លក់ផ្ទះ

ការលក់ផ្ទះឯកជនថ្មីៗនៅសិង្ហបុរី កើនឡើងដល់កម្រិតខ្ពស់បំផុតមិនធ្លាប់មាន រយ:ពេល ១១ឆ្នាំចុងក្រោយ

ឧកញ៉ាសាមញ្ញ — Tue, 17 Dec 2024 09:50:00 +0000

ការលក់ផ្ទះឯកជនថ្មីនៅក្នុងប្រទេសសិង្ហបុរី បានឈានដល់កម្រិតខ្ពស់បំផុតមួយមិនធ្លាប់មានរយ:ពេល ១១ឆ្នាំចុងក្រោយ នៅក្នុងខែវិច្ឆិកា បន្ទាប់ពីត្រូវបានជំរុញដោយតម្រូវការកើនឡើង ចំពេលអារម្មណ៍របស់អ្នកទិញមានភាពធូស្រាល និងការបើកដំណើរការគម្រោងធំៗថ្មីជាច្រើន។ នេះបើតាមការចុះផ្សាយពីសារព័ត៌មាន CNA។

យោងតាមទិន្នន័យដែលចេញផ្សាយដោយអាជ្ញាធរអភិវឌ្ឍន៍ទីក្រុងឡើងវិញ កាលពីថ្ងៃទី១៦ ខែធ្នូកន្លងទៅ បានបង្ហាញឲ្យដឹងថា ដោយមិនរាប់បញ្ចូលទាំងខុនដូប្រតិបត្តិ(EC) ក្រុមហ៊ុនអភិវឌ្ឍអចលនទ្រព្យសិង្ហបុរី បានលក់ផ្ទះឯកជនថ្មីបានចំនួនសរុប ២ ៥៥៧ យូនីត កាលពីខែមុន។

តួលេខនេះនៃការលក់នេះ ត្រូវបានកត់ត្រាជាចំនួនលក់ប្រចាំខែខ្ពស់បំផុតមិនធ្លាប់មាន គិតចាប់តាំងពិខែមីនា ឆ្នាំ២០១៣ មក ដោយនៅពេលនោះការលក់ផ្ទះឯកជនថ្មីមានចំនួនសរុប ២៧៩៣ យូនី ដោយមិនរាប់បញ្ចូលទាំងខុនដូ EC។ នេះបើតាមទិន្នន័យពីទីភ្នាក់ងារអចលនទ្រព្យបានបង្ហាញ។

នៅក្នុងខែវិច្ឆិកា ការលក់ផ្ទះឯកជនថ្មីបានកើនឡើង ២៤៦,៥% ពីចំនួន ៧៣៨ យូនីតដែលបានលក់ក្នុងខែតុលា ហើយចំនួននេះក៏បានកើនឡើងច្រើនជាងបីដង បើធៀបទៅនឹងការលក់ក្នុងរយ:ពេលដូចគ្នា កាលពីឆ្នាំមុន ផងដែរ។

ជម្រាបជូនថា ក្នុងចំណោមផ្ទះឯកជន ២ ៥៥៧ យូនីតដែលត្រូវបានលក់ដាច់កាលពីខែមុន មាន ៩៨ យូនីត ស្ថិតនៅក្នុងតំបន់ស្នូលកណ្តាល (CCR) , ១ ៥៦៩ យូនីត ស្ថិតនៅក្នុងតំបន់កណ្តាល (RCR) និង ៨៩០ យូនីត ស្ថិតនៅក្នុងតំបន់កណ្តាលខាងក្រៅ (OCR)៕

The post ការលក់ផ្ទះឯកជនថ្មីៗនៅសិង្ហបុរី កើនឡើងដល់កម្រិតខ្ពស់បំផុតមិនធ្លាប់មាន រយ:ពេល ១១ឆ្នាំចុងក្រោយ appeared first on .

ក្នុងខែមករា ការលក់ផ្ទះឯកជនថ្មីៗក្នុងប្រទេសសិង្ហបុរី កើនឡើងជាងពីរដង

ឧកញ៉ាសាមញ្ញ — Fri, 16 Feb 2024 10:55:00 +0000

ការលក់ផ្ទះឯកជនថ្មីៗ នៅក្នុងប្រទេសសិង្ហបុរី បានកើនឡើងជាងពីរដង គិតក្នុងខែមករា ឆ្នាំ២០២៤ នេះ បើធៀបទៅនឹងចំនួនលក់កាលពីខែធ្នូ ឆ្នាំមុន បន្ទាប់ពីវិស័យអចលនទ្រព្យក្នុងប្រទេសនៅតំបន់អាស៊ានមួយនេះ ហាក់ចាប់ផ្តើមមានភាពល្អប្រសើរឡើងវិញ។ នេះបើតាមការចុះផ្សាយពីសារព័ត៌មាន CNA។

យោងតាមទិន្នន័យដែលត្រូវបានចេញផ្សាយដោយអាជ្ញាធរអភិវឌ្ឍទីក្រុង (URA) កាលពីថ្ងៃព្រហស្បតិ៍ ទី១៥ ខែកុម្ភ: បានបង្ហាញថា ដោយមិនរាប់បញ្ចូលទាំងខុនដូ ក្រុមហ៊ុនអភិវឌ្ឍបានលក់ចេញផ្ទះឯកជនសរុបចំនួន ២៨១ យូនីត កាលពីខែមុន។

