មណ៍ និងកំពុងប្រឡូកក្នុងវិស័យអចលនទ្រព្យនៅប្រទេសកម្ពុជា។

លោកឧកញ៉ថ្លែងថា អ្វីដែលយើងសង្កេតឃើញ គឺគាត់ចូលចិត្តធ្វើការងារមនុស្សធម៌ និងការជួយដល់អ្នកដែលត្រូវការជំនួយក្នុងប្រទេសកម្ពុជាយើងនាពេលកន្លងមក។

បើតាមប្រធានសមាគមអចលនទ្រព្យ យើងមានចក្ខុវិស័យរួចមកហើយក្នុងការជួយទៅដល់វិស័យអចលនទ្រព្យនៅកម្ពុជាឲ្យមានការរីកចំរើន ហើយនឹងការគៀងគរអ្នកវិនិយោគពីក្រៅស្រុកចូលមកប្រទេសកម្ពុជា។ លើសពីនេះ សមាគមយើងក៏មានការងារមនុស្សធម៌ ដើម្បីចូលរួមចំណែកជួយដល់សង្គម ចឹងយើងតែងតាំងកញ្ញា ងួន ច័ន្ទចរិយា ជាអគ្គលេខាធិការរងលើការងារមនុស្សធម៌ ពីព្រោះកញ្ញាសក្តិសមជាមួយការងារ និងមានទេពកោលសលើការងារមនុស្សធម៌ ហើយជាអ្វីដែលគាត់ស្រឡាញ់ និងចូលចិត្ត ដូច្នេះត្រូវហ្នឹងសមាគមកំពុងត្រូវការ គឺយើងសម្រេចជ្រើសរើសគាត់មកកាន់តួនាទីនេះតែម្តង។

ទាក់ទងនឹងការដែលសមាគមជ្រើសរើសតែងតាំងជាអគ្គលេខាធិការរង កញ្ញា ងួន ច័ន្ទចរិយា និយាយថា តួនាទីនឹងគឺខ្ញុំស្រឡាញ់យូហើយ តាំងពីនៅក្មេងមកម្លេះ ដែលពាក់ព័ន្ធជាមួយការងារសង្គម និងមនុស្សធម៌ផ្សេងៗ ម្យ៉ាងបច្ចុប្បន្នកំពុងធ្វើការខាងអចលនទ្រព្យ ពេលចឹងខ្ញុំគិតថា ខ្ញុំអាចធ្វើការផង និងអាចជួយសង្គមបានបន្ថែមទៀត។

ងួន ច័ន្ទចរិយា គឺជាកូនអ្នកភ្នំពេញដែលមានជីវភាពសមរម្យមួយ ហើយបានបញ្ចប់ថ្នាក់បរិញ្ញាបត្រចំនួន ២ សាកលវិទ្យាល័យលើមុខជំនាញផ្សេងៗគ្នា រួមមាន៖ សាកលវិទ្យាល័យបញ្ញាសាស្រ្តកម្ពុជា (PUC) ផ្នែកទំនាក់ទំនងអន្តរជាតិ និងសាកលវិទ្យាល័យភ្នំពេញអន្តរជាតិ (PPIU) លើជំនាញហិរញ្ញវត្ថុ និងធនាគារ។

កញ្ញា ងួន ច័ន្ទចរិយា គឹជាស្រ្តីវ័យក្មេងស្រស់ស្អាតពោលពេញដោយសមត្ថភាព ចំណេះជំនាញ ខណៈដែលកញ្ញាមានតួនាទីធំមួយក្នុងក្រុមហ៊ុនអន្តរជាតិដែលធ្វើការលើវិស័យអចលនទ្រព្យ នៅលើមហាវិថីសម្តេចហ៊ុនសែន (ផ្លូវ ៦០ម៉ែត្រ)។ ច័ន្ទចរិយាប្រាប់ថា កញ្ញាបានចូលរួមប្រឡូកក្នុងវិស័យអចលនទ្រព្យប្រមាណជាង ៦ឆ្នាំមកហើយ បន្ថែមលើនេះ កញ្ញាក៏កំពុងមមាញឹករវល់ខ្លាំងនឹងការងារសិល្បៈដោយទទួលថតភាពយន្ត ចម្រៀងខារ៉ាអូខេខ្មែរ ស្ពតពាណិជ្ជកម្មឲ្យក្រុមហ៊ុន និងបុរីល្បីៗនៅស្រុកខ្មែរមួយចំនួន។

កញ្ញាបន្តថា បច្ចុប្បន្នខ្ញុំក៏ជាដំណាងទូតសុឆន្ទៈ (Ambassador) ឲ្យក្រុមហ៊ុន បុរី ប្រេនទឹកអប់ និងផលិតផលមួយចំនួន ដូចជាក្រុមហ៊ុន Property Area Asia និង Project របស់ផ្សារទំនើប ជីស៊ី អូឬស្សី ជាដើម។

ជាមួយគ្នានេះកញ្ញា បានបង្ហាញនូវគោលបំណងទៅថ្ងៃអនាគតថា ប្រសិនបើមានពេលវេលាគ្រប់គ្រាន់ និងអំណោយផលល្អ កញ្ញានឹងបើកក្រុមហ៊ុនអចលនទ្រព្យខ្លួនឯងមួយ ពីព្រោះដោយសារសព្វថ្ងៃការងារដែលយើងកំពុងធ្វើការគឺផ្តោតទៅលើអចលនទ្រព្យ ដីធ្លី ខុនដូ គ្រាន់តែឥឡូវយើងធ្វើឲ្យគេនៅឡើយ។

កញ្ញាលើកឡើងថា ការងារសិល្បៈគឺជាអ្វីដែលយើងស្រឡាញ់ និងមានបំណងតាំងតែពីក្មេង ខ្ញុំនៅតែបន្តធ្វើការ ប៉ុន្តែអ្វីកំពុងផ្តោតសំខាន់នៅពេលបច្ចុប្បន្ន គឺវិស័យអចលនទ្រព្យ ពេលទំនេរទើបខ្ញុំទទួលថត គ្រាន់តែមុនថតគឺខ្ញុំមើលទៅលើក្រុមហ៊ុន ប្រេន និងផលិតផល ដោយហេតុថា ខ្ញុំចង់រក្សាកិត្តិយស និងមិនចង់ធ្វើអ្វីមួយប៉ះពាល់ដល់សង្គម និងកេរ្តិ៍ឈ្មោះខ្លួនឯង។

អគ្គលេខាធិការរង កញ្ញា ងួន ច័ន្ទចរិយា ត្រូវបានចាត់ថា ជាស្រ្តីគំរូសម្រាប់យុវនារីជំនាន់ក្រោយក្នុងការផ្តល់កម្លាំងចិត្ត ដែលមានបំណងចង់បានជោគជ័យក្នុងជីវិត។ មិនតែប៉ុណ្ណោះស្ត្រីមិនមែនជាភេទទន់ខ្សោយ ពោលគឺស្រ្តីអាចធ្វើអ្វីដូចបុរសដែរ ស្រ្តីក៏អាចប្រើប្រាស់សមត្ថភាពបានល្អប្រសើរ និងរួមចំណែកជួយលើកកម្ពស់ជីវភាពគ្រួសារ និងសង្គមជាតិទៀតផង។

