ជំនួយសប្បុរសធម៌ជាគ្រឿងឧបភោគបរិភោគ ដែលស្ថាបនិកក្រុមហ៊ុន ហ៊ួត ជា ផ្គត់ផ្គង់គ្រឿងសំណង់គ្រប់ប្រភេទ ដឹកនាំដោយផ្ទាល់ប្រគល់ជូនអភិបាលស្រុកបន្ទាយស្រី លោក ឃឹម ហ្វីណង់ សម្រាប់ប្រើប្រាស់អំឡុងពេលប្រយុទ្ធប្រឆាំងនឹងការរីករាលដាលនៃជំងឺកូវីត១៩ ក៏ដូចជាសម្រាប់ចែកជូនបងប្អូនប្រជាពលរដ្ឋដែលកំពុងធ្វើចត្តាឡីស័កតាមផ្ទះ រួមមានដូចជា៖ អង្ករ ១តោន ត្រីខ ៣០កេសធំ ទឹកសុទ្ធ ១០០កេស ។

រដ្ឋបាលស្រុកបន្ទាយស្រី ក៏សូមថ្លែងអំណរគុណ និងសម្តែងនូវការកោតសសើរដ៏ស្មោះអស់ពីចិត្ត ចំពោះសណ្តានចិត្ត និងការចូលរួមចំណែកនៅក្នុងបុព្វហេតុប្រកបដោយមានអត្ថន័យរបស់ លោកឧកញ៉ា ហួត ជា ព្រមទាំងក្រុមការងារ ដែលបាននាំយកអំណោយសប្បុរសធម៌ក្នុងបុព្វហេតុប្រយុទ្ធប្រឆាំងនឹងការរីករាលដាលនៃជំងឺកូវីត១៩ ជាពិសេសជួយសម្រាលបន្ទុកដល់បងប្អូនប្រជាពលរដ្ឋដែលកំពុងធ្វើចត្តាឡីស័កតាមផ្ទះ ។

គួរបញ្ជាក់ថា រដ្ឋបាលខេត្តសៀមរាប ទើបតែសម្រេចកំណត់ “តំបន់លឿងទុំ” នៅក្នុងភូមិសាស្ត្រក្រុងសៀមរាប និងប្រកាសបិទខ្ទប់តំបន់ប្រឈមហានិភ័យខ្ពស់ នៅតាមបណ្ដាស្រុកនានា ជាបណ្ដោះអាសន្ន រយៈពេល ១(មួយ)សប្តាហ៍ គិតចាប់ពីវេលាម៉ោង ២៣៖៥៩ នាទី នាថ្ងៃទី១១ ខែកញ្ញា រហូតដល់ថ្ងៃទី ១៨ ខែកញ្ញា ឆ្នាំ២០២១ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ នៅក្នុងភូមិសាស្ត្រខេត្តសៀមរាបទាំងមូល៕  

អាស្រ័យហេតុនេះ ជំនួយសប្បុរសធម៌ របស់បងប្អូនសប្បុរសជន អ្នកឧកញ៉ា លោកឧកញ៉ា លោក លោកស្រី ទាំងអស់ ពិតជាបានរួមចំណែកយ៉ាងចាំបាច់ ជាមួយរដ្ឋបាលស្រុក-ខេត្ត ក្នុងការជួយដល់ប្រជាពលរដ្ឋក្នុងតំបន់បិទខ្ទប់៕

The post កូវីដកំពុងផ្ទុះខ្លាំងនៅខេត្តសៀមរាប ឧកញ៉ា ហ៊ួត ជា បន្តដឹកនាំជំនួយសប្បុរសធម៌ជួយពលរដ្ឋដល់មូលដ្ឋាន appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោក ឃឹម ហ្វីណង់ អភិបាលស្រុកបន្ទាយស្រី មានប្រសាសន៍ថា ពិតមែនតែជាតំបន់ខ្ពង់រាប បន្ទាយស្រីជាស្រុកដែលសម្បូរទៅដោយទឹកហូរឆ្លងកាត់ច្រើននារដូវវស្សា ដែលមានប្រភពមកពីផ្ទៃរងទឹកភ្លៀងដ៏វែងអន្លាយនៃទីជម្រាលជួរភ្នំគូលែន ប៉ុន្តែទឹកទាំងនេះភាគច្រើនបានហូរបាចសាចចោល មិនទាន់ត្រូវបានស្ទាក់សន្សំរក្សាទុកសម្រាប់យកទៅស្រោចស្រពឱ្យអស់លទ្ធភាពនៅឡើយទេ។

