រដ្ឋាភិបាលចិន

រដ្ឋាភិបាលស្នើធនាគារកណ្ដាលចិនត្រៀមប្រាក់កម្ចី ៣០ ពាន់លានដុល្លារ ទប់ទល់វិបត្តិអចលនទ្រព្យ

ឧកញ៉ាសំពៅ — Tue, 23 Aug 2022 06:36:54 +0000

ប៉ុន្មានខែចុងក្រោយនេះ វិបត្តិហិរញ្ញវត្ថុបានជះឥទ្ធិពលជាខ្លាំងដល់វិស័យជាច្រើនទូទាំងពិភពលោក ហើយក្នុងនោះវិស័យអចលនទ្រព្យនៃប្រទេសចិនហាក់រងផលប៉ះពាល់ធ្ងន់ធ្ងរជាងគេ។

យោងតាមស្ថិតិផ្ដល់ឲ្យដោយ ធនាគារ Goldman Sachs បានបង្ហាញថា ទិន្នន័យលក់អចលនទ្រព្យបានធ្លាក់ចុះរហូតដល់ ២៩% បើធៀបនឹងឆ្នាំទៅ ខណៈការសាងសង់ផ្ទះថ្មីបានធ្លាក់ដល់ ៤៥% ស្របពេលកំណើន GDP ប្រចាំឆ្នាំវិញដើរកាន់តែយឺតជាងរាល់ដង។

ទន្ទឹមនឹងនោះ រដ្ឋាភិបាលចិនបានចេញមុខស្នើសុំស្ថាប័នហិរញ្ញវត្ថុធំៗជួយដោះស្រាយបញ្ហាមួយនេះ ដូចជាកាត់បន្ថយការប្រាក់សម្រាប់វិនិយោគិននៅលើវិស័យអចលនទ្រព្យ ដែលកំពុងជួបប្រទះបញ្ហាមួយនេះជាដើម។ នេះបើតាមការចុះផ្សាយពី Fortune។

ដោយឡែក Bloomberg វិញក៏បានរាយការណ៍ដែរថា រដ្ឋាភិបាលបានចូលរួមជាមួយធនាគារកណ្ដាលចិនក្នុងការត្រៀមប្រាក់កម្ចីពិសេសប្រមាណ ៣០ ពាន់លានដុល្លារ ជូនក្រុមវិនិយោគិនដែលកំពុងជួបប្រទះបញ្ហា។

ទឹកប្រាក់ទាំងនោះ គឺនឹងផ្ដល់ជូនចំពោះតែម្ចាស់គម្រោងណាដែលកំពុងផ្អាកការសាងសង់ ប៉ុន្តែត្រូវបានលក់ចេញអស់តែប៉ុណ្ណោះ ដែលនេះមានន័យថា រដ្ឋាភិបាលកំពុងព្យាយាមពន្លឿនការសាងសង់រាល់គម្រោងដែលបានលក់ចេញ តែមិនទាន់បញ្ចប់ការសាងសង់សម្រាប់អតិថិជន៕

The post រដ្ឋាភិបាលស្នើធនាគារកណ្ដាលចិនត្រៀមប្រាក់កម្ចី ៣០ ពាន់លានដុល្លារ ទប់ទល់វិបត្តិអចលនទ្រព្យ appeared first on .

មហាសេដ្ឋីមានបំផុតនៅជប៉ុនរបូតទ្រព្យសម្បត្តិអស់ជិតពាក់កណ្ដាល ដោយសារចិន

ឧកញ៉ាសំពៅ — Fri, 03 Jun 2022 05:35:40 +0000

លោក Tadashi Yanai ដែលជាស្ថាបនិកក្រុមហ៊ុនលក់សម្លៀកបំពាក់ Uniqlo និងជាអ្នកមានបំផុតប្រចាំប្រទេសជប៉ុន បាននឹងកំពុងសំងំពិបាកចិត្ត ដោយសារទ្រព្យសម្បត្តិរបស់លោកបានធ្លាក់ចុះស្ទើរតែពាក់កណ្ដាលពោលគឺ ៤៤% បើធៀបនឹងឆ្នាំទៅ។ នេះបើតាមការចុះផ្សាយពី Forbes។

