កម្មវិធី​អបអរសាទរព្រឹត្តិការណ៍​​​​ខាង​លើ​នេះ​ មានការ​អញ្ជើញ​ចូល​រួម​ពី​សំណាក់ភ្ញៀវសំខាន់ៗ ក្រុមហ៊ុនបុត្រសម្ព័ន្ធ ក្រុមតារាចម្រៀងនិង​សិល្បករ​ល្បីៗ។ ​ក្នុងឱកាស​នោះដែរ​ ក៏​មាន​ការ​អញ្ជើញ​ចូល​រួម​ពី​​ ​លោក​ឧកញ៉ា ហេង​ បូរិន អគ្គនាយក​បុរី ហេង បូរិន គ្រុប និង​លោកស្រី​ឧកញ៉ា ស្រ៊ៀត មុំសុភា ស្ថាបនិក និងអគ្គនាយិកា​ក្រុមហ៊ុន សុហ្វីយ៉ាខបផូរ៉េសិន ខេមបូឌៀ។

សូមជម្រាប​ថា ក្រុមហ៊ុន លី ហួរ លីស៊ីង ភីអិលស៊ី បាន​បង្កើត​ឡើង​ដោយ​លោកឧកញ៉ា លី សុភ័ក្ត នៅ​ឆ្នាំ២០១៥ ។ ក្រុមហ៊ុន លី ហួរ លីស៊ីង ជាមជ្ឈមណ្ឌលបង់រំលស់រថយន្ត និងម៉ូតូ​ឈានមុខគេ​នៅកម្ពុជា ព្រម​ទាំង​សេវាកម្ម Lease-back។ រីឯ Hotai Finance Corporation ជា​ស្ថាប័ន​ហិរញ្ញវត្ថុ​ដ៏​ធំ​មួយ បង្កើត​ឡើង​តាំងពីឆ្នាំ១៩៩៩ ហើយ​ក្រុមហ៊ុន​នេះ​ ក៏​មាន​សេវាកម្ម​បង់រំលស់​​រថយន្ត​ និង​គ្រឿងចក្រ​​ ផងដែរ៕ ​

The post អ្នកឧកញ៉ា លី ហួរ រៀបចំពិធីអបអរសាទរ ការវិនិយោគរួមគ្នារវាងក្រុមហ៊ុន លី ហួរ លីស៊ីង និង Hotai Finance appeared first on .

ថ្លែងនៅក្នុង​ពិធីសម្ពោធជាផ្លូវការ​ ធនាគារ SBI LY HOUR កាលពីថ្ងៃទី ១៤ ខែកញ្ញាថ្មីៗនេះ អ្នកឧកញ៉ា លី ហួរ ប្រធានក្រុមប្រឹក្សាភិបាល​នៃធនាគារ SBI LY HOUR បានលើកឡើងថា៖  «ការវិនិយោគរបស់ក្រុមហ៊ុនដ៏ធំមកពីប្រទេសជប៉ុនក្នុងវិស័យធនាគារនេះ គឺបញ្ជាក់ឱ្យឃើញថា ប្រទេសកម្ពុជាយើង គឺជាប្រទេសដែលមាន សុខសន្តិភាព ស្ថិរភាព និងសក្តានុពលសេដ្ឋកិច្ចរីកចម្រើនខ្លាំងនៅក្នុងតំបន់ និងមានការអភិវឌ្ឍឥតឈប់ឈរ ព្រមទាំងមានសក្តានុពលធនធានមនុស្សខ្លាំងក្នុងវិស័យធនាគារ ក៏ដូចជាវិស័យផ្សេងៗទៀតដែលជួយជំរុញដល់ការីកចម្រើនសេដ្ឋកិច្ចជាតិកម្ពុជាទាំងមូល»។