កញ្ញា ងួន ច័ន្ទចរិយា បានចែករំលែកបទពិសោធន ដើម្បីឈានទៅរកភាពជោគជ័យទៅដល់យុវជន យុវនារី ថា៖ “បើសិនយើងស្រឡាញ់អ្វីដែលជាខ្លួនឯង ហើយមានគោលបំណងអ្វីចង់ធ្វើ គឺត្រូវមានក្តីស្រមៃ និងរកវិធីសាស្រ្តបែបណា ឬយុទ្ធសាស្រ្តដូចម្តេច ដើម្បីដើរទៅដល់គោលដៅ។ ពីព្រោះ ប្រសិនបើយើងមានក្តីស្រមៃ ហើយយើងអត់មានការប្រឹងប្រែង គឺយើងអត់អាចជោគជ័យបានទេ”។

ដូចខ្ញុំផ្ទាល់អ៊ីចឹង កាលពីក្មេងខ្ញុំស្រឡាញ់សិល្បៈ និងការងារមនុស្សធម៌ ក៏ដូចជាអចលនទ្រព្យ ឥឡូវខ្ញុំសម្រេចបានដូចគោលបំណងដូចអ្វីដែលខ្ញុំបានប៉ង់តាំងពីក្មេង។ ទម្រាំឈានមកឈរដល់ចំណុចដូចរាល់ថ្ងៃហ្នឹង គឺខ្ញុំខំពុះពារខ្លាំងណាស់ មិនមែនថាយើងអត់ធ្លាប់ដួលនោះឡើយ។ ព្រោះកន្លងមក ខ្ញុំធ្វើកិច្ចការងារទាំងក្នុងសិល្បៈ និងអចលនទ្រព្យ ក៏ធ្លាប់បាក់ទឹកចិត្ត អត់សប្បាយចិត្តដែរ ព្រោះយើងអត់សម្រេចដូចអ្វីដែលយើងបានគ្រងទុក ប៉ុន្តែខ្ញុំនៅតែពុះពារបន្តទៀត មិនចុះចាញ់មិនរួញរាល ដរាបណាខ្ញុំនៅមានជីវិត។ កញ្ញាបានបញ្ជាក់។

ច័ន្ទចរិយាបញ្ជាក់បន្ថែមថា៖ “ការពុះពារ ការខិតខំប្រឹងប្រឹងហ្នឹង គឺវាពិតជាសំខាន់មែនទែន ដើម្បីឲ្យយើងដល់គោលដៅពិតប្រាកដ”៕

The post ងួន ច័ន្ទចរិយា ប្រែក្លាយពីតារាសម្តែងស្រីវ័យក្មេង មកក្តោបក្តាប់តួនាទីអគ្គលេខាធិការរងនៃសមាគមអចលនទ្រព្យសកល appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

១២ឆ្នាំក្រោយមក វីង បានក្លាយជាអ្នកផ្តល់សេវាទូទាត់តាមទូរស័ព្ទចល័តឈានមុខគេ ព្រមទាំងមានការផ្តល់សេវាកម្មផ្សេងៗដូចជា ការផ្ទេរប្រាក់ ការបើកប្រាក់ខែ ការបង់វិក្កយបត្រទូទាត់ បញ្ចូលប្រាក់តាមទូរស័ព្ទ សេវាផ្ទេរប្រាក់ទៅអន្តរជាតិ និងមានដៃគូជាមួយពាណិជ្ជករជាង ៥៥.០០០ ដែលរួមមាន ក្រុមហ៊ុន MasterCard ក្រុមហ៊ុន Visa ក្រុមហ៊ុន Western Union, ក្រុមហ៊ុន MoneyGram ក្រុមហ៊ុន Ria ជាដើម ដែលសុទ្ធសឹងជាក្រុមហ៊ុនកំពូលៗលើពិភពលោកក្នុងវិស័យនេះ។

ធនាគារឯកទេសវីង (ខេមបូឌា) លីមីតធីត ជាបុត្រសម្ព័ន្ធនៃក្រុមហ៊ុន រ៉ូយ៉ាល់គ្រុប ដែលមាន​អ្នកឧកញ៉ា គិត ម៉េង ប្រធានក្រុមប្រឹក្សាភិបាល និងជាអ្នកជំនួញដ៏មានឥទ្ធិពលម្នាក់នៅកម្ពុជា។

តើប្រធាននាយកប្រតិបត្តិធនាគារ WING ជានរណា? តើមានប្រវត្តិយ៉ាងណាខ្លះ? សូមតាមដានជាមួយឧកញ៉ាញូស៍ដូចតទៅ៖

ក្នុងវ័យ ៣៨ឆ្នាំ មានងារជាលោកជំទាវ អតីតតារាសម្តែងល្បីឈ្មោះ លោកជំទាវ ម៉ៅ ចំណាន កើតនៅខេត្តស្វាយរៀង  មានឪពុកឈ្មោះ ម៉ៅ នី អាយុ ៧១ឆ្នាំជាមន្ត្រីកងយោធពលខេមរភូមិន្ទ និងម្តាយឈ្មោះ គង់ សោម៉ា អាយុ៦១ឆ្នាំជាស្រ្តីមេផ្ទះ។

នៅអំឡុងឆ្នាំ១៩៩៨ អ្នកនាងបានចូលធ្វើការតាមភោជនីយដ្ឋាន គឺជាអ្នកចម្រៀង។ ក្រោយមកដោយមានទេពកោសល្យរួមជាមួយក្តីស្រឡាញ់សិល្បៈ ព្រមទាំងមានសម្រស់ស្រស់ស្អាត ហើយគួបជួនពេលវេលានឹងឱកាសហុចឲ្យផងនោះ អ្នកនាងក៏បោះជំហានចូលប្រឡូកក្នុងការសម្តែងខារ៉ាអូខេនៅផលិតកម្មធំៗជាច្រើន រួមមាន៖ ផលិតកម្មរស្មីហង្សមាស ផលិតកម្មយូធូ និងផលិតកម្មស្ទឹងសង្កែ។

ក្រោយចូលសម្តែងបានមួយរយៈ អ្នកនាងស្រីតូច ចំណាន ទទួលបាននូវការគាំទ្រជាមួយនឹងភាពល្បីល្បាញត្រឹមរយៈពេលខ្លី រហូតប្រែក្លាយជាពិធីការិនីដែលមានសំឡេងផ្អែមស្រទន់ ប្រចាំស្ថានីយទូរទស្សន៍ ប៉ុស្តិ៍លេខ​៥ ដ៏ល្បីមួយក្នុងជំនាន់នោះ។

ការកាន់យកអាជីពសិល្បៈរបស់អ្នកនាងហាក់មានភាពរីកចំរើន និងធ្វើឲ្យទស្សនិកជនស្គាល់នាងកាន់​តែច្រើនឡើងៗ។ ប៉ុន្តែជាអកុសលអតីតតារាសម្តែង និងជាពិធីការិនី សំឡេងផ្អែមស្រទន់ អ្នកនាង ស្រីតូច ចំណាន ក៏បានជួបរឿងអាម៉ាសមុខមួយ ​គឺនាងត្រូវបានក្រុមការងារ ដើរជាន់ជាយរ៉ូប ធ្វើឲ្យរបូតក្នុងអំឡុងពេលធ្វើជាពិធីការិនីផ្សាយផ្ទាល់ ក្នុងកម្មវិធីមួយរបស់ស្ថានីយទូរទស្សន៍ប៉ុស្តិ៍លេខ៥ កាលពីអំឡុងឆ្នាំ២០០២-២០០៣។

