រដ្ឋបាលខេត្តកំពង់ស្ពឺ

ចុងឆ្នាំនេះ! រដ្ឋបាលខេត្តកំពង់ស្ពឺ នឹងរៀបចំព្រឹត្តិការណ៍ «បុណ្យភ្នំ» ចំនួន២ថ្ងៃ នៅឧទ្យានជាតិគិរីរម្យ

រ៉េត សុកធា — Sun, 30 Nov 2025 06:18:10 +0000

រដ្ឋបាលខេត្តកំពង់ស្ពឺ តាមរយៈសេចក្ដីជូនដំណឹង ចុះថ្ងៃទី២៨ ខែវិច្ឆិកា ឆ្នាំ២០២៥ បានឱ្យដឹងថា រដ្ឋបាលខេត្ដនឹងរៀបចំនូវព្រឹត្តិការណ៍ «បុណ្យភ្នំ» ចំនួន២ថ្ងៃ នៅឧទ្យានជាតិគិរីរម្យ ស្រុកភ្នំស្រួច ក្នុងខេត្តកំពង់ស្ពឺ នាពេលខាងមុខនេះ។

តាមរយៈសេចក្ដីជូនដំណឹងនេះ រដ្ឋបាលខេត្តកំពង់ស្ពឺបានជម្រាបជូនដល់ សម្ដេច ទ្រង់ ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី មន្ត្រីរាជការ កងកម្លាំងប្រដាប់អាវុធ បងប្អូន ប្រជាពលរដ្ឋ សាធារណៈជន ថា ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការលើកកម្ពស់វិស័យទេសចរណ៍នៅក្នុងព្រះរាជាណាចក្រកម្ពុជាឱ្យកាន់តែមានភាពរីកចម្រើន ព្រមទាំងទាក់ទាញ ភ្ញៀវទេសចរណ៍ជាតិ និងអន្តរជាតិចូលរួមទស្សនាកំសាន្តតាមរមណីយដ្ឋាន តំបន់ទេសចរណ៍ធម្មជាតិ និង តំបន់ទេសចរណ៍ប្រវត្តិសាស្ត្រនានា ឱ្យមានភាពទាក់ទាញ និងទទួលបានការគាំទ្រពីសាធារណៈជន ឱ្យ កាន់តែច្រើនឡើងថែមទៀត។

ក្នុងន័យនេះ រដ្ឋបាលខេត្តកំពង់ស្ពឺ នឹងរៀបចំព្រឹត្តិការណ៍ «បុណ្យភ្នំ» មានរយៈពេល ០២ថ្ងៃគឺចាប់ពី ថ្ងៃទី២៧ ដល់ថ្ងៃទី២៨ ខែធ្នូ ឆ្នាំ២០២៥ ស្ថិតនៅឧទ្យានជាតិគីរីរម្យ ស្រុកភ្នំស្រួច ក្នុងខេត្តកំពង់ស្ពឺ ខាងមុខនេះ ជូនដល់បងប្អូនប្រជាពលរដ្ឋ សាធារណៈជន ចូលរួមទស្សនាកំសាន្តដោយសេរី និងឱ្យបានច្រើនកុះករ ដើម្បី លើកស្ទួយវិស័យទេសចរណ៍ និងអភិរក្សវប្បធម៌ បរិស្ថានធម្មជាតិរបស់ប្រទេសជាតិយើងតាមតាមកម្មវិធី ដែលរដ្ឋបាលខេត្ត បានគ្រោងរៀបចំឡើង៕

The post ចុងឆ្នាំនេះ! រដ្ឋបាលខេត្តកំពង់ស្ពឺ នឹងរៀបចំព្រឹត្តិការណ៍ «បុណ្យភ្នំ» ចំនួន២ថ្ងៃ នៅឧទ្យានជាតិគិរីរម្យ appeared first on .

