ប្រជាជនឥណ្ឌាទាមទារឲ្យមានការកែប្រែឈ្មោះ និងឡូហ្គោស្រាបៀហនុមាន

ឧកញ៉ាសំពៅ — Fri, 10 Jun 2022 09:35:47 +0000

បច្ចុប្បន្ន ស្រាបៀហនុមានកំពុងមានវត្តមានយ៉ាងទូលំទូលាយនៅលើទីផ្សារអាស៊ីអាគ្នេយ៍ ប៉ុន្តែថ្មីៗនេះ ក្រុមហ៊ុនរបស់ប្រទេសកម្ពុជាបានទទួលរងនូវការវាយប្រហារពីសំណាក់ប្រជាជនឥណ្ឌា ដោយមានការសុំឲ្យផ្លាស់ប្ដូរឈ្មោះ និងឡូហ្គោហនុមានចេញ ដោយសារទាក់ទងនឹងសាសនារបស់ប្រទេសមួយនេះ។

យោងតាមការចុះផ្សាយពី SCMP បានឲ្យដឹងថា ការរិះគន់ខាងលើបានកើតឡើងកាលពីចុងខែឧសភា បន្ទាប់ពីប្រជាជនឥណ្ឌាប្រទះឃើញការបង្ហោះផ្សព្វផ្សាយស្រាបៀហនុមានលើបណ្ដាញសង្គម Twitter និងមានការទាមទារឲ្យមានការផ្លាស់ប្ដូររូបហនុមាន ដោយពួកគេអះអាងថា ហនុមានគឺជាព្រះនៃសាសនារបស់ពួកគេ ហើយការយករូបហនុមានមកប្រើប្រាស់បែបនេះ ប្រៀបដូចជា ការមើលស្រាលដល់សាសនានៃប្រទេសមួយនេះយ៉ាងដូច្នេះ។

ប្រជាជនមួយចំនួនបានស្នើដល់ស្ថានទូតឥណ្ឌាប្រចាំប្រទេសកម្ពុជា ចេញមុខអន្តរាគមន៍អំពីការសុំឲ្យមានការផ្លាស់ប្ដូរឈ្មោះ និងឡូហ្គោ ខណៈប្រជាជនមួយចំនួនទៀតបានប្រឆាំងនឹងមតិខាងលើ ដោយបានអះអាងថា វាមិនបានប៉ះពាល់អ្វីដល់សាសនាធ្ងន់ធ្ងរឡើយ ហើយបើទោះជាក្រុមហ៊ុន Hanuman Premium Lager យកព្រះនាមព្រះមកធ្វើជាអត្តសញ្ញាណផលិតផល ក៏សាសនារបស់ប្រទេសកម្ពុជាមានស្ថិរភាព ខុសពីនៅឥណ្ឌា។

“ហនុមានគឺជាតួអង្គទេវកថាមួយ ហើយខ្ញុំមិនយល់ឃើញថា មានបញ្ហាអ្វីចំពោះរឿងនេះឡើយ។ មានក្រុមហ៊ុនស្រាបៀជាច្រើនដែលយកតួអង្គទេវកថាក្រិកមកធ្វើជាអត្តសញ្ញាណ ដូច្នេះវាគឺជារឿងធម្មតាប៉ុណ្ណោះ”។ នេះបើតាមការសរសេរនៅលើបណ្ដាញសង្គម Twitter របស់ជនជាតិឥណ្ឌាម្នាក់”។

សូមជម្រាបដែរថា នេះមិនមែនជាលើកទី ១ ឡើយ ដែលប្រជាជនឥណ្ឌានាំគ្នាលើកទ័ពរិះគន់ទៅលើក្រុមហ៊ុនបរទេស អំពីបញ្ហាជំនឿសាសនា ពោលកាលពីឆ្នាំ ២០២០ ពួកគេក៏ធ្លាប់វាយប្រហារទៅលើក្រុមហ៊ុន Amazon ដោយមានការទាមទារឲ្យលុបនូវផលិតផលកម្រាលព្រំ ដែលមានរូបព្រះនៃទេវកថាហិណ្ឌូផងដែរ៕

The post ប្រជាជនឥណ្ឌាទាមទារឲ្យមានការកែប្រែឈ្មោះ និងឡូហ្គោស្រាបៀហនុមាន appeared first on .

ជនជាតិអាមេរិករាប់ម៉ឺននាក់ណែនាំស្រាបៀរ ១០ ប្រភេទដ៏ពេញនិយម ជនជាតិអាមេរិក ចូលចិត្តផឹកបំផុត

ឧកញ៉ាសំពៅ — Wed, 18 Aug 2021 00:52:41 +0000

ស្រាបៀរអាចនិយាយបានថាជាភេសជ្ជៈមួយប្រភេទដែលពេញនិយមនៅក្នុងកម្មវិធីផ្សេងៗ ហើយប្រសិនបើទទួលទានត្រូវតាមក្បួនខ្នាត វាថែមទាំងអាចជួយដល់សុខភាពយើងផងដែរ។

ថ្មីៗនេះគេហទំព័រ YouGov បានសួរចំណាប់អារម្មណ៍ពលរដ្ឋអាមេរិកដែលចូលចិត្តទទួលទានស្រាបៀររាប់ម៉ឺននាក់ ដើម្បីស្រាវជ្រាវអំពីម៉ាកស្រាបៀរដ៏ពេញនិយមបំផុតនៅអាមេរិកប្រចាំឆ្នាំ ២០២១ នេះ។

ជាលទ្ធផលឃើញថា ស្រាបៀរ ១០ ប្រភេទដែលទទួលបានការពេញនិយមបំផុតសម្រាប់ប្រជាជនអាមេរិក ដោយក្នុងនោះមានដូចជា៖

Guinness – ទទួលបានការពេញនិយម 51%
Heineken – ទទួលបានការពេញនិយម 49%
Corona – ទទួលបានការពេញនិយម 49%
Samuel Adams – ទទួលបានការពេញនិយម 44%
Budweiser – ទទួលបានការពេញនិយម 41%
Blue Moon – ទទួលបានការពេញនិយម 41%
Coors – ទទួលបានការពេញនិយម 39%
Miller – ទទួលបានការពេញនិយម 39%
Corona Extra – ទទួលបានការពេញនិយម 39%
Modelo – ទទួលបានការពេញនិយម 39%៕

ប្រភព: thedrinkbusiness

The post ជនជាតិអាមេរិករាប់ម៉ឺននាក់ណែនាំស្រាបៀរ ១០ ប្រភេទដ៏ពេញនិយម ជនជាតិអាមេរិក ចូលចិត្តផឹកបំផុត appeared first on .

ម៉ាកស្រាបៀរពេញនិយម

ប្រជាជន​ឥណ្ឌា​ទាមទារ​ឲ្យ​មាន​ការ​កែប្រែឈ្មោះ និង​ឡូហ្គោ​ស្រាបៀ​ហនុមាន

ជនជាតិ​អាមេរិក​រាប់​ម៉ឺន​នាក់​ណែនាំ​ស្រាបៀរ ១០ ប្រភេទដ៏​ពេញនិយម ជនជាតិអាមេរិក ចូលចិត្ត​ផឹក​បំផុត

ប្រជាជនឥណ្ឌាទាមទារឲ្យមានការកែប្រែឈ្មោះ និងឡូហ្គោស្រាបៀហនុមាន

ជនជាតិអាមេរិករាប់ម៉ឺននាក់ណែនាំស្រាបៀរ ១០ ប្រភេទដ៏ពេញនិយម ជនជាតិអាមេរិក ចូលចិត្តផឹកបំផុត