រតនាគារបានលើកឡើងថា ឱនភាពថវិកាចំនួន ២៤៤ពាន់លានដុល្លារនេះ បើធៀបទៅនឹងខែកក្កដា ឆ្នាំ២០២៣ មានឱនភាពចំនួន ២២១ពាន់លានដុល្លារ នោះគឺមានន័យថាត្រឹមរយៈពេលមួយឆ្នាំប៉ុណ្ណោះ ឱនភាពថវិកាមានការកើនឡើងដល់ទៅចំនួន ២៣ពាន់លានដុល្លារ។

ឱនភាពថវិកាពិតណាស់កើតឡើងបាន ដោយសារការចំណាយច្រើនជាងចំណូល។ ប្រាក់ចំណូលរបស់សហរដ្ឋអាមេរិកនាខែកក្កដាមានត្រឹមចំនួន ៣៣០ពាន់លានដុល្លារប៉ុណ្ណោះ រីឯការចំណាយខុសខ្ទង់របស់ប្រទេសមួយនេះវិញ មានដល់ទៅ ៥៧៤ពាន់លានដុល្លារ។

សហរដ្ឋអាមេរិកត្រូវចំណាយប្រាក់លើថ្លៃធានារ៉ាប់រង និងចូលនិវត្តន៍របស់ប្រជាជនដល់ទៅ ១២៨ពាន់លានដុល្លារ ខណៈពន្ធលើប្រាក់ចំណូលបុគ្គលឯណោះវិញមានចំនួន ១៥៤ពាន់លានដុល្លារ។

មួយវិញទៀត ការចំណាយសម្រាប់កិច្ចសន្តិសុខសង្គម ត្រូវចាយប្រាក់អស់ខ្ទង់ ១២៣ពាន់លានដុល្លារ ខណៈពាក់ព័ន្ធនឹងការថែរក្សាសុខភាពក៏មានចំនួន ៩២ពាន់លានដុល្លារផងដែរ។

គួរឲ្យដឹងដែរថា សម្រាប់ឆ្នាំសារពើពន្ធ២០២៤ រាប់ចាប់ពីថ្ងៃទី១ ខែតុលា ឆ្នាំ២០២៣ ដល់ថ្ងៃទី៣០ ខែកញ្ញា ឆ្នាំ២០២៤ ឱនភាពថវិការបស់សហរដ្ឋអាមេរិកមានរហូតដល់ទៅ ១,៥២ទ្រីលានដុល្លារឯណោះ បន្ទាប់ពីប្រទេសមហាអំណាចមួយនេះ រកចំណូលបានត្រឹម ៤,០៨ទ្រីលានដុល្លារ ចំណែកឯការចំណាយច្រើនជាង ៥,៦ទ្រីលានដុល្លារទៅទៀត៕

The post នៅខែកក្កដា​ អាមេរិកចាយប្រាក់ច្រើនជាងចំណូលរហូតដល់ ២៤៤ពាន់លានដុល្លារ appeared first on .

ក្រសួងរតនាគារអាមេរិកបានលើកឡើងនៅក្នុងសេចក្តីថ្លែងការណ៍មួយថា ខ្លួនបានប្រកាសដាក់ទណ្ឌកម្មចំពោះក្រុមហ៊ុនប្រេង Shwe Byain Phyu Group of Companies ដែលមានម្ចាស់ក្រុមហ៊ុនឈ្មោះលោក Thein Win Zaw រួមជាមួយប្រពន្ធ និងកូនពេញវ័យពីរនាក់ទៀត។ ទន្ទឹមនឹងនោះ សហរដ្ឋអាមេរិកក៏បានដាក់ទណ្ឌកម្មប្រឆាំងនឹងក្រុមហ៊ុន Myanma Five Star Line ដែលជាក្រុមហ៊ុនដឹកជញ្ជូនផងដែរ។