បន្ទាប់ពីជួបរឿងអាម៉ាស់នេះហើយអ្នកនាងក៏បានផ្តាច់ខ្លួន ចេញពីវិថីសិល្បៈ ដោយនាងឈប់ទទួលការងារនិងថត នៅក្នុងសិល្បៈតទៅទៀត។

បាត់មុខមួយរយៈធំពីវិថីសិល្បៈ ក្រោយមក​ឮលេចលឺព័ត៌មានថា នាងបានសាងស្នេហ៍យ៉ាងផ្អែមត្រជាក់ ជាមួយមហាសេដ្ឋីប្រាក់លានម្នាក់ គឺអ្នកឧកញ៉ា គិត ម៉េង ហើយអ្នកទាំងពីរបានរួមរស់សាងគ្រួសាររហូតមានកូនជាមួយគ្នាទៀតផង។

មនុស្សជាច្រើនតែងពោលថា មនុស្សយើងមិនមែនអង្គុយតែរាសីធ្លាក់ចុះរហូតនោះទេ វាក៏មានថ្ងៃឡើងខ្ពស់ត្រដែត ហើយក៏មានថ្ងៃធ្លាក់ចុះដែរ ដូច្នេះវាសនាមនុស្សមើលមិនឃើញ ប្រសិនបើយើងមិនចុះចាញ់។

អតីតតារាសម្តែងល្បីឈ្មោះ អ្នកនាង ម៉ៅ ចំណាន បន្ទាប់ពីអត់ធ្មត់សង្កត់ចិត្តរស់នៅក្នុងស្ថានភាព ជាភរិយា​​មិនពេញមុខពេញមាត់ អស់រយៈពេលជាង ១០ឆ្នាំ ក្រោយមកអ្នកឧកញ៉ា គិត ម៉េង បានបំពេញក្ដីស្រមៃដែលកើតចេញពីការ​អត់ធ្មត់ និងការព្យាយាមគ្មានទីបញ្ចប់។ នៅថ្ងៃទី​២០ ខែមីនា ឆ្នាំ២០១៥​ អ្នកនាងបានដឹកដៃស្វាមី សម្បូរទ្រព្យអ្នកឧកញ៉ា គិត ម៉េង ចូលរោងការសំពះផ្ទឹម តាមប្រពៃណី​ខ្មែរ​។

កាលពីអំឡុងឆ្នាំ២០១២ អ្នកឧកញ៉ាក៏បានសង់ភូមិគ្រឹះតម្លៃជាង១លានដុល្លារ នៅម្តុំទួលទំពូង ដែលភូមិគ្រឹះ​នោះត្រូវបានរៀបចំការសាងសង់ និងតុបតែងលម្អយ៉ាងផ្ចិតផ្ចង់បំផុត ជាមួយនឹងគ្រឿងសង្ហារឹម​ប្រណីតៗ ក្រៅពីនោះគេបានដឹងថា ស្រីតូច ចំណាន បានទិញផ្ទះវីឡា​តម្លៃ​មិនតិចទេ នៅឯបរទេសផងដែរ។

បើតាមការចុះផ្សាយរបស់បណ្តាញព័ត៌មាន Fresh News កាលពីឆ្នាំ២០១៥ បានឲ្យដឹងលោកជំទាវ ស្រីតូច ចំណាន ត្រូវបានអ្នកឧកញ៉ា គិត ម៉េង ប្រគល់សិទ្ធិឲ្យក្លាយជាម្ចាស់សណ្ឋាគារ និងកាស៊ីណូ ដ៏ធំនៅក្រុងបាវិត ខេត្តស្វាយរៀង និងមានមុខជំនួញជាច្រើនដែលលោកជំទាវកំពុងក្តោបក្តាប់ថែមទៀតផង៕

The post លោកជំទាវ ស្រីតូច ចំណាន ពីអតីតពិធីការិនីល្បីឈ្មោះប្រែក្លាយមកជាប្រធាននាយកប្រតិបត្តិធនាគារ វីង appeared first on .

ភេសជ្ជៈ KOI កំពុងតែទទួលបានការគាំទ្រយ៉ាងខ្លាំងនាពេលបច្ចុប្បន្ននេះ។ លោក ឈុនដារ៉ា ត្រូវបានគេស្គាល់ថា ជាសហគ្រិនវ័យក្មេងដែលបានដឹកនាំមុខជំនួញទទួលបាននូវភាពជោគជ័យគួរឱ្យកត់សម្គាល់។ មិនតែប៉ុណ្ណោះលោកក៏ជាសហគ្រិនវ័យក្មេងកំពុងជោគជ័យខ្លាំងបំផុតក្នុងមុខជំនួញនៅកម្ពុជា។

លោក ឃន ឈុន ដារ៉ា ជានរណា? មានប្រវត្តិការសិក្សាយ៉ាងដូចម្តេចខ្លះ? គេហទំព័រឧកញ៉ាញូស៍សូមបើកកកាយពីជីវិតខ្លះៗរបស់លោកទម្រាំទទួលបាននូវភាពជោគជ័យ។

លោក ឃន ឈុន ដារ៉ា កើត​​នៅ​ឆ្នាំ​១៩៨៩ ​ក្នុង​​​សង្កាត់​បឹង​ព្រលិត​​​ ខណ្ឌ​៧​​ មករា រាជធានី​ភ្នំពេញ​​។ លោកបាន​បញ្ចប់​ការ​សិក្សា​ថ្នាក់បរិញ្ញាបត្រ​ផ្នែក​សេដ្ឋកិច្ច និង​ពាណិជ្ជកម្ម​ នៅ​សាកលវិទ្យាល័យ​កាលីហ្វ័រនីញ៉ា​នៃ​សហរដ្ឋ​អាមេរិក និង​ថ្នាក់​អនុបណ្ឌិត​ផ្នែក​គ្រប់គ្រង ​ពី​សាកលវិទ្យាល័យ​ប្រ៊ីស្ដូល (Bristol) ប្រទេស​អង់គ្លេស​។ ក្រោយបញ្ចប់ការសិក្សាលោកបានសម្រេច​ចិត្ត​ត្រឡប់​មក​កម្ពុជា​វិញ​ដើម្បី​បើក​ហាង​តែគជ់​មួយ​នៅ​ទល់មុខ​វិទ្យាស្ថាន​ភាសាបរទេស ​ដែល​មាន​ឈ្មោះ​ថា KOI នៅអំឡុងឆ្នាំ២០១៤។ ប៉ុន្តែមុនបើក KOI លោកក៏ធ្លាប់​បម្រើ​ការងារ​នៅ​ក្រុមហ៊ុន​ផ្សេង​ដែរ។

លោក ឈុនដារ៉ា ធ្លាប់ប្រាប់អ្នកកាសែតថា ការចំណាយ​ដើមទុន​ក្នុង​ការ​បង្កើត​អាជីវកម្ម​នេះ​អស់ទឹកប្រាក់​រហូត​ដល់ ​៦​ខ្ទង់​ដុល្លារ​អាមេរិក ក្នុង​ចំណោម​យុវជន​៤​នាក់​ដែល​ជា​ម្ចាស់​ដើមទុន។