យោងតាមសារព័ត៌មានអាមេរិកាំងបានឲ្យដឹងថា បច្ចុប្បន្នទ្រព្យសម្បត្តិរបស់បុរសជនជាតិជប៉ុនគឺមានប្រមាណ ២៣,៦ ពាន់លានដុល្លារ ខណៈឆ្នាំទៅគឺមានដល់ប្រហែល ៥០ ពាន់លានដុល្លារ។

ការធ្លាក់ចុះនៃទ្រព្យសម្បត្តិដ៏ច្រើនសន្ធឹកសន្ធាប់បែបនេះ មិនមែនកើតមានតែចំពោះលោកឡើយ ពោលស្ទើរគ្រប់បុគ្គលអ្នកមានៗនៅជប៉ុនទាំងអស់សុទ្ធតែជួបប្រទះបញ្ហានេះដូចៗគ្នា ដោយសារការឡើងថ្លៃទំនិញ ប្រេង ស្របពេលសង្វាក់ផ្គត់ផ្គង់មានបញ្ហារអាក់រអួល។

យ៉ាងណា បញ្ហាធំដែលធ្វើឲ្យមហាសេដ្ឋីមានបំផុតនៅជប៉ុនខាតបង់ធ្ងន់ធ្ងរ គឺដោយសារការនាំចេញទំនិញទៅកាន់ប្រទេសចិនមានភាពយឺតយ៉ាវ និងចំណូលបានមកពីប្រទេសមហាអំណាចមួយនេះមានការថយចុះ ដោយសាររដ្ឋាភិបាលចិនប្រកាន់ខ្ជាប់វិធានការទប់ស្កាត់កូវីដ ១៩ តឹងតែងខ្លាំងពេក។ នេះបើតាមការចុះផ្សាយពី Reuters។

ទន្ទឹមនឹងនោះ លោក Yanai ក៏ធ្លាប់បានប្រាប់នៅក្នុងកិច្ចសម្ភាសន៍ជាមួយ The Financial Times កាលពីខែមេសាដែរថា៖ “ពួកយើងកំពុងមានបញ្ហាទាំងផ្នែកចំណូល និងការរស់នៅរបស់បុគ្កលិកដោយសារវិធានការទប់ស្កាត់ Covid Zero របស់ចិន។ សាខានៅទីក្រុងសៀងហៃត្រូវបានបង្ខំចិត្តបិទ ហើយការដឹកជញ្ជូនពីកំពង់ផែរឹតតែពិបាកថែមទៀត”។

សូមជម្រាបដែរថា ប្រទេសចិនគឺជាទីផ្សារធំបំផុតសម្រាប់ក្រុមហ៊ុន Uniqlo ដោយសារនៅទីនោះមានសាខារហូតដល់ ៨៦៥ សាខា ខណៈ ៩០ សាខាមានទីតាំងនៅទីក្រុងសៀងហៃ ហើយវិធានការបិទខ្ទប់របស់ចិនពិតជាបានបង្កការខាតបង់យ៉ាងធ្ងន់ធ្ងរស្ថាបនិកនៃក្រុមហ៊ុនមួយនេះ៕

The post មហាសេដ្ឋីមានបំផុតនៅជប៉ុនរបូតទ្រព្យសម្បត្តិអស់ជិតពាក់កណ្ដាល ដោយសារចិន appeared first on .

យកគំរូតាម CEO ក្រុមហ៊ុន JD មហាសេដ្ឋីចិននាំគ្នាបរិច្ចាគថវិការយពាន់លានដុល្លារជួយដល់សង្គម

ឧកញ៉ាសំពៅ — Thu, 03 Feb 2022 08:11:56 +0000

កាលពីថ្ងៃពុធនេះ ស្ថាបនិកក្រុមហ៊ុនយក្ស JD.com និងជា CEO លោក Richard Liu បានប្រកាសនឹងបរិច្ចាគភាគហ៊ុននៃក្រុមហ៊ុនប្រមាណ ៦២,៤ លានហ៊ុនទៅកាន់កម្មវិធីសប្បុរសធម៌ ខណៈសកម្មភាពបែបនេះគឺត្រូវបានមហាសេដ្ឋីឯទៀតកំពុងយកគំរូតាម។