គោលបំណងរបស់សហរដ្ឋអាមេរិក គឺមានគោលដៅដាក់ទណ្ឌកម្មទៅលើការនាំចូលប្រេងឥន្ធនៈ ដែលរបបយោធាបានប្រើប្រាស់វាយ៉ាងសកម្មដើម្បីដំណើរការម៉ាស៊ីនយន្តហោះ ទុកប្រតិបត្តិការទម្លាក់គ្រាប់បែកពីលើអាកាស កំទេចកងកម្លាំងប្រឆាំងរដ្ឋប្រហារ ជាពិសេសលើជនជាតិស៊ីវិល។ ហើយម្យ៉ាងវិញទៀត វាក៏អាចនិយាយបានថាដោយសារតែក្រុមហ៊ុនទាំងពីរហាក់មានទំនាក់ទំនងយ៉ាងស្អិតល្មួតជាមួយក្រុមហ៊ុន ​Myanma Economic holding (MEHL) ដែលជាក្រុមហ៊ុនមួយក្នុងចំណោមក្រុមហ៊ុនធំៗពីរ គ្រប់គ្រងដោយរបបយោធាមីយ៉ាន់ម៉ា។

គួររម្លឹកទៅកាលពីថ្ងៃទី១ ខែកុម្ភៈ ឆ្នាំ២០២១ កងកម្លាំងយោធាមីយ៉ាន់ម៉ាដែលដឹកនាំដោយលោក Min Aung Hlaing បានផ្តួលរំលំរដ្ឋាភិបាលជាប់ឆ្នោតបែបប្រជាធិបតេយ្យលោកស្រីអ៊ុងសាន ស៊ូជី ចេញពីតំណែង ខណៈដែលការកាន់អំណាចរបស់លោកបានបីឆ្នាំមកនេះ របបយោធាបានបន្តប្រើអំពើហិង្សា ក៏ដូចជាភេរវនិយមគាប់សង្កត់ប្រជាជនភូមា និងបានបដិសេដចំពោះលទ្ធភាពក្នុងការជ្រើសរើសមេដឹកតាមបែបសេរី៕

The post អាមេរិកដាក់ទណ្ឌកម្មលើក្រុមហ៊ុនធំៗចំនួនពីរ នៅមីយ៉ាន់ម៉ា appeared first on .

បំណុលថ្មីជាង ៧៦០ពាន់លានដុល្លារនេះ គឺមានចំនួនតិចជាងការព្យាករណ៍ទុកកាលពីខែតុលា ប្រមាណ ៥៥ពាន់លានដុល្លារ ដោយសារតែលំហូរសារពើពន្ធសុទ្ធកើនឡើង និងសមតុល្យសាច់ប្រាក់មានកាន់តែខ្ពស់។

ជាមួយគ្នា ក្រសួងរតនាគារអាមេរិកក៏បានបញ្ជាក់ទៀតថា ហិរញ្ញប្បទាននាចុងត្រីមាសទីមួយ ត្រូវបានរំពឹងថា នឹងមានចំនួនទឹកប្រាក់សុទ្ធប្រហែល ៧៥០ពាន់លានដុល្លារថែមទៀត។

សូមជម្រាបដែរថា រតនាគារអាមេរិកក៏បានព្យាករណ៍រួចស្រេច សម្រាប់ការត្រៀមខ្ចីបំណុលបន្ថែម នាត្រីមាសទីពីរនៃឆ្នាំនេះ ដោយមានបំណងខ្ចីលុយបន្ថែម ២០២ពាន់លានដុល្លារផងដែរ៕

The post ក្រសួងរតនាគារអាមេរិក ខ្ចីបំណុល ៧៦០ពាន់លានដុល្លារនៅត្រីមាសទីមួយ appeared first on .

យោងតាមការចុះផ្សាយពីគេហទំព័រ Yahoo បានបង្ហាញថា ដំណើរ​ទស្សនកិច្ច​រយៈពេល​បួន​ថ្ងៃ​របស់​លោកស្រី Yellen គឺជា​ការធ្វើដំណើរលើកដំបូង​របស់​លោកស្រី​ ទៅកាន់​ប្រទេស​ចិន​ក្នុង​តំណែង​ជា​ប្រធាន​រតនាគារ ខណៈ​លោកស្រី​គឺជា​មន្ត្រី​ជាន់ខ្ពស់​អាមេរិក​ទី​ពីរ​ដែល​បាន​ធ្វើ​ទស្សនកិច្ច​នាពេល​ថ្មីៗ​នេះ បន្ទាប់ពី​រដ្ឋមន្ត្រីការបរទេស Antony Blinken កាលពី​ខែ​មុន​។

ប្រភពដដែលបន្ថែមថា កាលពីព្រឹកថ្ងៃសុក្រនេះ លោកស្រី Yellen មាន “កិច្ចសន្ទនាសំខាន់” ជាមួយ​អតីតឧបនាយករដ្ឋមន្ត្រីចិន Liu He និងទេសាភិបាលធនាគារកណ្តាលចិន លោក Yi Gang ផងដែរ។

