ក្រុមការងារសិក្សាគម្រោងបង្កើតក្រុងថ្មីនៃខេត្តព្រះសីហនុ បានថ្លែងប្រាប់គេហទំព័រសារព័ត៌មានឧកញ៉ាញូស៍ (Oknha News) ឱ្យដឹងថា គម្រោងគ្រោងនឹងបង្កើតក្រុងថ្មីនេះមានឈ្មោះថា ក្រុងកំពង់សោម ដែលបំបែកចេញពីស្រុកព្រៃនប់។

យោងតាមរបាយការណ៍ដែលឧកញ៉ាញូស៍ទទួលបាន ការបង្កើតក្រុងថ្មីនេះ ត្រូវបំបែកចេញពីស្រុកព្រៃនប់ កំណត់យក៥ឃុំ គឺឃុំបិតត្រាំង ឃុំរាម ឃុំអូរឧកញ៉ាហេង ឃុំបឹងតាព្រហ្ម និងឃុំអូរជ្រៅ។

របាយការណ៍ដដែលបញ្ជាក់ថា ក្រុងដែលគ្រោងបង្កើតថ្មី ឈ្មោះក្រុងកំពង់សោម ក្រោបដណ្តប់លើកោះចំនួន ៧ គឺកោះថ្មី, កោះសំពោច, កោះស្រមោច, តាគៀវ, កោះឫស្សី, កោះក្របី, កោះចន្លុះឫកោះព្រើស។

ខេត្តព្រះសីហនុ បច្ចុប្បន្នមានក្រុងចំនួន២ គឺក្រុងព្រះសីហនុ, ក្រុងកោះរ៉ុង ចំណែកឯស្រុកមាន៣ គឺស្រុកព្រៃនប់, ស្រុកស្ទឹងហាវ, ស្រុកកំពង់សិលា និងមាន ២៩ឃុំ/សង្កាត់។

លោក គួច ចំរើន អភិបាលខេត្តព្រះសីហនុ ធ្លាប់បានបញ្ជាក់ថា ក្នុងរយៈពេល ៥ឆ្នាំកន្លងមកនេះ ខេត្តព្រះសីហនុមានការរីកចម្រើនយ៉ាងខ្លាំង ជាពិសេសគឺការរីកដុះដាលនៃសំណង់អគារខ្ពស់ៗ ការបង្កើតឱ្យមានតំបន់សេដ្ឋកិច្ចពិសេស, កំពង់ផែសមុទ្រទឹកជ្រៅ, និងការអភិវឌ្ឍនៅតាមបណ្ដាកោះនានាទូទាំងខេត្ត។

លោកបានលើកឡើងថា សំណង់អគារសរុបក្នុងខេត្តព្រះសីហនុ មានចំនួន ១ ០០៦អគារ និងមានកោះ ចំនួន៣០ ថ្មប៉ប្រះទឹក ចំនួន២។

បច្ចុប្បន្នខេត្តព្រះសីហនុមានតំបន់សេដ្ឋកិច្ចពិសេស សរុបចំនួន១១តំបន់ ក្នុងនោះមាន៣តំបន់ ដែលមានរោងចក្រកំពុងដំណើរការ និងរោងចក្រសរុបចំនួន ២៣៩រោងចក្រ។ លោក គួច ចំរើន បានបញ្ជាក់បន្ថែមថា រោងចក្រក្នុងតំបន់សេដ្ឋកិច្ច ពិសេសមានចំនួនសរុប ១៦៨រោងចក្រ និងក្រៅតំបន់សេដ្ឋកិច្ចពិសេស មានចំនួនសរុប៧១រោងចក្រ មានកម្លាំងពលកម្មសរុបចំនួន ៣៤ ៤៧៩នាក់ មានទុនវិនិយោគសរុបចំនួន ២,២១១,៦៧ ១,០០០ដុល្លារអាម៉េរិក។

ខេត្តព្រះសីហនុ មានវិស័យសេដ្ឋកិច្ចសំខាន់ៗ រួមមាន៖ វិស័យឧស្សាហកម្ម, ពាណិជ្ជកម្ម, ទេសចរណ៍, និងកសិកម្ម ដែលជាវិស័យអាទិភាពសម្រាប់ការអភិវឌ្ឍខឿនសេដ្ឋកិច្ចជាតិ របស់រាជរដ្ឋាភិបាល។ សក្តានុពលរួមមាន៖ កំពង់ផែសមុទ្រទឹកជ្រៅ, តំបន់សេដ្ឋកិច្ចពិសេស មានចំនួន១១ទីតាំង (៣កំពុងដំណើរការ និង៨ត្រៀមដំណើការ), អាកាសយានដ្ឋានអន្តរជាតិខេត្តព្រះសីហនុ, និងឆ្នេរសមុទ្រដ៏ស្រស់ស្អាត ដែលត្រូវបានប្រសិទ្ធនាមជា «តារារៈនាទិសនិរតី» ៕

The post ឈ្មោះក្រុងចាស់ ត្រូវបានរដ្ឋបាលខេត្តព្រះសីហនុសម្រេចជ្រើសរើសយកមកបង្កើតជាក្រុងថ្មី appeared first on .