យ៉ាងណា​មិញ អតីត​និស្សិត​បញ្ចប់​ការ​សិក្សា​ជំនាញ​គ្រប់គ្រង​រូប​នេះ ក៏ជាម្ចាស់ពានរង្វាន់សហគ្រិនឆ្នើមវ័យក្មេងប្រចាំឆ្នាំ២០១៥ ផងដែរ។ លោកត្រូវបានមហាក្សត្រ ព្រះបាទ នរោត្តម សីហមុនី ត្រាស់បង្គាប់ផ្តល់គោរមងារជា ឧកញ៉ា កាលពីថ្ងៃទី២៥ ខែកក្កដា ឆ្នាំ២០២១៩។

លោកឧកញ៉ា ឃន ឈុនដារ៉ា ត្រូវបានគេស្គាល់ថា ជាកូនប្រសាឧកញ៉ា ហេង សៀ ភរិយារបស់លោកគឺអ្នកស្រី តាំង គីមហៀង។

គិតមកដល់ពេលបច្ចុប្បន្នលោកឧកញ៉ា ឃន ឈុនដារ៉ា ក្តោបក្តាប់មុខជំនួញជាច្រើនរួមមាន៖ នាយកក្រុមហ៊ុន ខេមបូភូរ៉ា ក្លាស ឯ.ក, នាយកប្រតិបត្តិនៃក្រុមហ៊ុន KOI Thé Cambodia, ស្ថាបនិក Tube Café, ហាង​លក់​កា​ហ្វេ Yellow cab , ហាងលក់ Pizza, Orkin ដែលជាក្រុម​ហ៊ុន​ផ្ដល់​សេវាកម្ម​ សម្លាប់សត្វ​ល្អិត​តាម​ផ្ទះ ​ឬ​ក្រុមហ៊ុន​ និង KYO ​ម្ហូប​បែប​ជប៉ុន​។

តាមរយៈការអភិវឌ្ឍន៍មុខជំនួញលោក​បាន​​ផ្ដល់​​ឱកាស​ការងារ​​ដល់​បុគ្គលិក​រាប់​រយ​នាក់ និងជួយដល់សង្គមទាំងកិច្ចការមនុស្សធម៌ និងថវិការាល់ពេលដែលជួបគ្រោះមហន្តរាយផ្សេងៗ។ ជាក់ស្តែងស្ថិតក្នុងស្ថានភាពនៃវិបត្តិកូវីដ១៩ លោកបាននាំយកភេសជ្ជៈ KOI រាប់រយកែវ និងគ្រឿងឧបរិភោគបរិភោគចាំបាច់ផ្សេងទៀតទៅជូនអ្នកពាក់ព័ន្ធក្នុងការប្រយុទ្ធប្រឆាំងកូវីដ។ 

លោកឧកញ៉ា ឃន ឈុនដារ៉ា បានឲ្យតំបូន្មានថា៖ «មុន​នឹង​សម្រេច​ចិត្ត​បង្កើត​អ្វី​មួយ អ្នក​ត្រូវ​តែ​សិក្សា​ព័ត៌មាន និង​គិតគូរ​ឲ្យ​បាន​ច្បាស់លាស់។ អ្វី​ដែល​ខ្ញុំ​មើល​ឃើញ​សព្វថ្ងៃ​នេះ គឺ​មនុស្ស​មួយ​ចំនួន​ចូលចិត្ត​បង្កើត​អាជីវកម្ម​តាម​គ្នា​ដោយ​មិន​បាន​សិក្សា​ពី​ទីផ្សារ​ច្បាស់លាស់​ឡើយ។ ដើម្បីជោគជ័យបានអ្នករកស៊ីត្រូវតែយល់ពីដៃគូប្រកួតប្រជែងរបស់ខ្លួនឲ្យបានច្បាស់ ថាតើគេមានចំណុចខ្លាំងនិងចំណុចខ្សោយអ្វីខ្លះ?​»

សូមចុចអានអត្ថបទខាងក្រោម៖

The post លោក ឃន ឈុនដារ៉ា កូនប្រសាឧកញ៉ា ហេង សៀ ជានរណា? កំពុងក្តោបក្តាប់មុខជំនួញអ្វីខ្លះ? appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្រុមហ៊ុន ហេង ស្រេងហុង អាហ័រណ នីហ័រណ ត្រូវបានចុះបញ្ជីនៅក្រសួងពាណិជ្ជកម្មក្នុងឆ្នាំ១៩៩៨ ដែលជាអាជីវកម្មផ្គត់ផ្គង់ផលិតផលកញ្ចក់ និងទ្វារដែករមូរគ្រប់ប្រភេទ ដែលទំនើបទាន់សម័យនៅទូទាំងប្រទេស។

នៅក្នុងឆ្នាំ២០០៣ ផលិលផលកញ្ចក់ និងទ្វារដែករមូររបស់ HSH បានពង្រីកសេវាកម្មបន្តែមច្រើនផ្សេងទៀតសម្រាប់ផ្តល់ឲ្យអតិថិជនមានដូចជា៖ បន្ទប់ជញ្ជាំងធ្វើពីកញ្ចក់ បន្ទប់ទឹក ទ្វារ បង្អួចធ្វើពីកញ្ចក់ និងទ្វារដែររមូរគ្រប់ប្រភេទ ប្រើដោយដៃ ម៉ូទ័រ និងតេឡេបញ្ជាទំនើបទាន់សម័យ ដែរទាំងអស់នេះ សុទ្ធសឹងតែជាផលិតផលមានគុណភាពខ្ពស់។

ជាមួយនឹងភាពជោគជ័យល្បីឈានមុខគេក្នុងការផ្គត់ផ្គង់ផលិតផលកញ្ចក់ និងទ្វារដែករមូរគ្រប់ប្រភេទ ទំនើបទាន់សម័យ HSH ក៏មានការនាំចូលកញ្ចក់គ្រប់ប្រភេទ និងគ្រឿងឧបករណ៍ប្រើប្រាស់ជាមួយកញ្ចក់គ្រប់ប្រភេទ ផ្គត់ផ្គងតាមបណ្ដារាជធានីខេត្ដផងដែរ។ HSH ប្តេជ្ញាថានឹងនាំផលិតកញ្ចក់ សុវត្ថិភាព គុណភាពខ្ពស់ ដូចជា៖ កញ្ចក់ Tempered, Laminate, insulate, មានទទួលចិតកញ្ចក់គ្រប់ប្រភេទ គ្រប់កញ្ចក់ទំាងអស់ដែលកៃច្នៃ សុទ្ធតែជាកញ្ចក់នំាចូលពីបរទេសលំដាប់ ISO 9002 GUARDIAN(USA)។

នៅពីក្រោយភាពជោគជ័យដ៏អស្ចារ្យរបស់ក្រុមហ៊ុន ហេង ស្រេងហុង (HSH) មិនមានមនុស្សច្រើនប៉ុន្មានទេ ដែលបានស្គាល់ស្ថាបនិកដែលជាមគ្គុទេសន៍ដឹកនាំដ៏ប៉ិនប្រសព្វក្នុងការគ្រប់គ្រងមុខជំនួញ។ លោកឧកញ៉ា ហេង សៀ ជាអគ្គ​នាយក​​​ក្រុម​ហ៊ុន ហេង​​ ស្រេង​ហុង និងក្រុមហ៊ុន ខេមបូភូរ៉ា ក្លាស ឯ.ក (CPG) ត្រូវបានគេចាត់ថា ជាអ្នកជំនួញដ៏មានឥទ្ធិពលម្នាក់ ហើយតែងតែមើលឃើញពីចក្ខុវិស័យវែងឆ្ងាយនៅក្នុងការអភិវឌ្ឍ។

