យុវជន ឈួន ឧត្តម ជានិស្សិតឆ្នាំទី៥ នៃវិទ្យាស្ថានបច្ចេកវិទ្យាកម្ពុជានិងជាវិស្វករតំណាងឱ្យ AI Farm Robotic Factory បានឱ្យដឹងថា នៅក្នុងទិវាជាតិវិទ្យាសាស្ត្របច្ចេកវិទ្យា និងនវានុវត្តន៍លើកទី១ កាលថ្មីៗនេះថា ក្នុងពេលបច្ចុប្បន្ននេះ ខ្ញុំយល់ឃើញថាយុវជន រួមទាំងសិស្សានុសិស្សរៀននៅតាមវិទ្យាល័យមួយចំនួន ពួកគាត់មានការយល់ដឹងពីវិស័យវិទ្យាសាស្ត្រខាងរ៉ូបូត បានច្រើនជាងមុន ហើយចំពោះខ្ញុំមានការសប្បាចិត្ត ដោយយល់ថា ពួកគាត់បានចូលរួមចំណែកធ្វើឱ្យវិស័យមួយនេះ មានការរីកចម្រើនកាន់តែខ្លាំងនៅក្នុងប្រទេសកម្ពុជា។

បន្ទាប់ពីមានសមត្ថភាពអាចបង្កើតដ្រូនហោះបាន យុវជន ឧត្ដម បានផ្សារភ្ជាប់ក្តីស្រម៉ៃរបស់ខ្លួនថានៅថ្ងៃខាងមុខគឹចង់បង្កើតយានហោះហើរអ្វីមួយទៅលើអាកាសធ្វើជាផលិតផលមួយដែលកូនខ្មែរពិតជាអាចធ្វើបាន។

យុវជនច្នៃដ្រូនហោះលើអាកាសខាងលើ បន្តទៀតថា នៅពេលខាងមុខ កូនខ្មែរអាចចូលរួមអភិវឌ្ឍបច្ចេកវិទ្យាសម្រាប់ការបើប្រាស់នៅកម្ពុជាបាន តែអាស្រ័យលើការបណ្តុះបណ្តាលធនធានមនុស្សនិងថវិកាព្រោះនៅក្នុងវិស័យនេះវាទាមទារឱ្យមានការអត់ធ្មត់និងព្យាយាមខ្លំាងទើបទទួលបានជោគជ័យ។

ដោយឡែក យុវតី ឆាយ គឹមអេង ជាសិស្សរៀននៅថ្នាក់ទី១២សាលារៀនE-2 stem នៃវិទ្យាល័យព្រះយុគន្ធរបានឱ្យដឹងថា វិស័យបច្ចេកវិទ្យាមកដល់សព្វថ្ងៃនេះពិតជាមានសារសំខាន់មែនទែន ហើយខ្ញុំជឿថាអ្នកណាក៏អាចធ្វើបាន ពិសសសិស្សរៀននៅវិទ្យាល័យពួកគាត់មានតួនាទីសំខាន់នៅក្នុងវិស័យបច្ចេកវិទ្យានេះ។ តែបើយើងអត់បានផ្តល់ឱកាសដល់ពួកគាត់សាកល្បងជាមួយបច្ចេកវិទ្យានេះទេ គាត់អត់មានគំនិតថាគាត់ចង់រៀនបច្ចេកវិទ្យានេះនៅពេលអនាគត ដោយនៅជុំវិញខ្លួនយើង សុទ្ធតែបច្ចេកវិទ្យាទាំងអស់ ហើយដើម្បីដើរទាន់បដិវត្តន៍ឧស្សាហកម្ម ៤.០នេះ យើងត្រូវការចាំបាច់នៅធនធានមនុស្សដែលយុវជនទាំងនេះ។

យុវតី ឆាយ គឹមអេង បន្តថា៖ «តាមការរំពឹងរបស់ខ្ញុំ។ ខ្ញុំសង្ឃឹមថាប្រទេសកម្ពុជា នឹងមានការរីកមច្រើនលើគ្រប់វិស័យទាំងអស់ ហើយត្រូវពឹងផ្អែកទៅលើវិស័យបច្ចេកវិទ្យា ដែលជាគោលដ៏រឹងមាំមួយ សម្រាប់ជួយឱ្យកម្ពុជា អាចដើរទាន់បណ្តាប្រទេសផ្សេងៗនៅលើពិភពលោក»។