ការប្រកាសបរិច្ចាគទឹកប្រាក់នេះ ធ្វើឡើងក្រោយរដ្ឋាភិបាលចិនបានរឹតបន្តឹងទៅលើវិស័យបច្ចេកវិទ្យា រាប់បញ្ចូលទាំងក្រុមហ៊ុន JD.Com និងគូប្រជែង Alibaba Group Holding ផងដែរ ដែលជាផ្នែកមួយនៃវិធានការ “ក្រោមមេឃតែមួយ” របស់ប្រធានាធិបតី Xi Jinping ក្នុងការលុបបំបាត់វិសមភាពនៅក្នុងប្រទេសមហាអំណាចសេដ្ឋកិច្ចធំបំផុតទី ២។

ក្រៅពីលោក Liu នៅមានមហាសេដ្ឋីជាច្រើនទៀតកំពុងនាំគ្នាបរិច្ចាគលុយជូនរដ្ឋាភិបាលដែលមានដូចជា ស្ថាបនិកក្រុមហ៊ុន ByteDance លោក Zhang yiming បានបរិច្ចាគប្រាក់ ៥០០ លានយ៉ន់ ឬ ៧៨,៦១ លានដុល្លារទៅកាន់ទីក្រុង Longyan សម្រាប់ប្រព័ន្ធអប់រំ។

បើយោងតាមរបាយការណ៍កាលពីខែមិថុនាឆ្នាំទៅ ក្រុមហ៊ុនដឹកជញ្ជូនចំណីអាហារខ្នាតយក្ស Meituan ក៏បានបរិច្ចាគចំណែកភាគហ៊ុនដែលមានតម្លៃជាង ២ ពាន់លានដុល្លារសម្រាប់រដ្ឋាភិបាលផងដែរ។

បញ្ជាក់ដែរថា តម្លៃភាគហ៊ុនរបស់ JD នាពេលបច្ចុប្បន្នគឺ ៧៣,២១ ដុល្លារ ហើយបើសិនជាក្រុមហ៊ុនបរិច្ចាគជាង ៦២ លានហ៊ុន គឺវាមានតម្លៃជាង ៤,៥ ពាន់លានដុល្លារអាមេរិក៕

ប្រភព: kfgo

The post យកគំរូតាម CEO ក្រុមហ៊ុន JD មហាសេដ្ឋីចិននាំគ្នាបរិច្ចាគថវិការយពាន់លានដុល្លារជួយដល់សង្គម appeared first on .

ស្ថិតក្រោមការស៊ើបអង្កេតពីរដ្ឋាភិបាលចិន មហាសេដ្ឋីហុងកុងម្នាក់ខាតបង់ទ្រព្យសម្បត្តិសរុបជាងពាក់កណ្ដាល

ឧកញ៉ាសំពៅ — Tue, 25 Jan 2022 09:09:33 +0000

កាលពីពេលថ្មីៗនេះ តម្លៃភាគហ៊ុនរបស់ក្រុមហ៊ុន Huabao International Holdings Ltd. បានដាំក្បាលចុះដល់ទៅ ៦៧% នៅលើទីផ្សារភាគហ៊ុនហុងកុង បន្ទាប់ពីបែកធ្លាយព័ត៌មានថា ក្រុមអ្នកសង្កេតការរបស់រដ្ឋាភិបាលចិនកំពុងតាមឃ្លាំមើល និងស៊ើបអង្កេតលើប្រធានក្រុមហ៊ុន។

លោកស្រី Chu Lam Yiu ដែលជាប្រធានក្រុមហ៊ុនធំខាងលើ គឺត្រូវបានសង្ស័យជាប់ពាក់ព័ន្ធនឹងការល្មើសច្បាប់មួយចំនួនរបស់រដ្ឋាភិបាលចិន ខណៈព័ត៌មានលំអិតទាក់ទងនឹងបទល្មើសគឺមិនត្រូវបានបង្ហើបឲ្យដឹងឡើយ ដោយគ្រាន់តែអនុញ្ញាតឲ្យដំណើរការអាជីវកម្មធម្មតា ស្របពេលស៊ើបអង្កេតប៉ុណ្ណោះ។

