លោក​អភិបាល​ខេត្ត​ ម៉ៅ ធនិន ​​បាន​​បង្ហើប​ឱ្យ​ដឹង​​នៅ​ថ្ងៃទី​០៥ ខែ​កញ្ញា ឆ្នាំ​២០២២​នេះ​​​ថា​ រដ្ឋបាលខេត្ត​បាន​រៀបចំផែនការស្ថាបនា​ ជាឆ្នេរកម្សាន្តព្រែកកំពតមួយ ដែល​មាន​ប្រវែង ២គីឡូម៉ែត្រ ស្ថិតនៅតំបន់កោះ​ស្មៅ​។ រីឯ​ការស្ថាបនាសួនកម្សាន្តដ៏ប្រណិតមួយទៀត គឺនៅ​ជាប់​ព្រែក​កំពត ដែលឋិតនៅចន្លោះស្ពានឥន្ទធនូ និងស្ពានថ្មី ក្នុងក្រុងកំពត។ លោក​អភិបាល ​បាន​បន្ត​ថា ខេត្តកំពត ជាខេត្តជាប់ឆ្នេរសមុទ្រ ដែលមាន​សក្តា​នុពល និងធនធានដ៏​សម្បូរ​​បែប​ ប៉ុន្តែខេត្តនេះ នៅមិនទាន់មានឆ្នេរសម្រាប់​ឱ្យភ្ញៀវទេសចរកម្សាន្ត​នៅឡើយ​នោះទេ ដូច្នេះ​​ហើយ​ទើប​មាន​គម្រោង​នេះ​ឡើង ខណៈ​ដែល​បច្ចុប្បន្ននេះ ក្រុមការងារ កំពុងតែចាក់ខ្សាច់​បំពេញជាបណ្តើរៗ​ហើយ ដើម្បី​អាច​កសាង បន្ទាប់ពីរៀប​ចំ​សម្អាត​មាត់ព្រែក និងការរុះរើសំណង់​លើដីចំណី​ព្រែករួចរាល់។

“គម្រោងស្ថាបនាឆ្នេរ និងសួនកម្សាន្តនេះ មិនទាន់ដឹងថា ត្រូវចំណាយ​ថវិកាចំនួនប៉ុន្មាននៅឡើយទេ ហើយ​នឹងត្រូវបញ្ចប់ការសាងសង់នៅពេលណានោះដែរ ដោយរដ្ឋបាលខេត្ត​កំពុង​សិក្សា​ពីការស្ថាបនានេះ ប៉ុន្តែ​សម្រាប់សួនកម្សាន្តវិញ គ្រោងបង្កើតឱ្យមានជា សួនច្បារលម្អ នៅលើវិថីរង្វ​ង់មូល​បាញ់​ទឹក សួនច្បារ​ស្វាគមន៍ សួនផ្ការំដួល ផែសម្រាប់អ្នកដំណើរ ចំណតយានយន្ត កន្លែងដាក់ភ្ញៀវទេសចរ និងស្ពាន​សម្រាប់​ចំណតទូក ដែលមានរូបរាងជាសណ្ឋានដូចឥន្ទធនូ”។ លោក ម៉ៅ ធនិន បាន​បញ្ជាក់​បន្ថែម។