លោកថា ចាស់បុរាណបានរៀបចំជាបារាយណ៍ និងទំនប់ជាច្រើនកន្លែងនៅក្នុងតំបន់នេះដើម្បីទាញយកប្រយោជន៍ពីកត្តាអំណោយផលជាពិសេសពីធម្មជាតិមួយនេះ ប៉ុន្តែពេលវេលា និងការវិវត្តនៃការប្រើប្រាស់ដីបានធ្វើឱ្យប្រព័ន្ធធារាសាស្ត្រចាស់ៗមានការបាត់បង់ខូចខាតលែងប្រើប្រាស់បាន ដែលជាហេតុធ្វើឱ្យអូរ ប្រឡាយ ស្ទឹង បឹងបួរ មួយចំនួនត្រូវបានរីងស្ងួត ប្រជាពលរដ្ឋនៅតាមតំបន់នេះលែងមានទឹកប្រើប្រាស់គ្រប់គ្រាន់ ហើយដីសាធារណៈរបស់រដ្ឋមួយចំនួននៅតាមដានផ្លូវទឹកចាស់ៗថែមទាំងត្រូវបានរំលោភយកជាកម្មសិទ្ធិឯកជនដោយខុសច្បាប់ទៀតផង។

ហេតុដូច្នេះហើយទើបរដ្ឋបាលស្រុកបន្ទាយស្រីគ្រោងនឹងវិនិយោគកញ្ចប់ថវិកាអភិវឌ្ឍន៍របស់ខ្លួននៅក្នុងឆ្នាំនេះបូករួមជាមួយនឹងមូលនិធិឃុំ ដើម្បីជួសជុលទំនប់ចាស់ៗសំខាន់ៗឡើងវិញ ក៏ដូចជាស្តារ និងកសាងអូរ-ប្រឡាយចាំបាច់មួុយចំនួនបន្ថែមទៀតផងដែរ។

គួបផ្សំនឹងយុទ្ធសាស្ត្រជំរុញការធ្វើកសិទេសចរណ៍នៅក្នុងតំបន់ដែលមានសក្តានុពលទាំងផ្នែកកសិកម្មនិងផ្នែកទេសចរណ៍ ការធានាឱ្យបាននូវប្រព័ន្ធធារាសាស្ត្រខ្វាត់ខ្វែងគ្រប់គ្រាន់នឹងក្លាយទៅជាការលើកទឹកចិត្តដ៏សំខាន់សម្រាប់បងប្អូនប្រជាពលរដ្ឋ និងអ្នកវិនិយោគ ក្នុងការចូលរួមសម្រេចឱ្យបាននូវចក្ខុវិស័យនេះ ជាពិសេសនៅក្នុងឃុំត្បែង ដែលជាឃុំនៅជាប់នឹងភ្នំគូលែននេះស្រាប់តែម្តង។

សូមបញ្ជាក់ថា ប្រឡាយបេតុងថ្មីនៅក្នុងឃុំត្បែងនេះ បច្ចុប្បន្នមានប្រវែងសរុបជិត១០០០ម៉ែត្រហើយ ដែលបានកញ្ចប់ថវិកាមកពីមូលនិធិឃុំចំនួន២ឆ្នាំជាប់គ្នា(ឆ្នាំ២០១៩ និងឆ្នាំ២០២០) និងបានជាប្រយោជន៍ដល់ប្រជាពលរដ្ឋជាង១៥០គ្រួសារលើផ្ទៃដីស្រោចស្រពជាង៣៥០ហិកតាផងដែរ៕

The post ប្រព័ន្ធប្រឡាយបេតុងថ្មីនេះនឹងប្រែក្លាយស្រុកបន្ទាយស្រីឱ្យទៅជា«ដែនដីកសិទេសចរណ៍»ដ៏សម្បូរបែបមួយ appeared first on .