បញ្ជាក់ដែរថា អ្នកស្រី Chu ដែលដើរតួជានាយកប្រតិបត្តិក្រុមហ៊ុនផងនោះ គឺកាន់កាប់ចំណែកភាគហ៊ុនក្រុមហ៊ុនទាំងមូលដល់ទៅ ៧១% ខណៈផលិតផលចំបងដែលក្រុមហ៊ុនផ្គត់ផ្គង់គឺជា ប្រភេទថ្នាំជក់ អាហារ និងផលិតផលថែរក្សាសម្រស់ផ្សេងៗ។

ទ្រព្យសម្បត្តិសរុបរបស់មហាសេដ្ឋីហុងកុងនាពេលបច្ចុប្បន្នគឺ ២,៦ ពាន់លានដុល្លារ ដែលជាការធ្លាក់ចុះពី ៥,៥ ពាន់លានដុល្លារកាលពីថ្ងៃសុក្រ។ នេះបើយោងតាមរបាយការណ៍ចុះផ្សាយដោយ Bloomberg Billionaires Index៕

ប្រភព: moneyweb

The post ស្ថិតក្រោមការស៊ើបអង្កេតពីរដ្ឋាភិបាលចិន មហាសេដ្ឋីហុងកុងម្នាក់ខាតបង់ទ្រព្យសម្បត្តិសរុបជាងពាក់កណ្ដាល appeared first on .

ចិនប្រកាសដាក់ជួលផ្ទះជាង ៦ លានខ្នងដាក់តម្លៃជួលធូរៗ នៅតាមទីក្រុងតូចធំ

ឧកញ៉ាសំពៅ — Wed, 12 Jan 2022 03:18:56 +0000

អាជ្ញាធរចិនបានប្រកាសថា នឹងផ្ដល់កន្លែងស្នាក់នៅដែលមានតម្លៃជួលទាប ៦,៥ លានខ្នងសម្រាប់ទីក្រុងធំៗរហូតដល់ ៤០ ទីក្រុងក្នុងចន្លោះឆ្នាំ ២០២១-២៥ ស្របពេលកំណើនតម្រូវការផ្ទះកំពុងចាំបាច់ខ្លាំង ខណៈការកើនឡើងនៃប្រជាជនក៏ច្រើនដូចគ្នា។

បើយោងតាមលិខិតផ្លូវការពីខាងក្រសួងលំនៅឋាន និងអភិវឌ្ឍន៍ទីក្រុង-ជនបទ លោក Pan Wei បានប្រាប់ត្រួសៗថា ការសម្រេចចិត្តពីរដ្ឋាភិបាលមួយនេះនឹងជួយដោះស្រាយបញ្ហាលំបាករបស់ប្រជាពលរដ្ឋវ័យក្មេងៗដល់ទៅ ១៣ លាននាក់ដែលកំពុងមានការលំបាកក្នុងការស្វែងរកលំនៅឋាន។

មួយរយៈកាលចុងក្រោយនេះ រដ្ឋាភិបាលចិនហាក់ស្វះស្វែងខ្លាំងក្នុងការជួយសម្រួលដល់បញ្ហាប្រជាពលរដ្ឋ ជាពិសេសគឺបញ្ហាលំនៅឋានតែម្ដង មិនថាទាំងនៅទីក្រុងតូចធំឡើយ ក្រោមផែនការដឹកនាំ “រស់នៅក្រោមភាពរុងរឿងតែមួយ” របស់ប្រធានាធិបតី Xi Jinping។

ដោយឡែក បើតាមការគណនាពីគេហទំព័រ Reuters បានទម្លាយឲ្យដឹងថា ក្នុងចំណោមផ្ទះ ៦,៥ លានខ្នង មាន ១,៨៧ លានខ្នងនឹងដាក់ឲ្យជួលនៅទីក្រុងលំដាប់លេខមួយដូចជា ទីក្រុងប៉េកាំង និងសៀងហៃជាដើមនៅចន្លោះឆ្នាំ ២០២១-២០២៥៕

ប្រភព: Kelo

The post ចិនប្រកាសដាក់ជួលផ្ទះជាង ៦ លានខ្នងដាក់តម្លៃជួលធូរៗ នៅតាមទីក្រុងតូចធំ appeared first on .

