ការលើកទឹកចិត្តរបស់រដ្ឋមន្រ្តីក្រសួងការងារនេះ នៅក្នុងពិធីផ្សព្វផ្សាយស្តីពីរបបសន្តិសុខសង្គមផ្នែកថែទាំសុខភាពតាមភាគទានដោយស្ម័គ្រចិត្តសម្រាប់បុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស ជូនដល់សហព័ន្ធសហជីព និងសមាគម កាលថ្ងៃទី២២ ខែវិច្ឆិកា ឆ្នាំ២០២៣។

នៅក្នុងឱកាសនោះ លោក ហេង សួរ បានឱ្យដឹងថា ស្របតាមចក្ខុវិស័យរបស់រាជរដ្ឋាភិបាលនីតិកាលទី៧ ដែលបានដាក់ចេញនូវគោលនយោបាយយុទ្ធសាស្រ្តបញ្ចកោណដំណាក់កាលទី១ ដោយក្នុងនោះក៏បានកំណត់ថាការពង្រីកវិសាលភាពរបបថែទាំសុខភាពទៅដល់បុគ្គលស្វ័យនិយោជន៍ និងអ្នកនៅក្នុងបន្ទុកគ្រួសារ គឺនឹងមានអត្ថប្រយោជន៍ទៅដល់ប្រជាពលរដ្ឋ។ដោយលោក បានលើកឡើងថា ថ្វីត្បិតតែវិសាលភាពនៃបេឡាជាតិសន្តិសុខសង្គម(ប.ស.ស)ដែលពង្រីកនេះ រួមទាំងបុគ្គលស្វ័យនិយោជន៍ហើយបន្ថែមពីលើសមាជិក ប.ស.ស ប៉ុន្តែបុគ្គលស្វ័យនិយោជន៍មួយចំនួនដែលស្ថិតនៅក្រោមសមាជិកសមាគមសេដ្ឋកិច្ចក្រៅប្រព័ន្ធ ព្រមទាំងសមាជិក ប.ស.ស. ដែលចង់បានការថែទាំសុខភាពទៅដល់សមាជិកគ្រួសាររបស់ខ្លួនបន្ថែមទៀត ពីព្រោះបច្ចុប្បន្ននេះ ប.ស.ស. បានក្លាយជានិមិត្តរូបនៃសុខភាព និងការរីកចម្រើនរបស់ប្រជាជននិងបងប្អូនកម្មករនិយោជិតរបស់យើង ដែលបានជួយកាត់បន្ថយបន្ទុកចំណាយ ពង្រឹងស្ថិភាព និងការព្យាករណ៍បាននៃចំណូល និងធ្វើឱ្យប្រសើរឡើងនូវសុខភាពរបស់ខ្លួន។

បើតាមរដ្ឋមន្រ្តីក្រសួងការងារ «ចំពោះបងប្អូនដែលមានប័ណ្ណ ប.ស.ស មានគ្រួសារធ្វើការជាមួយគ្នា ហើយមានកូនគឺត្រូវការចំណាយច្រើន។ដូច្នេះ កម្មវិធីនេះបើកទៅដល់កូនដែលមានអាយុក្រោម១៨ឆ្នាំ ដែលបងប្អូនទិញឬបង់វិភាគទានផ្នែកថែទាំសុខភាពម្នាក់ត្រឹមតែ១៥៦០០រៀល ឬប្រហែល៤ដុល្លារ ប៉ុណ្ណោះ។ក្នុងន័យនេះ បើកូនឈឺទៅពេទ្យទោះបីជាប៉ុន្មានដងក៏យើងមិនបារម្ភចេញលុយខាងក្រៅច្រើនទេ ព្រោះយើងមាន ប.ស.ស ផ្ទុយទៅវិញបើបងប្អូនមិនបង់ឱ្យកូនដែលនៅក្នុងបន្ទុកទេ យើងមិនដឹងថាពេលណាកូនឈឺ ហើយតើចំណាយលើថ្នាំប៉ុន្មាន ដូច្នេះវាអាចនឹងមានការចំណាយច្រើន លើសពី៤ដុល្លារ»។