ប្រភពព័ត៌មានច្បាស់ការណ៍ពីមន្រ្តីរដ្ឋបាលខេត្តព្រះសីហនុ បានឱ្យដឹងថា ឆាប់ៗខាងមុខនេះខេត្តព្រះសីហនុ នឹងមានក្រុងរណបថ្មីមួយទៀត គឺក្រុងរាម ដែលមានចំងាយប្រមាណ ៣០គីឡូម៉ែត្រពី ក្រុងព្រះសីហនុ។

ឆ្នេររាម ជាឆ្នេរសមុទ្រមួយដ៏ស្រស់ស្អាតដោយមាន ផ្ទៃដីសរុប ២១០០០ ហិកតា ក្នុងនោះផ្ទៃដី ទំហំ ១៥០០០ ហិកតា ជា ដីគោក ស្ថិតតាមឆ្នេរសមុទ្រ និងមានឆ្នេរខ្សាច់ដ៏វែងហើយស្អាត ដែលបាននឹងកំពុងទាក់ទាញអ្នកវិនិយោគិនមកបណ្តាក់ទុន។

សូមជម្រាបថា ក្រុមហ៊ុន Canopy Sands Development ជា សមាជិក នៃ Prince Holding Group អ្នកឧកញ៉ា ចេន ហ្សុី បានអនុម័តផែនការមេរបស់ខ្លួនដើម្បីអភិវឌ្ឍទីក្រុងថ្មីមួយ នៅតំបន់ឆ្នេរសមុទ្រ ក្នុងខេត្តព្រះសីហនុ ដែល ហៅថា « ទីក្រុងរាម » ក្នុងតម្លៃ ១៦ ពាន់ លានដុល្លារ ជាមួយនឹងក្តីរំពឹងប្រែក្លាយ ទីនោះឱ្យទៅជាទីក្រុង ឈានមុខ គេទី ៣ នៅប្រទេសកម្ពុជា និងជាកំពង់ផែសមុទ្រទឹកជ្រៅរបស់កម្ពុជា ។

សេចក្ដីប្រកាសព័ត៌មាន ពីក្រុមហ៊ុន ពេលកន្លងទៅបានឱ្យដឹងថា ទីក្រុងរាម នឹងត្រូវអភិវឌ្ឍដោយក្រុមហ៊ុន Surbana Jurong Group ដែលជាក្រុមហ៊ុនប្រឹក្សាយោបល់សេវាកម្ម ទីក្រុង ហេដ្ឋារចនាសម្ព័ន្ធ និងប្រឹក្សាការគ្រប់គ្រងសេវាកម្ម មានការិយាល័យ កណ្ដាល នៅក្នុងប្រទេសសិង្ហបុរី ខណៈ ផែនការមេនេះ បញ្ជាក់ពីផែនការប្រើប្រាស់ ដីសម្រាប់គម្រោង ទំហំ ៨៣៤ ហិកតា ដែលតម្រូវឱ្យ មានការវិនិយោគសរុបតាមការប៉ាន់ស្មាន ១៦ ពាន់ លានដុល្លារ ។

តាម ផែនការ ចក្ខុវិស័យឆ្នាំ២០៣០ របស់រាជរដ្ឋាភិបាលគឺ ខេត្តព្រះសីហនុ ជា «ប៉ូលអភិវឌ្ឍន៍ នៅតំបន់ឆ្នេរ »។ ពោលគឺជាតំបន់សេដ្ឋកិច្ចពិសេសគំរូពហុបំណង ជាមជ្ឈមណ្ឌលអន្តរជាតិ ជា ទីផ្សារអាស៊ាន និងទីផ្សារសកល ។

បច្ចុប្បន្ន ខេត្តព្រះសីហនុ ចែកចេញជា២ក្រុង ៣ស្រុក មានសង្កាត់ចំនួន៦ ឃុំចំនួន២៣ ស្មើ១១១ភូមិ។ ផ្ទៃក្រឡាសរុបប្រមាណ ២.៦៥៩ គីឡូម៉ែត្រក្រឡា។ កោះធំ-តូចចំនួន ៣២ ឆ្នេរសមុទ្រប្រវែង ១៧៥,៨ គីឡូម៉ែត្រ។ នេះបើតាមទិន្នន័យ ផ្លូវការ របស់ ខេត្តព្រះសីហនុ៕

The post ខេត្តព្រះសីហនុត្រៀមបង្កើតក្រុងថ្មីមួយបន្ថែមទៀត appeared first on .

