បើតាមទីភ្នាក់ងារសារព័ត៌មាន Reuters បានចុះផ្សាយថា ក្រុមហ៊ុន Joby Aviation ដែលជាក្រុមហ៊ុនផលិតយន្តហោះតាក់ស៊ី  បានធ្វើការសាកល្បង ការហោះហើរនៅឯចំណត Downtown Manhattan Heliport ក្នុងទីក្រុងញូវយ៉កកាលពីថ្ងៃអាទិត្យ ខណៈនេះជាលើកដំបូងដែល Joby បានហោះហើរពីលើទីក្រុង និងជាលើកដំបូងដូចគ្នាចំពោះទីក្រុងញូយ៉ក ដែលមានយន្តហោះតាក់ស៊ីអគ្គិសនី បើកបរនៅទីក្រុងរបស់ខ្លួន។

ក្នុងនោះ នាយកប្រតិបត្តិក្រុមហ៊ុន លោក JoeBen Bevirt បាននិយាយថា យាននេះអាចសាកថាមពលឡើងវិញ ដោយចំណាយពេលត្រឹមតែ ៥ នាទីប៉ុណ្ណោះ ហើយចំពោះការកក់កៅអីធ្វើដំណើរវិញ​ វាស្រដៀងទៅនឹងការប្រើប្រាស់កម្មវិធី Rideshare ដែរ។

លើសពីនោះ ក្រុមហ៊ុនក៏មានគោលបំណង បើកដំណើរការសេវាកម្មពាណិជ្ជកម្មរបស់ខ្លួន អោយទាន់ត្រឹមឆ្នាំ ២០២៥ ខាងមុខ ខណៈបច្ចុបន្នគម្រោងនេះវាស្ថិតនៅក្នុងការសិក្សដំណាក់កាលទី ៣ នៃដំណាក់ទី ៥ ដើម្បីអាចបញ្ជាក់អោយបានល្អឹតល្អន់ ជាមួយរដ្ឋបាលអាកាសចរណ៍សហព័ន្ធ(FAA) ។

ដោយឡែក តម្លៃកក់សំបុត្រក្នុងការធ្វើដំណើរវិញ នៅមិនទាន់បានបញ្ជាក់ច្បាស់នៅឡើយទេ ប៉ុន្តែកាលពីពេលកន្លងទៅ ក្រុមហ៊ុនបាននិយាយថា វាមានតម្លៃសមរម្យ ប្រហាក់ប្រហែលទៅនឹងរថយន្តតាក់ស៊ី បើកបរលើផ្លូវគោកធម្មតាដែរ៕

The post យន្តហោះតាក់ស៊ីដើរដោយថាមពលអគ្គិសនី បង្ហាញរូបរាងដំបូងហោះហើរពេញទីក្រុងញូយ៉ក appeared first on .