គម្រោងសួនឧស្សាហកម្មវាយនភណ្ឌបៃតងលំដាប់ជាតិកម្ពុជា នឹងបើកការដ្ឋានក្នុងខែវិច្ឆិកា នៅខេត្តកំពង់ស្ពឺ

Kem sinath — Fri, 25 Oct 2024 08:15:38 +0000

គម្រោងសួនឧស្សាហកម្មវាយនភណ្ឌបៃតងលំដាប់ជាតិកម្ពុជា គ្រោងនិងបើកការដ្ឋានសាងសង់នៅដើមខែវិច្ឆិកា ឆ្នាំ២០២៤ខាងមុខនេះ ក្រោមទុនប្រមាណជា៥លានដុល្លារ។នេះបើតាមរយៈជំនួបពិភាក្សាការងាររវាងអ្នកវិនិយោគនៃប្រទេសចិនចំនួន១១ក្រុមហ៊ុន មកពីក្រុមហ៊ុនវិនិយោគតំបន់សេដ្ឋកិច្ច Golden Integreting International Investment PTE LTD ជាមួយលោក ជាម ច័ន្ទសោភ័ណ អភិបាលខេត្តកំពង់ស្ពឺ កាលពីថ្មីៗនេះ។

ក្នុងជំនួបនោះ អ្នកវិនិយោគនៃសាធារណរដ្ឋប្រជាមានិតចិនបានលើកឡើងថា គម្រោងអភិវឌ្ឍន៍សួនឧស្សាហកម្មវាយនភណ្ឌបៃតងកម្ពុជានេះផ្តោតលើការបង្កើតឱ្យបាននូវសួនឧស្សាហកម្មវាយនភណ្ឌលំដាប់ជាតិកម្ពុជា និងបន្តអភិវឌ្ឍន៍ឱ្យក្លាយជាមូលដ្ឋានផលិតកម្ម ផ្គត់ផ្គង់ដ៏សំខាន់លើឧហ្សាហកម្ម បោះពុម្ភ ជ្រលក់ពណ៍ និងអេឡិចកូប្លាតីងស្បែក ក្នុងតំបន់អាស៊ានផងដែរ។

នាឱកាសនោះ លោក ជាម ច័ន្ទសោភ័ណ បានសម្តែងនូវក្តីរំភើបរីករាយ និងទទួលស្វាគមន៍ជានិច្ចរាល់បណ្តាក្រុមហ៊ុនវិនិយោគទាំងអស់ដែលបានសហការបណ្តាក់នៅទុនក្នុងភូមិសាស្ត្រខេត្តកំពង់ស្ពឺយើងនេះ ដែលជាខេត្តអំណោយផលលើគ្រប់វិស័យជាពិសេសវិស័យវាយណភណ្ឌនេះតែម្តង ជាការពិតណាស់អ្នកវិនិយោគដែលមកបណ្តាក់ទុននៅខេត្តកំពង់ស្ពឺពិតជាមានចក្ខុវិស័យខ្ពស់និងចំណេញលើចំណេញតែម្តង។

សូមបញ្ជាក់ផងដែរថា គម្រោងសួនឧស្សាហកម្មវាយនភណ្ឌបៃតងលំដាប់ជាតិកម្ពុជានេះ ទទួលបានការវិនិយោគ សហការណ៍ជាមួយក្រុមហ៊ុនពាក់ព័ន្ធជាច្រើន ព្រមទាំងមានកិត្តិយសទទួលបានការគាំទ្រពីសហគ្រាសដើម្បីគាំពារបរិស្ថាននៅកម្ពុជា(EPIAC) សមាគមនវាយនភណ្ឌ សម្លៀកបំពាក់ ស្បែកជើង និងកាបូបកម្ពុជា (TAFTAC) និងសមាគមវាយនភណ្ឌចិននៅកម្ពុជា (CTAC) ថែមទៀតផង។

សូមគូសបញ្ជាក់បន្ថែមថា គម្រោងសួនឧស្សាហកម្មវាយនភណ្ឌបៃតងលំដាប់ជាតិកម្ពុជា នឹងសម្ពោធបញ្ចុះបឋមសិលាបើកការដ្ឋានសាងសង់ នៅថ្ងៃទី ៨ ខែវិច្ឆិកា ឆ្នាំ២០២៤ ខាងមុខនេះ ស្ថិតនៅភូមិតាំងស្យា ស្រុកភ្នំស្រួច ខេត្តកំពង់ស្ពឺ៕

The post គម្រោងសួនឧស្សាហកម្មវាយនភណ្ឌបៃតងលំដាប់ជាតិកម្ពុជា នឹងបើកការដ្ឋានក្នុងខែវិច្ឆិកា នៅខេត្តកំពង់ស្ពឺ appeared first on .

