ក្នុងជំនួបនាថ្ងៃទី២៣មីនានេះ នៅទីស្តីការក្រសួងព័ត៌មាន ឯកឧត្តមរដ្ឋមន្ត្រី បានគូសបញ្ជាក់ថា ក្នុងអាណត្តិទី៧ នេះ ក្រសួងព័ត៌មានបានប្រែក្លាយខ្លួនជាស្ថាប័នកិច្ចការសាធារណៈរបស់រាជរដ្ឋាភិបាល ដែលដឹកនាំការងារគ្រប់គ្រងសន្តិសុខព័ត៌មានដោយផ្អែកលើសសរស្តម្ភ ៣ គឺ៖ សិទ្ធិទទួលព័ត៌មាន គុណភាពព័ត៌មាន និងសុវត្ថិភាពព័ត៌មាន។ ឯកឧត្តមបានបញ្ជាក់ថា ក្នុងបរិបទដែលប្រព័ន្ធផ្សព្វផ្សាយបែបទំនើប និងបណ្តាញសង្គមកើនឡើង ការធានាឱ្យពលរដ្ឋទទួលបានព័ត៌មានដែល «ពិត មានប្រភពច្បាស់លាស់ និងមានសុវត្ថិភាព» គឺជាកិច្ចការចម្បងបំផុតមួយរបស់ក្រសួង។

ក្នុងកិច្ចពិភាក្សានោះដែរ ឯកឧត្តមរដ្ឋមន្ត្រី បានជម្រាបជូនលោកស្រី Vladanka អំពីវឌ្ឍនៈភាពនិងភាពជោគជ័យនៃយុទ្ធនាការ «និយាយថាទេចំពោះព័ត៌មានក្លែងក្លាយ» ដែលបានអនុវត្តនៅក្នុង២៥រាជធានី-ខេត្តនៃព្រះរាជាណាចក្រកម្ពុជា។ ឯកឧត្តមរដ្ឋមន្ត្រី បានមានប្រសាសន៍រំលេចពីសារៈសំខាន់នៃយុទ្ធនាការនេះថាបានរួមចំណែកក្នុងការបង្កើនសមត្ថភាពពលរដ្ឋឱ្យមានភាពធន់នឹងឥទ្ធិពលអវិជ្ជមាននៃព័ត៌មានក្លែងក្លាយ។ មិនតែប៉ុណ្ណោះ យុទ្ធនាការនេះបានបណ្តុះស្មារតី និងបង្កើតទម្លាប់មហាជនឱ្យចេះវិភាគ ត្រិះរិះ និងការពារខ្លួនពីគ្រោះថ្នាក់នៃព័ត៌មានក្លែងបន្លំ ព័ត៌មានបំភ្លៃ ការបង្កើតព័ត៌មានក្លែងក្លាយ រាប់ទាំងព័ត៌មានក្លែងក្លាយដោយបច្ចេកវិទ្យាAi ផងដែរក្នុងយុគសម័យឌីជីថល។

លោកស្រី Vladanka Andreeva បានបង្ហាញការគាំទ្រចំពោះយុទ្ធនាការនេះ និងបានវាយតម្លៃខ្ពស់ចំពោះតួនាទីយ៉ាងសកម្មរបស់ក្រសួងព័ត៌មាន ក្នុងនាមជាសេនាធិការរាជរដ្ឋាភិបាល ក្នុងការទប់ស្កាត់ការបំពុលព័ត៌មាននានាដែលប៉ះពាល់ដល់សណ្តាប់ធ្នាប់សង្គម និងសុខុមាលភាពរបស់យុវវ័យ។ 

ក្នុងឱកាសនោះដែរ ឯកឧត្តមរដ្ឋមន្ត្រីបានជម្រាបបានជម្រាបជូនលោកស្រី Vladanka អំពីការពង្រឹងសណ្តាប់ធ្នាប់ និងវិជ្ជាជីវៈសារព័ត៌មានដែលក្រសួងព័ត៌មានបាននិងកំពុងផ្តោតការយកចិត្តទុកដាក់ក្នុងចំណោមកិច្ចការអាទិភាពដទៃទៀត ដើម្បីធានាសុវត្ថិភាពព័ត៌មាន តាមរយៈការពង្រឹងការគោរពក្រមសីលធម៌ និងនិយាមវិជ្ជាជីវៈរបស់អ្នកសារព័ត៌មានសម្រាប់ផ្តល់ព័ត៌មានពិត មានគុណភាពក្នុងបរិបទឌីជីថល និងការរៀបចំលិខិតបទដ្ឋានគតិយុត្ត ដើម្បីគាំទ្រដល់ការលើកកម្ពស់គុណភាពព័ត៌មាន និងការពង្រឹងតួនាទីរបស់សារព័ត៌មានក្នុងការបម្រើប្រយោជន៍សង្គមដោយការទទួលខុសត្រូវខ្ពស់។

