ក្នុង​នោះ​ផងដែរ សម្រាប់​ប្រទេស​អូស្ត្រាលី​គឺ​មាន​លោកស្រី Penny Wong ជា​អ្នកតំណាង​សម្រាប់​កិច្ច​ប្រជុំ​ដ៏​ធំ​មួយនេះ ហើយ​ប្រិយមិត្ត​ប្រហែល​ជា​ចង់ដឹង​ថា តើ​រដ្ឋមន្ត្រី​ស្រី​រូបនេះ​ជា​អ្នកណា? មាន​ប្រវត្តិ​ស្នាដៃ​ការងារ​យ៉ាងម៉េច​ខ្លះ?

សម្រាប់​អត្ថបទ​មួយ​នេះ ឧកញ៉ាញូវស៍​នឹង​រៀបរាប់​ត្រួសៗ​ពី​ប្រវត្តិ​ការងារ និង​ស្នាដៃ​របស់​លោកស្រី Wong ដែល​ជា​ស្ត្រី​មាន​ឥទ្ធិពល​បំផុត​មួយ​រូប​លើ​ឆាក​នយោបាយ​អូស្ត្រាលី។ Penny Wong មាន​ឈ្មោះ​ពេញ​ Penelope Ying-Yen Wong និង​មាន​ឈ្មោះ​ចិន Huang Yingxian កើត​ថ្ងៃទី ០៥ ខែវិច្ឆិកា ១៩៦៨ នៅ​ប្រទេស​ម៉ាឡេស៊ី។

បើ​មើល​ពី​ឈាមជ័រ​វិញ លោកស្រី​គឺ​ជា​កូនកាត់ ៤ សាសន៍​ដោយ​មាន​ម្ដាយ​ជា​ជនជាតិ​អង់គ្លេស-អូស្ត្រាលី និង​ឪពុក​ជា​ជនជាតិ​ចិន-ម៉ាឡេស៊ី។ ក្រោយពី​ម្ដាយ​ឪពុក​បាន​ចែកផ្លូវគ្នា អ្នកស្រី​បាន​ចំណាកស្រុក​ពី​ម៉ាឡេស៊ី​មក​អូស្ត្រាលី​ជា​មួយ​ម្ដាយ និង​ប្អូនប្រុស ក្នុង​វ័យ​ត្រឹម ៨ ឆ្នាំ។

ដោយសារ​ភាព​ឆ្លាតវៃ​តាំង​ពីក្មេង Wong ទទួល​បាន​អាហារូបករណ៍​ស្ទើរ​ទាំងស្រុង​អំឡុង​ពេល​សិក្សា ហើយ​ក៏​បាន​បញ្ចប់​ថ្នាក់​សិក្សា​ជា​ស្ថាពរ​នៅ​សាកលវិទ្យាល័យ University of Adelaide ជាមួយ​នឹង​បរិញ្ញាបត្រ ២ គឺ​ Bachelor of Arts និង Bachelor of Laws។

មុន​នឹង​បោះ​ជំហាន​លើ​វិស័យ​នយោបាយ លោក​ស្រី​ Wong បាន​ប្រឡូក​លើ​វិស័យ​ដែល​ស្រដៀង​គ្នា គឺ​ចាប់យក​អាជីព​ជា​មេធាវី និង​ជា​ទីប្រឹក្សា​ផ្នែក​នយោបាយ លុះ​ដល់​ឆ្នាំ ២០០២ លោកស្រី​ក្លាយជា​សមាជិក​ព្រឹទ្ធសភា​តំណាង​អូស្ត្រាលី​ខាងត្បូង និង​ឆ្នាំ ២០១៣ លោក​ស្រី​ឈ្នះ​ការ​បោះឆ្នោត​ជា​មេដឹកនាំ​ព្រឹទ្ធសភា​គណបក្ស​ការងារ​អូស្ត្រាលី (ALP) និង​បាន​ក្លាយជា​មេដឹកនាំ​រដ្ឋាភិបាល​នៅ​ព្រឹទ្ធសភា​ និង​ជា​រដ្ឋមន្ត្រីការបរទេស​ប្រចាំ​ប្រទេស​អូស្ត្រាលី​នៅ​ឆ្នាំ ២០២២។

