នៅលើបណ្តាញសង្គម កាលពីថ្ងៃទី២៩ ខែកញ្ញា ឆ្នាំ២០២៦ អ្នកឧកញ៉ាប្រធាន បានលើកឡើងថា លោកពិតជាមានមោទនភាពក្នុងការអបអរសាទរសមិទ្ធផលដ៏សំខាន់មួយទៀត ក្នុងឱកាសដែលក្រុមហ៊ុន សែលកាត ប្រារព្ធខួប៣០ឆ្នាំនៃការបម្រើអតិថិជននៅកម្ពុជា ជាមួយនឹងការចុះហត្ថលេខាលើអនុស្សរណៈនៃការយោគយល់គ្នាជាយុទ្ធសាស្ត្រ ជាមួយក្រុមហ៊ុន Huawei ដោយប្តេជ្ញាវិនិយោគបន្ថែមក្នុងទំហំទឹកប្រាក់ ៣០០លានដុល្លារអាម៉េរិក ដើម្បីចូលរួមកសាងអនាគតឌីជីថលរបស់កម្ពុជា។

អ្នកឧកញ៉ា បន្តបែបនេះថា៖ នៅក្រុមហ៊ុន រ៉ូយ៉ាល់ គ្រុប ខ្ញុំតែងតែជឿជាក់យ៉ាងមុតមាំលើសក្តានុពលរបស់ធុរកិច្ចកម្ពុជាក្នុងការរីកចម្រើន ប្រកួតប្រជែងលើឆាកអន្តរជាតិ និងចូលរួមចំណែកយ៉ាងសំខាន់ក្នុងការអភិវឌ្ឍប្រទេសជាតិ​របស់​យើង។ ការវិនិយោគថ្មីនេះគឺជាការបន្តពង្រឹងភាពជាដៃគូដ៏យូរអង្វែងជាមួយក្រុមហ៊ុន Huawei ដែលបានចាប់ផ្តើមតាំងពីឆ្នាំ១៩៩៩ ហើយនឹងផ្តោតលើការពង្រីកបណ្តាញ៥Gជំនាន់ថ្មី ការជំរុញការអភិវឌ្ឍបច្ចេកវិទ្យាបញ្ញាសិប្បនិម្មិត(AI) និងបច្ចេកវិទ្យា Cloud ការធ្វើទំនើបកម្មមជ្ឈមណ្ឌលទិន្នន័យឌីជីថល ព្រមទាំងការពង្រឹងហេដ្ឋារចនាសម្ព័ន្ធទូរគមនាគមន៍នៅទូទាំងប្រទេស”។

រយៈពេលបីទសវត្សរ៍មកនេះ ក្រុមហ៊ុន សែលកាត បានវិនិយោគទឹកប្រាក់សរុបប្រមាណ ៥,៦ប៊ីលានដុល្លារអាម៉េរិកនៅកម្ពុជា ដោយបានចូលរួមតភ្ជាប់សហគមន៍ បង្កើតឱកាសការងារ គាំទ្រដល់ការរីកចម្រើនរបស់ធុរកិច្ចក្នុងស្រុក និងរួមចំណែកអភិវឌ្ឍសេដ្ឋកិច្ចឌីជីថលរបស់ប្រទេសកម្ពុជា។

សម្រាប់អ្នកឧកញ៉ា សមិទ្ធផលដ៏សំខាន់នេះមិនមែនគ្រាន់តែជាការវិនិយោគលើបច្ចេកវិទ្យា ឬតួលេខទឹកប្រាក់វិនិយោគប៉ុណ្ណោះទេ ប៉ុន្តែក៏ជាសក្ខីភាពដែលបង្ហាញពីសមត្ថភាពរបស់ក្រុមហ៊ុនខ្មែរមួយ ក្នុងការសម្រេចបាននូវសមិទ្ធផលធំៗ តាមរយៈចក្ខុវិស័យវែងឆ្ងាយ ការប្តេជ្ញាចិត្ត និងកិច្ចសហប្រតិបត្តិការជាមួយដៃគូអន្តរជាតិ។ ក្នុងនាមជាបុត្រសម្ព័ន្ធរបស់ក្រុមហ៊ុន រ៉ូយ៉ាល់ គ្រុប ក្រុមហ៊ុន សែលកាត បានឆ្លុះបញ្ចាំងពីការប្តេជ្ញាចិត្តរបស់យើងក្នុងការកសាងធុរកិច្ចកម្ពុជាឱ្យកាន់តែរឹងមាំ តាមរយៈការនាំយកបច្ចេកវិទ្យាលំដាប់ពិភពលោក និងការបង្កើតឱកាសថ្មីៗជូនប្រជាជនកម្ពុជា។

“ខ្ញុំក៏សូមកោតសរសើរ និងអរគុណរាជរដ្ឋាភិបាលកម្ពុជា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត ចំពោះកិច្ចខិតខំប្រឹងប្រែងឥតឈប់ឈរក្នុងការពង្រឹងបរិយាកាសវិនិយោគនៅកម្ពុជា និងជំរុញការធ្វើបរិវត្តកម្មឌីជីថលរបស់ប្រទេសជាតិយើង។ ក្នុងឱកាសអបអរសាទរខួប៣០ឆ្នាំនេះ មហិច្ឆតា និងការប្តេជ្ញាចិត្តរបស់យើងនៅតែមិនផ្លាស់ប្តូរទ្បើយ គឺយើងបន្តវិនិយោគនៅកម្ពុជា ដោយបង្កើនសមត្ថភាព និងបង្កើតឱកាសដើម្បីប្រជាជនយើង ព្រមទាំងកសាងមូលដ្ឋានគ្រឹះឌីជីថលឱ្យកាន់តែរឹងមាំសម្រាប់មនុស្សជំនាន់ក្រោយ”។ អ្នកឧកញ៉ា បានបន្ថែម។

អ្នកឧកញ៉ា គិត ម៉េង បានគូសបញ្ជាក់ទៀតថា ឫសគល់ និងអត្តសញ្ញាណរបស់យើងជាខ្មែរ។ មហិច្ឆតារបស់យើងគឺឈានទៅកាន់ឆាកអន្តរជាតិ។ ការប្តេជ្ញាចិត្តរបស់យើងដើម្បីកម្ពុជា នៅតែមុតមាំឥតប្រែប្រួល។ មោទនភាពជាតិខ្មែរ៕

The post អ្នកឧកញ៉ា គិត ម៉េង ប្រកាសពង្រីកហេដ្ឋារចនាសម្ព័ន្ធទូរគមនាគមន៍នៅទូទាំងប្រទេសកម្ពុជា ក្រោយក្រុមហ៊ុន សែលកាត ចុះ MoU ជាមួយ Huawei appeared first on .

