អ្នកនាំពាក្យរបបយោធាឧត្តមសេនីយ៍ Zaw Min Tun បាននិយាយកាលពីល្ងាចថ្ងៃទី១៧ ខែមេសាថា ចាប់តាំងពីអាកាសធាតុចេះតែឡើងកម្តៅខ្លាំងទៅៗ យើងកំពុងតែធ្វើការដើម្បីការពារអ្នកទោសឲ្យគេចផុតពីជំងឺគ្រុនក្តៅ ដោយមិនមែនតែលោកស្រី អ៊ុងសាន ស៊ូជី ប៉ុណ្ណោះទេ តែសម្រាប់អ្នកទោសរាល់គ្នា ជាពិសេសអ្នកដែលមានវ័យចំណាស់ គឺសុទ្ធសឹងតែត្រូវការការប្រុងប្រយ័ត្នជាចាំបាច់។

យ៉ាងណាទាក់ទងរឿងនេះនៅមិនទាន់ច្បាស់ថា លោកស្រីត្រូវបានគេផ្លាស់ទៅលំនៅឋាន ដែលធ្លាប់ត្រូវបានរបបយោធាមុនឃុំខ្លួនអស់រយៈពេលប្រមាណ ១៥ឆ្នាំ ឬក៏ទៅកាន់លំនៅឋានផ្សេងទៀតនោះទេ។

គួរបញ្ជាក់ថា លោកស្រី អ៊ុងសាន ស៊ូជី ត្រូវបានរបបយោធាមីយ៉ាន់ម៉ាចាប់ឃុំខ្លួន ក្រោយពីធ្វើរដ្ឋប្រហារទៅលើរដ្ឋាភិបាលលោកស្រីកាលពីឆ្នាំ២០២១ ខណៈអតីតមេដឹកនាំលទ្ធិប្រជាធិបតិយ្យវ័យ ៧២ឆ្នាំរូបនេះកំពុងប្រឈមមុខនឹងការជាប់ពន្ធនាគាររយៈពេល ២៧ឆ្នាំពីបទឧក្រិដ្ឋរាប់ចាប់តាំងពីការក្បត់ជាតិ និងអំពើពុករលួយស៊ីសំណូកសូកប៉ាន់ជាដើម។

ផ្ទុយមកវិញក្រុមអ្នកគាំទ្រ និងក្រុមអ្នកវិភាគឯករាជ្យរបស់លោកស្រី ស៊ូជី បានលើកឡើងស្រដៀងគ្នាថា ការចោទប្រកាន់ទាំងនេះសុទ្ធសឹងតែជារឿងប្រឌិតឡើង ក្នុងគោលបំណងបង្ខូចកេរ្តិ៍ឈ្មោះ និងធ្វើដូច្នេះចង់ឲ្យការដណ្តើមអំណាចមើលទៅមានភាពស្របច្បាប់តែប៉ុណ្ណោះ៕

The post ហេតុផលមួយនេះហើយ ទើបបណ្តាលឲ្យលោកស្រី អ៊ុងសាន ស៊ូជី ត្រូវបានសម្រាលទោសឃុំខ្លួនក្នុងផ្ទះ appeared first on .

ប្រព័ន្ធផ្សព្វផ្សាយក្នុងប្រទេសមីយ៉ាន់ម៉ាបាននិយាយថា មនុស្សរាប់សិបនាក់បានប្រមូលផ្តុំគ្នានៅមុខស្ថានទូតចិននៃទីក្រុងយ៉ាំងហ្គោន កាលពីថ្ងៃអាទិត្យ និង​បានធ្វើការ​ចោទ​ប្រទេសចិន​ថា ​បានលូកដៃ​ចូល​ក្នុងកិច្ចការ​ផ្ទៃក្នុង​របស់​មីយ៉ាន់ម៉ា។

ដោយឡែក ការរិះគន់ជាសាធារណៈចំពោះទីក្រុងប៉េកាំងបែបនេះ គឺកម្រមាននៅក្នុងប្រទេសមីយ៉ាន់ម៉ាណាស់ ត្បិតបាតុកម្ម​ដែល​គ្មាន​ការ​អនុញ្ញាត​ត្រូវ​បាន​ហាមប្រាម​ចាប់​តាំង​ពីរដ្ឋប្រហារ​ឆ្នាំ ២០២១ មកម្លេះ ណាមួយចិន​ជា​ប្រទេស​មួយ​ក្នុង​ចំណោម​ប្រទេស​ដ៏ទៃទៀត ដែល​បាន​រក្សា​ទំនាក់ទំនង​ដ៏ល្អ​ជាមួយនឹងរបប​យោធា។

យ៉ាងណាមិញ របបយោធាបាននឹងកំពុងតស៊ូជាមួយពួកសកម្មប្រយុទ្ធនៅទូទាំងប្រទេស និងត្រូវបានរងការវាយប្រហារដោយជនជាតិភាគតិចចំនួនបី នៅក្នុងរដ្ឋ Shan ភាគខាងកើតចាប់តាំងពីចុងខែតុលាមក៕

The post ក្រុមអ្នកគាំទ្ររបបយោធាមីយ៉ាន់ម៉ា ធ្វើបាតុកម្មប្រឆាំងនឹងការលូកដៃរបស់ប្រទេសចិន appeared first on .