អ្វី​ដែល​រឹត​តែ​ពិសេស​នោះ​គឺ លោកស្រី​ Wong គឺ​ជា​រដ្ឋមន្ត្រី​ស្រី​ដំបូង​នៃ​ក្រសួង​បម្រែបម្រួល​អាកាសធាតុ​ពី​ឆ្នាំ ២០០៧ ដល់ ២០១០ និង​ជា​រដ្ឋមន្ត្រី​ហិរញ្ញវត្ថុ​ពី​ឆ្នាំ ២០១០ ដល់ ២០១៣ សម្រាប់​រដ្ឋាភិបាល​ដែល​គ្រប់គ្រង​ដោយ​នាយករដ្ឋមន្ត្រី Julia Gillard និង Kevin Rudd។

មិនតែប៉ុណ្ណោះ កាលពី​ឆ្នាំ ២០០៨ លោកស្រី​ក៏​បាន​ក្លាយជា​ស្ត្រី​កើតនៅ​អាស៊ាន​តំបូង​ដែល​បាន​ក្លាយជា​សមាជិក​នៃ​គណរដ្ឋមន្ត្រី​ប្រទេស​អូស្ត្រាលី ហើយក៏ជាស្ត្រីដំបូងគេដែលបើកចំហចំពោះអ្នកស្រឡាញ់ភេទដូចគ្នាឲ និង​ជាតួអង្គសំខាន់ក្នុងការធ្វើឱ្យស្របច្បាប់នៃអាពាហ៍ពិពាហ៍ភេទដូចគ្នានៅក្នុងប្រទេសអូស្ត្រាលីក្នុងឆ្នាំ ២០១៧៕

The post មន្ត្រី​តំណាង​អូស្ត្រាលី​ចូលរួម​ប្រជុំ​នៅ​កម្ពុជា សាង​ស្នាដៃ​អស្ចារ្យ​ជាច្រើន​នៅ​លើ​ឆាក​នយោបាយ appeared first on .

ក្រៅពីនេះ លោកស្រីក៏នឹងនៅទស្សនាអង្គការកម្ពុជា ដើម្បីជួយស្ត្រីមានវិបត្តិ ដែលនឹងទទួលបានការស្វាគមន៍ ដោយលោកស្រី អ៊ឹង កន្ថាផាវី ដែលជារដ្ឋមន្ត្រីក្រសួងកិច្ចការនារីកម្ពុជា។ ​

គួររម្លឹកជូនថា កម្ពុជា និងអូស្ត្រាលី កន្លងមកបានធ្វើការ​ប្តេជ្ញា​បង្កើនទំហំពាណិជ្ជកម្មទ្វេភាគី និងលើកកម្ពស់កិច្ចសហប្រតិ្តការគ្រប់វិស័យ​​ពាក់ព័ន្ធជាមួយគ្នា។ ជាមួយគ្នានេះដែរ រដ្ឋាភិបាលអូស្ត្រាលី បានគាំទ្រតាមរយៈការផ្តល់ជំនួយប្រមាណ ៦៦ លានដុល្លារអូស្រ្តាលី សម្រាប់ជំនួយអភិវឌ្ឍន៍ផ្លូវការនៅឆ្នាំ ២០២១ ដើម្បីគាំទ្រដល់កម្មវិធីរបស់ខ្លួនដែលផ្តោតលើសន្តិសុខ សុខភាព ភាពធន់នៃសេដ្ឋកិច្ច កសិកម្ម និងអប់រំ។

បន្ថែមលើនេះ អូស្រ្តាលីបង្កើតគម្រោង“ ភាពធន់នៃអភិវឌ្ឍន៍សេដ្ឋកិច្ច” ទ្វេភាគីថ្មី ដោយមានការគាំទ្រផ្នែកហិរញ្ញវត្ថុប្រហែល ៩០ លានដុល្លារអូស្រ្តាលី សម្រាប់រយៈពេល ៥ ឆ្នាំខាងមុខ ដោយចាប់ផ្តើមពីឆ្នាំ ២០២២ ដោយបន្ថែមរយៈពេល ៣ ឆ្នាំបន្ថែមទៀត។ គម្រោងនេះនឹងផ្តោតលើវិស័យអាទិភាពសំខាន់ៗចំនួន ៤៖ ១) ពាណិជ្ជកម្មនិងវិនិយោគ ២) វិស័យកសិកម្ម និងកែច្នៃកសិផល ៣) ហេដ្ឋារចនាសម្ព័ន្ធនិង ៤) យេនឌ័រ និងសង្គម។