គម្រោង The Ritz-Carlton Phnom Penh និង The Ritz-Carlton Residences Phnom Penh កំពុងត្រូវបានអភិវឌ្ឍដោយ ក្រុមហ៊ុន Royal Group International ដែលជាសមាជិកនៃ ក្រុមហ៊ុន Royal Group ជាក្រុមហ៊ុនវិនិយោគពោរពេញយុទ្ធសាស្ត្រឈានមុខគេមួយរបស់កម្ពុជា។

អ្នកឧកញ៉ា គិត ម៉េង​ ប្រធានក្រុមប្រឹក្សាភិបាល និង នាយកប្រត្តិបត្តិនៃក្រុមហ៊ុន រ៉ូយ៉ាល់គ្រុប បានមានប្រសាសន៍ថា៖ «យើងមានសេចក្តីរីករាយយ៉ាងខ្លាំងដែលបានសហការជាមួយក្រុមហ៊ុន Marriott International ដើម្បីនាំយកម៉ាកសញ្ញា The Ritz-Carlton មកកាន់ប្រទេសកម្ពុជាជាលើកដំបូង»។

លោកបានបន្តថា៖ «ក្រោមការដឹកនាំដ៏ឈ្លាសវៃរបស់សម្តេចមហាបវរធីបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កម្ពុជាកំពុងបន្តផ្តល់អាទិភាពដល់ការផ្លាស់ប្តូរទីក្រុង ការតភ្ជាប់ហេដ្ឋារចនាសម្ព័ន្ធ និងការធ្វើពិពិធកម្មសេដ្ឋកិច្ច ដែលជាមូលដ្ឋានដ៏រឹងមាំសម្រាប់ការអភិវឌ្ឍអចលនទ្រព្យលំដាប់ខ្ពស់  វិស័យបដិសណ្ឋារកិច្ច និងគម្រោងអភិវឌ្ឍន៍ចម្រុះ។ គម្រោងដ៏សំខាន់នេះ នឹងក្លាយជាសំណង់ស្ថាបត្យកម្មដ៏លេចធ្លោ និងជានិមិត្តរូបមួយក្នុងចំណោមទីតាំងសំខាន់ៗបំផុតលើផ្ទៃដីនៃរាជធានីភ្នំពេញ ព្រមទាំងជានិមិត្តរូបនៃភាពរីកចម្រើន និងវិបុលភាពសម្រាប់ប្រទេសកម្ពុជាទាំងមូល។ គម្រោងសណ្ធាគារThe Ritz-Carlton Phnom Penh នឹងផ្តល់សេវាកម្ម និងបទពិសោធន៍ដ៏ប្រណីតសម្រាប់អ្នកដំណើរអភិជន ដែលចង់បានសេវាកម្មលំដាប់ខ្ពស់មកពីជុំវិញពិភពលោក ខណៈដែល គម្រោងThe Ritz-Carlton Residences Phnom Penh នឹងតំណាងឱ្យការរស់នៅប្រកបដោយភាពប្រណីតបំផុត។ ខ្ញុំបាទទន្ទឹងរង់ចាំការបន្តសហការជាមួយក្រុមហ៊ុន Marriott ដើម្បីធ្វើឱ្យគម្រោងដ៏អស្ចារ្យនេះក្លាយជាការពិត»។

លោក Brad Edman អនុប្រធានប្រចាំទីផ្សារសម្រាប់ប្រទេសកម្ពុជា ឡាវ មីយ៉ាន់ម៉ា និងថៃ នៃ Marriott International បានមានប្រសាសន៍ថា៖ «ម៉ាកសញ្ញា The Ritz-Carlton ជាម៉ាកសញ្ញាដែលតំណាងដល់គោលដៅដែលមានសារៈសំខាន់ផ្នែកវប្បធម៌ និងមានភាពទាក់ទាញយូរអង្វែង ហើយរាជធានីភ្នំពេញបានឆ្លុះបញ្ចាំងយ៉ាងពេញលេញនូវសក្តានុពល និងភាពរស់រវើក ដែលយើងស្វែងរកនៅក្នុងទីក្រុងដ៏អស្ចារ្យនានាក្នុងពិភពលោក»។ លោកបានបន្តថា៖ «តាមរយៈការរួមបញ្ចូលទីតាំងដ៏ល្អឥត

ខ្ចោះនៅចំកណ្តាលទីក្រុង ជាមួយនឹងសេវាកម្មដ៏ល្បីល្បាញ ការរចនាប្រកបដោយភាពទំនើប ព្រមទាំងការប្រមូលផ្តុំនូវបន្ទប់ស្នាក់នៅរបស់សណ្ឋាគារ និងលំនៅឋានក្រោមម៉ាកយីហោដ៏លេចធ្លោមួយនោះគឺ The Ritz-Carlton Phnom Penh និង The Ritz-Carlton Residences Phnom Penh ហើយបានរំពឹងថា នឹងកំណត់ស្តង់ដារថ្មីសម្រាប់ការរស់នៅប្រកបដោយភាពប្រណីត និងលើកតម្កើងវិស័យបដិសណ្ឋារកិច្ចនៅក្នុងរាជធានីភ្នំពេញ»។

ស្ថិតនៅទីតាំងដ៏មានសក្តានុពលលេចធ្លោតាមបណ្តោយមហាវិថីព្រះនរោត្តម ដែលជាមហាវិថីសំខាន់មួយក្នុងខណ្ឌដូនពេញ នៃរាជធានីភ្នំពេញ សណ្ឋាគារ The Ritz-Carlton Phnom Penh និង គម្រោង The Ritz-Carlton Residences Phnom Penh​ គ្រោងថានឹងក្លាយជាផ្នែកមួយនៃគម្រោងអភិវឌ្ឍន៍ចម្រុះថ្មីមួយ ដែលរួមបញ្ចូលទាំងអគារការិយាល័យលំដាប់ Grade A ផងដែរ។ នៅពេលបើកដំណើរការ ភ្ញៀវក្នុងសណ្ឋាគារ និងអ្នករស់នៅ នឹងទទួលបានភាពងាយស្រួលក្នុងការធ្វើដំណើរទៅកាន់តំបន់ទាក់ទាញផ្នែកវប្បធម៌ និងពាណិជ្ជកម្មសំខាន់ៗរបស់រាជធានី ដូចជា ផ្សារធំថ្មី ព្រះបរមរាជវាំង និងសារមន្ទីរជាតិកម្ពុជា ខណៈដែលអាកាសយានដ្ឋានអន្តរជាតិតេជោថ្មីរបស់រាជធានីភ្នំពេញ ស្ថិតនៅចម្ងាយត្រឹមតែ ២០ គីឡូម៉ែត្រប៉ុណ្ណោះ។