គួររំឭក​ផង​ដែរ​ថា ​​កាល​ពី​ថ្ងៃទី​០៥ ខែ​ឧសភា ឆ្នាំ២០២២ ​​ក្នុងពិធីបើកការដ្ឋានសាងសង់​មជ្ឈមណ្ឌល​ភស្តុ​ភារ​កម្ម និងកំពង់ផែពហុបំណង នៅក្នុងក្រុងបូកគោ ខេត្តកំពត លោក ជា សុផារ៉ា ឧបនាយករដ្ឋមន្ត្រី រដ្ឋ​មន្ត្រី​ក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មាធិការគ្រប់គ្រង និងអភិវឌ្ឍ​តំបន់​ឆ្នេរសមុទ្រកម្ពុជា បាន​ទទួលស្គាល់ថា ឆ្នេរសមុទ្រដែលកម្ពុជាមាននេះ គឺជាទុនដ៏សំខាន់ក្នុងការទាក់ទាញ​អ្នកទេសចរ បង្កើតជាចំណូលសម្រាប់ប្រជាពលរដ្ឋ និងសេដ្ឋកិច្ចជាតិ។ លោកក៏​ បានអំពាវនាវដល់​អភិបាល​ខេត្ត​ជាប់ឆ្នេរទាំង៤ ខេត្តព្រះសីហនុ កំពត កែប និងកោះកុង ត្រូវប្រឹងប្រែងរួមគ្នាថែរក្សាឆ្នេរ​កុំឱ្យ​មានការរំលោភបំពានទៅធ្វើជាកម្មសិទ្ធិ និង​សង់សំណង់ផ្សេងៗ៕

The post អាជ្ញាធរខេត្តកំពត កំពុងស្ថាបនាឆ្នេរសមុទ្រ ដើម្បីឱ្យអាចលេងកម្សាន្តបាន ដូចឆ្នេរកែប appeared first on .

ក្រឡែកមក អ្នកឧកញ៉ា ឡេង ណាវ៉ាត្រា នៅប៉ុន្មានឆ្នាំចុងក្រោយនេះ លោកបានធ្វើឲ្យកក្រើកផ្អើលនៅប្រទេសកម្ពុជា ទាំងសកម្មភាពវិនិយោគ និងកិច្ចការមនុស្សធម៌ ដោយបានបរិច្ចាគធនធានគិតជាទឹកប្រាក់ច្រើនជាង ១០លានដុល្លារ ខណៈ សកម្មភាពរបស់លោកត្រូវបានមហាជន និងថ្នាក់ដឹកនាំកំពូលៗកោតសរសើរស្ងប់ស្ងែងក្នុងការចូលរួមអភិវឌ្ឍន៍សង្គម សេដ្ឋកិច្ច សង្គមកិច្ច និងវិស័យសុខាភិបាល។

មែនទែនទៅអ្នកជំនួញល្បីឈ្មោះ និងឥស្សរជនឆ្នើមក្នុងអាណត្តិក្រោមដឹកនាំរបស់សម្តេចតេជោ ហ៊ុន សែន នាយករដ្ឋមន្រ្តីទាំងពីររូប ត្រូវបានចាត់ថា ជាគ្រាប់ពូជដ៏ល្អឯក ដែលតែងតែមានឆន្ទៈបំផុសជំរុញស្មារតីសាមគ្គី ខ្មែរជួយខ្មែរលើគ្រប់វិស័យ។ អ្វីដែលកាន់តែចាប់អារម្មណ៍ទៀតនោះ លោក ម៉ៅ ធនិន និងអ្នកឧកញ៉ា ឡេង ណាវ៉ាត្រា មានឈាមជ័រជាកូនអ្នកខេត្តព្រៃវែងដូចគ្នា ខណៈលោកទាំងពីរមានបេះដូងស្រឡាញ់ពលរដ្ឋ និងលះបង់គ្រប់បែបយ៉ាងក្នុងកិច្ចការមនុស្សធម៌។

ជាក់ស្តែង នៅថ្ងៃពុធ ទី៣ ខែវិច្ឆិកា អ្នកឧកញ៉ា ឡេង ណាវ៉ាត្រា បានធ្វើដំណើរទៅកាន់ខេត្តកំពត ដើម្បីហូបតែក្តៅជាមួយលោក ម៉ៅ ធនិន ក្រោយចូលកាន់ដំណែងអភិបាលខេត្តនាពេលថ្មីៗនេះ។ មិនតែប៉ុណ្ណោះ អ្នកជំនួញវ័យក្មេង ក៏បានចូលរួមក្នុងវេទិកាសមាជដោះស្រាយបញ្ហាជូនបងប្អូនប្រជាពលរដ្ឋក្នុងមូលដ្ឋានខេត្តកំពតផងដែរ។

