ការចូលរួមក្នុងសកម្មភាពសប្បុរសធម៌មួយនេះ ធ្វើឡើងស្របតាមការអំពាវនាវរបស់លោកជំទាវបណ្ឌិត ពេជ ចន្ទមុនី្ន ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា ក្នុងគោលបំណងនាំភាពញញឹមដល់ទារក និងកុមារដែលជាអនាគតដ៏ភ្លឺស្វាងរបស់កម្ពុជា ហើយក៏ស្របតាម វប្បធម៌ចំបងមួយរបស់ក្រុមហ៊ុនវិរៈ ប៊ុនថាំ គឺតែងតែចូលរួមគ្រប់សកម្មភាពការងារមនុស្សធម៌ជានិច្ច។

តាមការឱ្យដឹងពីឯកឧត្តម អ្នកឧកញ៉ា សួរ វីរៈ នៅលើបណ្ដាញសង្គមផ្ទាល់ខ្លួន នារសៀលថ្ងៃទី៦ ខែមករា ឆ្នាំ២០២៥ នេះគឺជាលើកទី៩ហើយ ដែលក្រុមហ៊ុន វិរៈប៊ុនថាំ អេចប្រេស ចូលរួមបរិច្ចាគថវិកាដល់មន្ទីពេទ្យគន្ធបុប្ផា ដើម្បីជាចំណែកមួយក្នុងការចូលរួមជួយសង្គ្រោះដល់កុមារកម្ពុជា។

គួររំលឹកផងដែរថា ជារឿយៗ ឯកឧត្តម អ្នកឧកញ៉ា សួរ វីរៈ និងបុគ្គលិកក្រុមហ៊ុន ដែលអ្នកឧកញ៉ា ហៅថា មហាគ្រួសារ វិរៈ ប៊ុនថាំ តែងតែបរិច្ចាគធនធាន ថវិការាប់មុឺន រាប់សែនដុល្លារ ក្នុងបេសកកម្មជួយត្រលប់ទៅសង្គមវិញ។ ក្នុងនោះរួមមាន៖ ការជួយវិភាគទានដល់មន្ទីរពេទ្យកុមារ ជួយសាងសង់សាលារៀន បរិច្ចាគឈាម និងការគាំពារសង្គមផ្សេងៗរាប់មិនអស់ ជាពិសេសការ ជួយបរិច្ចាគដោយផ្ទាល់ និងតបតាមការអំពាវនាវនានា ពីប្រមុខរាជរដ្ឋាភិបាល។

និយាយដោយឡែក គ្រាន់តែមន្ទីរពេទ្យគន្ធបុប្ផាកម្ពុជា ឯកឧត្តម អ្នកឧកញ៉ា ស្ថាបនិកក្រុមហ៊ុន ដឹកជញ្ជូនអ្នកដំណើរ និងសេវាកម្មបញ្ញើរឆាប់រហ័ស ឈានមុខគេនៅកម្ពុជា ដែលមានស្រុកកំណើតពីខេត្តកំពង់ធំរូបនេះ បានបរិច្ចាគគិតជាទឹកប្រាក់ប្រមាណចូលជិត ២០ម៉ឺនដុល្លារ រួចមកហើយ។

សូមជម្រាបផងដែរថា ក្រៅពីវិស័យបញ្ញើរ និងដឹកជញ្ជូន ឯកឧត្តម អ្នកឧកញ៉ា សួរ វីរៈ ក៏ជាអ្នកជំនួញដ៏លេចធ្លោរមួយរូប លើវិស័យទេសចរណ៍នៅកម្ពុជា។ អ្នកឧកញ៉ា មានសណ្ឋាគារ រីសត ជាច្រើនកន្លែងដូចជា Apex Koh Kong Hotel, Tube Resort, One Beach Resort, Sandy Beach Bungalows, Koh Sdach Resort, Eden Beach Resort, Sarasea Bodega, Pidoma, Romdoul Kirirom និងកោះអភិជន រីសត ព្រមទាំងគ្រោងសម្ពោធដាក់ឱ្យដំណើរការ Sdach Chhne Resort & Resident ដែលជារីសតមានអាងទឹកវែងជាងគេនៅអាស៊ី ប្រវែងដល់ទៅ ២៥០ម៉ែត្រ នៅចុងឆ្នាំ២០២៥នេះ៕