គម្រោង The Ritz-Carlton Phnom Penh នឹងមានបន្ទប់ស្នាក់នៅប្រណីតៗចំនួន ១៥២ បន្ទប់ ដែលផ្តល់ទេសភាពដ៏ស្រស់ស្អាតនៃរាជធានីភ្នំពេញ និងទន្លេមេគង្គ។ ការរចនាក៏រួមបញ្ចូលនូវអាងហែលទឹក Infinity Pool នៅខាងក្រៅ មជ្ឈមណ្ឌលហាត់ប្រាណដែលបំពាក់ដោយសម្ភារៈទំនើបៗ ក៏មានផងដែរ The Ritz-Carlton Spa ព្រមទាំងភោជនីយដ្ឋាន និងកន្លែងទទួលភ្ញៀវចំនួន ៥ ដែលរួមមាន Sky Bar និង Club Lounge ឯកជនផ្តាច់មុខ ដើម្បីផ្តល់ជូននូវបទពិសោធន៍នៃការរស់នៅប្រកបដោយភាពប្រណីត និងសុខុមាលភាពកម្រិតខ្ពស់ដល់អ្នកទីក្រុង។ សម្រាប់អ្នករៀបចំកិច្ចប្រជុំ គម្រោងនេះត្រូវបានរំពឹងថា នឹងមានទីតាំងសម្រាប់សន្និសីទ និងពិធីជប់លៀងដែលមានផ្ទៃក្រឡាសរុបប្រមាណ ១,៧០០ ម៉ែត្រការ៉េ រួមទាំង Grand Ballroom ដ៏ប្រណីត ដែលនឹងផ្តល់នូវទីតាំងដ៏ស័ក្តិសមសម្រាប់ការរៀបចំសន្និសីទសាជីវកម្ម និងពិធីមង្គលការដ៏ពិសេសដែលមិនអាចប្រៀបផ្ទឹមបាន។

ចាប់ពីជាន់ទី ៣០ ដល់ជាន់ទី ៦០ នៃអគារ The Ritz-Carlton Residences Phnom Penh នឹងក្លាយជាគម្រោងលំនៅឋានក្រោមម៉ាកយីហោប្រណីត Ultra-Luxury ដំបូងគេបង្អស់នៅកម្ពុជា ដោយកំណត់ស្តង់ដារថ្មីសម្រាប់បដិសណ្ឋារកិច្ចលំដាប់អន្តរជាតិ និងការរស់នៅប្រណីតដែលផ្តោតលើសុខុមាលភាព។ គម្រោងនេះត្រូវបានរំពឹងថា នឹងផ្តល់ជូនជម្រើសលំនៅឋានចម្រុះសម្រាប់កម្មសិទ្ធិឯកជន រួមមានយូនីតដែលមាន ២ បន្ទប់គេង ៣ បន្ទប់គេង និង ៤ បន្ទប់គេង។ ផែនការនៃគម្រោងក៏រួមបញ្ចូលលំនៅឋានឌុយប្លិច (Duplex) ដ៏ធំទូលាយចំនួន ៤ យូនីត និងផេនហោស៍ (Penthouses) ដ៏អស្ចារ្យចំនួន ៩ យូនីត ដែលផ្តល់នូវផ្ទៃរស់នៅដ៏ធំទូលាយ ការរចនាដ៏ពិសេស និងទេសភាពបែបប៉ាណូរ៉ាម៉ាដ៏ធំទូលាយ ជាពិសេសទេសភាពដ៏អស្ចារ្យដែលអាចមើលឃើញចំណុចប្រសព្វនៃទន្លេចតុមុខ ដែលជាទីតាំងដ៏ល្បីល្បាញរបស់រាជធានីភ្នំពេញ។ បរិក្ខារ និងសេវាកម្ម សម្រាប់អ្នកស្នាក់នៅត្រូវបានរចនាឡើងដោយបានគិតគូរដល់បទពិសោធន៍នៃការចូលមកដល់អគារ ដោយមានកន្លែងទទួលភ្ញៀវដាច់ដោយឡែក ព្រមទាំងបរិក្ខារលំដាប់ពិភពលោកជាច្រើន រួមមាន Residence Lounge  បណ្ណាល័យ និងកន្លែងធ្វើការរួមគ្នា (Co-working Space) អាងហែលទឹក កន្លែងក្មេងលេង កន្លែងទទួលទានអាហារ និងកម្សាន្តបែបឯកជន ឧបករណ៍ហាត់វាយកូនហ្គោល (Golf Simulator) និងសេវាកម្មប្រណីតៗជាច្រើនទៀត។

អំពីក្រុមហ៊ុន The Ritz-Carlton Hotel Company, LLC

ផ្តល់ជូននូវស្តង់ដារសេវាកម្មដ៏ប្រណិតឈានមុខគេនៅតាមគោលដៅទេសចរណ៍ដ៏មានកិត្យានុភាពជុំវិញពិភពលោក ក្រុមហ៊ុន The Ritz-Carlton Hotel Company LLC បច្ចុប្បន្នមានសណ្ឋាគារចំនួន ១២៥ នៅក្នុងប្រទេសនិងដែនដីចំនួន ៣៧។ ចាប់ពីគោលដៅទីក្រុងដ៏ល្បីល្បាញ រហូតដល់តំបន់ស្រស់ស្អាតដូចឋានសួគ៌លើដីដ៏ល្អឯកនានានៅជុំវិញពិភពលោក The Ritz-Carlton ផ្តល់ជូននូវបទពិសោធន៍សម្រាកលំហែដ៏ពិសេស ដែលបន្សល់ទុកនូវអនុស្សាវរីយ៍ដែលមិនអាចបំភ្លេចបានបើទោះជាពួកគេបានត្រឡប់ទៅផ្ទះវិញ។ ដោយប្តេជ្ញាចិត្តចំពោះការច្នៃប្រឌិតដែលបានគិតគូរវែងឆ្ងាយ និងមានអត្ថន័យ The Ritz-Carlton បានពង្រីកម៉ាកសញ្ញារបស់ខ្លួនតាមរយៈម៉ាកសញ្ញាដ៏មានភាពច្នៃប្រឌិតពីរទៀត គឺ Ritz-Carlton Reserve និង The Ritz-Carlton Yacht Collection។ Ritz-Carlton Reserve គឺជាប្រភេទនៃអចលនទ្រព្យដ៏កម្រនិងពិសេស ស្ថិតនៅដាច់ដោយឡែកពីពិភពលោក ដែលការយកចិត្តទុកដាក់តាមតម្រូវការផ្ទាល់ខ្លួន និងការស្វែងយល់យ៉ាងស៊ីជម្រៅអំពីវប្បធម៌ក្នុងតំបន់ ដែលជាចំណុចផ្តោតដ៏សំខាន់បំផុត។ ចំណែក The Ritz-Carlton Yacht Collection នាំយកសេវាកម្ម និងបដិសណ្ឋារកិច្ចដ៏ល្បីល្បាញរបស់ម៉ាកយីហោនៅតាមមាត់សមុទ្រ ដោយបង្កើតនូវទស្សនៈថ្មីចំពោះបទពិសោធន៍ជិះទូកកម្សាន្តប្រណីតកម្រិតខ្ពស់បំផុត។ ព័ត៌មានបន្ថែមចូលទៅកាន់ www.ritzcarlton.com (http://www.ritzcarlton.com/) សម្រាប់ព័ត៌មានថ្មីៗចុងក្រោយ ចូលទៅកាន់ news.marriott.com (http://news.marriott.com/) ចូលរួមសន្ទនា #RCMemories ហើយចុច follow លើFacebook (https://www.facebook.com/ritzcarlton/), X (https://x.com/RitzCarlton), និង Instagram (https://www.instagram.com/ritzcarlton/)​។ ក្រុមហ៊ុន The Ritz-Carlton Hotel Company, L.L.C. គឺជាក្រុមហ៊ុនបុត្រសម្ព័ន្ធដែលជាកម្មសិទ្ធិទាំងស្រុងរបស់ Marriott International, Inc. (NASDAQ:MAR)។ The Ritz-Carlton មានមោទនភាពដែលបានចូលរួមជាផ្នែកមួយនៃ Marriott Bonvoy® ដែលជាកម្មវិធីធ្វើដំណើរទូទាំងពិភពលោករបស់ Marriott International។ កម្មវិធីនេះផ្តល់ជូនសមាជិកនូវបណ្តុំម៉ាកយីហោលំដាប់ពិភពលោកដ៏អស្ចារ្យ និងបទពិសោធន៍ផ្តាច់មុខ Marriott Bonvoy Moments (https://moments.marriottbonvoy.com/) ព្រមទាំងអត្ថប្រយោជន៍ដ៏ពិសេសដែលមិនអាចប្រៀបផ្ទឹមបាន រួមមានការស្នាក់នៅដោយឥតគិតថ្លៃ និងការទទួលស្គាល់ស្ថានភាពសមាជិក Elite។ ដើម្បីចុះឈ្មោះចូលជាសមាជិកដោយឥតគិតថ្លៃ ឬសម្រាប់ព័ត៌មានបន្ថែមអំពីកម្មវិធីនេះ សូមចូលទៅកាន់ marriottbonvoy.com (https://www.marriott.com/loyalty.mi)។ The Ritz-Carlton ប្តេជ្ញាចិត្តក្នុងការគាំទ្រដល់គោលដៅនានាដែលខ្លួនប្រតិបត្តិការ តាមរយៈកម្មវិធី Community Footprints ដែលជាកម្មវិធីរបស់ក្រុមហ៊ុនស្តីពីការទទួលខុសត្រូវផ្នែកសង្គម និងបរិស្ថាន។