ជាមួយគ្នានេះ ឯកឧត្តមរដ្ឋមន្ត្រី បានថ្លែងអំណរគុណ និងស្វាគមន៍យ៉ាងកក់ក្តៅចំពោះការចូលរួមរបស់ទីភ្នាក់ងារអង្គការសហប្រជាជាតិ ដូចជា UNESCO និង OHCHR ក្នុងកិច្ចខិតខំប្រឹងប្រែងរបស់ក្រសួងព័ត៌មាន។ ភាគីទាំងពីរបានប្តេជ្ញាចិត្តយ៉ាងមុតមាំក្នុងការប្រែក្លាយបញ្ហាប្រឈមនៃបច្ចេកវិទ្យា ឱ្យទៅជាកាលានុវត្តភាព ដើម្បីកសាងសង្គមកម្ពុជាឱ្យមានភាពធន់ ពោរពេញដោយចំណេះដឹង និងព័ត៌មានពិតច្បាស់លាស់ សម្រាប់ការអភិវឌ្ឍដោយបរិយាបន្ន៕

The post តំណាងអង្គការសហប្រជាជាតិ វាយតម្លៃខ្ពស់ចំពោះតួនាទីយ៉ាងសកម្មរបស់ក្រសួងព័ត៌មាន ក្នុងការទប់ស្កាត់ព័ត៌មានក្លែងក្លាយ appeared first on .

ការអំពាវនាវនេះធ្វើឡើងក្នុងឱកាស ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ អញ្ជើញជាអធិបតីសម្ពោធសមិទ្ធិផលនានានៅលើទឹកដីកោះទ្រុង ខេត្តក្រចេះ នាថ្ងៃទី១៥ ខែមីនា ឆ្នាំ២០២៦ ។

ឯកឧត្តម ប្រធានក្រុមការងារ បានគូសបញ្ជាក់ថា បច្ចុប្បន្ននេះ ប្រទេសកម្ពុជា មានផលិតផលដែលទទួលបានការចុះបញ្ជីជា ផលិតផលសម្គាល់ភូមិសាស្ត្រ (Geographical Indication – GI) ចំនួន ៦មុខ ហើយក្រូចថ្លង់ គឺមួយក្នុងចំណោមផលិតផលទាំងនេះផងដែរ ដែលបានទទួលស្គាល់កាលពីថ្ងៃទី២៥ ខែមិថុនា ឆ្នាំ២០១៨ ដើម្បីរួមចំណែកការពារអត្តសញ្ញាណផលិតផលប្រពៃណី សំដៅធ្វើឲ្យមានកំណើនសេដ្ឋកិច្ចជាតិ ខណៈបច្ចុប្បន្ននេះផ្លែក្រូចថ្លុងកោះទ្រង់ ត្រូវបានចាត់ទុកថា ជាផ្លែឈើធម្មជាតិដ៏ពេញនិយម មានឱជារសឆ្ងាញ់ និងកេរ្តិ៍ឈ្មោះល្បីល្បាញតាំងពីយូរណាស់មកហើយប្រចាំខេត្តក្រចេះ។

ការទទួលស្គាល់ជា GI មានសារៈសំខាន់ក្នុងការការពារ អត្តសញ្ញាណផលិតផល ការពារការក្លែងបន្លំ និងជួយលើកកម្ពស់តម្លៃទីផ្សាររបស់ផលិតផលកម្ពុជា ទាំងក្នុង និងក្រៅប្រទេស។ ដូច្នេះវាជាមោទនភាពរបស់ខេត្តក្រចេះ ដែលមានផលិតផលនេះ ដែលយើងត្រូវបន្តគ្រប់គ្រង បន្សុទ្ធពូជ និងពង្រីកការដាំដុះបន្ថែម។ សូមកុំយកពូជប្រភេទផ្សេងមកលាយលំ ព្រោះក្រូចថ្លុងកោះទ្រង់ គឺជាផលិតផលកសិកម្មដែលមានឈ្មោះល្បី និងមានសក្តានុពលខ្ពស់នៅលើទីផ្សារ ដូច្នេះប្រជាពលរដ្ឋគួរបន្តថែរក្សាគុណភាព និងពង្រីកការដាំដុះបន្ថែម ដើម្បីបង្កើនផលិតកម្ម និងបង្កើនប្រាក់ចំណូលសម្រាប់គ្រួសារ។