ថ្លែង​ក្នុង​ពិធី​សំណេះសំណាល​ជាមួយសមាជិក សមាជិកាសភាពាណិជ្ជកម្ម និងអាជីវករ​ក្នុងខេត្តព្រះសីហនុ នៅសណ្ឋាគារសុខា កាលពី​ថ្ងៃទី២០ ខែមិថុនា ឆ្នាំ២០២៣ លោក គួច ចំរើន អភិបាលខេត្ត​ព្រះសីហនុ​ ​​សូម​ថ្លែង​អំណរគុណ ឧកញ៉ាប្រធានសភាពាណិជ្ជកម្មខេត្តព្រះសីហនុ សមាជិក សមាជិកាសភាពាណិជ្ជកម្មខេត្ត អាជីវករ ពាណិជ្ជករក្នុងខេត្តព្រះសីហនុ ដែលបានរួមចំណែក​ធ្វើឱ្យខេត្ត​រីកចម្រើន។ លោកអភិបាលបន្តថា ចាប់ពីខែកញ្ញាតទៅ ​​​ត្រូវធ្វើសិក្ខាសាលា​ផ្សព្វផ្សាយ​ជូនដល់អ្នកវិនិយោគ​ជាតិ អន្តរជាតិនៅខេត្តព្រះសីហនុ ព្រោះ​ជាឱកាសមួយដ៏ល្អសម្រាប់អ្នកវិនិយោគ ប្រសិនបើ​ចង់វិនិយោគនៅខេត្តព្រះសីហនុ មិនចាំបាច់ទៅសុំសិទ្ធិវិនិយោគនៅ CDC នោះទេ ចំពោះការវិនិយោគ​មានដើមទុន​ក្រោម ៥លានដុល្លាអាមេរិក គឺគ្រាន់តែស្នើសុំទៅ​អនុគណៈកម្មការវិនិយោគ​ខេត្ត នោះ​ក្រុមការងារ​នឹងផ្តល់ភាពងាយស្រួលផ្នែករដ្ឋបាល សម្រាប់អ្នកវិនិយោគនៅខេត្តព្រះសីហនុ។

លោក​អភិបាលខេត្ត​ បាន​បន្ថែម​យ៉ាង​ដូច្នេះ​ថា៖ “យើងគួរតែផ្សព្វផ្សាយឱ្យបានទូលំទូលាយ ផ្តល់ភាពងាយស្រួល​ដល់បងប្អូនអាជីវករ ពាណិជ្ជកររបស់យើងរួមចំណែកដល់ការវិនិយោគនៅខេត្តព្រះសីហនុ ដើម្បីជំរុញកំណើន​សេដ្ឋកិច្ចសង្គមកាន់តែល្អប្រសើរថែមទៀត សង្ឃឹមថា ពាណិជ្ជករ​និងអុ្នកវិនិយោគបានស្វែងយល់​បញ្ហានេះកាន់​តែ​ច្បាស់ និងមានទំនុកចិត្តឈានទៅរកជោគជ័យសម្រាប់យើងទាំងអស់គ្នា”។

លោក គួច ចំរើន អភិបាលខេត្ត​ព្រះសីហនុ បាន​បញ្ជាក់​​ឱ្យ​ដឹង​ទៀត​​ថា សម្រាប់ខេត្តព្រះសីហនុ ​មកដល់ពេល​នេះ នៅតែជាគោលដៅ​ចាប់អារម្មណ៍យ៉ាងសំខាន់សម្រាប់អ្នក​វិនិយោគ ដោយសាររាជរដ្ឋាភិបាល​បានរៀបចំ​ផែនការមេ ប្រែក្លាយខេត្តព្រះសីហនុ ជាតំបន់សេដ្ឋកិច្ចពិសេស​គំរូពហុបំណង​ ក្រោមការគាំទ្រ​បច្ចេកទេសពី​វិទ្យាស្ថាន ស៊ិនជិន (ប្រទេសចិន) ឈានស្ទើរទៅបញ្ចប់ការរៀបចំផែនការមេ​​ហើយ​ នៅតែរង់ចាំតែ​ការសម្រិត​សម្រាំង ពិនិត្យសម្រេចចុងក្រោយ និងសុំការគាំទ្រពីរាជរដ្ឋាភិបាល ដើម្បីដាក់ឱ្យប្រើប្រាស់ផែនការមេ ជាត្រី​វិស័យ​ដ៏សំខាន់ សម្រាប់ចង្អុលទិសអភិវឌ្ឍ៕