គិតមកទល់បច្ចុប្បន្ន​ធនាគារ SBI LY HOUR មានការិយាល័យរហូតដល់ ៤៦ សាខា គ្របដណ្តប់ គ្រប់ ២៥ ខេត្ត-ក្រុង ទូទាំងប្រទេស ចំណែកឯលទ្ធផលអាជីវកម្មសំខាន់ៗ​របស់ធនាគារ​រួមមាន៖ ផលប័ត្រឥណទានបានកើនឡើងដល់ចំនួន ជាង៦៣០លានដុល្លារ ប្រាក់បញ្ញើសន្សំ ៦០០លានដុល្លារ និងមានទ្រព្យសកម្មសរុបឈានដល់ ចំនួនជាង៧៦០លានដុល្លារ គិតត្រឹមដំណាច់ខែសីហា ឆ្នាំ២០២២។

ការកម្លាយខ្លួនមកជាធនាគារពាណិជ្ជ ក្នុងកំឡុងពេលមានវិបត្តិជំងឺកូវីដ-១៩ ធនាគារមានកំណើនបុគ្គលិក ពីចំនួន ៥៩៧នាក់ ទៅ ចំនួន ១,៥៣០នាក់ គិតត្រឹមដំណាច់ខែសីហា ឆ្នាំ២០២២នេះ ដែលមានការកើនឡើងរហូតដល់ជិត១,០០០នាក់ ក្នុងរយៈពេលខ្លីប៉ុណ្ណោះ។

ធនាគារ អេស ប៊ី អាយ លី ហួរ ម.ក គឺជាការសហវិនិយោគ រួមគ្នារវាងក្រុមហ៊ុនយក្សរបស់ជប៉ុន អេស ប៊ី អាយ ហូលឌីង និងអ្នកឧកញ៉ា លី ហួរ ។ ដោយក្នុងនោះ SBI Holdings មានកាន់កាប់ចំណែកភាគហ៊ុន ៧០% នៃ ធនាគារ SBI LY HOUR និងក្រុមហ៊ុន​របស់អ្នកឧកញ៉ា លី ហួរ មានកាន់កាប់ចំណែកភាគហ៊ុន ៣០%៕

The post ធនាគារ របស់អ្នកឧកញ៉ា លី ហួរ រយៈពេលជាង២ឆ្នាំនៃការកម្លាយខ្លួនជាធនាគារពាណិជ្ជ មានទ្រព្យសកម្មជាង ៧៦០លានដុល្លារ appeared first on .

សូមចុច Subscribe Telegram oknha_news ដើម្បីទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ក្រុមហ៊ុន​ ទេពី អាក្រូ វិនិយោគ ( Tepi Agro Investment Co., Ltd ) គឺជាក្រុមហ៊ុនឯកជនទទួលខុសត្រូវមានកម្រិត បង្កើតឡើងនៅឆ្នាំ ២០១១​ ដែលជាបុត្តសម័្ពន្ធក្រុមហ៊ុន លី ហួរ គ្រុប របស់អ្នកឧកញ៉ា លី ហួរ មានទីតាំងនៅសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។ ដោយឡែកសម្រាប់ទីតាំងវិនិយោគដាំដុះចំការកៅស៊ូ និងស្វាយចន្ទី ស្ថិតនៅក្នុងស្រុកប្រសាទបាល្ល័ង្គ និងស្រុកសន្តាន ក្នុងខេត្តកំពង់ធំ និងស្រុកត្រពាំងប្រាសាទ ខេត្តឧត្តរមានជ័យ ភាគខាងជើងនៃប្រទេសកម្ពុជា។

អាចនិយាយបានថា ទេពី អាក្រូ កំពុងទទួលបានជោគជ័យ និងក្លាយជាក្រុមហ៊ុនអភិវឌ្ឍន៍វិស័យកសិ-ឧស្សាហកម្ម ដ៏ធំមួយនៅកម្ពុជា ខណៈដែលក្រុមហ៊ុនក៏មានមហិច្ឆតាចង់ក្លាយជាអ្នកផលិតជ័រកៅស៊ូ និងស្វាយចន្ទីច្រើនជាងគេនៅពេលដ៏ខ្លីខាងមុខ។ ស្របពេលបច្ចុប្បន្ន ទេពី អាក្រូ មានផ្ទៃដីវិនិយោគប្រមាណ ៦.៧១០ ហិកតា។