អ្នកនាំពាក្យរបស់របបយោធាមីយ៉ានម៉ា លោក Zaw Min Tun បាននិយាយថា យោធាកំពុងប្រឈមមុខនឹងការវាយប្រហារយ៉ាងធ្ងន់ធ្ងរពីទាហានឧទ្ទាមប្រដាប់អាវុធជាច្រើន នៅក្នុងរដ្ឋ Shan ភាគខាងជើងឆៀងខាងកើត ក៏ដូចជារដ្ឋ Kayah នៅភាគខាងកើត និងរដ្ឋ Rakhine នៅភាគខាងលិច។

មួយវិញទៀត លោកបានបន្ថែមថា ទីតាំងយោធាមួយចំនួនត្រូវបានជម្លៀសចេញ ហើយក្រុមបះបោរបាននឹងកំពុងប្រើប្រាស់យន្តហោះគ្មានមនុស្សបើក ដើម្បីទម្លាក់គ្រាប់បែករាប់រយគ្រាប់លើទីតាំងយោធា។

ជាមួយគ្នានោះ ប្រព័ន្ធផ្សព្វផ្សាយ Khit Thit បានរាយការណ៍ថា ក្រុមប្រឹក្សារដ្ឋបាលរដ្ឋរបស់យោធា (SAC) នៅក្នុងបទបញ្ជាមួយកាលពីថ្ងៃពុធបាននិយាយថា អ្នកដែលធ្លាប់ហ្វឹកហ្វឺនបច្ចេកទេសក្នុងមូលដ្ឋានយោធាទាំងអស់ គួរតែត្រៀមខ្លួនដើម្បីទៅបម្រើក្នុងវិស័យការពារជាតិ។

សូមជម្រាបថា ប្រទេសមីយ៉ាន់ម៉ាបានស្ថិតក្នុងភាពចលាចលចាប់តាំងពី ការធ្វើរដ្ឋប្រហារឆ្នាំ ២០២១ មកម្លេះ នៅពេលដែលយោធាបានទម្លាក់រដ្ឋាភិបាលដែលដឹកនាំដោយលោកស្រី Aung San Suu Kyi និងបានធ្វើកំណែទម្រង់លទ្ធិប្រជាធិបតេយ្យ៕

The post យោធាមីយ៉ាន់ម៉ា រងការវាយប្រហារយ៉ាងធ្ងន់ធ្ងរ និងអំពាវនាវដល់ប្រជាជនចូលបម្រើកងទ័ព appeared first on .

អនុរដ្ឋមន្ត្រីក្រសួងព័ត៌មានមីយ៉ាន់ម៉ា លោក Zaw Min Tun បាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃពុធថា៖ រដ្ឋាភិបាល អង្គការរដ្ឋបាល និងអង្គការសន្តិសុខលែងមានវត្តមានឈរជើងនៅក្នុងទីក្រុង Chinshwehaw ដែលមានព្រំប្រទល់ជាប់ខេត្ត Yunnan របស់ប្រទេសចិនទៀតហើយ។

ជាមួយគ្នានោះ បើតាមកងទ័ពរំដោះជាតិ Ta’ang (TNLA) កងទ័ព Arakan (AA) និងកងទ័ពសម្ព័ន្ធភាពប្រជាធិបតេយ្យជាតិមីយ៉ាន់ម៉ា (MNDAA) បាននិយាយថា៖ ពួកគេបានរឹបអូសទីតាំងយោធាជាច្រើន ក៏ដូចជាគ្រប់គ្រងលើទីប្រជុំជន Hpaung Seng, Hsenwi, Kyukok និងផ្លូវសំខាន់ៗដែលតភ្ជាប់មីយ៉ាន់ម៉ាជាមួយប្រទេសចិនផងដែរ។

សូមជម្រាបថា ការប្រយុទ្ធគ្នានេះ បានកើតឡើងចាប់តាំងពីថ្ងៃសុក្រសប្តាហ៍មុនមកម្លេះ នៅទូទាំងរដ្ឋ Shan ភាគខាងជើងនៃប្រទេសមីយ៉ាន់ម៉ា ខណៈតំបន់នេះ ជាតំបន់តភ្ជាប់ផ្លូវដែកតម្លៃរាប់ពាន់លានដុល្លារ នៃគម្រោងហេដ្ឋារចនាសម្ព័ន្ធខ្សែក្រវ៉ាត់ និងផ្លូវរបស់ទីក្រុងប៉េកាំង៕

The post យោធាមីយ៉ាន់ម៉ាប្រកាសថា ខ្លួនបាត់បង់ទីក្រុងដ៏សំខាន់មួយ ក្បែរព្រំដែនប្រទេសចិន appeared first on .