The post អ្នកឧកញ៉ា ឧកញ៉ា ដែលចង់វិនិយោគនៅខេត្តព្រះសីហនុ ក្រោម៥លានដុល្លារ ពុំចាំបាច់សុំសិទ្ធិដល់ CDC ទៀតទេ appeared first on .

បើតាមរដ្ឋបាលខេត្តព្រះសីហនុ បានឲ្យដឹងថា នាវាឈ្មោះ SEABOURN ENCORE សញ្ជាតិ BAHAMAS ដែលមានប្រវែងបណ្តោយ ២១០.៥០ម៉ែត្រ ប្រវែងទទឹង២៨ម៉ែ្រត ជម្រៅទឹក ៦.៧ ម៉ែត្រ មាននាវិកសរុបចំនួន ៤៣២ នាក់ ស្រី ៩៣នាក់។

នាវាទេសចរណ៍នេះចេញដំណើរមកពីប្រទេសថៃ ចូលមកកម្ពុជា ដើម្បីមកទស្សនាប្រទេសកម្ពុជារយៈពេល១ថ្ងៃ ហើយក្រោយមកចាកចេញទៅវិញឆ្ពោះទៅប្រទេសវៀតណាម។

ឯកឧត្តម ហោ សារុន រដ្ឋលេខាធិការក្រសួងទេសចរណ៍ និង ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានទទួលស្វាគមន៍ដំណើរមកដល់នាវាទេសចរណ៍ SEABOURN ENCORE ចូលចតនៅកំពង់ផែស្វយ័តក្រុងព្រះសីហនុ ។

ឯកឧត្តម ហោ សារុន រដ្ឋលេខាធិការក្រសួងទេសចរណ៍ និង ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានស្វាគមន៍យ៉ាងកក់ក្តៅចំពោះដំណើរទេសចរណ៍របស់នាវាក៏ដូចជាភ្ញៀវទេសចរណ៍មកកាន់ប្រទេសកម្ពុជាក្នុងទឹកដីខេត្តព្រះសីហនុនាឱកាសនេះដែលសបញ្ជាក់ឱ្យឃើញថាប្រទេសកម្ពុជាមានសុខសន្តិភាព ស្ថេរភាពនយោបាយពេញលេញក្រោមម្លប់សន្តិភាពនៃការដឹកនាំដ៏ឈ្លាសវៃរបស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕

The post នាវាទេសចរណ៍ ចូលចតនៅកំពង់ផែស្វយ័តក្រុងព្រះសីហនុ ជាថ្មីឡើងវិញ បន្ទាប់ពីខកខាន២ឆ្នាំដោយសារកូវីដ-១៩ appeared first on .

លោក គួច ចំរើន ប្រធាន​គណៈកម្មាធិការ​សាខា​កាក​បាទ​ក្រហម​កម្ពុជា​ខេត្ត​ព្រះសីហនុ និង​ជា​អភិបាល​ខេត្ត​ព្រះសីហនុ ​​បាន​ចេញ​ប័ណ្ណ​ថ្លែង​អំណរ​គុណ​​​មួយ​ ជូន​លោក​ឧកញ៉ា ទៀ វិចិត្រ ​​នៅ​​​ល្ងាច​ថ្ងៃ​ចន្ទ​នេះ ដោយ​ភ្ជាប់​ជាមួយ​នឹង​សារ​​លើ​បណ្តាញ​សង្គម​របស់​លោក​យ៉ាង​ដូច្នេះ​ថា៖ “សូម​អរគុណ​ លោក​ឧកញ៉ា ទៀ វិចិត្រ និង​លោក​ជំទាវ ដែល​បាន​ចូល​រួម​ថវិកា​ចំនួន ១០ ០០០​ដុល្លារ សម្រាប់​ចែក​ជូន​គ្រួសារ​ជន​រង​គ្រោះ។ ជួយ​គ្នា​ក្នុង​គ្រា​អាសន្ន”។

