យន្តហោះដែលដឹកក្រុមជម្រើសជាតិព័រទុយហ្គាល់ពីសហរដ្ឋអាមេរិក បានចុះចតនៅអាកាសយានដ្ឋាន Humberto Delgado ក្នុងទីក្រុង Lisbon កាលពីព្រឹកថ្ងៃទី៨ ខែកក្កដា។ អ្នកគាំទ្ររាប់សិបនាក់បានប្រមូលផ្តុំគ្នាដើម្បីរង់ចាំស្វាគមន៍ក្រុម ប៉ុន្តែ Ronaldo មិនបានបង្ហាញខ្លួននៅច្រកចេញជាមួយមិត្តរួមក្រុមរបស់ខ្លួននោះឡើយ។ ផ្ទុយទៅវិញ ប្រធានក្រុមព័រទុយហ្គាល់រូបនេះ បានបំបែកចេញពីក្រុម ហើយដើរទៅរកយន្តហោះឯកជនមួយផ្សេងទៀត នៅក្បែរនោះ។

ទិន្នន័យពី Flightradar24 បង្ហាញថា យន្តហោះឯកជន Bombardier Global Express XRS របស់ Ronaldo បានហោះចេញពីអាកាសយានដ្ឋាន Humberto Delgado ក្នុងទីក្រុង Lisbon នៅថ្ងៃទី៨ ខែកក្កដា ហើយបានចុះចតនៅទីក្រុងម៉ាឌ្រីដ ប្រទេសអេស្ប៉ាញ នៅថ្ងៃដដែលនោះ។

គួរឲ្យដឹងថា Bombardier Global Express XRS គឺជាយន្តហោះឯកជនរយៈចម្ងាយឆ្ងាយ ដែលដំណើរការដោយម៉ាស៊ីន Rolls-Royce ចំនួនពីរ និងមានចម្ងាយហោះហើរសរុបប្រហែល ១១ ៥០០ គីឡូម៉ែត្រ ដែលមានសមត្ថភាពធ្វើដំណើរឆ្លងទ្វីបដោយមិនចាំបាច់ឈប់ចាក់ប្រេងនោះឡើយ។ ល្បឿនកំពូលរបស់យន្តហោះគឺប្រហែល ៩៥០ គីឡូម៉ែត្រក្នុងមួយម៉ោង អាស្រ័យលើបន្ទុក និងលក្ខខណ្ឌអាកាសធាតុ។

Ronaldo បានទិញយន្តហោះនេះ នៅក្នុងឆ្នាំ២០២៤ ខណៈបច្ចុប្បន្នវាមានតម្លៃចន្លោះពី ៥៧-៨១លានដុល្លារ អាស្រ័យលើការថែទាំ និងកែច្នៃបន្ថែម។ នៅក្នុងបទសម្ភាសមួយក្នុងខែវិច្ឆិកា ឆ្នាំ២០២៥ តារាឆ្នើាមព័រទុយហ្គាល់រូបនេះបាននិយាយថា វាគឺជារបស់ថ្លៃបំផុតដែលលោកធ្លាប់បានទិញ។

គួរជម្រាបជូនថាផងដែរថា ដំណើរប្រកួតនៅក្នុងពានរង្វាន់ World Cup របស់ព័រទុយហ្គាល់ត្រូវបានបញ្ចប់ បន្ទាប់ពីចាញ់អេស្ប៉ាញក្នុងលទ្ធផល ០-១ ក្នុងវគ្គ ១៦ ក្រុមចុងក្រោយ នៅថ្ងៃទី៦ ខែកក្កដា។ Ronaldo ពីមុនបានបញ្ជាក់ថានេះនឹងជា World Cup លើកចុងក្រោយនៃអាជីពរបស់ខ្លួន៕​

The post Cristiano Ronaldo ជិះយន្តហោះឯកជនតម្លៃ ៨០លានដុល្លារទៅផ្ទះនៅទីក្រុងម៉ាឌ្រីដវិញ ក្រោយចប់ភារកិច្ចនៅ World Cup appeared first on .

ប៉ុន្តែទន្ទឹមនឹងនោះ មិនមែនសុទ្ធតែគ្រប់យន្តឯកជនទាំងអស់មានតម្លៃថ្លៃរហូតដល់ធ្វើឲ្យអ្នកមានប្រាក់ចំណូលខ្ពស់មួយចំនួន គ្មានលទ្ធភាពក្នុងការទិញយកមកប្រើប្រាស់នោះឡើយ។ ជាក់ស្តែងដូចជាយន្តហោះឯកជនរបស់ក្រុមហ៊ុន Honda គឺត្រូវបានផលិតឡើងមក ជាមួយនឹងតម្លៃសមរម្យបំផុត បើធៀបទៅនឹងយន្តហោះឯកជនរបស់ក្រុមហ៊ុនផ្សេងទៀត។

យន្តហោះខ្នាតតូចរបស់ក្រុមហ៊ុន Honda ដែលមានឈ្មោះថា HA-420 ត្រូវបានរចនាឡើងយ៉ាងពិសេស ដោយអាចទ្រទ្រង់ទម្ងន់បានរហូតដល់ទៅ ៥ តោន និងអាចហោះហើរបានឆ្ងាយបំផុតដល់ជិត ៣ ០០០ គីឡូម៉ែត ជាមួយល្បឿនលឿនបំផុតដល់ទៅ ៧៧០ គឺឡូម៉ែត/ម៉ោង។

យន្តហោះឯកជនខ្នាតតូចប្រភេទនេះ អាចផ្ទុកអ្នកដំណើរបានរហូតដល់ប្រាំនាក់ បូករួមទាំងអ្នកបើកបរម្នាក់ និងត្រូវបានរចនាឡើងជាមួយនឹងការបំពាក់ប្រព័ន្ធបបច្ចេកវិទ្យាទំនើបៗជាច្រើន រួមទាំងប្រព័ន្ធអាកាសចរណ៍ Garmin G3000 ដែលធ្វើឲ្យកាន់តែមានភាពងាយស្រួលសម្រាប់អ្នកបើក និងអ្នករួមដំណើរ ផងដែរ។

សម្រាប់យន្តឯកជនខ្នាតតូចរបស់ក្រុមហ៊ុន Honda ប្រភេទនេះ គឺមានតម្លៃចាប់ពី ៤,៨លានដុល្លារ រហូតដល់ ៦លានដុល្លារ គឺអាស្រ័យលើប្រភេទ និងលក្ខណ:ពិសេសដែលអ្នកត្រូវការបន្ថែម៕

The post មកស្គាល់យន្តហោះឯកជនតម្លៃទាបរបស់ Honda សម្រាប់អ្នកមានចំណូលខ្ពស់មួយចំនួន អាចពិចារណាបាន appeared first on .