យន្តហោះចំបាំង

អាមេរិក និងកូរ៉េខាងត្បូង ចាប់ផ្ដើមសមយុទ្ធយោធាដែនអាកាសខ្នាតយក្ស

ឧកញ៉ាសំពៅ — Mon, 30 Oct 2023 02:58:00 +0000

សហរដ្ឋអាមេរិក និងកូរ៉េខាងត្បូង បានចាប់ផ្ដើមបើកសមយុទ្ធយោធាដែនអាកាស ដោយមានការចូលរួមពីយន្តហោះចម្បាំង រវាងប្រទេសទាំង២ ប្រមាណ ១៣០គ្រឿង ដើម្បីក្លែងធ្វើប្រតិបត្តិការសង្គ្រាម រយៈពេល ២៤ម៉ោង។

យោងតាមការចុះផ្សាយពីសារព័ត៌មាន CNA បានរាយការណ៍ថា សមយុទ្ធយោធាប្រចាំឆ្នាំរវាងប្រទេសទាំង២ ត្រូវបានគេឲ្យឈ្មោះថា Vigilant Defense នឹងត្រូវធ្វើរហូតដល់ថ្ងៃសុក្រ។

គោលបំណងនៃការធ្វើសមយុទ្ធយោធានេះ គឺដើម្បីពង្រឹងបន្ថែមនូវអន្តរប្រតិបត្តិការរវាងយោធាទាំងពីរ ដោយអនុវត្តបេសកកម្មតាមអាកាសសំខាន់ៗដូចជា សមយុទ្ធបាញ់គ្រាប់ពិតពីអាកាសទៅដី ប្រតិបត្តិការប្រឆាំងអាកាសការពារ និងការហ្វឹកហ្វឺនសង្គ្រោះបន្ទាន់ផ្សេងទៀត។

ជម្រាបបន្ថែមថា សមយុទ្ធយោធាខ្នាតយក្សមួយនេះ កើតឡើងភ្លាមៗ ក្រោយកូរ៉េខាងជើងប្រកាសពន្លឿនកិច្ចសហប្រតិបត្តិការយោធាជាមួយរុស្ស៊ី ខណៈអាមេរិក និងប្រទេសសម្ព័ន្ធមិត្តតំបន់អាស៊ី បាននាំគ្នាថ្កោលទោសទៅលើរដ្ឋាភិបាលក្រុងព្យុងយ៉ាង ជុំវិញសកម្មភាពទាំងនេះ៕

The post អាមេរិក និងកូរ៉េខាងត្បូង ចាប់ផ្ដើមសមយុទ្ធយោធាដែនអាកាសខ្នាតយក្ស appeared first on .

ឥណ្ឌាសម្រេចបានកិច្ចព្រមព្រៀងយន្តហោះចម្បាំង តម្លៃពាន់លានដុល្លារជាមួយបារាំង

ឧកញ៉ាសំពៅ — Fri, 14 Jul 2023 03:25:17 +0000

កាលពីថ្ងៃទី ១៣ ខែកក្កដានេះ រដ្ឋាភិបាលឥណ្ឌាបានប្រកាសពីកិច្ចព្រមព្រៀងថ្មីជាមួយនឹងបារាំង ដែលមានតម្លៃរហូតដល់រាប់សិបពាន់លានដុល្លារ ទាក់ទងនឹងការទិញយន្តហោះចម្បាំង។

យោងតាមការចុះផ្សាយពីសារព័ត៌មាន CNA បានបង្ហាញថា កិច្ចព្រមព្រៀងមួយនោះ ធ្វើឡើងចំពេលនាយករដ្ឋមន្ត្រីឥណ្ឌា Narendra Modi បំពេញទស្សនកិច្ចទៅកាន់ទីក្រុងប៉ារីសរយៈពេល ២ថ្ងៃ។

ដោយឡែក រដ្ឋមន្ត្រីការពារជាតិឥណ្ឌាវិញក៏បានបង្ហើបដែរថា ឥណ្ឌាមានបំណងបញ្ជាទិញយន្តហោះចម្បាំង ២៦ គ្រឿង និងនាវាមុជទឹក ៣គ្រឿងថែមទៀត ខណៈតម្លៃ និងលក្ខខណ្ឌនានាកំពុងស្ថិតក្នុងការជជែកគ្នានៅឡើយ។

សូមជម្រាបដែរថា ឥណ្ឌាគឺជាម៉ូយដុំមួយ ដែលឧស្សាហ៍ទិញសព្វាវុធពីប្រទេសបារាំង ពោលកាលពីឆ្នាំ ២០១៥ នាយករដ្ឋមន្ត្រី Modi ធ្លាប់ប្រកាសម្ដងពីកិច្ចព្រមព្រៀងទិញយន្តហោះចម្បាំង ៣៦គ្រឿង ដែលមានតម្លៃប្រមាណ ៤ពាន់លានអឺរ៉ូនាពេលនោះ៕

The post ឥណ្ឌាសម្រេចបានកិច្ចព្រមព្រៀងយន្តហោះចម្បាំង តម្លៃពាន់លានដុល្លារជាមួយបារាំង appeared first on .