​សាខា​កាក​បាទ​ក្រហម​កម្ពុជា ​ខេត្ត​ព្រះសីហនុ ​​នឹង​ប្រើប្រាស់ អំណោយ​មនុស្ស​ធម៌​នេះ ដើម្បី​បម្រើ​សកម្មភាព​មនុស្ស​ធម៌ ជួយ​ដល់​ប្រជាពលរដ្ឋ រង​គ្រោះ​ដោយ​ខ្យល់​កន្ត្រាក់ នៅ​ស្រុក​ព្រៃនប់ កាល​ពី​ថ្ងៃទី​១៨ ខែ​ធ្នូ ឆ្នាំ២០២២។

សូម​ជម្រាប​ថា បើតាម​ការ​បញ្ជាក់​​ពី​លោក គួច​ ចំរើន អភិបាល​ខេត្ត​ព្រះសីហនុ ​​​គិត​ត្រឹម​ព្រឹក​ថ្ងៃ​ចន្ទ​នេះ ខ្នង​ផ្ទះ​ដែល​បាន​រង​គ្រោះ​ដោយ​ខ្យល់​កន្ត្រាក់​ កាល​ពី​ថ្ងៃ​អាទិត្យ​ម្សិល​មិញ ​​បាន​កើន​ដល់​ ២០៤៩​ ខ្នង​ផ្ទះ​ហើយ ក្នុង​នោះ​ផ្ទះ​ដែល​រលំ​ទាំង​ស្រុង កើន​ដល់ ២៩​ខ្នង៕

The post ឧកញ៉ា ទៀ វិចិត្រ បរិច្ចាគថវិកា ១ម៉ឺនដុល្លារ ជួយពលរដ្ឋរងគ្រោះដោយខ្យល់កន្ត្រាក់ នៅស្រុកព្រៃនប់ appeared first on .

លោក គួច ចំរើន អភិបាលខេត្តព្រះសីហនុ ស្នើសុំឱ្យធនាគារអភិវឌ្ឍអាស៊ី ADB ជួយធ្វើបច្ចុប្បន្នភាពព្រៃកោងកាង ដោយបោះបង្គោលការពារព្រៃកោងកាង និងធ្វើការដាំដុះឡើងវិញ ខណៈព្រៃកោងកាងនៅសល់ប្រមាណ ៥០,០០០ម៉ឺនហិកតាប៉ុណ្ណោះ។

ថ្លែងក្នុងកិច្ចប្រជុំរៀបចំគម្រោងជលផលតំបន់ឆ្នេរ និងសមុទ្រប្រកបដោយនិរន្តរភាព ជាមួយនឹងតំណាងធនាគារអភិវឌ្ឍន៍អាស៊ី នៅថ្ងៃទី១៧ កុម្ភៈនេះ លោក គួច ចំរើន បានបញ្ជាក់ថា ការស្នើសុំទៅធនាគារអភិវឌ្ឍន៍អាស៊ី ជួយធ្វើបច្ចុប្បន្នភាពនេះ ដើម្បីផ្តល់ផលប្រយោជន៍ពីការកាប់បំផ្លាញមកជាការថែរក្សាការពារ អភិរក្ស ជាប្រយោជន៍ដល់ប្រជាពលរដ្ឋ និងប្រជានេសាទក្នុងសហគមន៍។

ជាមួយគ្នានេះ លោកអភិបាលខេត្តក៏បង្ហាញនូវគម្រោងសាងសង់ផែនេសាទសហគមន៍ ដែលលោកបានផ្តល់ជម្រើសពីរដើម្បីធ្វើការសិក្សា ទី១.នៅស្រុកស្ទឹងហាវ ព្រោះទីនោះមានប្រជានេសាទច្រើន។ ទី២.តំបន់កោះខ្យង ក្នុងស្រុកព្រៃនប់ ទីនោះមានការប្រមូលផ្តុំផលនេសាទ។ ដោយឡែកសម្រាប់ការការពារ និងអភិរក្សព្រៃកោងកាងនៅខេត្តព្រះសីហនុ លោកថា មានសម្បូរនៅតាមតំបន់ព្រែកកំពង់ស្មាច់ និងព្រែកទឹកសាប ក្នុងស្រុកព្រៃនប់។