សូមជម្រាបបន្ថែមថា កិច្ចប្រជុំរវាងរដ្ឋមន្ត្រីក្រសួងរតនាអាមេរិក Janet Yellen និង​នាយករដ្ឋមន្ត្រីចិន Li Qiang នារសៀលថ្ងៃសុក្រ នឹងធ្វើឡើងនៅអគាររដ្ឋ Great Hall of the People ខណៈវានឹងក្លាយជាឱកាស​សម្រាប់​ជជែកគ្នាពីទំនាក់ទំនងសេដ្ឋកិច្ច ក្ដីបារម្ភ និងស្វែងរក​ឱកាស​បន្ថែម​ សម្រាប់​កិច្ចសហប្រតិបត្តិការ​រវាង​មហាអំណាចសេដ្ឋកិច្ចធំបំផុតទាំង ២ លើលោក៕

The post ជាន់ដីចិនភ្លាម រដ្ឋមន្ត្រីក្រសួងរតនាគារអាមេរិក គ្រោងជួបជាមួយនាយករដ្ឋមន្ត្រីចិន appeared first on .

យោងតាមការស្រង់សម្ដី​របស់​លោកស្រី Yellen ពីសារព័ត៌មានអាមេរិក​បាន​ឲ្យដឹងថា៖ ក្ដីរំពឹងរបស់​ខ្ញុំសម្រាប់​ដំណើរទស្សនកិច្ចទៅចិន គឺបង្កើតទំនាក់ទំនងឡើងវិញ ព្រោះ​បច្ចុប្បន្ន​ក្រុម​ថ្នាក់ដឹកនាំមានការផ្លាស់ប្ដូរ ដូច្នេះពួកយើងត្រូវតែស្គាល់គ្នាទៅវិញទៅមក។ ពួកយើងក៏​ត្រូវ​ពិភាក្សា​ពី​ការ​ខ្វែង​គំនិត​គ្នា​ទៅ​វិញ​ទៅ​មក ​ដើម្បី​កុំ​ឱ្យ​មាន​ការ​យល់​ច្រឡំ និងយល់​ខុស​ពី​ចេតនា​របស់ភាគីទាំងសងខាងផងដែរ។

យ៉ាងណា រដ្ឋមន្ត្រីជាន់ខ្ពស់អាមេរិករូបនេះ ​មិនបានបញ្ជាក់លំអិត​ពី​ពេលវេលានៃដំណើរទស្សន​កិច្ចឡើយ ប៉ុន្តែកាលពីសប្ដាហ៍មុនសារព័ត៌មាន Bloomberg ធ្លាប់រាយការណ៍ថា លោកស្រីគ្រោងនឹងនៅទីនោះនាដើមខែកក្កដា សម្រាប់កិច្ចពិភាក្សាសេដ្ឋកិច្ចកម្រិតខ្ពស់ជាលើកដំបូងជាមួយសមភាគីចិនថ្មី។

សូមជម្រាបដែរថា បច្ចុប្បន្ន ទំនាក់ទំនងរវាងអាមេរិក និងចិនកំពុងមានភាពតានតឹង និងភាពទុទិដ្ឋិនិយមកាន់តែខ្លាំង ជុំវិញបញ្ហាសន្តិសុខជាតិ រួមទាំងតៃវ៉ាន់ សង្គ្រាមរុស្ស៊ីនៅអ៊ុយក្រែន ការបង្កើនការហាមឃាត់ការនាំចេញ របស់សហរដ្ឋអាមេរិកលើបច្ចេកវិទ្យាទំនើប និងគោលនយោបាយឧស្សាហកម្មដឹកនាំដោយរដ្ឋាភិបាលចិនជាដើម៕

The post រដ្ឋមន្ត្រីជាន់ខ្ពស់អាមេរិកសង្ឃឹមថា ដំណើរទស្សនកិច្ចទៅចិនអាចរឹតចំណងមិត្តភាពឡើងវិញ appeared first on .