ជាមួយគ្នានេះ ឯកឧត្តម ក៏បានជំរុញឱ្យប្រជាពលរដ្ឋប្រើប្រាស់បច្ចេកទេសកសិកម្មសមស្រប និងសហការគ្នាក្នុងការអភិវឌ្ឍដំណាំក្រូចថ្លុងឱ្យកាន់តែមានគុណភាពខ្ពស់ ដើម្បីរក្សាកេរ្តិ៍ឈ្មោះផលិតផល GI របស់សង្កាត់កោះទ្រង់ និងរួមចំណែកលើកកម្ពស់សេដ្ឋកិច្ចមូលដ្ឋាន ព្រមទាំងជួយឱ្យជីវភាពប្រជាពលរដ្ឋកាន់តែប្រសើរឡើង ពិសេសថែមទាំងលើកតម្លៃកេរ្តិ៍ឈ្មោះសង្កាត់ និងខេត្ត តាមរយៈវិស័យទេសចរណ៍ ដែលមានស្រាប់ដូចជា តំបន់ទេសចរណ៍សត្វផ្សោត, មានប្រភេទសត្វក្តាន់នៅតំបន់ដែនជម្រកសត្វព្រៃព្រែកប្រសព្វ និង សត្វត្មាត រួមជាមួយសត្វកម្រជាច្រើនទៀតនៅតាមដងទន្លេមេគង្គ ៕

The post ឯកឧត្តម នេត្រ ភក្ត្រា អំពាវនាវដល់ប្រជាពលរដ្ឋនៅសង្កាត់កោះទ្រង់ ខេត្តក្រចេះ ឱ្យបន្តយកចិត្តទុកដាក់ថែរក្សាពូជក្រូចថ្លុង ដែលជាដំណាំសម្គាល់ភូមិសាស្ត្រដ៏មានតម្លៃ appeared first on .

ក្នុងជំនួប​ខាង​លើ​នេះ​ លោក ខុត​​ សីហា បានអបអរសាទរ​​ដល់​​ឯកឧត្តម​​រដ្ឋមន្ត្រី ដែល​ត្រូវបាន​ជ្រើស​តាំង​ជារដ្ឋមន្ត្រីក្រសួងព័ត៌មាន ក្នុងអាណត្តិថ្មី នៃរាជរដ្ឋាភិបាល ព្រម​ទាំង​​សម្តែងការគួរសម និង​ស្នើ​សុំ​អនុសាសន៍​ណែនាំ​មួយ​ចំនួន​ពី​ឯកឧត្តមរដ្ឋមន្ត្រី។ បន្ថែមពីនោះ ក្រុមការងារ​ក៏បាន​ជូន​កាដូ​ជា​​កន្ត្រក​ផ្លែឈើ​​​ និង​គោរពជូន​ពរ​ដល់​ឯកឧត្តម​រដ្ឋមន្ត្រី ក្នុង​ឱកាស​ពិធីបុណ្យភ្ជុំបិណ្ឌ​​ប្រពៃណីខ្មែរផងដែរ។

ក្នុងជំនួបនោះ ឯកឧត្តម នេត្រ ភក្ត្រា ​សូមកោតសរសើរ​ដល់​ក្រុមការងារ​ឧកញ៉ាញូស៍ ដែល​បាន​​​ជ្រើសរើស​មាតិកា (Contents) សម្រាប់​ការ​ផ្សព្វផ្សាយ​បាន​ត្រឹមត្រូវ​ល្អ បែប​វិជ្ជមាន និង​មាន​​សារៈប្រយោជន៍​ដល់​សង្គម ​​ហើយ​បាន​គោរព​ក្រមសីលធម៌​វិជ្ជាជីវៈ​អ្នក​​សារព័ត៌មាន​បាន​​ល្អ​ខ្ជាប់ខ្ជួន។ លើសពីនេះ ឯកឧត្តមរដ្ឋមន្ត្រី ក៏​បាន​ផ្តល់​អនុសាសន៍​ណែនាំ​​​​​​ដល់​ក្រុមការងារ​ឱ្យ​​បន្ត​អនុវត្ត​​លើ​ ៤​ចំណុច​​ រួមមាន៖ គោរព​ក្រមសីលធម៌​វិជ្ជាជីវៈអ្នកសារព័ត៌មាន ការ​ជ្រើសរើស​មាតិកា​ផ្សាយ ល្បឿន​​ចេញ​ផ្សាយ និង​ព័ត៌មាន​ប្រកប​ដោយ​គុណភាព ខណៈ​ដែល​ឯកឧត្តម​ បាន​សង្កត់​ធ្ងន់​ដូច្នេះ​ថា៖ «គុណភាពព័ត៌មាន​ជា​ចំណុច​សំខាន់​នៃ​ការ​ស្លាប់រស់​​របស់​ស្ថាប័ន​សារព័ត៌មាន»។