លោកឧកញ៉ា ហេង សៀ បានបោះទុនវិនិយោគរាប់លានដុល្លារអាមេរិកទៅលើការអភិវឌ្ឍមុខជំនួញ។ តាមរយៈការអភិវឌ្ឍក្រុមហ៊ុននេះ គឺលោកឧកញ៉ា បានចូលរួមចំណែកដ៏សំខាន់ក្នុងការអភិវឌ្ឍសេដ្ឋកិច្ច និងលើកស្ទួយមុខមាត់ប្រទេសកម្ពុជា។

នាពេលកន្លងមកលោក​ឧកញ៉ា ហេង សៀ បានលះបង់ធានធនចូលរួមវិភាគទានថវិការាប់ម៉ឺនដុល្លារ និងគ្រឿងឧបភោគបរិភោគរាប់រយមុខដើម្បីជួយដល់រាជរដ្ឋាភិបាលកម្ពុជាក្នុងពេលជួបគ្រោះមហន្តរាយផ្សេងៗ ព្រមទាំងចុះចែកអំណោយសប្បុរសធម៌ជូនជនក្រីក្រជួបកាលំបាកជាហូរហែ៕

The post មកស្គាល់មុខជំនួញ ឧកញ៉ា ហេង សៀ តែងតែមើលឃើញពីចក្ខុវិស័យវែងឆ្ងាយនៅក្នុងការអភិវឌ្ឍ appeared first on .

បុរសសង្ហារ ភុល សុវណ្ណដានីន ត្រូវបានក្រុមហ៊ុន Life T International ប្រកាសជាផ្លូវការ​ដោយ​ទទួល​ធ្វើ​ជាតារាតំណាងផលិតផលធុងបាសម៉ាក់ W King កាលពីថ្ងៃទី ២០ ខែ មករា ដោយ​មាន​ការ​ចូល​រួម​អបអរសាទរ ពីបណ្តាក្រុមហ៊ុនមួយចំនួន និង​សិល្បករសិល្បការីនីល្បីៗជាច្រើន នាឱកាសនោះ​ផងដែរក៏មានការបង្ហាញ​ម៉ូដពីសំណាក់តារាសម្តែងជាច្រើនដួង ដែលធ្វើឱ្យកម្មវិធីកាន់​តែ​កក្រើក​ឡើង ​។

លោក ផាត តូម៉ាស់ អគ្គនាយកក្រុមហ៊ុន Life T International បានបញ្ជាក់ប្រាប់ថា មាន​មូល​ហេតុ​ជាច្រើន​ដែលធ្វើឱ្យលោកជ្រើសរើសលោក ភុល សុវណ្ណដានីន ធ្វើ​ជាអ្នក​តំណាង​ឱ្យ​ផលិតផល​ធុងបាស ​W King ​ដោយលោករំពឹងថា វត្តមានលោក ភុល សុវណ្ណដានីន នឹង​កាន់​តែ​ធ្វើ​ឱ្យ​អតិថិជន​ចាប់​អារម្មណ៍នូវ ផលិតផលរបស់ក្រុមហ៊ុនលោក ពីព្រោះលោក ភុល សុវណ្ណដានីន ជាតារាល្បីម្នាក់ដែលលោកស្គាល់ យូរឆ្នាំមកហើយ ។

ក្រឡេក​មើលលោក ភុល សុវណ្ណដានីន វិញញញឹមបិទមាត់មិនជិតឡើយនៅក្នុងថ្ងៃពិសេសនោះ លោក​បានឱ្យដឹងថា ជាង ១០ ឆ្នាំក្នុងសិល្បៈលោកមិនធ្លាប់បានទទួលធ្វើជាអ្នកតំណាងឱ្យក្រុមហ៊ុន ណា​ទេ ទើប​តែឆ្នាំនេះលោកទទួលធ្វើការងារនេះ ។

ក្រៅពីចុះកុងត្រាទទួលធ្វើជាអ្នកតំណាងផលិតផលនៅក្នុងក្រុមហ៊ុននេះដោយគ្មានដែនកំណត់ លោក ភុល សុវណ្ណដានីន បានទម្លាយផងដែរថា លោកក៏មានភាគហ៊ុនតូចមួយនៅទីនោះដែរ ។ ថ្វីដ្បិតតែលោក ភុល សុវណ្ណដានីន មិនបញ្ជាក់ពីហ៊ុនដែលលោកមាន តែលោកបាន​ត្រៀម​ខ្លួន​រួច​ជា​ស្រេច​ដើម្បី​ធ្វើការផ្សព្វផ្សាយពីផលិតផលនេះឱ្យកាន់តែល្បីល្បាញ ។

គួរបញ្ជាក់ផងដែរថា បុរសសសង្ហារ ភុល សុវណ្ណដានីន បានធ្វើឱ្យទស្សនិកជន​ចាប់អារម្មណ៍ខ្លាំង​ក្រោយ​ពីលេច​មុខ ក្នុងត្រេល័ររឿង « អ្នកទី ៣ » របស់ទូរទស្សន៍ ភីអិនអិន ដោយ​លោក​សម្តែង​ជាតួអង្គ ព្រាននារីមានស្រីរាប់មិនអស់ ។ ភុល សុវណ្ណដានីន ធ្លាប់បានចេញទៅរស់នៅប្រទេស អាលី្ល​ម៉ង់ នៅឆ្នាំ ២០១១ ជាមួយម្តាយនិងបងប្អូន តែដោយសារនៅទី​នោះពិបាក​ក្នុង​ការ​រស់​នៅ​និង​ប្រកប​ការងារ​លោកក៏បានវិលត្រឡប់​មក​កសាង ជីវិតនិងស្នាដៃក្នុងប្រទេស កម្ពុជា វិញ ។ ឆ្នាំ​នេះ​លោក​មានវ័យ ៣៧ ឆ្នាំ​ហើយ ៕

The post ជាង ១០ ឆ្នាំក្នុង​វិថី​សិល្បៈ ភុល សុវណ្ណដានីន ទើប​បាន​ក្លាយ​ជា​អ្នក​តំណាង​ផលិតផល ឲ្យ​ក្រុម​ហ៊ុន​មួយ appeared first on .

ទោះជាយ៉ាងណា តាមការស៊ើបសួរពីអ្នកជិតដិតតារាចម្រៀងខេម នោះបានទម្លាយថានារីរូបស្រស់ជាអនគតភរិយាតារាចម្រៀងរូបនេះក៏មានវត្តមានក្នុងកម្មវិធីសម្ពោធនេះផងដែរ ហើយនាងបានធ្វើដំណើរមកពីប្រទេសបារាំងជាង១ឆ្នាំកន្លងមកហើយ។ នារីរូបស្រស់នេះមានឈ្មោះស្រីកា មុខមាត់ស្រស់សោភាខ្លាំងមិនចាញ់តារាសម្តែងឡើយ។ នាងមានសម្បុរស ច្រមុះស្រួច ស្បែកសភ្លឺថ្លាមានវ័យប្រមាណជិត៣០ឆ្នាំប៉ុណ្ណោះ។ ក្រៅពីមានរូបរាងស្រស់ស្អាតមិនចាញ់តារាៗនោះនាងក៏មានអត្តចរិករួសរាយរាក់ទាក់ គឺនាងបានដើរស្វាគមន៍ភ្ញៀវដែលចូលរួមកម្មវិធីខាងលើផងដែរ។ នាងទទួលបានការកោសរសើរខ្លាំងពីមិត្តរួមអាជីពថាក្រៅតែរកបាននារីស្រស់សោភាជាសង្សារ នាងក៏មានអត្តចរិករួសរាយរាក់ទាក់ផងដែរ។