The post តបតាមការអំពាវនាវរបស់លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ឯកឧត្តម អ្នកឧកញ៉ា សួរ វីរៈ បន្តចូលរួមបរិច្ចាគថវិកា ២០០លានរៀល ជូនដល់មូលនិធិគន្ធបុប្ផាកម្ពុជា! appeared first on .

យោងតាមទំព័រហ្វេសប៊ុករបស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត កាលពីថ្ងៃទី១ ខែកក្កដា  ឆ្នាំ២០២៤ បានឱ្យដឹងថា យុទ្ធនាការ “១ម៉ឺនរៀល ១ម៉ឺននាក់” ដើម្បីកុមារ ឆ្នាំ២០២៤ របស់មូលនិធិគន្ធបុប្ផាកម្ពុជា បានបិទបញ្ចប់ ជាមួយនឹងការបរិច្ចាគសរុបចំនួនជាង ៣,៣ លានដុល្លារ ពីសប្បុរសជនជាង២៥ម៉ឹននាក់។

ក្នុងនាមជាប្រធានកិត្តិយសនៃមូលនិធិគន្ធបុប្ផាកម្ពុជា លោកជំទាវ ក៏បានថ្លែងអំណរអរគុណដល់ជនរួមជាតិទាំងអស់ដែលបានចូលរួមបរិច្ចាគ នៅក្នុងអំឡុងពេលយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៤ នេះ ព្រោះបានឆ្លុះបញ្ចាំងពីចលនាជាតិមួយដ៏សំខាន់ក្នុង “ស្មារតីខ្មែរជួយខ្មែរ ”។

ជាមួយគ្នានេះ លោកជំទាវបន្តថា៖«ទោះបីជាយុទ្ធនាការនេះ ត្រូវបិទបញ្ចប់នៅថ្ងៃនេះមែន តែមូលនិធិគន្ធបុប្ផាកម្ពុជានៅតែបន្តបេសកកម្មកៀគរការបរិច្ចាគជាប្រចាំ ព្រោះថាមន្ទីរពេទ្យគន្ធបុប្ផាត្រូវការថវិកាចំណាយចំនួនប្រមាណ ១២ ម៉ឺនដុល្លារ ក្នុងមួយថ្ងៃៗ ឬស្មើនឹងប្រមាណ ៤៣លានដុល្លារ ក្នុងមួយឆ្នាំៗ ដើម្បីរក្សានិរន្តភាពនៃកិច្ចដំណើរការក្នុងបេសកកម្មផ្ដល់ការពិនិត្យ និងព្យាបាលជំងឺដល់ទារក និងកុមារ ព្រមទាំងស្រ្តីមានផ្ទៃពោះរាប់លានករណីក្នុងមួយឆ្នាំៗ ប្រកបដោយគុណភាព, ឥតថ្លៃ និងមិនមានការរើសអើង»។

ក្នុងន័យនេះ លោកជំទាវក៏សូមលើកទឹកចិត្តដល់ជនរួមជាតិទាំងអស់ ឱ្យបន្តនូវទឹកចិត្តសប្បុរស និងវប្បធម៌ចែករំលែកដ៏ថ្លៃថ្លានេះ ដើម្បីក្ដីសង្ឃឹម និងភាពញញឹមរបស់ទារក និងកុមារ នៅកម្ពុជា៕

The post លោកជំទាវបណ្ឌិត ពេជ ចន្ទមុន្នី ស្នើឱ្យសប្បុរសជនបន្តជួយមន្ទីរពេទ្យគន្ធបុប្ផា ខណៈមន្ទីពេទ្យបានចំណាយថវិការហូត៤៣លានដុល្លារ ក្នុងមួយឆ្នាំៗ appeared first on .