លើសពីនោះ លោកក៏បានលើកទឹកចិត្តដល់បុគ្គលស្វ័យនិយោជន៍ (អ្នកធ្វើការគ្មានថៅកែ គ្មានបុគ្គលិក រួមមាន អ្នកលក់ម្ហូបអាហារ, អ្នកបើកកង់បីជាដើម) ពិចារណាក្នុងការបង់វិភាគទានតាមគោលការណ៍ស្ម័គ្រចិត្ត ដើម្បីឱ្យមានការថែទាំសុខភាពមួយល្អផងដែរ។

សូមបញ្ជាក់ថា ការបង់វិភាគទានសម្រាប់បុគ្គលស្វ័យនិយោជន៍ គឺសម្រាប់បុគ្គលមានអាយុមិនលើសពី៦០ឆ្នាំ គិតត្រឹមថ្ងៃស្នើសុំចុះឈ្មោះ និងសម្រាប់អ្នកស្ថិតក្នុងបន្ទុកសមាជិក ប.ស.ស ប្តីឬប្រពន្ធស្របច្បាប់ ឬកូននៅក្នុងបន្ទុកមានអាយុក្រោម១៨ឆ្នាំ និងកូនមានពិការភាពឬជំងឺរ៉ាំរ៉ៃដែលនៅក្នុងបន្ទុកផ្ទាល់។

កម្មវិធីរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់បុគ្គលស្វ័យនិយោជន៍ និងអ្នកក្នុងបន្ទុកនៃសមាជិក ប.ស.ស. ថ្មីនេះ នឹងអាចឱ្យពលរដ្ឋក្នុងមុខសញ្ញាប្រមាណ៥លាននាក់ អាចទទួលបានសេវាថែទាំសុខភាពដោយឥតគិតថ្លៃ ដោយគ្រាន់តែបង់ថវិកា១៥ ៦០០រៀល ហើយបើបូកនិងរបបថែទាំសុខភាព តាមមូលនិធិសមធម៌សុខាភិបាល ជូនគ្រួសារងាយរងហានិភ័យ ដែលរាជរដ្ឋាភិបាលបានដាក់ចេញកាលពីថ្ងៃទី២៤ ខែតុលាកន្លងទៅ កម្ពុជានឹងអាចផ្តល់សេវាថែទាំសុខភាព បានដល់ប្រជាជនចំនួនប្រមាណជាង ៩លាននាក់នៅទូទាំងប្រទេស៕

The post រដ្ឋមន្រ្តីក្រសួងការងារ លើកទឹកចិត្តដល់បុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស ពិចារណាក្នុងការបង់វិភាគទាន ដើម្បីជួយសម្រួលបន្ទុក ជីវភាពគ្រួសារ appeared first on .

បើតាមរដ្ឋមន្រ្តីក្រសួងការងារ បានឱ្យដឹងថា៖ «ក្នុងឆ្នាំ២០២៣ នៅរាជធានីភ្នំពេញមានរោងចក្រសរុប ៩ ៣១៤ និងមានកម្មករ និយោជិត៦៦ម៉ឺននាក់ ក្នុងនោះ រោងចក្រវិស័យកាត់ដេរមានចំនួន ៧២៧រោងចក្រ ដែលមានកម្មករសរុបប្រមាណ៣៣ម៉ឺន ៨ពាន់នាក់ មានប្រាក់ឈ្នួលសរុប ជាមធ្យមចំនួនប្រមាណ ១ ១០០ លានដុល្លារក្នុងមួយឆ្នាំនិងជាតំបន់ដែលមានការអភិវឌ្ឍរោងចក្រ សហគ្រាស ច្រើនជាងគេ»។