ជុំវិញទំនាក់ទំនងស្នេហានេះដែរ តារាចម្រៀងខេមបានបង្ហើបថា លោកបានភ្ជាប់ស្នេហ៍ជាមួយនារីម្នាក់ដែលជាអាណិកជននៅប្រទេសបារាំងមិនមែនជាអ្នកសិល្បៈទេហើយការស្រលាញ់គ្នានេះអស់រយៈពេល៥ឆ្នាំកន្លងមកហើយពោលគឺក្រោយពីលោកបានចេញទៅច្រៀងរាំនៅទីនោះ។ លោកបន្តថា នៅមិនទាន់រកពេលវេលាដើម្បីបង្ហាញមហាជនជាសាធារណៈ ឬពេលវេលារៀបមង្គលការបើទោះបីជាច្បាស់លាស់ជាមួយគ្នាទៅហើយក្តី។

លោកមិនមានគម្រោងចេញទៅរស់នៅប្រទេសបារាំងឡើយ ហើយការបើកដំណើរការអាជីវកម្មថ្មីនេះនឹងជាក្លាយជាមុខរបរលំនឹងមួយសម្រាប់លោកនិងអនាគតភរិយា ។ លោកថាហាងនៅជិតខ្លោងទ្វារវត្តសំរោងអណ្តែតយីហោ T & Yនេះចាយទុនប្រមាណ​២០​ម៉ឺន​ដុល្លារអាមេរិក និងមិនមានការរួមចំណែកពីអនាគតភរិយានោះឡើយ។ លោករំពឹង​ថា​ក្រោយពីបើកដំណើរការអាជីវកម្មនេះនឹងទទួលបានគាំទ្រច្រើនពីទស្សនិកជន ខណៈដែលហាងលោកមានចំណុចពិសេសទាំងការរៀបចំហាង ជា៣ផ្នែកផ្សេងគ្នា និងរស់ជាតិអាហារឆ្ងាញ់ ផងដែរ៕

The post លេចធ្លាយមុខមាត់អនាគតភរិយាតារាចម្រៀង ខេម ថ្ងៃ​សម្ពាធ​ហាង .. appeared first on .

មុខ​ជំនួញ​ដំបូង​របស់ ខេម មិន​មែន​ជា​អចលនទ្រព្យ​ដូច​ថៅកែ​​របស់​ខ្លួន​ឡើយ ពោល​គឺ​លោក​បាន​បើក​ជា​​ភោជនីយដ្ឋាន​(ផាប់) លក្ខណៈ​ស្តង់ដារ​មួយ។ តារា​ចម្រៀង​ល្បី​ឈ្មោះ​រូប​នេះ បាន​ថ្លែង​ឲ្យ​ដឹង​ថា មូលហេតុ​ដែល​នាំ​ឲ្យ​លោក​សម្រេច​ចិត្ត​បើក​ភោជនីយដ្ឋាន​(ផាប់) ​នេះ ក៏​ព្រោះ​តែ លោក​គិត​ថា ​ខ្លួន​ចង់​មាន​មុខរបរ​បន្ទាប់​បន្សំ​​មួយ​ក្រៅ​ពី​ការងារ​សិល្បៈ ត្បិត​​​អី​​ទៅ​ថ្ងៃ​អនាគត​មិន​អាច​តែ​ពឹង​លើ​សិល្បៈ​មួយ​មុខ​បាន​ឡើយ។

ខេម បាន​បង្ហើប​ឲ្យ​ដឹង​ថា T&Y Restaurant ដែល​ខ្លួន​ហ៊ាន​វិនិយោគ​​លើក​ដំបូង​នេះ​ បាន​ប្រើ​ទុន​រហូត​ដល់​ទៅ​ជាង​២០ម៉ឺន​ដុល្លារ​ឯណោះ ហើយ​មុខ​ជំនួញ​នេះ មិន​មាន​អ្នក​ណា​ម្នាក់​ចូល​ហ៊ុន​ជា​មួយ​ឡើយ គឺ​លោក​បើក​ផ្ដាច់​មុខ​តែ​ម្ដង ប៉ុន្តែ​ក្នុង​នោះ​មាន​ការ​ប្រឹក្សា​ពី​បង​ប្រុស​របស់​លោក​ម្នាក់ដែរ។

ការ​សម្រេច​ជ្រើស​ទីតាំង​​​ជិត​វត្ត​សំរោង​អណ្ដែត មក​ផ្ដើម​អាជីវកម្ម​លើក​ដំបូង​នេះ ខេម បាន​សិក្សា​​ជា​ច្រើន​ឆ្នាំ​នឹង​ច្បាស់​លាស់ ដោយ​លោក​យល់​ថា ម្ដុំ​នោះ​មាន​ហាង​ច្រើន ប៉ុន្តែ​ហាង​បែប​​(ផាប់) មាន​ប៊ែន​ច្រៀង មិន​ទាន់​មាន​នៅ​ឡើយ​ទេ ដូច​នេះ​ការ​បើក​នៅ​ទីតាំង​នេះ វា​ពិត​ជា​ងាយ​ស្រួល​​ដល់​​អតិថិជន​ដែល​ចង់​សប្បាយ​បែប​ផាប់ មិន​ចាំ​បាច់​ចូល​កណ្ដាល​ទី​ក្រុង​នោះ​ទេ អាច​មក​កន្លែង​លោក​បាន​។

ខេម បាន​ពន្យល់​នៃ​ពាក្យ T&Y Restaurant មាន​ន័យ​ថា (Thank you អរគុណ) ដែល​​ពាក្យ​មួយ​នេះ​មនុស្ស​គ្រប់​គ្នា​តែង​និយាយ​ជា​ការ​គួរសម។

T&Y Restaurant បាន​បើក​លក់​សាល​ល្បង​ប៉ុន្មាន​ថ្ងៃ​មក​ហើយ ឃើញ​​ថា មាន​ការ​​គាំទ្រ​ច្រើន ថ្ងៃ​​សម្ពោធ​ជា​ផ្លូវ​ការ​គ្រោង​ធ្វើ​នៅ​ថ្ងៃ​ទី០៧ ខែ វិច្ឆិកា ឆ្នាំ ២០២០ ខាង​នេះ។ ភ្ញៀវ​កិត្តិយស​ដែល​ធ្វើ​ខួប​កំណើត​ និង​កម្មវិធី​ជប់លៀង​ផ្សេងៗ​​ និង​មានការ​ Discount យ៉ាង​ពិសេស​ជូន​ភ្ញៀវ​កិត្តិ​យស​ផង​ដែរ​។

ទទឹម​គ្នា​នោះ​ដែរ ខេម ក៏​បាន​ស្នើ​ដល់​អ្នក​គាំ​របស់​លោក ជាពិសេស​​អ្នក​ដែល​រស់​​នៅ​តំបន់​ហាង​របស់​លោក មេត្តា​ចូល​សាក​ល្បង​មុខ​ម្ហូប ស្ដាប់​ភ្លេង​​ហាង​ថ្មី របស់​លោក​ឲ្យ​បាន​ច្រើន​កុះករផង​ដែរ៕

The post ជាង​២០ម៉ឺន​ដុល្លារ ខេម បោះ​ទុន​លើ​​ជំនួញ​ធ្វើ​ឲ្យ​មនុស្ស​ម្នា​សប្បាយ appeared first on .