​សូម​ជម្រាប​ថា ឧកញ៉ាញូស៍ ជាសារព័ត៌មានដែល​​ផលិត​មាតិកាផ្តោតចម្បងលើសេចក្តីរាយការណ៏ព័ត៌មានជុំវិញឧកញ៉ា អ្នកឧកញ៉ា មហាសេដ្ឋីពិភពលោក សេដ្ឋកិច្ច ពាណិជ្ជកម្ម សហគ្រិនភាព និងកិច្ចសម្ភាសជាធុរជនល្បីៗ ប្រកប​ដោយភាពទាន់សម័យបង្កើនផលវិជ្ជមាន និងកាត់បន្ថយផលអវិជ្ជមានណា ដែលប៉ះពាល់ដល់សង្គម។ បច្ចុប្បន្ន ឧកញ៉ាញូស៍ បាននឹងសហការផលិតមាតិកាព័ត៌មានអំពីផលិតផល សេវាកម្ម ដំណឹង ជូនក្រុមហ៊ុន​ធំៗ​ និងស្ថាប័ន​នានាជាច្រើនទម្រង់ ប្រកបដោយភាពស៊ីវិល័យ និងគុណភាពខ្ពស់៕

The post ឯកឧត្តម នេត្រ ភក្ត្រា កោតសរសើរ​ដល់​ក្រុមការងារ​ឧកញ៉ាញូស៍ ដែល​បាន​​​ជ្រើសរើស​មាតិកាសម្រាប់​ការ​ផ្សព្វផ្សាយ​បានត្រឹមត្រូវ​ល្អ បែប​វិជ្ជមាន និង​​គោរពក្រមសីលធម៌​វិជ្ជាជីវៈ​​បាន​​ល្អ​ខ្ជាប់ខ្ជួន appeared first on .

បើតាមរដ្ឋមន្ត្រីក្រសួងព័ត៌មានខ្លឹមសារគឺជាកត្តាសំខាន់សម្រាប់ស្ថាប័នព័ត៌មាននីមួយៗក្នុងការទាក់ទាញអតិថិជនអ្នកអាននិងអ្នកទស្សនារបស់ខ្លួន។កាលពីអតីតកាល ប្រព័ន្ធផ្សព្វផ្សាយបុរាណ លោក បានរំលេចថា បានដើរតួនាទីសំខាន់ក្នុងការបញ្ជ្រាបព័ត៌មានជូនសាធារណៈ ហើយប្រព័ន្ធផ្សព្វផ្សាយជាអ្នកកំណត់ខ្លឹមសារដល់អ្នកទស្សនានិងអ្នកស្តាប់របស់ខ្លួន ប៉ុន្តែក្នុងពេលដែលប្រព័ន្ធផ្សព្វផ្សាយទំនើបដើរតួនាទីសំខាន់ និងពលរដ្ឋមានសេរីភាពពេញលេញក្នុងការបង្កើតខ្លឹមសារ និងស្វែងរកខ្លឹមសារសម្រាប់ខ្លួនឯង នោះប្រព័ន្ធផ្សព្វផ្សាយទាំងអស់ចាំបាច់ត្រូវយកចិត្តទុកដាក់លើខ្លឹមសារដែលឆ្លើយតបនឹងតម្រូវការរបស់ពលរដ្ឋ។

បន្ថែមទៀតនោះ លោករដ្ឋមន្រ្តីបានគូសបញ្ជាក់ពីការពង្រឹងលើសមត្ថភាពរបស់អ្នកសារព័ត៌មានតាមរយៈការបើកវគ្គបណ្តុះបណ្តាលវិក្រឹត្យការបំប៉នសមត្ថភាពបន្ថែមដល់អ្នកសារព័ត៌មានដើម្បីមានមូលដ្ឋានរឹងមាំក្នុងការផលិតនិងសរសេរអត្ថបទព័ត៌មានដែលមានគុណភាពផងដែរ៕

The post ជំនួបជាមួយឧកញ៉ាថៅកែទូរទស្សន៍មួយ លោក នេត្រ ភក្រ្តា ប្រាប់ប្រព័ន្ធផ្សព្វផ្សាយទាំងអស់ចាំបាច់ត្រូវពង្រឹងការផលិតព័ត៌មានប្រកបដោយគុណភាព appeared first on .