លោក ទៀ សីហា៖ សមយុទ្ធរួមគ្នាលើវិស័យសុខាភិបាលលើកទី១ ទទួលបានការផ្លាស់ប្តូរចំណេះដឹង ជំនាញ និងបទពិសោធថ្មីៗ

ឧកញ៉ាកោះក្របី — Fri, 22 Sep 2023 09:53:35 +0000

កងយោធពលខេមរភូមិន្ទកម្ពុជា និងកងទ័ពរំដោះប្រជាជនចិន បានបិទសមយុទ្ធសុខាភិបាលរួមគ្នាដែលមានឈ្មោះថា «ទេវតាសន្តិភាព-ឆ្នាំ២០២៣» នៅបញ្ជាការដ្ឋានទ័ពពិសេសកងទ័ពជើងគោក នៅថ្ងៃទី២១ ខែកញ្ញា ឆ្នាំ២០២៣។

ពិធីបិទសមយុទ្ធសុខាភិបាលយោធារួមគ្នានេះ ក្រោមវត្តមាននាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រី ក្រសួងការពារជាតិ និងឧត្តមសេនីយ៍ទោ វ៉ាង ស៊ូឈាន (WANG SHUQIAN) ប្រធាននាយកដ្ឋានសុខាភិបាល និងជាគណៈកម្មាធិការយោធាមជ្ឈឹមចិន។

ក្រសួងការពារជាតិ បានឲ្យដឹងថា សមយុទ្ធទេវតាសន្តិភាព-ឆ្នាំ២០២៣នេះ បានរៀបចំក្រោម ប្រធានបទចំនួន ៧ រួមមាន៖ ការបញ្ហាកម្លាំងសុខាភិបាលរួមគ្នា,ការដឹកជញ្ជូនកម្លាំងទ័ព,ការពង្រាយកម្លាំងប្រតិបត្តិការ, ការជួយសង្គ្រោះ នៅទីតាំងរងគ្រោះ,ការផ្ទេរបញ្ជួនអ្នករងគ្រោះព្យាបាលបន្ត,ការបញ្ជូនអ្នករងគ្រោះតាមផ្លូវអាកាស និងការការពារបង្ការជំងឺឆ្លង ដែលធ្វើឡើងចាប់កាលពីថ្ងៃទី១៦ ខែកញ្ញា ឆ្នាំ២០២៣។

នាយឧត្ដមសេនីយ៍ ទៀ សីហា រដ្ឋមន្រ្តីក្រសួងការពារជាតិ មានប្រសាសន៍ថា កងយោធពលខេមរភូមិន្ទ មានមោទនភាពដែលបានធ្វើជាម្ចាស់ផ្ទះសមយុទ្ធរវាងកងទ័ពកម្ពុជា និងចិន ជាលើកទី១ បានធ្វើឱ្យកងទ័ពប្រទេសទាំងពីរទទួលបានការផ្លាស់ប្តូរចំណេះដឹង ជំនាញ និងបទពិសោធថ្មីៗ ជាពិសេសបង្កើនកិច្ចសហការប្រតិបត្តិការកាន់តែជិតស្និទ្ធ ដើម្បីផ្ដល់ការគាំទ្រដល់សន្តិសុខក្នុងតំបន់ និងសកលលោក។

លោកបន្តថា សមយុទ្ធសុខាភិបាល ដែលទទួលបានជោគជ័យនេះ បានផ្ដើមចេញពីទំនាក់ទំនងជាមិត្តភាព សាមគ្គីភាព និងកិច្ចសហប្រតិបត្តិការលើគ្រប់វិស័យរវាងកម្ពុជា និងចិន ក្នុងភាពជាដៃគូយុទ្ធសាស្ត្រគ្រប់ជ្រុងជ្រោយ។

ជាមួយគ្នានេះ ឧត្តមសេនីយ៍ទោ វ៉ាង ស៊ូឈាន ប្រធាននាយកដ្ឋានសុខាភិបាល និងជាគណៈកម្មាធិការយោធាមជ្ឈឹមចិន បានគូសបញ្ជាក់ថា ការធ្វើសមយុទ្ធរវាងយោធាប្រទេសទាំងពីរនេះ នឹងក្លាយជាគំរូសម្រាប់ទំនាក់ទំនងអន្តរជាតិជាថ្មីក្នុងប្រវត្តិសាស្ត្រ។ លោកថា សមយុទ្ធសុខាភិបាលនេះ បានអនុវត្តការងាររួមគ្នាលើវិស័យវេជ្ជសាស្ត្រសុខាភិបាល និងការសង្គ្រោះ ដែលចូលរួមពីសំណាក់កងទ័ពជើងអាកាសនៃកងទ័ពរំដោះប្រជាជនចិន។