លោកជំទាវ តែ សុវណ្ណី អគ្គនាយិកាពហុពាណិជ្ជកម្ម និងជាសមាជិកក្រុមប្រឹក្សាភិបាលក្រុមហ៊ុន ជីប ម៉ុង ជានិច្ចកាលតែងតែចូលចំណែកដល់កម្មវិធីសប្បុរសធម៌នានា ព្រមទាំងចូលរួមក្នុងយុទ្ធនាកាជាច្រើនរបស់រដ្ឋាភិបាលផងដែរ។

យុទ្ធនាការ «១ម៉ឺនរៀល ១ម៉ឺននាក់» សម្រាប់កុមារកម្ពុជា ជាយុទ្ធនាការប្រចាំឆ្នាំ របស់មូលនិធិគន្ធបុប្ផាកម្ពុជា ដែលត្រូវបានរៀបចំឡើងក្នុងគោលបំណងចូលរួមអបអរសាទរ ទិវាកុមារ អន្តរជាតិ ១មិថុនា និងបំផុសស្មារតី «ខ្មែរជួយខ្មែរ» តាមរយៈការអំពាវនាវឱ្យមានការចូលរួមបរិច្ចាគជូន មូលនិធិគន្ធបុប្ផាកម្ពុជា ទោះតិចក្តី ច្រើនក្តី ពីសំណាក់សប្បុរសជននានាទាំងក្នុង និងក្រៅប្រទេស ដើម្បីរួមគ្នាផ្តល់ក្តីស្រលាញ់ដល់កុមារនៅកម្ពុជា ជាពិសេសក្នុងឱកាស ទិវាកុមារអន្តរជាតិ ១មិថុនា។

យុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៤ សម្រាប់កុមារកម្ពុជា មានរយៈពេល ១ខែពេញ ដោយចាប់ផ្តើមពីថ្ងៃទី១ ដល់ថ្ងៃទី៣០ ខែមិថុនា ឆ្នាំ២០២៤។

សូមជម្រាបជូនថា នាពេលកន្លងមក, យុទ្ធនាការ «១ម៉ឺនរៀល ១ម៉ឺននាក់» សម្រាប់កុមារកម្ពុជា ទទួលបានការគាំទ្រយ៉ាងផុសផុល ទាំងក្នុងទិដ្ឋភាពថវិកា និងអ្នកចូលរួម ដើម្បីធានានិរន្តរភាពរបស់ មន្ទីរពេទ្យគន្ធបុប្ផា ដែលជាមន្ទីរពេទ្យជាតិដែលបាន និងកំពុងពិនិត្យ និងព្យាបាលទារក និងកុមាររាប់លានករណី ជាមួយនឹងចំណាយថវិកាប្រចាំឆ្នាំចំនួនប្រមាណ ៤០ លានដុល្លារអាមេរិក៕

The post ភរិយាលោកអ្នកឧកញ៉ា លាង ឃុន បរិច្ចាគថវិកា១ម៉ឺនដុល្លារ ដល់មូលនិធិគន្ធបុប្ផាកម្ពុជា appeared first on .

ជាមួយគ្នានោះ លោកជំទាវបណ្ឌិត បានគោរពថ្លែងអំណរគុណចំពោះការគាំទ្រយ៉ាងផុលផុស ក្នុងស្មារតីសាមគ្គីភាព“ខ្មែរជួយខ្មែរ” របស់ប្រជាជាតិខ្មែរទាំងមូល។

លើសពីនោះ លោកជំទាវក៏បានអំពាវនាវដល់បងប្អូនសប្បុរសជនដែលមានបំណងចូលរួមបរិច្ចាគក្នុងយុទ្ធនាការនេះ សូមមេត្តាបន្តចូលរួមគាំទ្រ រហូតដល់ថ្ងៃបិទយុទ្ធនាការ។