គួរបញ្ជាក់ផងដែរថា នៅក្នុងឆ្នាំ២០២៣ រោងចក្រ សហគ្រាស ក្នុងវិស័យកាត់ដេរកើនឡើងដល់ ១ ៣២៦ រោងចក្រ មានកម្មករ និយោជិតប្រមាណ៨៤ម៉ឺននាក់ និងតម្លៃនាំចេញមានប្រមាណ១៣ពាន់លានដុល្លារ គិតត្រឹមឆ្នាំ២០២២៕

The post រដ្ឋមន្ត្រីក្រសួងការងារ ចាត់ទុកភ្នំពេញ គឺជាប៉ូលសេដ្ឋកិច្ចទី១ និងជាតំបន់មានការអភិវឌ្ឍរោងចក្រច្រើនជាងគេក្នុងប្រទេសកម្ពុជា appeared first on .

យោងតាមក្រសួងការងារ និងបណ្តុះបណ្តាលវិជ្ជាជីវៈនៅថ្ងៃទី១៦កុម្ភៈនេះ បានឱ្យដឹងថា នៅក្នុងជំនួបសម្តែងការគួរសមជាមួយអគ្គរាជទូត អគ្គរដ្ឋទូតម្តង ៤ប្រទេសនេះ លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានសំដែងការអរគុណចំពោះកិច្ចសហប្រតិបត្តិការដ៏ល្អជាមួយប្រទេសស៊ុយអែត លើគម្រោងជាច្រើនជាពិសេសទៅលើគម្រោងកសាងសមត្ថភាពក្នុងការផ្តល់សេវាទីផ្សារការងារ និងការធ្វើឱ្យប្រសើរឡើងនូវបរិយាកាសការងារ តាមរយ:ការលើកកម្ពស់សិទ្ធិការងារ សេរីភាពអង្គការវិជ្ជាជីវ: និងលក្ខខណ្ឌការងារ ដែលបានជួយគាំទ្រលើការអភិវឌ្ឍវិស័យសេដ្ឋកិច្ច-សង្គមរបស់កម្ពុជា ជាពិសេសវិស័យការងារ និងបណ្តុះបណ្តាលវិជ្ជាជីវៈ ដែលធ្វើឱ្យទទួលស្គាល់ជាប្រទេសដែលអនុវត្តបានកាន់តែប្រសើរអនុលោមទៅតាមបទដ្ឋានការងារអន្តរជាតិ ដែលជាកត្តាមួយយ៉ាងសំខាន់ក្នុងការផ្តល់នូវជំនឿទុកចិត្តដល់បណ្តាអ្នកបញ្ជាទិញ និងអ្នកប្រើប្រាស់ទំនិញ។

លោករដ្ឋមន្ត្រី លើកឡើងថា កម្ពុជាបាននិងកំពុង បន្តពង្រឹងការអនុវត្តឱ្យកាន់តែមានប្រសិទ្ធភាព និងធ្វើវិសោធនកម្មច្បាប់ស្តីពីការងារ ដើម្បីឆ្លើយតបទៅនឹងតម្រូវការនៃការធានាបាននូវលក្ខខណ្ឌការងារល្អប្រសើរ និងភាពសុខដុមក្នុងទំនាក់ទំនងវិជ្ជាជីវៈ។ ពង្រឹងការអនុវត្តច្បាប់ស្តីពីសហជីព ដើម្បីធានានូវសិទ្ធិសេរីភាពអង្គការវិជ្ជាជីវៈ ដែលតំណាងឱ្យសម្លេង និងឆន្ទៈពិតប្រាកដរបស់កម្មករនិយោជិត និយោជក ក្នុងការការពារសិទ្ធិ និងផលប្រយោជន៍ស្របច្បាប់របស់គាត់ និងជាដៃគូសន្ទនាដ៏មានប្រសិទ្ធភាពក្នុងកិច្ចសន្ទនាសង្គម កិច្ចព្រមព្រៀងជាសកល ការបន្តអនុវត្តបានយ៉ាងល្អនូវយន្តការត្រីភាគីក្នុងចរចា និងដោះស្រាយបញ្ហានានាប្រកបដោយជោគជ័យ គម្រោងរោងចក្រកាន់តែប្រសើរនៅកម្ពុជា និងការបន្តពង្រឹងយន្តការក្រុមប្រឹក្សាអាជ្ញាកណ្តាលសុទ្ធជាធាតុផ្សំនៃការកសាងជំនឿទុកចិត្តរបស់អ្នកវិនិយោគទុនប្រទេសទាំងនេះនៅកម្ពុជា។

