អ្នកឧកញ៉ា ឡេង ណាវ៉ាត្រា អមដោយយុវជនជាច្រើនរយនាក់ ដែលជាយុវជនជំនាន់ក្រោយបានសរសេរសារក្នុងន័យដើមបែបនេះថា៖ «មិនខ្វល់ថាអ្នកជាអ្នកណា ក្រុមហ៊ុនធំប៉ុណ្ណា បើរំលោភអធិបតេយ្យភាព មានគោលបំណងផ្ដួលរំលំបំផ្លាញសន្តិភាពយើងមានសិទ្ធិចាកចេញទាំងអស់គ្នាបើចាំបាច់។ ព្រោះបើបាត់បង់សន្តិភាព កុំថារកលុយ ឬលេង facebook តែជីវិតក៏មិនសល់ដែរ»។

អ្នកឧកញ៉ាសរសេរបន្តថា «យុវជនជំនាន់ក្រោយបាន៖ ប្ដេជ្ញាបូជាការពារសន្តិភាព ដែលសម្ដេចតេជោដឹកនាំឥស្សរ:ជន លោកបូជាសាច់ស្រស់ឈាមស្រស់ សង្គ្រោះអាយុជីវិតប្រជាជន។ ការពារសន្តិភាពគឺការពារជីវិតខ្លួនឯង។ ប្ដេជ្ញាបូជាការពារសម្ដេចតេជោ ព្រោះលោកការសន្តិភាពបាន។ ប្ដេជ្ញាបូជាការពារបេក្ខភាព បន្តវេនឯកឧត្តមបណ្ឌិត ហ៊ុន ម៉ាណែត ដើម្បីការពារសន្តិភាព»។

សូមទស្សនាវីដេអូទាំងស្រុងដែលជាការស្រែកឧឃោសនសព្ទបន្លឺឡើងដើម្បីប្តេជ្ញាបូជាការពារ ដូចខាងក្រោម៖

The post យុវជនជំនាន់ក្រោយ ប្រកាសប្ដេជ្ញាបូជាការពារសន្តិភាព និងសម្តេចតេជោ ព្រមទាំងបេក្ខភាពអនាគតនាយករដ្ឋមន្រ្តីបន្តវេនឯកឧត្តមបណ្ឌិត ហ៊ុន ម៉ាណែត appeared first on .

យុវជនវ័យ១៦ឆ្នាំ លោក ជា សុធា គឺជាជាងកាត់សក់វ័យក្មេងបានឲ្យដឹងថា បើទោះបីជាលោក​ទើបធ្វើការងារនេះបានរយៈពេល​ប្រាំមួយ​ខែក្ដី តែមាន​មានសេចក្ដីរីករាយដូចគ្នា​ក្នុងការធ្វើការងារនេះ ព្រោះលោក ​ទទួលបានការលើកទឹកចិត្ត ​បទពិសោធល្អៗពីម្ចាស់ហាង​របស់គាត់ និងផ្ដល់ឱកាសឲ្យលោកអនុវត្តជំនាញកាន់តែរីកចម្រើនច្រើន។​

ជាមួយគ្នានេះ យុវជន ណេង សុជាតា មានអាយុ ១៨ឆ្នាំ ដែលបានចាប់ផ្ដើម​ការងារថ្មីជាងចុងភៅ​នៅក្នុងហាងកាហ្វេអ៊ីតាលីនៅចំកណ្ដាល​រាជធានីភ្នំពេញបានលើកឡើងដែរថា« ខ្ញុំសប្បាយចិត្តខ្លាំងណាស់​ក្នុងការប្រើប្រាស់ជំនាញ និងចំណេះដឹង ដែលខ្ញុំបានរៀន​ពីអង្គការមិត្តសំទ្បាញ់។ ការធ្វើការងារនៅទីនេះ​ គឺជាចំណុចចាប់ផ្ដើម​នៃអាជីពរបស់ខ្ញុំ និងជាជំហាន​ដំបូង​ឆ្ពោះ​ទៅរកការសម្រេចក្ដីសុបិន្តរបស់ខ្ញុំ»។