ប្រធានក្រុមការងារ នៃធនាគារអភិវឌ្ឍន៍អាស៊ី ADB លោក Lindsay Saunders ក៏បង្ហាញផងដែរពីគម្រោងជលផលតំបន់ឆ្នេរ និងសមុទ្រប្រកបដោយនិរន្តរភាព ដែលជាគម្រោងជួយកម្ពុជា ក្នុងការអភិវឌ្ឍតំបន់ឆ្នេរ និងការប្រែប្រួលអាកាសធាតុ ពង្រឹងធនធានជលផលសមុទ្រក្នុងនោះមានដូចជា ១.ការគ្រប់គ្រងធនធានអេកូឡូស៊ីសមុទ្រ ២.ការធ្វើឱ្យប្រសើរនូវហេដ្ឋារចនា សម្ព័ន្ធតាមបណ្តោយឆ្នេរ ៣.ជួយដល់វិស័យឯកជនក្នុងការផ្តល់ឥណទានដល់វិស័យឯកជន ៤.បង្កើតមធ្យោបាយប្រភពហិរញ្ញទានគាំទ្រដល់វិស័យឯកជននៅតាមតំបន់ឆ្នេរ។

បើតាម លោក Lindsay Saunders ការទំនាក់ទំនងការងារនេសាទ និងជួយកាត់បន្ថយផលប៉ះពាល់ពីការកាប់បំផ្លាញព្រៃកោងកាង ព្រោះព្រៃកោងកាង១ហិកតាអាចផ្តល់ចំណូល ៣,៥០០ដុល្លាក្នុងមួយឆ្នាំ ដូច្នេះយើងរួមគ្នាអភិរក្សព្រៃកោងកាងដែលនៅសល់ប្រមាណ ៥០,០០០ម៉ឺនហិកតាឱ្យនៅវង់វង្ស។

ព្រៃកោងកាងជារបៀងយុទ្ធសាស្រ្តតភ្ជាប់ប្រព័ន្ធអេកូឡូស៊ីពីតំបន់ដីគោក ឆ្នេរ និងសមុទ្រ ហើយក៏ជារនាំងប្រឆាំងនឹងគ្រោះធម្មជាតិ និងការប្រែប្រួលអាកាសធាតុ មិនតែប៉ុណ្ណោះបានចូលរួមចំណែកក្នុងការអភិវឌ្ឍសេដ្ឋកិច្ចជាតិ និងចូលរួមចំណែកក្នុងការកាត់បន្ថយភាពក្រីក្រ ដោយមានតួនាទីយ៉ាងសំខាន់ជាកន្លែងរក្សាផលស្តុក ជាដែនជម្រក និងប្រភពមេពូជនៃមច្ឆធម្មជាតិដែលជាប្រភពធនធានសមុទ្រដ៏សម្បូណ៌បែប ហើយចាំបាច់យើងត្រូវការរពារ អភិរក្ស និងដាំស្តារព្រៃកោងកាងឡើងវិញ។ នេះបើតាមបញ្ជាក់របស់លោក នេត្រ ភក្ត្រា រដ្ឋលេខាធិការ និងជាមន្ត្រីនាំពាក្យក្រសួងបរិស្ថាន៕

The post អភិបាលខេត្ត​ព្រះសីហនុ ស្នើសុំឲ្យធនាគារ ADB ជួយបោះបង្គោលការពារនិងដាំដុះឡើងវិញនៃព្រៃកោងកាង appeared first on .

លោក គួច ចំរើន បានលើកឡើងថា ការសាងសង់អាគារថ្មីនេះ បានទទួលការឯកភាពពីសម្តេច ហ៊ុន សែន នាយករដ្ឋមន្ត្រី និងមានការគាំទ្រពីលោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។

រដ្ឋបាលខេត្តព្រះសីហនុ បានបញ្ជាក់ថា អគារសាលាខេត្តនេះ គ្រោងនឹងបើកដំណើរការសាងសង់នៅថ្ងៃទី៧ ខែមីនា ឆ្នាំ២០២២ ដោយគ្រោងប្រើរយៈពេល១៨ខែ។ អគារសាលាខេត្ត មានកម្ពស់៤ជាន់ និងផ្ទៃក្រឡាសរុប ៤៤,០៩៣ម៉ែត្រការ៉េ ចំពោះស្ថាបត្យកម្ម នៃអគារយកតាមរចនាបទសំបូរព្រៃគុក ដែលជាអគារមានលក្ខណៈខ្មែរទំនើបស៊ីវីល័យ។

សូមជម្រាបថា ខេត្តព្រះសីហនុ ជាខេត្តដែលមានសក្តានុពលសេដ្ឋកិច្ច កំពង់ផែស្វយ័ត តំបន់សេដ្ឋកិច្ចពិសេស ព្រលានយន្តហោះអន្តរជាតិ និងឆ្នេរសមុទ្រដ៏ស្រស់ស្អាត ស្ថិតនៅប៉ែកនីរតីនៃប្រទេសកម្ពុជា។