អំពីក្រុមហ៊ុន Marriott International

ក្រុមហ៊ុន Marriott International, Inc. (Nasdaq: MAR) មានទីស្នាក់ការកណ្តាលនៅទីក្រុង Bethesda រដ្ឋ Maryland សហរដ្ឋអាមេរិក និងមានបណ្តុំម៉ាកយីហោដ៏ទាក់ទាញជាច្រើននៅក្នុងប្រភេទសេវាកម្មប្រណីត កម្រិត Premium កម្រិត Select កម្រិត Midscale សម្រាប់ការស្នាក់នៅរយៈពេលវែង និងសេវាកម្មស្នាក់នៅបែប All-Inclusive។ គិតត្រឹមថ្ងៃទី ៣០ ខែមិថុនា ឆ្នាំ ២០២៦ ក្រុមហ៊ុនមានអចលនទ្រព្យជាង ១០,០០០ កន្លែង នៅក្នុងប្រទេស និងដែនដីចំនួន ១៤៨។ Marriott ធ្វើអាជីវកម្មតាមរយៈការផ្តល់សិទ្ធិអាជីវកម្ម (franchise) ប្រតិបត្តិការដោយផ្ទាល់ និងការផ្តល់អាជ្ញាបណ្ណលើផលិតផល និងសេវាកម្មស្នាក់នៅជាច្រើនប្រភេទ រួមមានសណ្ឋាគារ លំនៅដ្ឋាន កម្មសិទ្ធិសម្រាប់ស្នាក់នៅតាមរយៈ Timeshare ទូកកម្សាន្ត កន្លែងស្នាក់នៅបែប Outdoor និងផលិតផលស្នាក់នៅប្រភេទផ្សេងៗទៀត នៅទូទាំងពិភពលោក។ ក្រុមហ៊ុនក៏ផ្តល់ជូន Marriott Bonvoy® ដែលជាវេទិកាធ្វើដំណើរដ៏ល្បីល្បាញ និងទទួលបានពានរង្វាន់ជាច្រើនរបស់ខ្លួន។ សម្រាប់ព័ត៌មានបន្ថែម សូមចូលទៅកាន់គេហទំព័ររបស់យើងនៅ www.marriott.com (https://www.marriott.com/) សម្រាប់ព័ត៌មានថ្មីៗបំផុតរបស់ក្រុមហ៊ុន សូមចូលទៅកាន់www.marriottnewscenter.com (https://www.marriottnewscenter.com/)។ លើសពីនេះ សូមភ្ជាប់ទំនាក់ទំនងជាមួយយើងខ្ញុំតាមរយៈ Facebook (https://www.facebook.com/marriottinternational/) និង @MarriottIntl លើ X (https://x.com/MarriottIntl) និង Instagram (https://www.instagram.com/marriottintl/).

អំពីក្រុមហ៊ុន  Royal Group

បង្កើតឡើងក្នុងឆ្នាំ ១៩៩១ Royal Group គឺជាក្រុមហ៊ុនវិនិយោគ និងកាន់កាប់អាជីវកម្មយុទ្ធសាស្ត្រឈានមុខគេរបស់កម្ពុជា និងជាក្រុមសាជីវកម្មអាជីវកម្មដ៏សកម្ម និងមានភាពចម្រុះឈានមុខមួយរបស់កម្ពុជា។ អស់រយៈពេលជាងបីទសវត្សរ៍មកនេះ Royal Group បានដើរតួនាទីយ៉ាងសំខាន់ក្នុងការគាំទ្រកំណើនសេដ្ឋកិច្ចកម្ពុជាតាមរយៈការវិនិយោគក្នុងវិស័យយុទ្ធសាស្ត្រសំខាន់ៗ ដែលជំរុញការអភិវឌ្ឍប្រកបដោយចីរភាព និងបង្កើតតម្លៃក្នុងរយៈពេលវែង។

បណ្តុំអាជីវកម្មចម្រុះរបស់ Royal Group គ្របដណ្តប់លើវិស័យជាច្រើន រួមមាន ធនាគារ និងហិរញ្ញវត្ថុ ធានារ៉ាប់រង វិនិយោគ ទូរគមនាគមន៍ អគ្គិសនី និងថាមពល ដឹកជញ្ជូន ប្រព័ន្ធផ្សព្វផ្សាយ និងកម្សាន្ត សុខាភិបាល សណ្ឋាគារ និងរីសត អប់រំ អភិវឌ្ឍអចលនទ្រព្យ ពាណិជ្ជកម្ម តំបន់សេដ្ឋកិច្ចពិសេស និងពាណិជ្ជកម្មលក់រាយ។

ដោយឈរលើការប្តេជ្ញាចិត្តចំពោះការច្នៃប្រឌិត ឧត្តមភាពក្នុងប្រតិបត្តិការ និងការអនុវត្តអាជីវកម្មប្រកបដោយការទទួលខុសត្រូវ Royal Group បន្តអភិវឌ្ឍសហគ្រាសឈានមុខក្នុងវិស័យនានា ដែលរួមចំណែកដល់វឌ្ឍនភាពរបស់កម្ពុជា ខណៈពេលដែលបង្កើតតម្លៃប្រកបដោយចីរភាពសម្រាប់ភាគីពាក់ព័ន្ធ ដៃគូ អតិថិជន និងសហគមន៍។

សម្រាប់ព័ត៌មានបន្ថែម សូមចូលទៅកាន់គេហទំព័ររបស់ Royal Group: https://www.royalgroup.com.kh/

The post រ៉ូយ៉ាល់ គ្រុប ចុះហត្ថលេខាលើកិច្ចព្រមព្រៀងជាមួយ Marriott International ដើម្បីនាំយកម៉ាកសញ្ញា The Ritz-Carlton មកបើកដំណើរការជាលើកដំបូងនៅកម្ពុជា appeared first on .

