ក្នុងកម្មវិធីជួបជុំជនពិការកំបុតដៃទាំង២ ប្រចាំឆ្នាំ២០២៤នេះ អ្នកឧកញ៉ាបណ្ឌិត ជា រតនា អគ្គនាយកក្រុមហ៊ុន SUN & MOON GROUP និង អ្នកឧកញ៉ា លីហៀក រតនា ព្រមទាំងក្រុមគ្រួសារ និងសប្បុរសជនទាំងអស់ តាមរយៈមូលនិធិ បានជូនថវិកាដល់បងប្អូនជនពិការកំបុតដៃទាំង២ ក្នុងម្នាក់ ចំនួន ១លានរៀល ព្រមទាំងអាហារហូបចុក និងភេសជ្ជៈមួយឈុត ដែលរៀបចំឡើងដោយចុងភៅ នៅសណ្ឋាគារ សាន់ & មូន រីវើសាយ លំដាប់ផ្កាយ ៥ Sun & Moon, Riverside Hotel ខណៈអ្នកជូនដំណើរបងប្អូនជនពិការមក ក៏ទទួលបានការឧបត្ថម្ភដាច់ដោយឡែកផងដែរ ។

ក្នុងនាមជាម្ចាស់ មូលនិធិ អ្នកឧកញ៉ាបណ្ឌិត ជា រតនា ក៏សូមថ្លែងអំណរគុណជាអនេកជូនចំពោះ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា ព្រមទាំងសប្បុរសជននានា ទាំងក្នុង និងក្រៅប្រទេស ដែលបានចូលរួមឧបត្ថម្ភគាំទ្រដល់មូលនិធិជាបន្តបន្ទាប់ ដើម្បីជួយសម្រាលបន្ទុកជីវភាពរបស់បងប្អូនជនពិការកំបុតដៃទាំង ២ នាពេលនេះ។

អ្នកឧកញ៉ា ម្ចាស់សណ្ឋាគារ SUN & MOON, Riverside Hotel បន្ថែមថា គិតមកដល់ពេលនេះ មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ជួយឧបត្ថម្ភប្រចាំឆ្នាំ ដល់បងប្អូនជនពិការកំបុតដៃទាំង២, ចូលរួមក្នុងសកម្មភាពសប្បុសធម៌ជួយសង្គម និងបន្សល់ទុកនូវសមិទ្ធផលនានា គឺមាន រយៈពេលជាង ៩ឆ្នាំមកហើយ។ ជាការកត់សម្គាល់ បងប្អូនជនពិការកំបុតដៃទាំង២ ដែលជាសមាជិករបស់មូលនិធិ មានអ្នកខ្លះ បានបន្តប្រឹងប្រែង រៀនសូត្រចំណេះជំនាញ វិជ្ជាជីវៈ រហូតបញ្ចប់បរិញ្ញាបត្រ បរិញ្ញាបត្ររងពីមហាវិទ្យាល័យ ព្រមទាំងទទួលបានការងារល្អធ្វើដូចគេដូចឯង ហើយអ្នកខ្លះទៀត យកថវិកាឧបត្ថម្ភធ្វើជាដើមទុន បង្កើតមុខរបរចិញ្ចឹមជីវិត ជួយសម្រាលបន្ទុកគ្រួសារ និងបន្ទុករបស់រដ្ឋាភិបាល ថែមទៀតផង។

គួររំលេចដែរថា ផ្អែកតាមរបាយការណ៍បឋម និងដាច់ដោយឡែក ពីមូលនិធិ អ្នកឧកញ៉ាបណ្ឌិត ជា រតនា និង អ្នកឧកញ៉ា លីហៀក រតនា ផ្ទាល់ បានឱ្យដឹងថា ជនពិការកំបុតដៃទាំងពីរ ទាំង ១៧៨នាក់ ក្នុងឆ្នាំ២០២៤ ដែលបានអញ្ជើញមកទទួលប្រាក់ឧបត្ថម្ភ ពីសប្បុរសជន តាមរយៈមូលនិធិ នាពេលនេះ មានជនពិការដោយសារតែការឆក់ខ្សែភ្លើងចំនួន ៤៦% ពិការពីកំណើតមាន២៩% រីឯរងគ្រោះដោយសារគ្រាប់មីន និងគ្រាប់កាំភ្លើងចំនួន ២០% និងដោយសារជំងឺ ឬគ្រោះថ្នាក់ផ្សេងៗមានចំនួន ១៥% ។

អ្នកឧកញ៉ាបណ្ឌិត ជា រតនា ក៏បានអំពាវនាវដល់បងប្អូនប្រជាពលរដ្ឋ ដែលកំពុងប្រកបរបររកទទួលទាន ដែលប្រឈមហានិភ័យ សូមបង្កើនការប្រុងប្រយ័ត្នឱ្យបានខ្ពស់បំផុត ពេលបំពេញការងារប្រចាំថ្ងៃ។ ដោយឡែក សម្រាប់បងប្អូន ដែលអកុសល រងគ្រោះ ឈានដល់ពិការដៃទាំង ២ ឬអវៈយវៈណាមួយ សូមកុំអស់សង្ឃឹម បងប្អូនពិការអវៈយវៈ តែសូមកុំពិការចិត្ត និងការខិតខំប្រឹងប្រែង តស៊ូឱ្យសោះ៕

The post មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា រួមទាំងសប្បុរសជននានា ឧបត្ថម្ភជនពិការកំបុតដៃទាំងពីរ ចំនួន ១៧៨នាក់ ក្នុងម្នាក់ ១លានរៀល នៅសណ្ឋាគារ សាន់ & មូន រីវើសាយ appeared first on .