ជុំវិញដំណើរការអភិវឌ្ឍន៍ និងភាពជោគជ័យរបស់ក្រុមហ៊ុន Tepi Agro Investment គេហទំព័រឧកញ៉ាញូស៍ សូមសង្ខេបខ្លីប៉ុណ្ណេះ ដោយទុកពេលវេលាដ៏ល្អនេះ នាំប្រិយមិត្តឲ្យស្គាល់អ្នកវិនិយោគិនម្ចាស់ភាគទុនិក លោកឧកញ៉ា លី សុភ័ក្ត ជាថ្នាក់ដឹកនាំឆ្នើមនិងមានចក្ខុវិស័យច្បាស់លាស់ក្នុងការអភិវឌ្ឍន៍ប្រកបដោយភាពសហ្វាហាប់ ដែលសម្រេចចិត្តវិនិយោគលើក្រុមហ៊ុន Tepi Agro ដើម្បីលើកស្ទួយកំណើនសេដ្ឋកិច្ចកម្ពុជា។

ឧកញ៉ា លី សុភ័ក្ត កើតនៅឆ្នាំ ១៩៧៨ ក្នុងស្រុកកំពង់សៀម ខេត្តកំពង់ចាម ដែលមានឪពុកឈ្មោះ អ្នកឧកញ៉ា លី ហួរ អ្នកម្តាយ លោកជំទាវឧកញ៉ា ស៊ាង លីម។ លោកត្រូវបានតែងតាំងជាអនុប្រធាននាយកប្រតិបត្តិក្រុមហ៊ុនយក្ស លី ហួរ គ្រុប នៅថ្ងៃទី ២០ ខែ កក្កដា ឆ្នាំ២០១១ ។

លោកឧកញ៉ា ត្រូវបានចាត់ទុកថា ជាធុរជនខ្មែរដ៏មានភាពស្វាហាប់ និងប្រជាប្រិយមួយរូបនៅក្នុងពិភពជំនួញនៅប្រទេសកម្កុជា ដែលមានបទពិសោធន៍ជាង ១០ ឆ្នាំក្នុងការគ្រប់គ្រងអាជីវកម្ម។ លោកបានចូលរួមពង្រីកអាជីវកម្ម និងវិនិយោគក្នុងវិស័យជាច្រើនរួមមាន វិស័យសំណង់ និងវិស័យហិរញ្ញវត្ថុជាដើម ។

ក្រៅពីការកាន់តំណែងជាប្រធានក្រុមប្រឹក្សាភិបាលក្រុមហ៊ុន ទេពី អាក្រូ វិនិយោគ លោកឧកញ៉ា លី សុភ័ក្ត បានខិតខំចូលរួមជម្រុញ និងលើកកម្ពស់ការអភិវឌ្ឍវិស័យឯកជនប្រកបដោយនិរន្តភាពតាមរយៈការវិនិយោគក្នុងប្រទេស ដោយពេលបច្ចុប្បន្នលោកក្តោបក្តាប់តួនាទីសំខាន់ៗ ជា សមាជិកក្រុមប្រឹក្សាភិបាលនៃគ្រឹះស្ថានមីក្រូហិរញ្ញវត្ថុ លី ហួរ និងជាប្រធានក្រុមប្រឹក្សាភិបាលនៃក្រុមហ៊ុន លី ហួរ លីស៊ីង។