ចំនួននៃការលក់នៅក្នុងខែមករានេះ គឺបានកើនឡើងរហូតដល់ទៅ ១០៨,១% បើធៀបទៅនឹងចំនួន ១៣៥ យូនីត ដែលត្រូវបានលក់នៅក្នុងខែធ្នូឆ្នាំមុន ខណ:ពេលនោះការលក់បានធ្លាកចុះដល់កម្រិតទាបបំផុតមិនធ្លាប់មានរយ:ពេល ១៥ឆ្នាំចុងក្រោយ។

តែទោះជាយ៉ាងណាក៏ដោយ ដោយោផ្នែកលើមូលដ្ឋានលក់ឆ្នាំចាស់ ការលក់ផ្ទះឯកជនថ្មីៗ បានធ្លាក់ចុះ ២៨,៧% ពីចំនួន ៣៩៤ យូនីតដែលត្រូវបានលក់ នៅក្នុងខែមករា ឆ្នាំ២០២៣។

ទន្ទឹមនឹងនេះ នាយកជាន់ខ្ពស់ផ្នែកស្រាវជ្រាវរបស់ក្រុមហ៊ុន Huttons Asia លោក Lee Sze Teck បាននិយាយថា ៖”ទោះបីជាមានការស្ទុះងើបឡើងវិញនៃបរិមាណលក់ក៏ដោយ តែចំនួននេះនៅតែជាលក់ទាបបំផុត ក្នុងខែមករា គិតចាប់តាំងពីឆ្នាំ២០០៩ មក ដែលនេះហាក់បានឆ្លុះបញ្ចាំងពីភាពមិនច្បាស់លាស់ ក្នុងចំណោមអ្នកទិញ” ៕

The post ក្នុងខែមករា ការលក់ផ្ទះឯកជនថ្មីៗក្នុងប្រទេសសិង្ហបុរី កើនឡើងជាងពីរដង appeared first on .

ការលក់ផ្ទះឯកជនថ្មីៗ នៅសិង្ហបុរី ហក់ឡើងខ្ពស់បំផុត គិតក្នុងខែកក្កដា

ឧកញ៉ាសាមញ្ញ — Tue, 15 Aug 2023 10:55:00 +0000

យោងតាមទិន្នន័យ ដែលចេញផ្សាយដោយអាជ្ញាធរអភិវឌ្ឍទីក្រុង (URA) បានបង្ហាញថា ការលក់ផ្ទះឯកជនថ្មីៗ នៅក្នុងប្រទេសសិង្ហបុរី បានកើនឡើងខ្លាំង នៅក្នុងខែកក្កដា កន្លងទៅ ពោលគឺបានឈានដល់កម្រិតខ្ពស់បំផុតមិនធ្លាប់មាន ចាប់តាំងពីខែវិច្ឆិកា ឆ្នាំ ២០២១ មក។

ដោយមិនរាប់បញ្ចូលទាំងខុនដូ ការលក់ផ្ទះឯកជនក្នុងប្រទេសសិង្ហបុរី បានកើនឡើងដល់ចំនួន ១ ៤១២ យូនីត ពោលគឺបានកើនឡើងយ៉ាងខ្លាំង ពីចំនួនដែលលក់បានត្រឹម ២៧៨ យូនីត នៅក្នុងខែមិថុនា។ នេះបើតាមការចុះផ្សាយពីសារព័ត៌មាន CNA ។

អ្នកវិភាគបាននិយាយថា កើនឡើងយ៉ាងគំហុកនេះ គឺត្រូវបានជំរុញជាពិសេសដោយការបើកដំណើរការគម្រោងធំៗចំនួន ៤ ដូចជា Grand Dunman, Lentor Hills Residences, Pinetree Hill និង The Myst ។

លោក Lee Sze Teck នាយកជាន់ខ្ពស់នៃក្រុមហ៊ុន Huttons Asia បាននិយាយថា ៖” គម្រោងធំៗទាំងបួន ដែលបានបើកដំណើរការ ក្នុងខែកក្កដា គឺមានចំនួន ៨២,១% នៃការលក់ផ្ទះឯកជន់សរុប នៅក្នុងខែកក្កដាទាំងមូល ” ។

ដោយឡែក អនុប្រធានជាន់ខ្ពស់របស់ក្រមហ៊ុន OrangeTee & Tie លោកស្រី Christine Sun បាននិយាយថា ៖ ” ការលក់ផ្ទះឯកជនថ្មីៗ មាននិន្នាការប្រែប្រួល ពោលគឺបានប្រែប្រួលទៅតាមចំនួនគម្រោងថ្មីៗ ដែលបានចាប់ផ្តើមបើកដំណើរការដាក់លក់ ក្នុងរយ:ពេលមួយខែ ” ៕

The post ការលក់ផ្ទះឯកជនថ្មីៗ នៅសិង្ហបុរី ហក់ឡើងខ្ពស់បំផុត គិតក្នុងខែកក្កដា appeared first on .