ចិនបញ្ជូនយន្តហោះអាចទម្លាក់គ្រាប់បែកនុយក្លេអ៊ែរជាង ១០ គ្រឿង ចូលដែនអាកាសតៃវ៉ាន់

ឧកញ៉ាសំពៅ — Tue, 13 Dec 2022 08:19:00 +0000

ភាពតានតឹងរវាងចិន និងកោះតៃវ៉ាន់នៅតែមានសភាពក្ដៅគគុក ពោលរដ្ឋាភិបាលកោះតៃវ៉ាន់បានអះអាងថា ចិនបានបញ្ឈប់ការនាំចូលទំនិញរបស់ពួកគេ និងបានល្មើសច្បាប់ពាណិជ្ជកម្មពិភពលោក ស្របពេលថ្មីៗនេះមានការប្រទះឃើញយន្តហោះអាចទម្លាក់គ្រាប់បែកនុយក្លេអ៊ែរជាង ១០ គ្រឿងរបស់ចិន បានហោះចូលដែនអាកាសកោះតៃវ៉ាន់ថែមទៀត។

យោងតាមការចុះផ្សាយពី Bangkokpost បានឲ្យដឹងថា យន្តហោះ H-6 ដែលមានសមត្ថភាពផ្ទុកគ្រាប់បែកនុយក្លេអ៊ែរ ប្រមាណ ១៨ គ្រឿងបានហោះចូលដែនអាកាសតៃវ៉ាន់ ហើយវាគឺជាចំនួនច្រើនបំផុតមិនធ្លាប់មានពីមុនមក។

យន្តហោះ H-6 គឺជាយន្តហោះទម្លាក់គ្រាប់បែកខ្លាំងបំផុតរបស់ចិន ដែលមានសមត្ថភាពផ្ទុកគ្រាប់នុយក្លេអ៊ែរ ហើយវាកម្រណាស់ដែលរដ្ឋាភិបាលបញ្ជូនយន្តហោះប្រភេទនេះចូលដែនអាកាសប្រទេសណាមួយ ច្រើនជាង ៥ គ្រឿងក្នុងរយៈពេលមួយថ្ងៃ។

សូមបញ្ជាក់ដែរថា ការបញ្ជូនយន្តហោះទម្លាក់គ្រាប់បែកជាង ១០ គ្រឿងរបស់ចិន ទៅកាន់ដែនអាកាសតៃវ៉ាន់ គឺធ្វើឡើងភ្លាមៗបន្ទាប់ពីតៃវ៉ាន់ ចោទប្រកាន់ចិនថា បំពានច្បាប់ពាណិជ្ជកម្មអន្តរជាតិ ដោយបញ្ឈប់ការនាំចូលទំនិញតៃវ៉ាន់ដូចជា ម្ហូបអាហារ គ្រឿងសមុទ្រ និងគ្រឿងស្រវឹងជាដើម៕

The post ចិនបញ្ជូនយន្តហោះអាចទម្លាក់គ្រាប់បែកនុយក្លេអ៊ែរជាង ១០ គ្រឿង ចូលដែនអាកាសតៃវ៉ាន់ appeared first on .

ជប៉ុន អង់គ្លេស និងអ៊ីតាលី ចាប់ដៃគ្នាបង្កើតយន្តហោះចំបាំងទំនើបបំផុត

ឧកញ៉ាសំពៅ — Fri, 09 Dec 2022 07:14:39 +0000

កាលពីពេលថ្មីៗនេះ ជប៉ុន អង់គ្លេស និងអ៊ីតលីបានសម្រេចចាប់ដៃគ្នា ចូលរួមផលិតយន្តហោះចំបាំងទំនើបបំផុត ខណៈនេះគឺជាកិច្ចសហប្រតិបត្តិការពិសេសបំផុតមួយរវាងអឺរ៉ុប និងអាស៊ី។

គម្រោងការនេះទៀតសោត គឺមានបំណងចង់សម្រេចជារូបរាងនៅត្រឹមឆ្នាំ ២០៣៥ ហើយវានឹងក្លាយជាយន្តហោះចំបាំងមានអានុភាពបំផុត ដោយបំពាក់ជាមួយបច្ចេកវិទ្យាប្រយុទ្ធទំនើបរបស់អង់គ្លេស Tempest និងបច្ចេកវិទ្យាអស្ចារ្យរបស់ជប៉ុន Global Combat Air Programme។

សូមជម្រាបដែរថា គម្រោងការខ្នាតយក្សមួយនេះគឺ ជាការចូលរួមធំធេងលើកដំបូងរវាងជប៉ុន និងមហាអំណាចអឺរ៉ុប លើកិច្ចសហប្រតិបត្តិការការពារជាតិ តាំងពីពួកគេធ្លាប់ចាប់ដៃជាមួយអាមេរិកកាលពីសង្គ្រាមលោកលើកទី ២ ម៉្លេះ។

គួររំលឹកបន្ថែមថា បើទោះជាដំណឹងនៃកិច្ចសហប្រតិបត្តិការការពារជាតិរវាងប្រទេសទាំង ៣ បានលេចខ្ទរខ្ទារក្ដី ប៉ុន្តែសម្រាប់ព័ត៌មានលំអិតជុំវិញរបៀបធ្វើការ និងទីកន្លែងនៃគម្រោងមួយនេះ គឺមិនទាន់បង្ហើបប្រាប់នៅឡើយ៕

The post ជប៉ុន អង់គ្លេស និងអ៊ីតាលី ចាប់ដៃគ្នាបង្កើតយន្តហោះចំបាំងទំនើបបំផុត appeared first on .