ម៉ាឡេស៊ី គ្រោងបោះទុនវិនិយោគលើវិស័យសំខាន់ៗចំនួន ៦ នៅខេត្តកំពង់ស្ពឺ នាពេលខាងមុខនេះ

ឧកញ៉ាតូច — Wed, 16 Mar 2022 10:33:15 +0000

ឯកអគ្គរដ្ឋទូតប្រទេសម៉ាឡេស៊ីប្រចាំនៅប្រទេសកម្ពុជា បានសន្យាថា នឹងកៀគរអ្នកវិនិយោគពីប្រទេសរបស់ខ្លួន មកបោះទុនវិនិយោគលើវិស័យសំខាន់ៗចំនួន ៦ នៅទឹកដីខេត្តកំពង់ស្ពឺ នាពេលខាងមុខនេះ។ ការលើកឡើងនេះ បានធ្វើឡើងគ្រាដែលលោក ឯកអគ្គរដ្ឋទូត ទស្សនកិច្ចសិក្សាស្វែងយល់ពីសក្តានុពលរបស់ខេត្តកំពង់ស្ពឺ កាលថ្ងៃទី១៦ ខែមីនា ឆ្នាំ២០២២។

ឱកាសនោះ លោក ELDEEN HUSAINI HOHD HASHIM ឯកអគ្គរដ្ឋទូតប្រទេសម៉ាឡេស៊ីប្រចាំនៅប្រទេសកម្ពុជា បានឲ្យដឹងថា «តាមការចង្អុលបង្ហាញរបស់សម្ដេចតេជោ ហ៊ុន សែន នាពេលកន្លងមក។ ខ្ញុំនិងកៀគរអ្នកវិនិយោគពីប្រទេសម៉ាឡេស៊ី មកធ្វើការវិនិយោគលើ វិស័យទេសចរណ៍ វិស័យពាណិជ្ជកម្ម វិស័យអចលនទ្រព្យ វិស័យកសិកម្ម វិស័យឧស្សាហកម្ម និងវិស័យអគ្គិសនីដើរដោយថាមពលព្រះអាទិត្យមកវិនិយោគនៅទឹកដីខេត្តកំពង់ស្ពឺនាពេលខាងមុខ»។

ទន្ទឹមគ្នានេះ ឯកអគ្គរដ្ឋទូតរូបនេះ ក៏នឹងអញ្ជើញអភិបាលខេត្តដឹកនាំគណៈប្រតិភូខេត្តកំពង់ស្ពឺ ទៅទស្សនកិច្ចនៅប្រទេសម៉ាឡេស៊ី ដើម្បីធ្វើបទបង្ហាញពីសក្តានុពលដល់ធុរៈជនរបស់ម៉ាឡេស៊ីផងដែរ។

ជាការឆ្លើយតប លោក វ៉ី សំណាង ក៏បានបង្ហាញការស្វាគមន៍លោក ELDEEN HUSAINI HOHD HASHIM ចំពោះបំណងជំរុញការវិនិយោគលលើវិស័យសំខាន់ៗ ខាងលើនេះផងដែរ។

តាមរយៈដំណើរទស្សនកិច្ចសិក្សានេះដែរ ភាគីទាំងពីរ រំពឹងថា នៅពេលដែលអ្នកវិនិយោគរបស់ម៉ាឡេស៊ីមានចំណាប់អារម្មណ៍ហើយមកបណ្ដាក់ទុននៅក្នុងខេត្តកំពង់ស្ពឺ ពេលនោះប្រជាពលរដ្ឋអ្នកខេត្តកំពង់ស្ពឺ មានប្រាក់ចំណូលបន្ថែមទៀត តាមរយៈឱកាសការងារដែលអ្នកវិនិយោគរបស់ម៉ាឡេស៊ីមកបណ្ដាក់ទុននេះ។