ក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង បានឱ្យដឹងថា ពិធីសូត្រមន្តនេះជាការបង្ហាញអំពីភាពរួចរាល់ និង ត្រៀមខ្លួនរួចជាស្រេចក្នុងការស្វាគមន៍អ្នកជួល ចូលមកប្រត្តិបត្តិការនៅអគារការិយាល័យលំដាប់ខ្ពស់ (Grade A) ថ្មីជាងគេ ដែលមានបំពាក់ដោយបច្ចេកវិទ្យាទំនើបៗ។

គួររំឭកថា កាលថ្ងៃទី៦ ខែមករា ឆ្នាំ២០២៦ កន្លងទៅ អ្នកឧកញ៉ា គិត ម៉េង ប្រធានក្រុមប្រឹក្សាភិបាល និងជានាយកប្រត្តិបត្តិនៃក្រុមហ៊ុន រ៉ូយ៉ាល់គ្រុប ក៏បានអញ្ជើញដៃគូរពាណិជ្ជកម្មទៅទស្សនា អគារ Royal Group Central Tower ដែលជាអគារការិយាល័យលំដាប់ខ្ពស់ Grade A ស្ថិតចំកណ្តាលក្រុងនេះផងដែរ៕

The post អគារ Royal Group Central Tower របស់អ្នកឧកញ៉ា គិត ម៉េង បើកដំណើរការជាផ្លូវការ ដោយមានរៀបចំពិធីសូត្រមន្តប្រោះព្រំ​បែបប្រពៃណីខ្មែរ appeared first on .

ក្រុមហ៊ុន រ៉ូយ៉ាល់គ្រុប បង្កើតឡើងក្នុងឆ្នាំ ១៩៩១ ជាក្រុមហ៊ុនគ្រប់គ្រងការវិនិយោគជាយុទ្ធសាស្រ្តរបស់ប្រទេសកម្ពុជា។ រ៉ូយ៉ាល់គ្រុប ត្រូវបានទទួលស្គាល់ថាជាក្រុមហ៊ុនអាជីវកម្មដែលមានថាមពល និងចម្រុះបំផុតរបស់ប្រទេស ដែលវិនិយោគលើវិស័យជាច្រើន រួមមាន ធនាគារ និងហិរញ្ញវត្ថុ ធានារ៉ាប់រង ទូរគមនាគមន៍ ថាមពល ការដឹកជញ្ជូន ប្រព័ន្ធផ្សព្វផ្សាយ ការកម្សាន្ត សណ្ឋាគារ និងរមណីយដ្ឋាន ការអប់រំ ការអភិវឌ្ឍន៍អចលនទ្រព្យ ពាណិជ្ជកម្ម និងតំបន់សេដ្ឋកិច្ចពិសេស។

ក្រសួងមហាផ្ទៃ ត្រូវបានបង្កើតឡើងនៅថ្ងៃទី២៤ ខែមករា ឆ្នាំ១៩៩៦ មានសមត្ថកិច្ច ដឹកនាំគ្រប់គ្រងរដ្ឋបាលដែនដីគ្រប់ថ្នាក់ លើវិស័យរដ្ឋបាល ដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា៕

The post អ្នកឧកញ៉ា គិត ម៉េង ទទួលដំណើរឧបនាយករដ្ឋមន្ត្រី ស សុខា និងប្រតិភូក្រសួងមហាផ្ទៃ ចុះទស្សនកិច្ចក្រុមហ៊ុន រ៉ូយ៉ាល់គ្រុប appeared first on .

យោងតាមការព្យាករណ៍របស់អាជ្ញាធរអគ្គិសនីកម្ពុជា ប្រសិនបើរោងចក្រនេះដំណើរការនៅថ្ងៃនេះ វានឹងតំណាងឲ្យ១៨% នៃសមត្ថភាពផលិតថាមពលសរុបក្នុងស្រុក ហើយវានឹងផលិតបានស្មើនឹង២៦% នៃទិន្នផលថាមពលក្នុងស្រុកនៅព្រះរាជាណាចក្រកម្ពុជា។ បន្ថែមពីនោះ រោងចក្រថាមពលរបស់ក្រុមហ៊ុន រ៉ូយ៉ាល់ គ្រុប ក៏ត្រូវបានចាត់ទុកថាជារោងចក្រថាមពលប្រើហ្គាសដំបូងបង្អស់របស់ប្រទេសកម្ពុជាផងដែរ។

ទន្ទឹមនឹងនោះ កាលដែលប្រើប្រាស់ហ្គាស នោះសបញ្ជាក់ថាក្រុមហ៊ុននឹងមានការនាំចូលឧស្ម័នធម្មជាតិរាវពីបរទេស។ ឧស្ម័នធម្មជាតិត្រូវបានប្រកាសដោយសហភាពអឺរ៉ុប នៅខែកុម្ភៈ ឆ្នាំ២០២២ ថាជាប្រេងឥន្ធនៈអាចផ្លាស់ប្តូរបាន។ ជាទូទៅ វាត្រូវបានគេទទួលស្គាល់ថា ជាថាមពលស្អាតជាងធ្យូងថ្ម ៥០ទៅ៦០% ដូច្នេះហើយរោងចក្ររបស់ក្រុមហ៊ុន រ៉ូយ៉ាល់ គ្រុប មួយនេះ នឹងដើរតួនាទីយ៉ាងសំខាន់នៅក្នុងការផ្លាស់ប្តូរថាមពលកម្ពុជា ទៅរកការបំភាយសារធាតុកាបូនសូន្យភាគរយ នៅឆ្នាំ២០៥០។

យ៉ាងណាមិញ ក្រោយបញ្ចប់ការសាងសង់រួច រោងចក្រមួយនេះនឹងពង្រឹងសមត្ថភាពរបស់ EDC ក្នុងការគ្រប់គ្រងនៃការប្រែប្រួលរាល់ម៉ោង ប្រចាំថ្ងៃ និងតាមរដូវ ដែលទាក់ទងនឹងទិន្នផលនៃផលប័ត្ររោងចក្រផលិតថាមពលកកើតឡើងវិញក្នុងប្រទេសកម្ពុជា។ ជាលទ្ធផល សមិទ្ធផលថ្មីរបស់អ្នកឧកញ៉ា គិត ម៉េង នឹងជួយគាំទ្រដល់ការបង្កើនចំណែកនៃថាមពលស្អាតរហូតដល់៧០% នៃផលិតកម្មក្នុងស្រុកនៅឆ្នាំ២០៣០ ។