លោកជំទាវ ឯកអគ្គរាជទូត រដ្ឋទូតទាំងអស់ បានសំដែងនូវកោតសរសើរ និងវាយតម្លៃខ្ពស់ចំពោះវឌ្ឍនភាពរីកចម្រើនរបស់កម្ពុជាលើគ្រប់វិស័យ ជាពិសេសក្នុងដំណាក់កាលនៃការរាតត្បាតជំងឺកូវីដ-១៩ រដ្ឋាភិបាលកម្ពុជា បានគ្រប់គ្រងបានយ៉ាងល្អ ដែលអាចជួយសង្គ្រោះអាយុជីវិតប្រជាជន ហើយឈានទៅបើកដំណើរការសកម្មភាពសេដ្ឋកិច្ច សង្គមឡើងវិញពេញលេញលើគ្រប់វិស័យ។ ទន្ទឹមនឹងនេះ ក៏បានសំដែងនូវការកោតសសើរ ចំពោះការវិវត្តន៍រីកចម្រើននៃវិស័យការងារ ដែលបានយកចិត្តទុកដាក់ខ្ពស់ក្នុងការធ្វើឱ្យប្រសើឡើងនូវកិច្ចសន្ទាសង្គម សិទ្ធិសេរីភាព អង្គការវិជ្ជាជីវៈ សិទ្ធិការងារ កាត់បន្ថយបាននូវិវាទការងារ មានយន្តការត្រីភាគីច្បាស់លាស់ដោះស្រាយការងារដោយឯករាជ្យ និងតម្លាភាព។

ភាគីទាំងពីរ នឹងបន្តរួមគ្នាលើកិច្ចសហប្រតិបត្តិ លើគម្រោងផ្សេងទៀត ដែលប្រទេសទាំងនេះមានគំរូដ៏ល្អសម្រាប់ចែករំលែកបទពិសោធន៍ សំដៅគាំទ្រក្នុងការធ្វើឱ្យប្រសើរថែមទៀតទាំងលើសេវាទីផ្សារការងារ ការកសាងធនធានមនុស្សដែលមានជំនាញវិជ្ជាជីវៈ ជាកម្លាំងពលកម្មជំនាញ ការធានានូវសិទ្ធិសេរីភាពអង្គការវិជ្ជាជីវ លក្ខខណ្ឌការងារ និងការប្រយុទ្ធប្រឆាំងអំពើរជួញដូរមនុស្ស ដើម្បីបន្តបង្កើននូវការជឿជាក់ និងភាពទាក់ទាញដល់អ្នកវិនិយោទុន និងអ្នកប្រើប្រាស់ទំនិញ មកលើប្រភពទំនិញពីកម្ពុជា ដែលជាប្រទេសអនុវត្តតាមអនុលោមភាពនៃបទដ្ឋានការងារអន្តរជាតិ៕អត្ថបទ៖សារេត

The post ទូតបួនប្រទេស នឹងជំរុញអ្នកវិនិយោគទុនរបស់ខ្លួន ឱ្យមកបណ្តាក់ទុននៅកម្ពុជាបន្ថែមទៀត appeared first on .