យុវជនទាំង២រូបខាងលើនេះ គឺបានចូលរួម​នៅក្នុងកម្មវិធីបណ្ដុះបណ្ដាល​បច្ចេកទេស វិជ្ជាជីវៈ និងអប់រំ (TVET) ដែលត្រូវបានបង្កើតឡើងក្នុងគោលបំណងផ្ដល់​ឲ្យយុវជនងាយរងគ្រោះនូវ​ជំនាញដែលពួកគេត្រូវការ ដើម្បី​ទទួលបាន​ជោគជ័យ​នៅក្នុងវិស័យ​ការងារនេះ។

TVET ជាកម្មវិធីដ៏ចាំបាច់ក្នុងការជួយត្រៀមលក្ខណៈយុវជន ដើម្បីមានភាពជោគជ័យនៅក្នុងទីផ្សារការងារនៅទសវត្សទី២១នេះ។ ការអភិវឌ្ឍជំនាញ និងការបណ្ដុះបណ្ដាលជាបន្តបន្ទាប់របស់យុវជនកម្ពុជា នឹងជាការចាំបាច់ក្នុងការគាំទ្រក្រុមងាយរងគ្រោះបំផុត នៅពេលដែលប្រទេសឈានទៅស្ដារសេដ្ឋកិច្ចឡើងវិញពីការរាតត្បាតជំងឺកូវីដ-១៩ ជាពិសេសកម្មវិធីនានាដែលកំណត់ទិសដៅលើយុវជន ដែលឈប់រៀននៅមុនថ្នាក់ទី៩។

ក្នុងនោះដែរ យុវជនសុធា នៅពេលសុធា​បានចាប់ផ្ដើមធ្វើការងារនៅហាងកាត់សក់ដំបូង​ គាត់រកប្រាក់ចំណូលបាន ១២០ដុល្លារក្នុងមួយខែ ដែលលើសពីប្រាក់ចំណូលដែលគាត់ទទួលបាន​ពីមុន​ជាងពីរដង។ យ៉ាងណា ដោយ​មានការតាំងចិត្ត និងជំនាញរបស់គាត់ នៅពេលបច្ចុប្បន្ន​ អាស្រ័យលើប្រាក់លើកទឹកចិត្តពីអតិថិជន គាត់រកប្រាក់ចំណូលបាន​រវាង​ពី ២០០ដុល្លារ និង២២០ដុល្លារ​ក្នុងមួយខែ​ផងដែរ។

ចំណែកឯសុជាតាវិញ នៅពេលនាងបានចាប់ផ្ដើម​ធ្វើការងារនៅភោជនីយដ្ឋានដំបូង នាងរកចំណូលបាន ២០០ដុល្លារក្នុងមួយខែ ប៉ុន្តែ​ចំណូលរបស់នាងបានកើនឡើងដល់ ២២០ដុល្លាររួចហើយ ជាមួយនឹងកម្រៃជើងសារ និងផលប្រយោជន៍នានា។

គួរបញ្ជាក់ដែរថា អំឡុងខែមករា ឆ្នាំ២០២០ និងខែកញ្ញា ឆ្នាំ២០២១ ក្មេងជំទង់ និងយុវជន​ជាង ៤០០នាក់​បានចុះឈ្មោះ​នៅក្នុងការបណ្ដុះបណ្ដាលវិជ្ជាជីវៈ និងបានចូលរួម​នៅក្នុងការហ្វឹកហាត់ជាកូនជាង និងការហាត់ការ​ដោយមិនទទួលបានប្រាក់ឈ្នួល​នៅក្នុងកម្មវិធី TVET ​របស់អង្គការមិនសំឡាញ់។ ជាង ៨០ភាគរយនៃពួកគេ​បានបញ្ចប់កម្មវិធីនេះយ៉ាងពេញលេញ ហើយពួកគេ​ទទួលបានការងារ​នៅក្នុងវិស័យ ដែលពួកគេបានសិក្សា ឬ​ប្រកបមុខរបររបស់ពួកគេផ្ទាល់៕

The post Unicef៖ ការអភិវឌ្ឍជំនាញ គឺជាការបើកឱកាសការងារដល់យុវជនកម្ពុជា appeared first on .