ក្រសួងរតនាគារសហរដ្ឋអាមេរិកបាននិយាយនៅក្នុងសេចក្តីថ្លែងការណ៍មួយថា យោធាមីយ៉ាន់ម៉ាបានពឹងផ្អែកលើប្រភពបរទេស រួមទាំងអង្គភាពរុស្ស៊ីដែលស្ថិតនៅក្រោមការដាក់ទណ្ឌកម្ម ដើម្បីទិញ និងនាំចូលអាវុធ បរិក្ខារ និងវត្ថុធាតុដើមសម្រាប់ផលិតអាវុធ ដើម្បីគាំទ្រដល់ “ការគាបសង្កត់យ៉ាងឃោរឃៅ” របស់ខ្លួន។ នេះបើតាមការចុះផ្សាយពីសារព័ត៌មាន CNA។​

បន្ថែមពីនោះ រដ្ឋាភិបាលក្រុងវ៉ាស៊ីងតោនក៏បានចោទប្រកាន់​ក្រសួងការពារជាតិមីយ៉ាន់ម៉ា​ថា បាននាំចូលសម្ភារៈ និង​អាវុធ​យ៉ាងហោចណាស់ ១ពាន់លានដុល្លារ តាំងពី​ធ្វើរដ្ឋប្រហារ​នៅឆ្នាំ ២០២១។

ដោយឡែក ចំពោះធនាគារដែលរងទណ្ឌកម្ម​សេដ្ឋកិច្ចនោះគឺមានដូចជា ធនាគាររដ្ឋ Myanmar Foreign Trade Bank និង Commercial Bank ខណៈក្រសួងរតនាគារអាមេរិក​បញ្ជាក់ថា ពួកគេបានអនុញ្ញាតឱ្យសហគ្រាសរដ្ឋដែលបង្កើតប្រាក់ចំណូល អាចនាំទំនិញទៅកាន់ទីផ្សារ​អន្តរជាតិបានដូចជា សហគ្រាសប្រេង និងឧស្ម័នមីយ៉ាន់ម៉ា ហៅកាត់ MOGE ជាដើម៕

The post អាមេរិកដាក់ទណ្ឌកម្មសេដ្ឋកិច្ច ចំពោះធនាគារ និងក្រសួងការពារជាតិមីយ៉ាន់ម៉ា appeared first on .

គិតត្រឹមថ្ងៃទី ២៥ ឧសភា រតនាគារអាមេរិក​មានសាច់ប្រាក់ប្រមាណ ៣៨,៨ពាន់លានដុល្លារ ដែលធ្លាក់ចុះតាំងពីជាង ២០០ពាន់លានដុល្លារ កាលពីដើមខែ មកនៅត្រឹមចំណុចនេះ ដែលស្ទើរ​តែ​ស្មើ​នឹង​ចំណុចអប្បបរិមា ដែល​កំណត់​ត្រឹម ៣០ពាន់លានដុល្លារ។

យោងតាមទិន្នន័យពី Bloomberg Billionaires Index បានបង្ហាញថា បច្ចុប្បន្ន​មាន​មហាសេដ្ឋី ៣១ នាក់ ដែលពួកគេ​សុទ្ធតែមាន​ទ្រព្យសម្បត្តិច្រើនជាង​រតនាគារ​សហរដ្ឋអាមេរិក ដែលមានតែជិត ៣៩ពាន់លានដុល្លារនោះ​ថែមទៀត។

ក្នុងចំណោម​មហាសេដ្ឋី​ដែលមានទ្រព្យសម្បត្តិ​ច្រើនជាង​រតនាគារអាមេរិក​នោះគឺ​មានដូចជា Bernard Arnault, Elon Musk, Jeff Bezos, Warren Buffett, Bill Gates និងមេធំ Facebook មហាសេដ្ឋី Mark Zuckerberg ជាដើម។

សូមជម្រាបដែរថា ប្រសិនបើសភាមិនដំឡើងកម្រិតបំណុលត្រឹមថ្ងៃទី ០៥ ខែមិថុនាទេ រដ្ឋលេខាធិការរតនាគារ Janet Yellen ព្រមានថា រដ្ឋាភិបាលនឹងមិនមានថវិកាគ្រប់គ្រាន់ ដើម្បីទូទាត់កាតព្វកិច្ចទាំងអស់របស់ប្រទេសជាតិ ឱ្យបានពេញលេញ និងទាន់ពេលវេលានោះឡើយ៕

The post រតនាគារសហរដ្ឋអាមេរិក មានលុយតិចជាងមហាសេដ្ឋី ៣១ នាក់ appeared first on .