លោកជំទាវ ជា រដ្ឋា អនុរដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ មានប្រសាសន៍ថា កម្ពុជាសព្វថ្ងៃនារីចូលចិត្តបច្ចេកវិទ្យាច្រើនណាស់ ព្រោះសិស្សដែលជានារីពួកគាត់ពូកែខាងមុខវិជ្ជាគណិតវិទ្យាច្រើន ដែលកាលពីមុនមានប្រហែល១៦%ទេ ដែលរៀនខាងStem ហើយក្រសួង ក៏បានចាប់ផ្តើមជួយផ្សព្វផ្សាយបន្ថែម ដើម្បីឱ្យពួកគាត់បានដឹងថារៀនផ្នែកបច្ចេកវិទ្យា វាមានសារសំខាន់យ៉ាងណាខ្លះ ដើម្បីផ្តល់អត្ថប្រយោជន៍នៅពេលអនាគត?

លោកជំទាវ បន្តថា៖ «យើងឃើញថាកូនសិស្សដែលបានរៀននៅក្នុងវិស័យបច្ចេកវិទ្យាបានកើនឡើងដល់៣០%។ ប៉ុន្តែនៅក្នុងផែនទីបង្ហាញផ្លូវរបស់យើងសម្រាប់ឆ្នាំ២០៣០ គឺយើងចង់បាននិស្សិតដែលបានបញ្ចប់ការសិក្សាពីមហាវិទ្យាល័យឱ្យបាន៤០% ដើម្បីឱ្យមានធាតុចូលជាច្រើនរវាង ស្ត្រី និងបុរស។ ពិសេសជាងនេះទៅទៀត យើងគោលនយោបាយឆ្នាំ២០៥០ នឹងមានការបណ្តុះបណ្តាលបច្ចេកវិទ្យាពីក្មេងឡើងទៅ ដើម្បីឱ្យកម្ពុជាសំបូរទៅដោយ ធនធានមនុស្សដែលមានការចេះដឹងនៅក្នុងវិស័យបច្ចេកវិទ្យាបានកាន់តែច្រើនថែមទៀតក្នុងការចូលរួមអភិវឌ្ឍន៍សង្គម និងសេដ្ឋកិច្ចកម្ពុជា»៕ អត្ថបទ៖ សារេត

The post យុវជនកម្ពុជាយល់ដឹងពីវិស័យវិទ្យាសាស្ត្រ និងបច្ចេកវិទ្យាមានកាន់តែច្រើនដើម្បីចូលរួមអភិវឌ្ឍសង្គមនិងសេដ្ឋកិច្ច appeared first on .

យុវជនវ័យ១៦ឆ្នាំ លោក ជា សុធា គឺជាជាងកាត់សក់វ័យក្មេងបានឲ្យដឹងថា បើទោះបីជាលោក​ទើបធ្វើការងារនេះបានរយៈពេល​ប្រាំមួយ​ខែក្ដី តែមាន​មានសេចក្ដីរីករាយដូចគ្នា​ក្នុងការធ្វើការងារនេះ ព្រោះលោក ​ទទួលបានការលើកទឹកចិត្ត ​បទពិសោធល្អៗពីម្ចាស់ហាង​របស់គាត់ និងផ្ដល់ឱកាសឲ្យលោកអនុវត្តជំនាញកាន់តែរីកចម្រើនច្រើន។​

ជាមួយគ្នានេះ យុវជន ណេង សុជាតា មានអាយុ ១៨ឆ្នាំ ដែលបានចាប់ផ្ដើម​ការងារថ្មីជាងចុងភៅ​នៅក្នុងហាងកាហ្វេអ៊ីតាលីនៅចំកណ្ដាល​រាជធានីភ្នំពេញបានលើកឡើងដែរថា« ខ្ញុំសប្បាយចិត្តខ្លាំងណាស់​ក្នុងការប្រើប្រាស់ជំនាញ និងចំណេះដឹង ដែលខ្ញុំបានរៀន​ពីអង្គការមិត្តសំទ្បាញ់។ ការធ្វើការងារនៅទីនេះ​ គឺជាចំណុចចាប់ផ្ដើម​នៃអាជីពរបស់ខ្ញុំ និងជាជំហាន​ដំបូង​ឆ្ពោះ​ទៅរកការសម្រេចក្ដីសុបិន្តរបស់ខ្ញុំ»។