សូមជម្រាបថា រោងចក្រខ្នាតធំមួយនេះ នឹងបំពាក់ដោយឧបករណ៍ផលិតថាមពលជំនាន់ F-class ចំនួនពីរទំនើបចុងក្រោយ និងមានប្រសិទ្ធភាពខ្ពស់ និងវដ្តរួមបញ្ចូលគ្នា (ឧស្ម័ន-ចំហាយទឹក) ដែលនីមួយៗមានថាមពលសុទ្ធ 450MW។ ម៉ាស៊ីនទីមួយរបស់រោងចក្រ នឹងសម្រេចប្រតិបត្តិការពាណិជ្ជកម្មនៅខែមេសា ឆ្នាំ២០២៧ខាងមុខ ហើយបន្ថែមពីនោះ ម៉ាស៊ីនទាំងអស់នឹងផលិតអគ្គិសនីបានប្រហែល ៦.០០០GWh ជារៀងរាល់ឆ្នាំសម្រាប់លក់ទៅឲ្យអាជ្ញាធរអគ្គិសនីកម្ពុជា (EDC) ក្រោមកិច្ចព្រមព្រៀងទិញថាមពល (PPA) រយៈពេល ៣០ឆ្នាំ៕

The post រោងចក្រផលិតអគ្គិសនីវិនិយោគដោយកូនខ្មែរ តម្លៃជាង ១,៣៤១លានដុល្លា របស់អ្នកឧកញ៉ា គិត ម៉េង ជារោងចក្រប្រើហ្គាសដំបូងបង្អស់របស់ប្រទេសកម្ពុជា appeared first on .

ពិធីបើកការដ្ឋានសាងសង់រោងចក្រផលិតអគ្គិសនីដើរដោយឧស្ម័នធម្មជាតិកម្លាំង​ធំជាងគេបំផុតនៅកម្ពុជា នា​ព្រឹកនេះ បាន​​ប្រារព្វ​ធ្វើឡើង​ក្រោម​អធិបតីភាព ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និង​លោក​ជំទាវ មិថុនា ភូថង អភិបាលនៃគណៈអភិបាលខេត្តកោះកុង មន្ត្រីរាជការ ថ្នាក់ដឹកនាំ បុគ្គលិកក្រុមហ៊ុន យ៉ាង​ច្រើនកុះករ។ ជាមួយគ្នានោះ គេក៏ឃើញមាន​វត្តមាន ​លោកអ្នកឧកញ៉ា អ្នកឧកញ៉ា និងឧកញ៉ាៗ​មួយ​ចំនួន បាន​អញ្ជើញ​ចូលរួម​ផង​ដែរ រួមមាន៖ លោកអ្នកឧកញ៉ា លី ហួរ, អ្នកឧកញ៉ា ថៃ ជាហួត, អ្នកឧកញ៉ា ឡាវ កាង, អ្នកឧកញ៉ា វិញ ហួរ, អ្នកឧកញ៉ា ផែ ហុកឈួន, អ្នកឧកញ៉ា ហេង សៀ, អ្នកឧកញ៉ា កុក អាន, អ្នកឧកញ៉ា​ ជាម ឃុនណាត, អ្នកឧកញ៉ា ទុយ គី, អ្នកឧកញ៉ា អ៊ាន អេឡែន, អ្នកឧកញ៉ា សុខ ស្រស់, ឧកញ៉ា លឹម សុជាតិ, ឧកញ៉ា ទេព កុលាប និងឧកញ៉ា នួន ពេជ្រសុផល ព្រមទាំង​​ អ្នកឧកញ៉ា ឧកញ៉ា អ្នកជំនួញ​ អ្នកមុខអ្នកការ​ជា​ច្រើន​រូប​ទៀត។

រោងចក្រអគ្គិសនី​ ប្រើប្រាស់ឧស្ម័នធម្មជាតិ​ដែលវិនិយោគដោយក្រុមហ៊ុន​ រ៉ូយ៉ាល់​ គ្រុប​​ នឹងក្លាយជារោង​ចក្រ​ផលិតថាមពល​អគ្គិសនីធំបំផុត​នៅកម្ពុជា​ ដែលគ្រោង​​​ចំណាយពេលសាងសង់រយៈពេល​៣ឆ្នាំ និង​គ្រោង​ដាក់ឱ្យ​ដំណើរការ​ដំណាក់កាលដំបូងនៅខែមេសា ឆ្នាំ២០២៧​ ដើម្បីបំពេញសេចក្តីត្រូវការរបស់អ្នកប្រើប្រាស់ និងធានា​សន្តិសុខថាមពលនៅកម្ពុជា។

គួរបញ្ជាក់ថា កន្លងមក កម្ពុជាបានទិញថាមពលអគ្គីសនីជាច្រើនពីបណ្តាប្រទេសជិតខាងដូចជា ឡាវ ថៃ និងវៀតណាម ដូច្នេះរាជរដ្ឋាភិបាលបាននិងកំពុង​ដាក់​ចេញ​នូវ​គោលនយោបាយ​លើក​ទឹកចិត្ត​ដល់​ក្រុមហ៊ុន​ក្នុងស្រុក​ក្នុងការ​វិនិយោគ​លើ​ថាមពលអគ្គីសនីឱ្យបានច្រើន ដើម្បី​​អាច​ផ្គត់ផ្គង់​បានគ្រប់គ្រាន់។ រោងចក្រអគ្គិសនី​កម្លាំង ៩០០ មេហ្គាវ៉ាត់ របស់ក្រុមហ៊ុន រ៉ូយ៉ាល់គ្រុប ក៏នឹង​​ជួយជំរុញសេដ្ឋកិច្ចជាតិ ជួយទាក់ទាញអ្នកវិនិយោគ ព្រមទាំងបង្កើតការងារយ៉ាងច្រើននៅមូលដ្ឋានផ្ទាល់ផងដែរ៕

The post តើលោកអ្នកឧកញ៉ា អ្នកឧកញ៉ា ឧកញ៉ា រូបណាខ្លះ ចូលរួមពិធីបើកការដ្ឋានសាងសង់រោងចក្រ​ផលិតអគ្គិសនីកម្លាំង ៩០០ មេហ្គាវ៉ាត់ របស់ក្រុមហ៊ុន រ៉ូយ៉ាល់គ្រុប appeared first on .