គួរបញ្ជាក់ នៅក្នុងជំនួបពិភាក្សាការងាររវាងរដ្ឋមន្រ្តីក្រសួងពាណិជ្ជកម្មកម្ពុជា និងរដ្ឋមន្រ្តីពាណិជ្ជកម្មម៉ាឡេស៊ី កាលពីថ្ងៃទី ២៣ ខែ កុម្ភៈ ឆ្នាំ២០២២កន្លងទៅបានបង្ហាញថា គិតត្រឹមឆ្នាំ២០២១ ទំហំពាណិជ្ជកម្មទ្វេភាគីរវាងកម្ពុជា និងម៉ាឡេស៊ី បានឈានដល់ ៥០១ លានដុល្លារអាមេរិក កើនឡើងចំនួន ១៣ % បើធៀបនឹងឆ្នាំ២០២០។

ហើយក្នុងនោះដែរ ម៉ាទ្បេស៊ីឈរនៅចំណាត់ថ្នាក់លេខ ១ ក្នុងការនាំចូលអង្ករកម្ពុជា ក្នុងចំណោមសមាជិកអាស៊ានទាំងអស់ ដោយក្នុងឆ្នាំ២០២១ ម៉ាទ្បេស៊ី បាននាំចូលអង្ករកម្ពុជាសរុបចំនួន ៤៦ ១៨១ តោន កើនទ្បើងចំនួន ៨% បើធៀបនឹងឆ្នាំ២០២០ផងដែរ

ជាមួយគ្នានេះ ភាគីទាំងពីរ ក៏បានបញ្ជាក់ពីការប្តេជ្ញាចិត្តបន្តរក្សានូវទីផ្សារបើកចំហរ និងសម្រួលការវិនិយោគ សំដៅបង្កើនទំហំពាណិជ្ជកម្មទ្វេភាគីបន្ថែមទៀត៕
អត្ថបទ៖រង្សី

The post ម៉ាឡេស៊ី គ្រោងបោះទុនវិនិយោគលើវិស័យសំខាន់ៗចំនួន ៦ នៅខេត្តកំពង់ស្ពឺ នាពេលខាងមុខនេះ appeared first on .

អាជ្ញាធរខេត្តកំពង់ស្ពឺ ទុកពេលឱ្យម្ចាស់អាជីវកម្ម ១សប្ដាហ៍ រុះរើស្លាកផ្សាយពាណិជ្ជកម្មស្រាបៀឱ្យអស់

ឧកញ៉ាកោះក្របី — Mon, 24 May 2021 08:46:13 +0000

អាជ្ញាធរខេត្តកំពង់ស្ពឺ ទុកពេលឱ្យម្ចាស់អាជីវកម្ម ១សប្ដាហ៍ ត្រូវរុះរើផ្ទាំងប៉ាណូផ្សាយពាណិជ្ជកម្មគ្រឿងស្រវឹងឬស្លាកយីហោដែលជ្រកក្រោមស្លាកស្រាបៀរ នៅថ្ងៃអាទិត្យនេះ ក្រោយពីអាជ្ញាធរព្រមានចុះរុះរើដោយខ្លួនឯង ប្រសិនបើពលរដ្ឋមិនព្រមចូលរួមអនុវត្តតាម។

នេះបើយោងតាមលិខិតជូនដំណឹងរបស់រដ្ឋបាលខេត្តកំពង់ស្ពឺ ចេញផ្សាយនៅថ្ងៃទី២៤ ខែឧសភា ឆ្នាំ២០២១នេះ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

The post អាជ្ញាធរខេត្តកំពង់ស្ពឺ ទុកពេលឱ្យម្ចាស់អាជីវកម្ម ១សប្ដាហ៍ រុះរើស្លាកផ្សាយពាណិជ្ជកម្មស្រាបៀឱ្យអស់ appeared first on .