ភាពរីកចម្រើននៃសេដ្ឋកិច្ច គឺពឹងផែ្អកលើប្រភពសក្តានុពលជាច្រើន ដូចជា តំបន់អភិវឌ្ឍន៍កសិកម្ម តំបន់អភិវឌ្ឍន៍ទេសចរណ៍ តាមរមណីយដ្ឋានធម្មជាតិ  តំបន់កោះ  ឆ្នេរខ្សាច់ តំបន់អភិវឌ្ឍន៍ពាណិជ្ជកម្ម តំបន់សេដ្ឋកិច្ចពិសេស  កំពង់ផែអន្តរជាតិ  កំពង់ផែឧកញ៉ាម៉ុង កំពង់ផែស្វយ័តស្ទឹងហាវ និង ក្រុមហ៊ុននាំចេញ-នាំចូលក្នុង និងក្រៅប្រទេស  តំបន់អភិវឌ្ឍន៍ឧស្សាហកម្ម  មានរោងចក្រ សហគ្រាស អគ្គិសនី ទឹកស្អាតជាដើម៕

The post រដ្ឋបាលខេត្តព្រះសីហនុ ត្រៀមវ៉ៃកម្ទេចអគារសាលាខេត្តចាស់ គ្រោងសាងសង់ថ្មីតាមរចនាបទប្រាសាទសំបូរព្រៃគុក appeared first on .

ឧត្ដមសេនីយ៍ទោ វង់ សំអាត មេបញ្ជាការ​រង កង​កម្លាំង​វិស្វកម្ម​សម្តេច​តេជោ ហ៊ុន សែន បាន​ឱ្យ​ដឹង​ថា ផ្លូវថ្មើរជើងក្រោមដីចំនួន២កន្លែងនេះ ធ្វើ​ឡើង​សម្រាប់​សម្រួល​ការ​ធ្វើ​ដំណើរ បញ្ចៀស​ការ​កកស្ទះ និង​គ្រោះ​ថ្នាក់​ចរាចរណ៍ ដែល​អាច​ឲ្យ​សិស្សានុសិស្ស កម្មករ កម្មការិនីឆ្លងកាត់​ផ្លូវ​ប្រក​ដោយ​សុវត្ថិភាព។ ថ្មើរជើង​ក្រោម​ដី​នេះ ក្រៅ​ពី​សម្រាប់​ដើរ​ហើយ​នោះ ក៏​មាន​ផ្លូវ​សម្រាប់​ឲ្យ​ប្រជាពលរដ្ឋ​បណ្ដើរ​កង់ និង​ម៉ូតូ​ឆ្លងកាត់​បាន​ផង​ដែរ។

នៅចំណុចផ្លូវជាតិលេខ៤ ក្នុង​ខេត្ត​ព្រះសីហនុ ចន្លោះ​បង្គោល​គីឡូម៉ែត្រ​លេខ២១៦+០០ ដល់ ២២២+៧០០ មាន​ការសាងសង់​ផ្លូវ​ក្រោម​ដី២កន្លែង សម្រាប់​​ប្រជាជន​ឆ្លងកាត់​ ពោល​គឺ​មិន​ធ្វើ​ស្ពាន​អាកាស​ដូច​នៅ​រាជធានី​ភ្នំពេញ និង​ខេត្ត​ផ្សេង​ទៀត​នោះ​ទេ។

ឧត្ដមសេនីយ៍ទោ វង់ សំអាត បាន​បញ្ជាក់​ថា ការ​​សាងសង់​ផ្លូវ​ថ្មើរ​ជើង​ក្រោម​ដី​នេះ បាន​ចាប់ផ្ដើម​សាងសង់​កាល​ពី​ដើម​ខែវិច្ឆិកា។ ផ្លូវនេះ​មាន​ប្រវែង២៩ម៉ែត្រ ទទឹង ៧ម៉ែត្រ និងកម្ពស់ប្រហែលជាង៣ម៉ែត្រ ដែល​មាន​ជណ្តើរ​ឡើង មាន​ប្រព័ន្ធ​បូម​ទឹក​ចេញ មាន​កង្ហារ​សម្រាប់​បញ្ជូន​ខ្យល់​ចូល​និង​មាន​ប្រព័ន្ធ​ភ្លើង​បំភ្លឺ​ផង​ដែរ។

