គួរឲ្យដឹងផងដែរថា ក្នុង ១ Rial របស់អ៊ីរ៉ង់ បច្ចុប្បន្ននេះ ធ្លាក់ដល់ ០,០០ដុល្លារ ដែលជាការធ្លាក់ចុះខ្លាំងបំផុតមិនធ្លាប់មាន ខណៈពេលដែលអាជ្ញាធររបស់ប្រទេសនេះ កំពុងព្យាយាមបន្ថយកំហឹងរបស់សាធារណជនចំពោះការកើនឡើងនៃតម្លៃ ដោយសារតែភាពវឹកវរ និងភពតានតឹងកាន់តែខ្លាំងឡើងជាមួយសហរដ្ឋអាមេរិក។

ជុំវិញការធ្លាក់ចុះនៃតម្លៃប្រាក់ Rial នេះ​ បានកើតឡើងបន្ទាប់ពីមានការប្រែប្រួលយ៉ាងខ្លាំងគិតចាប់តាំងពីចុងខែធ្នូមក នៅពេលដែលរូបិយប័ណ្ណរបស់ប្រទេសនេះ បានធ្លាក់ចុះជាបន្តបន្ទាប់ ដែលបង្ករឡើងដោយការតវ៉ានៅទីក្រុងតេអេរ៉ង់ និងទីក្រុងធំផ្សេងទៀត ខណៈធ្វើឲ្យវិបត្តិនយោបាយរបស់អ៊ីរ៉ង់ កាន់តែធ្លាក់ដុនដាបខ្លាំង។

យ៉ាងណាមិញ​ ជុំវិញបញ្ហានេះ រដ្ឋបាលរបស់ប្រធានាធិបតី លោក Masoud Pezeshkian បានបង្ហាញសញ្ញាថាខ្លួននឹងផ្លាស់ប្តូរការគាំទ្រឆ្ពោះទៅរកគ្រួសារ រួមទាំងគម្រោងឥណទានអេឡិចត្រូនិកប្រចាំខែ ឬប័ណ្ណបញ្ចុះតម្លៃដែលមានគោលបំណងជួយសម្រួលដល់គ្រួសារដែលមានប្រាក់ចំណូលទាបពីការកើនឡើងនៃតម្លៃ ខណៈដែលរបបឧបត្ថម្ភធនត្រូវបានកាត់បន្ថយ។

ជម្រាបជូនថា សេដ្ឋកិច្ចអ៊ីរ៉ង់ត្រូវបានរងផលប៉ះពាល់ដោយទណ្ឌកម្មជាច្រើនឆ្នាំ និងអតិផរណារ៉ាំរ៉ៃ ហើយប្រជាជនអ៊ីរ៉ង់ជាច្រើនបានងាកទៅរករូបិយប័ណ្ណរឹងរាំផ្សេងទៀត និងមាស ក្នុងអំឡុងពេលមានភាពមិនប្រាកដប្រជាខាងនយោបាយ និងសេដ្ឋកិច្ច៕​

The post រូបិយប័ណ្ណអ៊ីរ៉ង់ ធ្លាក់ចុះដល់បាត ក្រោយភាពតានតឹងជាមួយអាមេរិក និងភាពវឹកវរផ្ទៃក្នុង appeared first on .

បើតាមធនាគារកណ្តាលចិនបានបញ្ជាក់ថា កិច្ចព្រមព្រៀងដោះដូរនេះ នឹងមានសុពលភាពរយៈពេលបីឆ្នាំ ហើយអាចបន្តកិច្ចព្រមព្រៀងទៅវិញទៅមក នឹងជួយពង្រឹងកិច្ចសហប្រតិបត្តិការហិរញ្ញវត្ថុ ពង្រីកការប្រើប្រាស់រូបិយប័ណ្ណក្នុងស្រុក ក៏ដូចជាលើកកម្ពស់ពាណិជ្ជកម្ម និងការវិនិយោគ រវាងទីក្រុងរីយ៉ាដ និងទីក្រុងប៉េកាំង។

ពាណិជ្ជករម្នាក់បាននិយាយថា ប្រធានាធិបតីចិនលោក ស៊ី ជិនពីង បានប្រាប់មេដឹកនាំអារ៉ាប៊ីសាអូឌីតកាលពីខែធ្នូឆ្នាំមុនថា ប្រទេសចិននឹងទិញប្រេង ព្រមទាំងឧស្ម័នជាប្រាក់យន់ ក៏ប៉ុន្តែចិនមិនទាន់បានប្រើប្រាស់រូបិយប័ណ្ណ សម្រាប់ការទិញប្រេងរបស់អារ៉ាប៊ីសាអូឌីតនៅឡើយទេ។

គួររម្លឹកផងដែរថា កាលពីក្នុងឆ្នាំ ២០២២ ប្រទេសចិនបាននាំចូលប្រេងឆៅពីអារ៉ាប៊ីសាអូឌីតក្នុងទំហំទឹកប្រាក់ ៦៥ ពាន់លានដុល្លារ ដែលស្មើនឹងប្រហែល ៨៣% នៃការនាំចេញសរុបរបស់ព្រះរាជាណាចក្រ ទៅកាន់ប្រទេសយក្សអាស៊ី។

មួយវិញទៀត ទីក្រុងប៉េកាំងត្រូវបានគេមើលឃើញថា មានបណ្តាញរៀបចំការប្តូររូបិយប័ណ្ណដ៏ធំបំផុតរបស់ពិភពលោក ដែលមានយ៉ាងហោចណាស់ ៤០ ប្រទេស ប៉ុន្តែកម្របង្ហាញពីលក្ខខណ្ឌទូលំទូលាយនៃការរៀបចំរបស់ខ្លួនណាស់។

ជម្រាបបន្ថែមថា អារ៉ាប៊ីសាអូឌីត ដែលជាប្រទេសនាំចេញប្រេងកំពូលរបស់ពិភពលោក និងប្រទេសចិនដែលជាអ្នកប្រើប្រាស់ថាមពលដ៏ធំបំផុតរបស់ពិភពលោក បានធ្វើការយ៉ាងស៊ីជម្រៅលើទំនាក់ទំនងអ៊ីដ្រូកាបូននៅប៉ុន្មានឆ្នាំថ្មីៗនេះ ដោយពង្រីកបានកិច្ចសហប្រតិបត្តិការ លើវិស័យដូចជាសន្តិសុខ និងបច្ចេកវិទ្យាផងដែរ៕

The post ចិន និងអារ៉ាប៊ីសាអូឌីត​ ចុះកិច្ចព្រមព្រៀងប្តូររូបិយប័ណ្ណក្នុងស្រុក appeared first on .