អ្នកឧកញ៉ាថ្លែងថា កូនចៅចិននៅស្រុកខ្មែរ គឺពួកគេសន្សំសំចៃ មិនសូវហ៊ីហារ ទុកដាក់លុយកាក់ដើម្បីឱ្យកូនទៅរៀន បើទោះឪពុកម្តាយហូបបបរ ពងមាន់ប្រៃ ទុកលុយដើម្បីរុញទៅរៀននៅសាលាមួយ ១ឆ្នាំ១ម៉ឺនដុល្លារ ដើម្បីឲ្យកូនចេះដឹង ព្រោះអនាគតត្រូវពឹងផ្អែកលើចំណេះវិជ្ជា។ ដូច្នេះប្រទេសចិន បើទោះលំបាកយើងណាក៏ដោយ គឺមិនភ្លេចការអប់រំនោះទេ ម្លោះហើយប្រទេសចិនគេមានពាក្យស្លោកមួយថា “យុវជនខ្លាំងទើបប្រទេសខ្លាំង យុវជមានទើបប្រទេសមាន យុវជនជាអនាគតរបស់ប្រទេស”។

អ្នកឧកញ៉ាបានពន្យល់យ៉ាងដូច្នេះថា ខ្លាំងក្នុងទីនេះមិនមែនខ្លាំងទៅច្រណែន ទិន្ទាគេនោះទេ ខ្លាំងគឺយើងត្រូវមានសុខភាពមាំមួន ហើយយើងមានស្មារតីមាំមួន គឺខ្លាំងសុខភាពរបស់យើង។

យុវជនមាន មិនមែនមានលុយប្រាក់ទៅចាយពាសវាលពាសកាលនោះទេ មានន័យថា យើងមានចំណេះដឹង យើងមានសមត្ថភាព និងមានការប្តេជ្ញាខ្ពស់ គឺមានៗដោយចំណេះដឹងរបស់យើង មិនមែនសំដៅតែរឿងលុយកាក់នោះទេ។ ម្លោះហើយ ខ្ញុំគិតថា អ្វីៗដែលចិនធ្វើបាន តាមពិតខ្មែរយើងក៏ធ្វើបានដែរ ។

អ្នកឧកញ៉ា បន្តថា៖ “បើសិនជាយុវជនចេះនូវជំនាញបច្ចេកទេសនេះ វាគឺជាឱកាសមួយសម្រាប់យើង”។

ជាមួយគ្នានេះដែរ អ្នកឧកញ៉ាក៏បានណែនាំឲ្យយុវជនគ្រប់រូប គួរតែសំឡឹងមើលឪកាសនៃការអប់រំ និងដកស្រង់បទពិសោធន៍ពីប្រទេសចិន និងប្រទេសអាមេរិក ជាប្រទេសអ្នកមានដែលកំពុងមានការអភិវឌ្ឍន៍និងរីកចម្រើនខ្លាំង ហើយគេក៏បាននឹងកំពុងដើរមុនយើងទៀតផង។

ពាណិជ្ជករល្បីឈ្មោះ ពុង ឃាវសែ បានបញ្ជាក់បន្ថែមថា៖ មានក្រុមហ៊ុនបរទេសជាច្រើនបានប្រាប់មកលោកថា ពួកគេត្រូវការអ្នកជំនាញខាងបច្ចេកទេស ហើយនៅកម្ពុជាមិនសូវសំបូរនោះឡើយ ដែលធ្វើឲ្យពួកគេបង្ខំចិត្ដ ទៅរកអ្នកជំនាញពីក្រៅប្រទេសមកវិញ ដែលមានតម្លៃថ្លៃ និងមិនបានធ្វើការងារ បានជាប់លាប់នោះឡើយ ដោយពួកអ្នកជំនាញទាំងនោះ ច្រើនតែសុំទៅលេងប្រទេសខ្លួន ដែលនាំឲ្យរំខានដល់ចង្វាក់ផលិតកម្ម៕

The post អ្នកឧកញ៉ា ពុង ឃាវសែ៖ ខ្ញុំគិតថា អ្វីៗដែលប្រទេសចិនធ្វើបាន តាមពិតខ្មែរយើងក៏ធ្វើបានដែរ appeared first on .