រដ្ឋាភិបាលចិនស្នើឲ្យក្រុមហ៊ុនតាក់ស៊ីយក្ស Didi ពិចារណាដកខ្លួនពីទីផ្សារហ៊ុនអាមេរិក

ឧកញ៉ាសំពៅ — Fri, 26 Nov 2021 04:05:08 +0000

អាជ្ញាធរចិនបានទាក់ទងទៅកាន់ថ្នាក់ដឹកនាំកំពូលនៃក្រុមហ៊ុនតាក់ស៊ីយក្ស គឺ Didi Global Inc សម្រាប់ពិភាក្សា និងបានស្នើសុំឲ្យពួកគេដកខ្លួនចេញពីទីផ្សារហ៊ុននៃសហរដ្ឋអាមេរិក ក្រោមហេតុផលបារម្ភពីសុវត្ថិភាពផ្នែកសន្តិសុខ។ នេះបើតាមការរាយការណ៍ពី Bloomberg News។

អ្នកសង្កេតការណ៍ផ្នែកបច្ចេកវិទ្យាប្រចាំប្រទេសចិន មានបំណងចង់ឲ្យក្រុមហ៊ុនខាងលើ ផ្ដាច់ខ្លួនចេញពី New York Stock Exchange ដោយសារបារម្ភខ្លាចបែកធ្លាយនូវព័ត៌មានសំខាន់ៗមួយចំនួន ស្របពេលបច្ចុប្បន្ន Didi មិនទាន់ធ្វើការឆ្លើយតបនៅឡើយ៕

ប្រភព: CNA

The post រដ្ឋាភិបាលចិនស្នើឲ្យក្រុមហ៊ុនតាក់ស៊ីយក្ស Didi ពិចារណាដកខ្លួនពីទីផ្សារហ៊ុនអាមេរិក appeared first on .

រដ្ឋាភិបាលចិន

រដ្ឋាភិបាលស្នើធនាគារកណ្ដាលចិនត្រៀមប្រាក់កម្ចី ៣០ ពាន់លានដុល្លារ ទប់ទល់វិបត្តិអចលនទ្រព្យ​

មហាសេដ្ឋី​មាន​បំផុត​នៅ​ជប៉ុន​របូត​ទ្រព្យសម្បត្តិ​អស់​ជិត​ពាក់​កណ្ដាល​ ដោយសារ​ចិន

យក​គំរូ​តាម​ CEO ក្រុមហ៊ុន JD មហាសេដ្ឋី​ចិន​នាំ​គ្នា​បរិច្ចាគថវិកា​រយពាន់លាន​ដុល្លារ​ជួយ​ដល់​សង្គម

ចិន​ប្រកាស​ដាក់​ជួល​ផ្ទះ​ជាង​ ៦ លាន​ខ្នង​ដាក់​​តម្លៃ​ជួល​ធូរៗ ​នៅ​តាមទីក្រុង​តូច​ធំ

រដ្ឋាភិបាល​ចិន​ស្នើ​ឲ្យ​ក្រុមហ៊ុន​តាក់ស៊ី​យក្ស Didi ពិចារណា​ដក​ខ្លួន​ពី​ទីផ្សារ​ហ៊ុន​អាមេរិក​

រដ្ឋាភិបាលស្នើធនាគារកណ្ដាលចិនត្រៀមប្រាក់កម្ចី ៣០ ពាន់លានដុល្លារ ទប់ទល់វិបត្តិអចលនទ្រព្យ

មហាសេដ្ឋីមានបំផុតនៅជប៉ុនរបូតទ្រព្យសម្បត្តិអស់ជិតពាក់កណ្ដាល ដោយសារចិន

យកគំរូតាម CEO ក្រុមហ៊ុន JD មហាសេដ្ឋីចិននាំគ្នាបរិច្ចាគថវិការយពាន់លានដុល្លារជួយដល់សង្គម

ចិនប្រកាសដាក់ជួលផ្ទះជាង ៦ លានខ្នងដាក់តម្លៃជួលធូរៗ នៅតាមទីក្រុងតូចធំ

រដ្ឋាភិបាលចិនស្នើឲ្យក្រុមហ៊ុនតាក់ស៊ីយក្ស Didi ពិចារណាដកខ្លួនពីទីផ្សារហ៊ុនអាមេរិក