លោក ជា វិបុល បាន​ឱ្យ​ដឹង​ថា នេះ​ជា​លើក​ដំបូង​ហើយ​ដែល​លោក បាន​បោះ​ទុន​ប្រាក់​ផ្ទាល់​ខ្លួន​ក្នុង​គម្រោង​លក់​ដីឡូតិ័ ។ ទាំង​នេះ​ក៏​ដោយសារតែ​លោក​​ព្រម​ទាំង​ភរិយា បាន​ធ្វើ​ការ​ងារ​ជា​មួយ លោក ឡេង និមល ច្រើន​លើក​មក​ហើយ ឃើញ​ថា ទីផ្សារ​អចលនទ្រព្យ​ពិសេស​ដីឡូតិ៍​មាន​​ទីផ្សារ​ខ្លាំង ជា​ឱកាស​មិន​អាច​បង្អង់​យូរ​បាន គួបផ្សំ​ដៃគូ របស់​លោក​ជា​មនុស្ស​ល្អ​យល់​ចិត្ត​គ្នា នឹង​ជា​ក្រុមហ៊ុន​មួយ​មាន​កេរ្តិ៍ឈ្មោះ​ល្អ អតិថិជន​មាន​ទំនុក​ចិត្ត ទើប លោក​ព្រម​ទាំង​ភរិយា បាន​សម្រេច​ចិត្ត ចូលហ៊ុន​រក​ស៊ី​ជា​មួយ​គ្នា​តែ​ម្ដង។

បច្ចុប្បន្ន​​ទីតាំង​គម្រោង​ដីឡូតិ៍ ខាង​លើ ជា​​ទីតាំង​ល្អ​សម្រាប់​បង​ប្អូន​ដែល​បាន​ដីឡូតិ៍​សាងសង់​ផ្ទះ​ស្នាក់​នៅ ឬ​ផ្ទះ​​ជួល​ជា​ដើម​បាន​យ៉ាង​ល្អ​ប្រសើរ ត្បិត​ជុំ​វិញ​ដំបន់ នោះ​ជា​ដំបន់​ប្រកប​ដោយ​សក្ដានុពល ជាប់​ផ្លូវ​ជាតិ មាន​ផ្សារ និង​រោងចក្រ​ជា​ច្រើន។

មុន​ឈាន​ដល់ ការ​ចាប់​ដៃគូ រក​ស៊ី​ជា​មួយ លោក ជា វិបុល នឹង អ្នក​នាង គង់ សុជាតិ នេះ លោក ឡេង និមល បាន​ឱ្យ​ដឹង​នៅ​ក្នុង​ថ្ងៃ​សម្ពោធ​បើក​គម្រោង​ដីឡួតិ៍​​នោះ​ថា ផ្ដើម​ឡើង​​ដោយ​ការ​ធ្វើ​ការ​ជា​មួយ​គ្នា ហើយ​អ្នក​ទាំង​ពី​ជា អាយដល របស់​លោក​ផង​នោះ ក៏​ឈាន​ដល់​ទំនាក់​ទំនង​កាន់​តែ​ស្និទ្ធស្នាល កើត​ចេញ​ជា​មុខ​ជំនួញ​នេះ​ឡើង​តែ​ម្ដង។

ជា​ជំហាន​ដំបូង ប្អូន​ប្រុស របស់​លោក​ឧកញ៉ា​ឡេង ណាវ៉ាត្រា​រូប​នេះ​ឲ្យ​ដឹង​ថា អ្នក​ទាំង​ពីរ​សាក​ល្បី​លើ​ដី​ចំនួន ១០ ហិចតា សិន ប្រសិន​បើ​ជោគជ័យ ពួក​គេ​​នឹង បន្ត​នៅ​មុខ​ជំនួញ​ដីឡូតិ​នេះ ជា​បន្ត​បន្ទាប់​ទៀត។ ក្នុង​ដី​គម្រោង​១០ ហិចតា ត្រូវ​បាន​ពុះ​ចេញ​ជាង១០០០ឡូតិ មាន​ប្រពន្ធ​លូ ទឹក ភ្លើង នឹង សួន​ច្បា​ជា​ដើម ។ ក្នុង​១ឡូត៍ លក់​ចេញ​ចាប់​ពី ជាង​៣៥០០ ដុល្លារ រហូត​ដល់ ជាង​១ម៉ឺន​ដុល្លារ មាន​ការ​បង់​រំលោះ​ត្រឹម​តែ​៨០ ដុល្លារ​ក្នុង​១ខែ​ប៉ុណ្ណោះ គឺ​ពិត​ជា​ងាយ​ស្រួល​សម្រាប់​បងប្អូន​តែ​មាន​ចំណូល​ទាប។ បច្ចុប្បន្ន​គ្រាន់​តែ​ប្រកាស​លក់​ចេញ​នោះ ដី​មួយ​ចំនួន​ធំ​ត្រូវ​បាន អតិថិជន ទិញ​អស់​មួយ​ចំនួន​ធំ​ទៅ​ហើយ។

បន្ទាប់​​ថ្ងៃ​ប្រកាស​នៅ​គម្រោង​ដីឡូតិ៍ ជា​លើក​​ដំបូង​នេះ ​សម្រាប់​អតិថិជន​ដែល​ទិញ​ក្នុង​ពេលនេះ នឹង​ទទួល​បាន​ការ​បញ្ចុះតម្លៃ និង មាន​ជូន​នូវ ទូទឹកកក និង ទូរទស្សន៍ ម៉ាស៊ីន​បោក​គក់​ជាដើម ….។

ជា​មួយ​នឹង​ការ​បោះ​ហ៊ុន​រក​ស៊ី​ជា​មួយ​គ្នា​ជំហានដំបូងសម្រាប់លោក ជា វិបុល និង លោក ឡេង និមល បាន​រំពឹងថា គម្រោងដីឡូតិ៍នេះនឹងទទួលបានជោគជ័យ ពីព្រោះ​ទីតាំង​​ដូច​បាន​បញ្ជាក់​ខាង​លើ អី​ចាំង វា​ជា​កន្លែង​រស់​នៅ​ប្រកប​ដោយសក្តានុពល ជាប់ផ្លូវជាតិ មានផ្សារ និង​រោងចក្រជាច្រើន ។

លោក ឡេង និមល ​ក៏​ដូច​ជា លោក ជា​វិបុល មិន​បាន​បញ្ជាក់​អំពី​ទឹកប្រាក់​ដែល​ពួក​គេ​បាន​បោះទុន​នៅ​លើ​គម្រោង​ដីឡូតិ៍ ១០ ហិចតា​នោះ​ទេ ដោយ​អ្នក​ទាំង​ពីរ​គ្រាន់​តែ​ បង្ហើប​យ៉ាង​ខ្លី​ថា​ គឺ​ច្រើន​គួរ​សម​​ប្រសិន​បើ​គិត​លើ​ទីផ្សារ​បច្ចុប្បន្ន​ដី​លើ​​តំបន់​នេះ ​ហើយ​ក្នុង​នោះ​អ្នក​ទាំង​ពីរ​បាន​ ចូល​ហ៊ុន​គ្នា​ម្នាក់​ពាក់​កណ្ដាល ​៕

The post ជា វិបុល​ដឹក​ដៃ​ភរិយា​បោះ​ទុន​រក​ស៊ី​ជា​មួយ​ប្អូន​ប្រុស​បង្កើត ឧកញ៉ា ឡេង ណាវ៉ាត្រា ក្រោម​ទុន​​ច្រើន​ម៉ឺន​ដុល្លារ​ appeared first on .