ក្រៅពីសមិទ្ធិផលផ្លូវថ្មើរជើងក្រោមដីទាំង២កន្លែងនេះ ​ការដ្ឋាន​ពង្រីកផ្លូវជាតិ​លេខ​៤ ចន្លោះពីគីឡូម៉ែត្រ២១៦-០០ ដល់​គីឡូម៉ែត្រ​លេខ​២២២-៧០០ មាន​ប្រវែង ៦,៧០០ម៉ែត្រ ទទឹង ២៩ម៉ែត្ រដែលនឹង​​កែប្រែ​មុខ​មាត់​​ខេត្ត​ព្រះសីហនុ​កំពុង​មាន​ការ​អភិវឌ្ឍ​លូតលាស់​ ក្លាយ​ជា​ទីក្រុង​ទំនើប​នៅ​ជាប់សមុទ្រ៕

The post ផ្លូវ​ថ្មើរជើង​ក្រោម​ដី​ដំបូង​គេ​នៅ​ខេត្ត​ព្រះសីហនុនឹង​រួចរាល់​នៅ​ចុង​ខែ​ឧសភា​នេះ appeared first on .

អ្នកវិជ្ជមានផ្សេងទៀត ក្រៅពីអ្នកជាប់ឃុំក្នុងពន្ធនាគារដែលរកឃើញ ៣០នាក់នោះ គឺជាកម្មករ និងគ្រួសារប្រជាពលរដ្ឋ ដែលរស់នៅតាមមូលដ្ឋានផ្សេងៗក្នុងខេត្តព្រះសីហនុ។ រដ្ឋបាលខេត្តព្រះសីហនុក៏បានអំពាវនាវ ដល់ប្រជាពលរដ្ឋ ដែលធ្លាប់បានប្រាស្រ័យទាក់ទង ជាមួយអ្នកវិជ្ជមានកូវីដ-១៩ ដូចបានរាយនាម និងអត្តសញ្ញាណដូចខាងក្រោម សូមប្រញាប់រួសរាន់ទៅធ្វើតេស្តជាបន្ទាន់ផងដែរ៕

The post រកឃើញអ្នកជាប់ឃុំក្នុងពន្ធនាគារជាង​៣០នាក់​ ក្នុងក្រុងព្រះសីហនុឆ្លងកូវីដ-​ ១៩​ appeared first on .

ថ្ងៃនេះ លោកជំទាវ និងកូនចៅ ឆ្លៀតចម្អិនមីឆារសជាតិពិសេសជូនស្វាមី និងក្រុមការងារពិសេស ដើម្បីជាការលើកទឹកចិត្តដល់ថ្នាក់ដឹកនាំខេត្ត និងកងកម្លាំងគ្រប់លំដាប់ថ្នាក់ បន្តធ្វើកិច្ចការងារដោយជោគជ័យបន្តទៀត។ គួរបញ្ជាក់ថា ក្រោយមានការដាក់ទីតាំងភូមិមួយចំនួន ក្នុងខេត្តព្រះសីហនុជាតំបន់ក្រហម តម្រូវការលើផ្នែកម្ហូបអាហារប្រចាំថ្ងៃ សម្រាប់ក្រុមគ្រួសារជាប់ក្នុងតំបន់បិទខ្ទប់ និងកងកម្លាំង ដែលកំពុងឈរជើងតាមគោលដៅ ក៏ជាបញ្ហាចម្បងមួយដែរ សម្រាប់រដ្ឋបាលខេត្តព្រះសីហនុ ក្នុងការរៀបចាំ។

ចុចអានអត្ថបទ៖ ឧកញ៉ា ម៉ុង ឫទ្ធី ផ្គត់ផ្គង់សាច់ជ្រូក ១,៥តោន ធ្វើម្ហូបជូនកងកម្លាំង និងអ្នកជំងឺកូវីដក្នុងខេត្តព្រះសីហនុ

ចុចអាន៖ ឧកញ៉ា ទៀ វិចិត្រ ជួយត្រីងៀត ១តោន សាច់ក្រក ១តោន បន្លែចម្រុះជាង ១១តោន ដល់រដ្ឋបាលខេត្តព្រះសីហនុ

ទន្ទឹមគ្នានោះ គេក៏ឃើញមានសប្បុរសជនជាច្រើនរូប បាននាំយកនូវជំនួយឧបត្ថម្ភ គ្រឿងឧបភោគបរិភោគ និងបន្លែ ត្រី សាច់ ជាហូរហែជូនដល់រដ្ឋបាលខេត្ត សម្រាប់ផ្គត់ផ្គង់តម្រូវការម្ហូបអាហារប្រចាំថ្ងៃផងដែរ៕

ប្រភព៖ ប្រជាជន ខេត្តព្រះសីហនុ   

The post ឧត្ដមភរិយា ឯ.ឧ គួច ចំរើន ចម្អិនអាហារពិសេសផ្ទាល់ដៃជូនស្វាមី និងកងកម្លាំងតាមគោលដៅ appeared first on .