សូមជម្រាបជូនថា សមយុទ្ធនេះ ក៏ដើម្បីអបអរសាទរខួបអនុស្សាវរីយ៍លើកទី៦៥ឆ្នាំ នៃការបង្កើតចំណងការទូតរវាងកម្ពុជា-ចិន, ដើម្បីលើកកម្ពស់សមត្ថភាព, ការផ្លាស់ប្តូរបទពិសោធន៍ក្នុងកិច្ចសហប្រតិបត្តិការផ្នែកសុខាភិបាល, ប្រតិបត្តិការសង្រ្គោះគ្រោះមហន្តរាយ និងជំងឺឆ្លងផ្សេងៗឱ្យប្រកបដោយប្រសិទ្ធភាពជាដើម៕

The post លោក ទៀ សីហា៖ សមយុទ្ធរួមគ្នាលើវិស័យសុខាភិបាលលើកទី១ ទទួលបានការផ្លាស់ប្តូរចំណេះដឹង ជំនាញ និងបទពិសោធថ្មីៗ appeared first on .

សម្តេចតេជោ ហ៊ុន សែន ចេញបញ្ជាដាច់ណាត់ឱ្យបាញ់ទម្លាក់ដ្រូន ដែលបានហោះចូលទឹកដីកម្ពុជា

Kem sinath — Tue, 27 Jun 2023 07:17:21 +0000

សម្តេចតេជោ ហ៊ុន សែន បានចេញបញ្ជាដាច់ណាត់ឱ្យកំលាំងរដ្ឋមន្រ្តីក្រសួងការពារជាតិ បញ្ចេញកំលាំង៥០០នាក់ ជាមួយអាវុធ២០០ដើម ដើម្បីពង្រាយគ្រប់ច្រកល្ហក សម្រាប់ការបាញ់ទម្លាក់ដ្រូនជាច្រើន ដែលបានហោះចូលទឹកដីកម្ពុជា តាមព្រំដែនខេត្តមណ្ឌលគីរី ខេត្តរតនគីរី និងខេត្តក្រចេះ។

តាមរយៈសារជាបន្ទាន់នាព្រឹកថ្ងៃអង្គារ៍នេះ សម្តេចតេជោ ហ៊ុន សែន នាយកដ្ឋមន្រ្តី បានចេញបញ្ជាឱ្យ សម្តេចពិជ័យសេនា ទា បាញ់ រដ្ឋមន្រ្តីក្រសួងការពារជាតិ លោក វង្ស ពិនសេន អគ្គបញ្ជាការនៃកងខេមរភូមិន្ទ នាយឧត្តមសេនីយ៍ ហ៊ីង ប៊ុនហៀង បញ្ចេញកម្លាំងប្រដាប់អាវុធត្រៀមបាញ់ទម្លាក់ដ្រូនដែលហោះចូលក្នុងភូមិសាស្រ្តខេត្តមណ្ឌលគីរី ខេត្តរតនគីរី និងខេត្តក្រចេះ ។ ការចេញបទបញ្ជារបស់សម្តេចតេជោ ធ្វើឡើងបន្ទាប់ពីមានដ្រូនជាច្រើនគ្រឿង បានហោះចូលទឹកដីកម្ពុជា ជាបន្តបន្ទាប់។

សម្តេចតេជោនាយករដ្ឋមន្រ្តី បានបញ្ជាក់ថា ភាគីវៀតណាមបានបដិសេធថា ដ្រូនទាំងនោះ មិនមែនជារបស់ខ្លួននោះទេ ដូច្នេះសម្តេចតេជោ បានប៉ានស្មានថា ដ្រូនដ៏ច្រើននេះ គឺជាដ្រូនរបស់ពួកបច្ចាមិត្ត ដែលបានធ្វើសកម្មភាពវ៉ៃប្រហារទៅក្នុងទឹកដីវៀតណាម ដោយមួយចំនួនកំពុងបាក់ទ័ព ចូលទឹកដីកម្ពុជា។

ក្នុងស្ថានភាពនេះ សម្តេចតេជោ ហ៊ុន សែន បញ្ជាឱ្យសម្តេចពិជ័យសេនា ទា បាញ់ លោក វង្ស ពិនសេន អគ្គបញ្ជាការនៃកងខេមរភូមិន្ទ នាយឧត្តមសេនីយ៍ ហ៊ីង ប៊ុនហៀង បញ្ចេញនូវអាវុធ សម្រាប់បាញ់យន្តហោះ (ដ្រូន) ទៅកាន់ទីកន្លែង ដែលដ្រូនហោះចូល ដោយប្រអាវុធដ៏ទំនើបដើម្បីបាញ់ទម្លាក់រាល់ដ្រូនដែលហោះចូលមកកាន់ទឹកដីកម្ពុជា៕

The post សម្តេចតេជោ ហ៊ុន សែន ចេញបញ្ជាដាច់ណាត់ឱ្យបាញ់ទម្លាក់ដ្រូន ដែលបានហោះចូលទឹកដីកម្ពុជា appeared first on .