យុវជនទាំង២រូបខាងលើនេះ គឺបានចូលរួម​នៅក្នុងកម្មវិធីបណ្ដុះបណ្ដាល​បច្ចេកទេស វិជ្ជាជីវៈ និងអប់រំ (TVET) ដែលត្រូវបានបង្កើតឡើងក្នុងគោលបំណងផ្ដល់​ឲ្យយុវជនងាយរងគ្រោះនូវ​ជំនាញដែលពួកគេត្រូវការ ដើម្បី​ទទួលបាន​ជោគជ័យ​នៅក្នុងវិស័យ​ការងារនេះ។

TVET ជាកម្មវិធីដ៏ចាំបាច់ក្នុងការជួយត្រៀមលក្ខណៈយុវជន ដើម្បីមានភាពជោគជ័យនៅក្នុងទីផ្សារការងារនៅទសវត្សទី២១នេះ។ ការអភិវឌ្ឍជំនាញ និងការបណ្ដុះបណ្ដាលជាបន្តបន្ទាប់របស់យុវជនកម្ពុជា នឹងជាការចាំបាច់ក្នុងការគាំទ្រក្រុមងាយរងគ្រោះបំផុត នៅពេលដែលប្រទេសឈានទៅស្ដារសេដ្ឋកិច្ចឡើងវិញពីការរាតត្បាតជំងឺកូវីដ-១៩ ជាពិសេសកម្មវិធីនានាដែលកំណត់ទិសដៅលើយុវជន ដែលឈប់រៀននៅមុនថ្នាក់ទី៩។

ក្នុងនោះដែរ យុវជនសុធា នៅពេលសុធា​បានចាប់ផ្ដើមធ្វើការងារនៅហាងកាត់សក់ដំបូង​ គាត់រកប្រាក់ចំណូលបាន ១២០ដុល្លារក្នុងមួយខែ ដែលលើសពីប្រាក់ចំណូលដែលគាត់ទទួលបាន​ពីមុន​ជាងពីរដង។ យ៉ាងណា ដោយ​មានការតាំងចិត្ត និងជំនាញរបស់គាត់ នៅពេលបច្ចុប្បន្ន​ អាស្រ័យលើប្រាក់លើកទឹកចិត្តពីអតិថិជន គាត់រកប្រាក់ចំណូលបាន​រវាង​ពី ២០០ដុល្លារ និង២២០ដុល្លារ​ក្នុងមួយខែ​ផងដែរ។

ចំណែកឯសុជាតាវិញ នៅពេលនាងបានចាប់ផ្ដើម​ធ្វើការងារនៅភោជនីយដ្ឋានដំបូង នាងរកចំណូលបាន ២០០ដុល្លារក្នុងមួយខែ ប៉ុន្តែ​ចំណូលរបស់នាងបានកើនឡើងដល់ ២២០ដុល្លាររួចហើយ ជាមួយនឹងកម្រៃជើងសារ និងផលប្រយោជន៍នានា។

គួរបញ្ជាក់ដែរថា អំឡុងខែមករា ឆ្នាំ២០២០ និងខែកញ្ញា ឆ្នាំ២០២១ ក្មេងជំទង់ និងយុវជន​ជាង ៤០០នាក់​បានចុះឈ្មោះ​នៅក្នុងការបណ្ដុះបណ្ដាលវិជ្ជាជីវៈ និងបានចូលរួម​នៅក្នុងការហ្វឹកហាត់ជាកូនជាង និងការហាត់ការ​ដោយមិនទទួលបានប្រាក់ឈ្នួល​នៅក្នុងកម្មវិធី TVET ​របស់អង្គការមិនសំឡាញ់។ ជាង ៨០ភាគរយនៃពួកគេ​បានបញ្ចប់កម្មវិធីនេះយ៉ាងពេញលេញ ហើយពួកគេ​ទទួលបានការងារ​នៅក្នុងវិស័យ ដែលពួកគេបានសិក្សា ឬ​ប្រកបមុខរបររបស់ពួកគេផ្ទាល់៕

The post Unicef៖ ការអភិវឌ្ឍជំនាញ គឺជាការបើកឱកាសការងារដល់យុវជនកម្ពុជា appeared first on .