កម្មវិធីបើកការដ្ឋានសាងសង់រោងចក្រថាមពលអគ្គិសនីរួមបញ្ចូលគ្នានៃឧស្ម័នធម្មជាតិ LNG នេះ ក៏មានការអញ្ជើញចូលរួមពីសំណាក់ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង អ្នកឧកញ៉ា​ ឧកញ៉ា​ ព្រមទាំងប្រតិភូ មន្ត្រីរាជការគ្រប់ជាន់ថ្នាក់​ លោកគ្រូអ្នកគ្រូ សិស្សានុសិស្ស និងបងប្អូនប្រជាពលរដ្ឋជាច្រើននាក់ផងដែរ។

ក្រុមហ៊ុន រ៉ូយ៉ាល់ គ្រុប នឹងក្លាយជាម្ចាស់ ១០០% លើគម្រោងសាងសង់រោងចក្រថាមពលអគ្គិសនីរួមបញ្ចូលគ្នានៃឧស្ម័នធម្មជាតិ LNG នេះ ដោយក្រុមហ៊ុន ត្រូវបានសាងសង់ និងដំណើរការលើមូលដ្ឋានកិច្ចសន្យាសាងសង់ដោយខ្លួនឯង (Build Own Operate) ។ BOO ជាគម្រោងហេដ្ឋារចនាសម្ព័ន្ធក្នុងភាពជាដៃគូរវាងសាធារណៈ-ឯកជន ក្រោមកិច្ចសហប្រតិបត្តិការជិតស្និទ្ធជាមួយក្រសួងរ៉ែ និងថាមពល និងស្ថាប័នអគ្គិសនីកម្ពុជា។ មិនត្រឹមតែប៉ុណ្ណោះ រោងចក្រខ្នាតធំមួយនេះ នឹងបំពាក់ឧបករណ៍ផលិតថាមពលជំនាន់ F-class ចំនួនពីរទំនើបចុងក្រោយ ដែលមានប្រសិទ្ធភាពខ្ពស់ និងវដ្តរួមបញ្ចូលគ្នា រវាងឧស្ម័ន និងចំហាយទឹក ដែលមានថាមពលសុទ្ធនីមួយៗ មានកម្លាំងរហូតដល់ 450MW (មេហ្គាវ់ាត់)។

គួរឲ្យដឹងដែរថា ម៉ាស៊ីនទីមួយរបស់រោងចក្រ នឹងសម្រេចប្រតិបត្តិការពាណិជ្ជកម្មនៅខែមេសា ឆ្នាំ២០២៧ខាងមុខ ខណៈដែលដែលអំឡុងពេលនៃដំណើរការសាងសង់ រោងចក្រដ៏ធំនេះ នឹងផ្តល់ការងារចំនួន ២៥០០កន្លែង ក្នុងនោះមានកម្មករដែលរស់នៅក្នុងតំបន់ជាច្រើននាក់ ហើយបន្ទាប់ពីសាងសង់រួច រោងចក្រនឹងដំណើរការដោយបុគ្គលិកចំនួន ៣០០នាក់។ បន្ថែមពីនោះ ម៉ាស៊ីនទាំងអស់នឹងផលិតអគ្គិសនីបានប្រហែល ៦,០០០ GWh ជារៀងរាល់ឆ្នាំ សម្រាប់លក់ទៅឲ្យអាជ្ញាធរអគ្គិសនីកម្ពុជា (EDC) ក្រោមកិច្ចព្រមព្រៀងទិញថាមពល (PPA) រយៈពេល ៣០ឆ្នាំ៕

The post អ្នកឧកញ៉ា គិត ម៉េង បើកការដ្ឋានសង់រោងចក្រផលិតអគ្គិសនីតម្លៃជាង ១,៣៤១ លានដុល្លារ នៅខេត្តកោះកុង appeared first on .

ក្រុមហ៊ុន រ៉ូយ៉ាល់គ្រុប បាន​បង្ហោះរូបភាព​ភ្ជាប់​ជាមួយ​សារ​អបអរសាទរ​នៅ​លើ​ទំព័រហ្វេសប៊ុក នា​​ព្រឹក​ថ្ងៃសៅរ៍​នេះ​យ៉ាង​ដូច្នេះថា៖ “ក្រុមហ៊ុន រ៉ូយ៉ាល់គ្រុប សូមចូលរួមអបអរសាទរដល់ ឧកញ៉ា គិត ស៊ូឡា នាយកគ្រប់គ្រងផ្នែក​ប្រតិបត្តិការនៃក្រុមហ៊ុន រ៉ូយ៉ាល់គ្រុប អន្តរជាតិ ចំពោះសមិទ្ធិផលដ៏អស្ចារ្យនេះ ក្នុងការបញ្ចប់ការសិក្សា! សមិទ្ធិផល​នេះគឺជាសក្ខីភាពមួយចំពោះការខិតខំប្រឹងប្រែងជាបន្តបន្ទាប់របស់ឧកញ៉ា គិត ស៊ូឡា ដែលផ្តល់ការ​បំផុសគំនិតដល់យើងនៅក្រុមហ៊ុន រ៉ូយ៉ាល់គ្រុប”។

គួររំឭកថា កាលខែមេសា ឆ្នាំ២០២៤ ក្រុមប្រឹក្សាភិបាលនិងគណៈគ្រប់គ្រងធនធានមនុស្ស របស់ក្រុមហ៊ុន រ៉ូយ៉ាល់ គ្រុប បានតែងតាំង លោកឧកញ៉ា គិត ស៊ូឡា ជានាយកគ្រប់គ្រងផ្នែកប្រតិបត្តិការនៃក្រុមហ៊ុន រ៉ូយ៉ាល់​គ្រុប អន្តរជាតិ។

អ្នកឧកញ៉ា គិត ម៉េង ដែលជាអ្នកដឹកនាំប្រកបដោយចក្ខុវិស័យ នៅពីក្រោយក្រុមហ៊ុន រ៉ូយាល់ គ្រុប បានថ្លែងថា៖ “ជាងបី​ទសវត្សរ៍មកនេះ ខ្ញុំបានកសាងក្រុមហ៊ុនរ៉ូយ៉ាល់គ្រុប ឱ្យ​ក្លាយជាក្រុមហ៊ុនពហុផលិតផលឈានមុខគេ ដែលមានម៉ាក​យីហោ​ត្រូវបានទទួលស្គាល់បំផុតនៅក្នុងប្រទេស។ ថ្ងៃនេះ ខ្ញុំមានមោទនភាពក្នុងការប្រកាសថា គិត ស៊ូឡា នឹងចូលរួម​ជាមួយ ក្រុមហ៊ុន រ៉ូយ៉ាល់គ្រុប”។

សូមជម្រាបថា ឧកញ៉ា គិត ស៊ូឡា វ័យ​១៩ឆ្នាំ បានទទួលការអប់រំនៅសាលាអន្តរជាតិន័រប្រ៊ីដ ក្នុងប្រទេសកម្ពុជា និងបាន​បន្ត​​ការ​សិក្សា នៅសាលាអន្តរជាតិ Hwa Chong ដែលជាសាលាដ៏ល្បីល្បាញមួយក្នុងប្រទេសសិង្ហបុរី។ ក្នុងតួនាទីថ្មី របស់លោកជានាយក គ្រប់គ្រងផ្នែកប្រតិបត្តិការ លោកឧកញ៉ា គិត ស៊ូឡា នឹងកាន់តំណែង​សំខាន់​នេះ ក្នុងការបង្កើតឱ្យ​កាន់តែមានភាពចម្រុះ និងធ្វើឱ្យ​ចំណូល​ក្រុមហ៊ុន​ប្រសើរទ្បើងនៅក្នុងពិភពឌីជីថល៕

The post ឧកញ៉ា គិត ស៊ូឡា បញ្ចប់ការសិក្សាពីសាលាដ៏ល្បីល្បាញរបស់ប្រទេសសិង្ហបុរី HCIS appeared first on .