សូមបញ្ជាក់ថា យុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៤ សម្រាប់កុមារកម្ពុជា មានរយៈពេល ១ខែពេញ ដោយចាប់ផ្តើមពីថ្ងៃទី១ ដល់ថ្ងៃទី៣០ ខែមិថុនា ឆ្នាំ២០២៤ ដែលលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា នឹងផ្តល់កិត្តិយសដ៏ខ្ពង់ខ្ពស់ អញ្ជើញជាអធិបតីក្នុងពិធីបើក យុទ្ធនាការនេះ កាលពីថ្ងៃទី១ ខែមិថុនា ឆ្នាំ២០២៤។

នាពេលកន្លងមក, យុទ្ធនាការ «១ម៉ឺនរៀល ១ម៉ឺននាក់» សម្រាប់កុមារកម្ពុជា ទទួលបានការគាំទ្រយ៉ាងផុសផុល ទាំងក្នុងទិដ្ឋភាពថវិកា និងអ្នកចូលរួម ដើម្បីធានានិរន្តរភាពរបស់ មន្ទីរពេទ្យគន្ធបុប្ផា ដែលជាមន្ទីរពេទ្យជាតិដែលបាន និងកំពុងពិនិត្យ និងព្យាបាលទារក និងកុមាររាប់លានករណី ជាមួយនឹងចំណាយថវិកាប្រចាំឆ្នាំចំនួនប្រមាណ ៤០ លានដុល្លារអាមេរិក៕

The post គិតត្រឹមថ្ងៃទី៤ យុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៤ ទទួលបានទឹកប្រាក់ជាង១លានដុល្លារ ពីប្រជាពលរដ្ឋជិត២ម៉ឺននាក់ appeared first on .

តាមសេចក្ដីប្រកាសព័ត៌មាននេះ គ្រឹះស្ថានអង្គរ បាន​ឱ្យដឹងថា ក្នុងរយៈពេល៥ខែ ឆ្នាំ២០២៤ ភ្ញៀវទេសចរបរទេស ទិញបណ្ណចូលទស្សនារមណីយដ្ឋានអង្គរ និងប្រាសាទកោះកែរ មានចំនួន ៤៧២ ២៥៨នាក់ កើន៣៦.៩៨% និងទទួលបានចំណូល ២២ ២០៦ ៨៩១ដុល្លារ កើនឡើង៣៨.២២% បើធៀបនឹងរយៈពេលដូចគ្នា នៅឆ្នាំ២០២៣។

ជាមួយគ្នានោះ រយៈពេល៥ខែ ឆ្នាំ២០២៤ រដ្ឋាភិបាលបានឧបត្ថម្ភមូលនិធិ នៃមន្ទីរពេទ្យគន្ធបុប្ផាកម្ពុជា បានចំនួនសរុប ៩៤៤ ៥១៦ដុល្លារ ពីចំណែកនៃការលក់បណ្ណ ជូនភ្ញៀវទេសចរបរទេស ចូលទស្សនារមណីយអង្គរ ដើម្បីជួយក្នុងមូលនិធិ សម្រាប់សង្គ្រោះជីវិតកុមារកម្ពុជា។

សូមជម្រាបថា ឆ្នាំ២០២៣ ភ្ញៀវទេសចរបរទេស ទិញបណ្ណចូលទស្សនារមណីយដ្ឋានអង្គរ មានចំនួនជាង៧៩ម៉ឺននាក់ ទទួលបានចំណូល៣៧ ១៩៨ ៩៨៨ ដុល្លារ កើនឡើងចំនួន២២២.៦៨ភាគរយ៕

The post ៥ខែឆ្នាំនេះ កម្ពុជាទទួលបានចំណូលជាង២២លានដុល្លារ ពីការលក់បណ្ណចូលទស្សនារមណីដ្ឋានអង្គរ appeared first on .