ថ្មីៗ​នេះ លោក ព្រាប សុវត្ថិ បាន​បង្ហោះ​សារ​មួយ​ដោយ​មាន​ភ្ជាប់​រូប​ថត​មាន​ទេសភាព​​សម្រស់​ធម្មជាតិ យ៉ាង​ស្រស់​ស្អាត​នៅ​លើ​បណ្ដាញ​សង្គម​ហ្វេសប៊ុក​ថា៖ ទេសភាព​ធម្មជាតិ​ដ៏​ស្រស់​បំព្រង គឺ​ជា​របស់​លោក បើ​លោក​ចោល​ធម្មជាតិ​នេះ លោក​ពិត​ជា​មិន​គួរ​គប្បី​នឹង​ខ្លួន​ឯង​ឡើយ។

តាម​រយៈ​សារ​ដែល​បាន​បង្ហោះ​នេះ គឺ​ថា​រីហ្សត​ដែល​អម​ដោយ​ទេសភាព​ព្រៃ​ប្រឹក្សា និង​ទឹកជ្រោះ​ដ៏​ត្រជាក់​នៅ​ខេត្ដ​មណ្ឌល​គីរី​នេះ ត្រូវ​បាន​លោក​ដាក់​ឈ្មោះ​ថា”Preap Sovath Resort” ហើយ​នឹង​ត្រូវ​បើក​ក្នុង​ពេល​ឆាប់ៗ​នេះ​ហើយ។

បែប​នេះ​ក្ដី មិន​ទាន់​មាន​ការ​បញ្ជាក់ លំអិត ពី​លោក ព្រាប សុវត្ថិ​ជុំវិញ​គម្រោង​បើក​រីហ្សត​នេះ​នៅ​ឡើយ​ទេ។ ប៉ុន្តែ​​គេ​តែង​ឃើញ​លោកឧស្សាហ៍ ​ចេញ​ចូល​ខេត្ត​មណ្ឌលគីរី​ញឹកញាប់ ដែល​ទំនង ប្រហែល​ជា តារា​​ចម្រៀង​ដែល​ល្បី​ថា ត្រៀម​វេចបង្វេច ទៅ​ចូល​ទ្រនំ ផលិតកម្មGalaxy Navatraរបស់ឧកញ៉ា ឡេង ណាវ៉ាត្រា ទៅ​ខេត្ត​នោះ គឺ​ដើម្បី​ចាត់ចែង​រៀបចំ​រីហ្សត​របស់​លោក​ដែល​គ្រោង​បើក​ជាយូរ​មក​​នោះ​ហើយ៕

The post ព្រាប សុវត្ថិ បើក​ Resort ផ្ទាល់​ខ្លួន​នៅ​មណ្ឌលគីរី ពិតមែន​ឬ? appeared first on .

រថយន្ត​ស៊េរី​កប់​នេះ ត្រូវ​បាន​គេ​ឃើញ​បញ្ឈរ​ពីរ​គ្រឿង​នៅ​មុខ​ហាង​ពេជ្រ​របស់​សេដ្ឋីនី​ធ្វើ​ឲ្យ​មាន​ការ​ចាប់​អារម្មណ៍ គឺ​ពណ៌​ក្រហម​មួយ លឿង​មួយ។ យ៉ាង​ណា តាម​ព័ត៌មាន​អ្នក​នាង ទ្រី ដាណា ទិញ​យក​តែ​មួយ​ប៉ុណ្ណោះ គឺ​ពណ៌​លឿង​ដ៏​ស្រស់​ស្អាត​នោះ។ ចំពោះ​ហេតុផល​ដែល​ឃើញ​រថយន្ត​២​បញ្ឈរ​មុខ​ហាង​នោះ បើ​តាម​ការ​បង្ហើប​ពី​អ្នក​ក្បែរ​សាច់​រឿង​នេះ បាន​ប្រាប់​ថា គឺ​ជា​រថយន្ត​ដែល​ហ្គារ៉ាស​ក្នុង​ស្រុក​មួយ យក​មក​សេដ្ឋីនី​មើល និង​ជ្រើស​រើស​ដល់​ហាង​តែ​ម្ដង។

លក្ខខណ្ឌ​នេះ គឺ​ពិសេស​បំផុត​សម្រាប់​ផ្ដល់​ជូន​អតិថិជន​កម្រិត VIP ប៉ុណ្ណោះ។ “បាទ ឡាន​ទាំង​ពីរ​ហ្នឹង ហ្គារ៉ាស់ យក​មក​ឲ្យ​គាត់​មើល អោយ​គាត់​រើស ដោយ​សារ​គាត់​ភ្ញៀវ VIP”។ ប្រភព​អនាមិក​ថ្លែង។

ចុង​ក្រោយ​បំផុត​លោក​ស្រី ទ្រី ដាណា បាន​សម្រេច​រើស​យក​ពណ៌​លឿង។ រថយន្ត​នេះ តាម​ប្រភព គឺ​រថយន្ត​ម៉ាក Lamborghini URUS ស៊េរី​ឆ្នាំ ២០២០។ ដោយ​ឡែក​តម្លៃ​វិញ មាន​តម្រុយ​ថា ខ្ទង់​ប្រមាណ​ជាង ៥០ម៉ឺន​ដុល្លារ​អាមេរិក​ឯណោះ។

នេះ​គឺ​ជា​រថយន្ត ប្រណិត​ទី​២ ដែល​ថៅកែ​ពេជ្រ ទ្រី ដាណា បាន​បញ្ជា​ទិញ​ក្នុង​រយៈ​ពេល​ត្រឹម​ជាង ១ខែ។ កាល​ពី​ខែ​មុន លោក​ស្រី ទ្រី ដាណា បាន​ទិញ Rolls-Royce Cullinan ប្រភេទ SUV លើក​ដំបូង​បំផុត​ក្នុង​អំបូរ​រថយន្ត​ប្រណិត​ម៉ាក​នេះ។ កាល​ណោះ មាន​តំណឹង​ថា ថៅកែពេជ្រ ចូល​ចិត្ត​សិល្បៈ​រូប​នេះ បាន​ទិញ​រថយន្ត​ដ៏​ប្រណិត​ខាង​លើ​នេះ ជាមួយ​តម្លៃ​ជិត​១លាន​ដុល្លារ​អាមេរិក​ឯណោះ។

ឥឡូវ​ដូច​បាន​ឃើញ ទ្រី ដាណា ក៏​ទិញ​បន្ថែម​នូវ​រថយន្ត Lamborghini ដ៏​ប្រណិត​នេះ​ទៀត ដែល​តាម​ប្រភព​បង្ហើប​ថា នេះ​គឺ​ជា​ស៊េរី​កប់​បំផុត​របស់ អំបូរ Lamborghini នេះ​​ហើយ​គិត​ត្រឹម​ពេល​នេះ ហើយ​វា​ត្រូវ​បាន​គេ​ឲ្យ​ឈ្មោះ Lamborghini URUS 2020៕

ប្រភព៖ Sabay

The post Wow សេដ្ឋីនី ទ្រី ដាណា ទិញ​ថែម Lamborghini ស៊េរី​ផុត​លេខ​មួយ​ទៀត​ហើយ appeared first on .