នាយករងរដ្ឋបាលក្រុងច្បារមនម្នាក់ត្រូវបានបញ្ចប់មុខដំណែង ក្រោយទាត់កញ្ច្រែងព្រីងអាជីវករ បណ្តាលឲ្យធ្លាក់កំពប់លើដី

ឧកញ៉ាកោះក្របី — Sat, 22 May 2021 03:49:53 +0000

លោក ឡាក់ ប៊ុនធីម នាយករង រដ្ឋបាលក្រុងច្បារមន ទទួលបន្ទុកប្រធានសណ្តាប់ធ្នាប់ផ្សារកំពង់ស្ពឺ ត្រូវបានអភិបាលក្រុងសម្រេចបញ្ចប់មុខតំណែងមកត្រឹមជាមន្ត្រីធម្មតា បន្ទាប់ប្រព្រឹត្តកំហុសទាត់កញ្ច្រែងព្រីងបណ្តាលឲ្យធ្លាក់កំពប់មកលើដីរបស់ក្មេងស្រីម្នាក់។ នេះបើយោងតាមដីកាចុះថ្ងៃទី២១ ខែឧសភា ឆ្នាំ២០២១នេះ របស់លោក ហុក ម៉ារ៉ាឌី អភិបាលក្រុងច្បារមន។

រូបភាពបណ្តាញសង្គម

កាលពីថ្ងៃទី១៩ ខែឧសភានេះ លោក ឡាក់ ប៊ុនធីម នាយករង រដ្ឋបាលក្រុងច្បារមន ទទួលបន្ទុករៀបចំសណ្តាប់ធ្នាប់ផ្សារកំពង់ស្ពឺ បានប្រើហិង្សាលើក្មេងស្រីម្នាក់ដែលលក់ព្រីង និងខ្នុរត្រង់ចំណុចជិតគល់ស្ពានថ្មចាស់បណ្តាលឲ្យរងការខួចខាត ធ្វើឱ្យមានការរិះគន់យ៉ាងខ្លាំងតាមបណ្តាញទំនាក់ទំនងសង្គមនានារហូតថ្នាក់ដឹកនាំខេត្តកំពង់ស្ពឺ។

រូបភាពបណ្តាញសង្គម

ជាមួយគ្នានោះ លោក វ៉ី សំណាង អភិបាលខេត្តកំពង់ស្ពឺ ក៏បានសម្តែងនូវការរន្ធត់និងសោកស្ដាយយ៉ាងខ្លាំងចំពោះទង្វើអសីលធម៌បែបរបស់សន្តិសុខផ្សារកំពង់ស្ពឺម្នាក់ បានទាត់កញ្ច្រែងក្មេងស្រីលក់ព្រីង និងខ្នុរ បណ្ដាលឲ្យកំពប់ទៅលើដី។

លោកថា ខ្ញុំពិតជាមានការរន្ធត់និងសោកស្ដាយយ៉ាងខ្លាំងចំពោះទង្វើអសីលធម៌បែបនេះ។ ចំពោះទង្វើអសីលធម៌របស់សន្តិសុខផ្សារកំពង់ស្ពឺបែបនេះគឺមិនអាចលើកលែងបានឡើយ៕

The post នាយករងរដ្ឋបាលក្រុងច្បារមនម្នាក់ត្រូវបានបញ្ចប់មុខដំណែង ក្រោយទាត់កញ្ច្រែងព្រីងអាជីវករ បណ្តាលឲ្យធ្លាក់កំពប់លើដី appeared first on .

ដីឡូតិ៍សំណង់ផ្ទះល្វែងផ្សារត្រាំខ្នារថ្មី ក្រោមទុនវិនិយោគខ្ទង់លានដុល្លារ អាជ្ញាធរខេត្តកំពង់ស្ពឺដាក់ឲ្យអាជីវករលក់ដូរមិនយកថ្លៃឈ្នូល

ឧកញ៉ាកោះក្របី — Tue, 18 May 2021 01:19:12 +0000

រដ្ឋបាលខេត្តកំពង់ស្ពឺ អនុញ្ញាតឲ្យអាជីវករលក់ដូរមិនរៀបរយនៅតាមទីសាធារណៈនានា និងតូបលក់ដូរចល័តនៅទីប្រជុំជននៅក្នុងឃុំជង្រុក ស្រុកគងពិសី ខេត្តកំពង់ស្ពឺ ទៅលក់នៅទីតាំងក្នុងដីឡូតិ៍សំណង់ផ្ទះល្វែងផ្សារត្រាំខ្នារថ្មីដោយមិនគិតគិតថ្លៃភាស៊ី និងប្រាក់ឈ្នួលសម្រាប់ទីតាំងរយៈពេល៦ខែ។