អ្នកឧកញ៉ា អគ្គនាយកក្រុមហ៊ុន SUN & MOON GROUP និងជាម្ចាស់សណ្ឋាគារ Sun & Moon, Riverside Hotel បានលើកឡើងថា «ខ្ញុំបាទ និងភរិយាតំណាងមូលនិធិ សូមគោរពថ្លែងអំណរគុណយ៉ាងជ្រាលជ្រៅជាទីបំផុតជូនចំពោះសប្បុរសជនទាំងអស់ ដែលបានចូលរួមបរិច្ចាគថវិកាដល់មូលនិធិអ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ព្រមទាំងសប្បុរសជននានា ដើម្បីជួយទ្រទ្រង់ដល់ជនពិការកំបុតដៃទាំងពីរ នៅក្នុងកម្មវិធីជួបជុំជនពិការកំបុតដៃទាំងពីរទូទាំងប្រទេសឆ្នាំ២០២៤ នាថ្ងៃទី២២ ខែមិថុនា ឆ្នាំ២០២៤ នៅសណ្ឋាគារ សាន់ & មូន រីវើសាយ ដែលមានរាយនាមដូចខាងក្រោម៖

ប្រសិនបើមានការភ្លេចភ្លាំងឈ្មោះសប្បុរសជនណាមួយ មូលនិធិយើងខ្ញុំសូមមេត្តាអធ្យាស្រ័យអភ័យទោស ដោយសារតែមានការបរិច្ចាគមកពីច្រើនប្រភព»។

សូមបញ្ជាក់ជូនផងដែរថា មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ព្រមទាំងសប្បុរសជននានា នឹងរៀបចំកម្មវិធីជួបជុំបងប្អូនជនពិការកំបុតដៃទាំង២ ទូទាំងប្រទេសកម្ពុជា លើកទី១៣ នាថ្ងៃទី២២ ខែមិថុនា ឆ្នាំ២០២៤នេះ នៅសណ្ឋាគារ សាន់ & មូន រីវើសាយ ជាប់ស្ពានអាកាសក្បាលថ្នល់។

មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ព្រមទាំងសប្បុរសជននានា តែងតែខិតខំកៀរគរថវិកាពីសប្បុរសជននានា ទាំងក្នុង និងក្រៅប្រទេស ដើម្បីជួយទ្រងទ្រង់ និងជួយសម្រាលបន្ទុកដល់ជនពិការកំបុតដៃទាំង២ទូទាំងប្រទេសកម្ពុជា។ កន្លងមក ក្រោមគំនិតផ្ដួចផ្ដើមរបស់ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា មូលនិធិ បានជួយឧបត្ថម្ភជាថវិកា និងសម្ភារៈផ្សេងៗ ដល់ជនពិការកំបុតដៃទាំង២ ជារៀងរាល់ឆ្នាំ ដើម្បីធ្វើជាដើមទុនបង្កើតមុខរបរ ផ្គត់ផ្គង់ការរៀនសូត្រ ពង្រីកចំណេះជំនាញវិជ្ជាជីវៈ សម្រាប់អនាគតពួកគាត់ជាដើម។

ជាក់ស្តែង កាលពីថ្ងៃទី២៥ ខែឧសភា ឆ្នាំ២០២៣ កន្លងទៅ មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ព្រមទាំងសប្បុរសជននានា ក៏ទើបតែបានជួបជុំបងប្អូនជនពិការកំបុតដៃទាំង២ ទូទាំងប្រទេសកម្ពុជាលើកទី១២ សរុបចំនួន ១៤៩នាក់ ដោយបានជួយឧបត្ថម្ភ ពីថវិកា ក្នុងម្នាក់ ចំនួន ១លានរៀល អាវយឺត១ និងរៀបចំអាហារថ្ងៃត្រង់យ៉ាងយកចិត្តទុកដាក់ ព្រមទាំង រៀបចំពិធីសាសនា រាប់បាត្រ និងនិមន្តព្រះសង្ឃ ១០៨ អង្គ សូត្រមន្តចម្រើនព្រះបរិត្ត អាយុវឌ្ឍនមង្គល ផងដែរ៕

The post អ្នកឧកញ៉ាបណ្ឌិត ជា រតនា សូមថ្លែងអំណរគុណសប្បុរសជន ដែលបានចូលរួមបរិច្ចាគថវិកាដល់មូលនិធិជួយទ្រទ្រង់ជនពិការកំបុតដៃទាំងពីរ appeared first on .