យ៉ាងណាត្រឡប់មកជុំវិញវត្តមានរបស់រដ្ឋមន្ត្រីការបរទេសអូស្រ្តាលី ដ៏មានទេពកោលស្យដែលនឹងមកដល់លើទឹកកម្ពុជាវិញម្តង ឧកញ៉ាញូស៍ សូមលាតត្រដាងនូវប្រវត្តិនិងបទពិសោធន៍ការងាររបស់លោកស្រី Marise Payne។

កើតនៅថ្ងៃទី ២៩ ខែកក្កដា ឆ្នាំ ១៩៦៤ លោកស្រី Marise Payne ជាអ្នកនយោបាយអូស្ត្រាលីដ៏ល្បីល្បាញម្នាក់ ដែលបានចូលបម្រើការងារជារដ្ឋមន្រ្តីក្រសួងការបរទេស តាំងពីឆ្នាំ ២០១៨ ខណៈនៅឆ្នាំ ២០១៩ លោកស្រីក៏ត្រូវបានតែងតាំងជារដ្ឋមន្ត្រីកិច្ចការនារីអូស្រ្តាលី។

លោកស្រី Marise បានធំធាត់ឡើងនៅ Bardwell Park ស្ថិតនៅជាយក្រុងភាគខាងត្បូងនៃទីក្រុងស៊ីដនី។ អ្នកនាងជាកូនរបស់លោកស្រី Ann Noreen (nee Johns) និងលោក William Elliott Payne ដែលឪពុកជាអតីតយុទ្ធជនក្នុងសង្គ្រាមលោកលើកទី ២ និងធ្លាប់ធ្វើការជាគណនេយ្យករ និងកសិករ។

សម្រាប់ការសិក្សាវិញ លោកស្រី Payne បានចូលរៀននៅសាលា MLC មុនពេលបន្តទៅសាកលវិទ្យាល័យ New South Wales ដែលជាកន្លែងលោកស្រីបញ្ចប់ថ្នាក់បរិញ្ញាបត្រសិល្ប: និងបរិញ្ញាបត្រផ្នែកច្បាប់ ។

នៅក្នុងដំណើរជីវិតរបស់លោកស្រី បានឆ្លងកាត់នូវបទពិសោធន៍ការងារជាច្រើន មុនពេលក្លាយខ្លួនជាស្រ្តីដែលមានឥទ្ធពលបំផុតម្នាក់ នៅក្នុងជួររដ្ឋាភិបាលលោក Scott Morrison នាយករដ្ឋមន្រ្តីអូស្រ្តាលី។

នៅក្នុងឆ្នាំ ១៩៨២ លោកស្រី Payne បានចូលរួមជាមួយគណបក្សសេរី និងធ្វើជាប្រធានរដ្ឋ New South Wales Young Liberals ពីឆ្នាំ ១៩៨៧ ដល់ឆ្នាំ ១៩៨៨ ។ បន្ទាប់មកលោកស្រីក៏បានបម្រើការជាប្រធានសហព័ន្ធ Young Liberals ពីឆ្នាំ ១៩៨៩ ដល់ឆ្នាំ ១៩៩១ ផងដែរ ។

លោកស្រី Payne ធ្លាប់ជាបេក្ខភាពដែលបរាជ័យក្នុងការចូលទៅជំនួសតំណែង របស់លោក Peter Baume ក្រោយពីគាត់បានលាលែងចេញពីសមាជិកព្រឹទ្ធសភា នៅក្នុងឆ្នាំ ១៩៩១ ខណ:នៅពេលនោះ លោកស្រីកំពុងកាន់ការងារជាលេខាឯកជនរបស់សមាជិកព្រឹទ្ធសភា លោក Robert Hill ។