ជាការគួរឲ្យកត់សំគាល់ មានក្រុមហ៊ុនចំនួន ៥ ធំៗ បានបរិច្ចាគច្រើនជាងគេនៅក្នុង «មូលនិធិកសាងហេដ្ឋា​រចនាសម្ព័ន្ធតាមព្រំដែន» តួយ៉ាង ក្រុមហ៊ុន ទ្រីភាព គ្រុប របស់លោកអ្នកឧកញ៉ា ទ្រី ភាព បានចូលរួមបរិច្ចាគថវិការចំនួន ១លាន២សែនដុល្លារ, ក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង បានចូលរួមបរិច្ចាគចំនួន ១លានដុល្លារ, ក្រុមហ៊ុន ជីប ម៉ុង គ្រុប បានចូលរួមបរិច្ចាគ​ចំនួន ១លានដុល្លារ, ក្រុមហ៊ុន OCIC របស់លោកអ្នកឧកញ៉ា ពុង ឃាវសែ បានចូលរួមបរិច្ចាគចំនួន ១លានដុល្លារ និងក្រុមហ៊ុន LYP Group របស់លោកអ្នកឧកញ៉ា លី យ៉ុងផាត់ បានចូលរួមបរិច្ចាគចំនួន ១លានដុល្លារផងដែរ៕

The post ក្រុមហ៊ុនខ្នាតយក្ស៥ បរិច្ចាគច្រើនជាងគេ ក្នុងមូលនិធិកសាងហេដ្ឋារចនាសម្ព័ន្ធតាមព្រំដែន appeared first on .

កិច្ចពិភាក្សា​លើ​សំណើ​ខាង​លើ​នេះ​ បាន​ធ្វើ​ឡើង​ក្នុងកិច្ចប្រជុំ​នាព្រឹកថ្ងៃទី២២ ខែមេសា ឆ្នាំ២០២៤ ដឹកនាំដោយ​លោក​ ប្រាក់ អង្គារ៉ា អគ្គនាយកនៃអគ្គនាយកដ្ឋានលំនៅឋាន នៃក្រសួងរៀបចំដែនដី នគរូបនីយកម្ម និងសំណង់ ដោយមានការ​ចូលរួមពី​ក្រុមការងារអគ្គនាយកដ្ឋាន និង​លោក UEMATSU Hiroshi នាយកប្រតិបត្តិក្រុមហ៊ុន រ៉ូយ៉ាល់ គ្រុប។

បន្ថែមពីនេះ នៅ​រសៀលថ្ងៃទី២៣ ខែមេសា ឆ្នាំ២០២៤ លោក ទេព កោសល្យ អគ្គនាយករងនៃអគ្គនាយកដ្ឋានលំនៅឋាន ក៏​បានដឹកនាំក្រុមការងារអគ្គនាយកដ្ឋាន ទៅ​កាន់​ខេត្តសៀមរាប​ ដើម្បី​ជួបប្រជុំជាមួយលោក យិត ចាន់ដារដ្ឋ អគ្គនាយករងអប្សរា តំណាងមន្ទីរសុរិយោដី​ខេត្ត​សៀមរាប និងក្រុមការងារដែលពាក់ព័ន្ធ។ កិច្ចប្រជុំនេះ ដើម្បីពិភាក្សា​លើករណីដែលក្រុមហ៊ុន រ៉ូយ៉ាល់ គ្រុប ស្នើសុំបង្កើតតំបន់សេដ្ឋកិច្ចថ្មីមួយនៅតំបន់អភិវឌ្ឍន៍ពាក់ស្នែង ស្ថិតក្នុងខេត្ត​សៀមរាប។​

តំបន់អភិវឌ្ឍន៍ពាក់ស្នែង ស្ថិតនៅក្នុងឃុំពាក់ស្នែង ស្រុកអង្គរធំ ខេត្តសៀមរាប។ តំបន់ពាក់ស្នែង ជាភូមិឋាន​ថ្មី​ដែលរាជរដ្ឋាភិបាលបង្កើតឡើង សម្រាប់ប្រជាពលរដ្ឋ​ដែល​​ផ្លាស់ចេញពីតំបន់រមណីយដ្ឋានអង្គរ។ ការរៀបចំផ្លាស់ទី​ប្រជាពលរដ្ឋ ចេញពីដីរមណីយដ្ឋានអង្គរ គឺជាកិច្ចការដ៏ចាំបាច់បំផុត ក្នុងការបំពេញតាមលក្ខខណ្ឌអង្គការយូណេស្កូ ជាពិសេសការពារតម្លៃជា​សកលនៃរមណីយដ្ឋានអង្គរ បន្តស្ថិតក្នុងបញ្ជីបេតិកភណ្ឌពិភពលោក។ សម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា​ ធ្លាប់​បាន​​លើក​ឡើង​ថា តំបន់អភិវឌ្ឍន៍ពាក់ស្នែង ស្ថិតនៅក្នុងទីតាំងមួយ ដែលស័ក្ដិសម​នឹង​ក្លាយជាទីក្រុងរណប នាពេលអនាគត។

សូមជម្រាបថា កាលដើមខែមេសា ឆ្នាំ២០២៤​នេះ ក្រុមហ៊ុន រ៉ូយ៉ាល់ គ្រុប បាន​បង្ហើប​ឱ្យដឹង​ផង​ដែរ​ថា បច្ចុប្បន្ននេះ ក្រុមហ៊ុន​កំពុង​ដំណើរការស្នើសុំបង្កើត តំបន់សេដ្ឋកិច្ចពិសេស រ៉ូយ៉ាល់ គ្រុប កណ្តាល ឬRoyal Group Kandal Special Economic Zone (RGKSEZ) ដែលលាតសន្ធឹងលើផ្ទៃដីទំហំប្រមាណ ១២០ហិកតា និងតភ្ជាប់ពី តំបន់សេដ្ឋ កិច្ចពិសេស រ៉ូយ៉ាល់ គ្រុប ភ្នំពេញ ដោយស្ពានថ្មីមួយឆ្លងស្ទឹងព្រែកត្នោត ហើយ​ក្រុមហ៊ុន​បានចាប់ផ្តើមដំណើរការងារ​ចាក់ដីបំពេញ រួច​សាងសង់​ហេដ្ឋារចនាសម្ព័ន្ធគោលអាចនឹងត្រូវបញ្ចប់ ដើម្បីទទួលស្វាគមន៍ភ្ញៀវវិនិយោគថ្មី​ក្នុងឆ្នាំ​២០២៤នេះផងដែរ៕

The post អ្នកឧកញ៉ា គិត ម៉េង ស្នើសុំបង្កើតតំបន់សេដ្ឋកិច្ចថ្មីមួយ នៅតំបន់អភិវឌ្ឍន៍ពាក់ស្នែង ខេត្តសៀមរាប appeared first on .