លោកអភិបាលស្រុក បានរៀបរាប់លើផេកហ្វេសប៊ុករបស់ខ្លួន អមដោយរូបភាពស្ត្រីអ្នកភូមិម្នាក់ ឈរក្នុងរបងផ្ទះគាត់ ក្នុងសភាពទឹកមុខដ៏ក្រៀមក្រំ ក្រោយដឹងថាប្ដីរបស់គាត់ ធ្វើតេស្តរកឃើញវិជ្ជមានកូវីដ-១៩ យ៉ាងដូច្នេះថា៖ អារម្មណ៍ដំបូង និងក្រសែភ្នែកបង្កប់ទៅដោយក្តីពួយបារម្ភ លាយឡំនឹងភាពច្របូកច្របល់ នៅពេលដែលទទួលបានដំណឹងថាប្តីរបស់ខ្លួនមានផ្ទុកវិជ្ជមានមេរោគកូវីដ១៩។ ពិតជាគួរឱ្យកោតសរសើរដល់បងស្រីអ្នកភូមិថ្នល់បណ្តោយក្នុងឃុំព្រះដាក់ម្នាក់នេះណាស់ បងស្រីបានគិតពីប្រយោជន៍រួមជាធំ សុខចិត្តមិនឱ្យប្តីរបស់ខ្លួនដែលមកពីឆ្ងាយចូលផ្ទះ និងបានរាយការណ៍ទុកជាមុនជូនដល់អាជ្ញាធរក្នុងមូលដ្ឋាន ដើម្បីទប់ស្កាត់ការរីរាលដាលឆ្លងក្នុងសហគមន៍បានទាន់ពេលវេលា។

ប្រសិនបើបងស្រីមិនបានរាយការណ៍ជូនអាជ្ញាធរជាមុនទេ ទម្រាំតែដឹងប្រហែលជាយឺតពេលមួយជំហានបាត់ទៅហើយ អាចនាំឱ្យភូមិទាំងមូលត្រូវបានបិទ និងរំខានដល់មនុស្សរាប់ពាន់នាក់ទៀតផងក៏មិនដឹង។ សង្ឃឹមថា អ្នកបន្ទាយស្រីដទៃទៀត នឹងយកគំរូតាមបងស្រី ដើម្បីជួយការពារបន្ទាយស្រីឱ្យរួចផុតពីការផ្ទុះឆ្លងនៅក្នុងសហគមន៍។ បើមិនច្បាស់ក្នុងចិត្តថាសមាជិកក្រុមគ្រួសាររបស់ខ្លួនដែលវិលត្រលប់មកផ្ទះវិញមានផ្ទុកកូវីដឬអត់ មកពីតំបន់ហានិភ័យឬអត់ ឬមានរោគសញ្ញាណាមួយគួរឱ្យសង្ស័យ សូមជួយរាយការណ៍ឱ្យបានទាន់ពេលវេលា អាជ្ញាធរនឹងមិនខ្ជិល ឬនឿយហត់ដើម្បីយកទៅត្រួតពិនិត្យសុខភាពនោះទេ។

ក្នុងនាមរដ្ឋបាលស្រុក ខ្ញុំក៏សូមអំពាវនាវដល់បងប្អូនទាំងអស់ ដែលដឹងខ្លួនថាចង់វិលត្រលប់ចូលមកក្នុងមូលដ្ឋានវិញ ប្រសិនបើគិតថាខ្លួនទើបត្រលប់មកពីតំបន់មានហានិភ័យ គួរស្ម័គ្រចិត្តដាក់ខ្លួនឯងឱ្យនៅដាច់ដោយឡែកយ៉ាងហោចណាស់ឱ្យបាន១៤ថ្ងៃ បើទោះបីជាមិនមានច្បាប់តម្រូវក៏ដោយ។ យ៉ាងហោចណាស់ក៏គួរគិតដល់សុខសុវត្ថិភាពរបស់អ្នកផ្ទះរបស់ខ្លួន កុមារតូចៗ និងមនុស្សចាស់ជរាដែលនៅជុំវិញខ្លួន កុំមកស្ងាត់ៗហើយក្លាយជាអ្នកចម្លងបន្តដល់គេឯងពេញភូមិ។

សូមបងប្អូនទាំងអស់បន្តអនុវត្តវិធានសុវត្ថិភាព”៣កុំ-៣ការពារ”តាមអនុសាសន៍សម្តេចនាយករដ្ឋមន្ត្រីឱ្យបានខ្ជាប់ខ្ជួនជាប្រចាំឱ្យបានគ្រប់ៗគ្នា៕

The post អ្នកស្រុកបន្ទាយស្រីម្នាក់ហាមប្ដីមកពីឆ្ងាយមិនឱ្យចូលផ្ទះ និងរាយការណ៍ជូនអាជ្ញាធរទាន់ពេលវេលា កុំអីឆ្លងកូវីដពេញភូមិ appeared first on .