ប៉ុន្តែក្រោយមក លោកស្រី ត្រូវបានគណបក្សសេរីនិយម ជ្រើសរើសឲ្យចូលមកបម្រើការបណ្តោះអាសន្ន នៅឆ្នាំ ១៩៩៧ និងទទួលបានតំណែងជាផ្លូវការនៅថ្ងៃទី ៩ ខែមេសា ឆ្នាំ ១៩៩៧ ខណៈដែលលោកស្រីបានជាប់ឆ្នោតម្តងទៀត ជាព្រឹទ្ធសភានៅក្នុងការបោះឆ្នោត នាឆ្នាំ ២០០១ , ២០០៧ , និង ២០១៦ ។

យ៉ាងណាលោកស្រីរដ្ឋមន្រ្តីការបរទេសអូស្រ្តាលីរូបនេះ ត្រូវបានតែងតាំងជាលេខាធិការស្រមោលសភា បន្ទាប់ពីបក្សសម្ព័ន្ធបានចាញ់ការបោះឆ្នោត នៅឆ្នាំ ២០០៧ ជាមួយនឹងការទទួលខុសត្រូវលើការងារថ្មី សម្រាប់តួនាទីកិច្ចការបរទេស (២០០៧-២០០៨) និងជាជំនួយការអភិឌ្ឍន៍អន្តរជាតិ និងកិច្ចការជនជាតិដើម (២០០៨-២០០៩) ។

រហូតដល់ការបោះឆ្នោតសហព័ន្ធនៅឆ្នាំ ២០១៣ លោកស្រី Payne ត្រូវបានតែងតាំងជារដ្ឋមន្រ្តី សម្រាប់ផ្នែកសេវាកម្មមនុស្សជាតិ នៅក្នុងជួររដ្ឋាភិបាល Abbott ។ ហើយនៅខែមិថុនាឆ្នាំ ២០១៤ លោកស្រីបានប្រកាសបង្កើតគម្រោងកម្មវីធីផ្សារលក់ទំនិញរបស់រដ្ឋាភិបាលមួយ ដែលមានឈ្មោះថា “myGov Hybrid” ដែលធ្វើឡើងដើម្បីជួយដល់អតិថិជន ក្នុងការរៀបចំគណនីអនឡាញ សម្រាប់ប្រើប្រាស់សេវាកម្មរបស់រដ្ឋាភិបាលដូចជា Centrelink, Medicare , ការិយាល័យពន្ធដារអូស្ត្រាលី និងគម្រោងធានារ៉ាប់រងពិការភាពជាតិជាដើម។

មិនតែប៉ុណ្ណោះ អ្វីដែលជាស្នាដៃធំមួយផ្សេងទៀត នៅឆ្នាំ ២០១៦ លោកស្រីបានប្រកាសថា ក្រុមហ៊ុនរបស់ប្រទេសបារាំង DCNS ដែលបច្ចុប្បន្នហៅថា Naval Group គឺបានផ្តល់ជូនកិច្ចសន្យាតម្លៃ ៥០ ពាន់លានដុល្លារ ដើម្បីសាងសង់នាវាមុជទឹកថ្មី សម្រាប់ កងទ័ពជើងទឹក Royal Australian Navy របស់អូស្ត្រាលី ។

ជាចុងក្រោយ បន្ទាប់ពីការបោះឆ្នោតឡើងវិញ របស់រដ្ឋាភិបាល នៅឆ្នាំ ២០១៩ លោកស្រី Payne ក៏ត្រូវបានតែងតាំងជារដ្ឋមន្រ្តីកិច្ចការនារីផងដែរ បន្ទាប់ពីកាន់ការងារជារដ្ឋមន្ត្រីការបរទេស រហូតមកដល់ពេលបច្ចុប្បន្ននេះ៕

The post លម្អិតបទពិសោធន៍ការងាររដ្ឋមន្ត្រីការបរទេសអូស្ត្រាលី ដែលនឹងមកបំពេញទស្សនកិច្ចនៅកម្ពុជា ចុងសប្តាហ៍នេះ appeared first on .