ក្នុងសេចក្តីជូនដំណឹងចុះថ្ងៃទី១៧ ខែឧសភា ម្សិលមិញ បានបញ្ជាក់ថា អាជីវករដែលធ្លាប់លក់ដូរមិនរៀបរយនៅតាមទីសាធារណៈនានា និងតូបលក់ដូរចល័តនៅទីប្រជុំជនក្នុងឃុំជង្រុក ស្រុកគងពិសីខេត្តកំពង់ស្ពឺទាំងអស់ ត្រូវទៅលក់ដូរនៅផ្សារសុវត្ថិភាពបណ្ដោះអាសន្ននៅតំបន់ដីឡូតិ៍សំណង់ផ្ទះល្វែងផ្សារត្រាំខ្នារថ្មី ចាប់ពីថ្ងៃទី១៩ ខែឧសភា ឆ្នាំ២០២១នេះ។

បើតាមលិខិតជូនដំណឺងដដែល អាជីវករទាំងអស់ត្រូវរៀបចំឲ្យមានការលក់ដូរដោយរក្សាគម្លាតសុវត្ថិភាព និងត្រូវមានអាកុល ឬជែលសម្រាប់អតិថិជនលាងដៃ ទាំងអាជីវករ ទាំងអតិថិជន ត្រូវពាក់ម៉ាសឲ្យបានត្រឹមត្រូវ និងរក្សាគម្លាតសុវត្ថិភាពទាំងអស់គ្នា។

គួររម្លឹកជូនថា សំណង់ផ្ទះល្វែង និងផ្សារត្រាំខ្នារថ្មីដែលមានទំហំដីប្រមាណ៦ហិចតា ស្ថិតនៅភូមិក្របីត្រាំ ឃុំជម្រុក ស្រុកគងពិសី ខេត្ដកំពង់ស្ពឺ ក្រោមទុនវិនិយោគខ្ទង់លានដុល្លារ បានសម្ពោធបើកលក់ និងកក់ជាផ្លូវការហើយ កាលពីថ្ងៃទី២៨ ខែកក្កដា ឆ្នាំ២០១៩កន្លងទៅ៕

The post ដីឡូតិ៍សំណង់ផ្ទះល្វែងផ្សារត្រាំខ្នារថ្មី ក្រោមទុនវិនិយោគខ្ទង់លានដុល្លារ អាជ្ញាធរខេត្តកំពង់ស្ពឺដាក់ឲ្យអាជីវករលក់ដូរមិនយកថ្លៃឈ្នូល appeared first on .

ចាប់ពីម៉ោង៨យប់ ដល់ម៉ោង៥ភ្លឺ ខេត្តកំពង់ស្ពឺផ្អាកជាបណ្តោះអាសន្ន

ឧកញ៉ាកោះក្របី — Fri, 02 Apr 2021 09:21:19 +0000

អភិបាលខេត្តកំពង់ស្ពឺ លោក វ៉ី សំណាង បានសម្រេចដាក់ចេញវិធានការរដ្ឋបាលផ្អាកការជួបជុំ ផ្អាកសកម្មភាពអាជីវកម្មដូចជា ភោជនីយដ្ឋាន អាហារដ្ឋាន តូបអាហារចល័ត ហាងលក់ភេសជ្ជៈ (គ្រឿងស្រវឹង) ដែលបើកបម្រើអតិថិជន ត្រូវផ្អាកទទួលភ្ញៀវជាបណ្ដោះអាសន្ន ចាប់ពីម៉ោង៨យប់ ដល់ម៉ោង៥ភ្លឺ។

ពិស្តារ៖

The post ចាប់ពីម៉ោង៨យប់ ដល់ម៉ោង៥ភ្លឺ ខេត្តកំពង់ស្ពឺផ្អាកជាបណ្តោះអាសន្ន appeared first on .