ជាមួយគ្នានេះ អ្នកឧកញ៉ា ដោយឃើញពីសកម្មភាពមនុស្សធម៌របស់លោកអភិបាលខេត្តក្នុងការផ្ដល់ស្បៀងជូនប្រជាពលរដ្ឋ ដែលមានជីវភាពខ្វះខាត មកពីបណ្តាស្រុក ក្រុង ក្នុងខេត្តកំពត ៥៨៥​ គ្រួសារ​។

ជាការឆ្លើយតប អ្នកឧកញ៉ា ឡេង ណាវ៉ាត់ត្រា ជាអគ្គនាយកក្រុមហ៊ុន កាឡាក់ស៊ី ណាវ៉ាត់ត្រា មានកិត្តិយសពាំនាំមកនូវថវិកា គ្រឿងឧបភោគបរិភោគ ជូនដល់រដ្ឋបាលខេត្តកំពត មានដូចជា៖ ថវិកា ១០០ លានរៀល, ត្រីខ ៣០០ កេស, ឣង្ករ ២០ តោន, មី 1000កេះ, ១០ មុឺនម៉ាស, ឣាកុល ១០០០ លីតខណៈកន្លងមកលោកបានផ្តល់ជាបន្តបន្ទាប់៕

The post ទម្លាយសាវតាអ្នកឧកញ៉ា ឡេង ណាវ៉ាត្រា ស្កាត់ជួបប៉ាវចិនខ្មែរ លោក ម៉ៅ ធនិន appeared first on .

អំណោយសប្បុរសធម៌របស់អ្នកឧកញ៉ាចិត្តធម៌ ឡេង ណាវ៉ាត្រា នាំមកប្រគល់ជូនដល់រដ្ឋបាលខេត្តនៅពេលនេះ រួមមាន៖ ថវិកាចំនួន ១០០លានរៀល អង្ករ ចំនួន ២០តោន ម៉ាស់ ចំនួន ១០០,០០០ ម៉ាស់ និងអាល់កុលចំនួន ១,០០០លីត្រ ផងដែរ។

ក្នុងឱកាសនោះ លោក ជាវ តាយ ក៏បានថ្លែងអំណរគុណ ដល់អ្នកឧកញ៉ា ឡេង ណាវ៉ាត្រា ដែលបាននាំយកនូវអំណោយសប្បុរសធម៌ដ៏ថ្លៃថ្លារបស់សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត នាពេលនេះ។

លោកបានបញ្ជាក់ថា សម្តេចទាំងទ្វេតែងតែគិតគូរពីសុខទុក្ខរបស់ប្រជាពលរដ្ឋដែលកំពុងជួបប្រទះនឹងជំងឺកូវីដ-១៩ និងបានជំរុញដល់អាជ្ញាធរគ្រប់លំដាប់ថ្នាក់ ក្នុងការជួយដល់ជនរងគ្រោះ ងាយរងគ្រោះ និងរងផលប៉ះពាល់ពីជំងឺដ៏កាចសាហាវមួយនេះ។ អំណោយដ៏ថ្លៃថ្លារបស់សម្តេចទាំងទ្វេលោកនឹងផ្តល់ជូនដល់រដ្ឋបាលក្រុង ស្រុក ឃុំសង្កាត់ ដើម្បីចែកជូនដល់ប្រជាពលរដ្ឋនៅមូលដ្ឋានផ្ទាល់៕

The post អ្នកឧកញ៉ា ឡេង ណាវ៉ាត្រា អញ្ជើញចុះផ្ទាល់ប្រគល់ទឹកប្រាក់ ១០០លានរៀល និងសម្ភារៈចាំបាច់ជាច្រើនមុខជូនដល់រដ្ឋបាលខេត្តកំពត appeared first on .