ភាពជោគជ័យជាមួុយនឹងកំណើនភាគហ៊ុនរាប់ពាន់លានដុល្លារកើនឥតឈប់ឈររបស់ក្រុមហ៊ុន លី ហួរ គ្រុប នៅពេលនេះ គេក៏មិនអាចមើលរំលងបានឡើយនូវនៅលោកឧកញ៉ា លី សុភ័ក្ត ឥស្សរជនដែលជាមគ្គុទេសន៍ដ៏ឆ្នើម និងជាអ្នកជំនួញមានបទពិសោធន៍យូឆ្នាំម្នាក់ក្នុងការធ្វើជំនួញក្នុងស្រុក និងក្រៅប្រទេសផងដែរ៕

The post កូនអ្នកកំពង់ចាមម្នាក់ឡើងកាន់តំណែងធំ នាំភាពជោគជ័យមកឲ្យក្រុមហ៊ុនដាំកៅស៊ូ និងស្វាយចន្ទី ជាបុត្តសម្ព័ន្ធ លី ហួរ គ្រុប appeared first on .

ថ្នាក់ដឹកនាំកំពូលៗនៅក្នុងក្រុមហ៊ុនយក្សមួយនេះ គឺសម្បូរទៅដោយមហាេសដ្ឋីដែលកើតចេញពីអាជីវកម្មប្តូរប្រាក់អ្នកឧកញ៉ា លី ហួរ ជាមួយយុទ្ធសាស្រ្តមុតស្រួច និងសមធម៌សង្គម រួមនឹងក្រុមគ្រួសារសមាជិកជាអ្នកគ្រប់គ្រង់ផ្ទាល់ផងដែរ។ ការទទួលបាននូវភាពជោគជ័យយ៉ាងសម្បើម និងលើកស្ទួយមាត់សេដ្ឋកិច្ចជាតិនៅពេលនេះ គឺមិនអាចមើលរំលងបានឡើយនៅសហគ្រិន និងជាមគ្គុទ្ទេសន៍ ដែលខិតខំប្រឹងប្រែងនឹងនាំភាពជោគជ័យដ៏អស្ចារ្យ គឺលោកជំទាវឧកញ៉ា ស៊ាង លីន ជាភរិយា កូនប្រុសច្បង ឧកញ៉ា លី សុភ័ក្ត កូនប្រុសទី២ ឧកញ៉ា លី សុភាព និងកូនស្រីទី៣ ឧកញ៉ា លី សុភារី។

សូមចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ឧកញ៉ាញូស៍ សូមមិនលើកយកពាណិជ្ជករទាំង ៥រូបមកបង្ហាញទាំងអស់នោះទេ ដោយគ្រាន់តែបើកកកាយបង្ហាញឲ្យស្គាល់នូវសហគ្រិនស្រ្តីវ័យក្មេងម្នាក់ស្ថិតក្នុងចង្កោមគ្រួសារ អ្នកឧកញ៉ា លី ហួរ។ តើសហគ្រិនវ័យក្មេងនោះជានរណា? គឺគ្មាននរណាក្រៅពីលោកជំទាវឧកញ៉ា លី សុភារី ដែលជាស្រ្តីពោពេញដោយសមត្ថភាពចំណេះដឹង និងមានបទពិសោធនជោគជ័យច្រើនឆ្នាំក្នុងការនាំភាពជោគជ័យ និងកេរ្តិ៍ឈ្មោះល្បីល្បាញមកឲ្យក្រុមហ៊ុនយក្ស លី ហួរ គ្រុប ក្តោបក្តាប់បុត្តសម្ព័ន្ធជាច្រើនវិស័យ។

លោកជំទាវឧកញ៉ា លី សុភារី មានតួនាទីជាអនុប្រធាននាយកប្រតិបត្តិនៃក្រុមហ៊ុន លី ហួរ គ្រុប ចាប់តាំងពីឆ្នាំ២០១១មកម្លេះ។ លោកជំទាវបានបញ្ចប់ការសិក្សានៅមជ្ឈមណ្ឌលអប់រំ ផ្នែកទេសចរណ៍ និងសណ្ឋាគារ និងបញ្ចប់ថ្នាក់សញ្ញាបត្រជំនាញគ្រប់គ្រងសណ្ឋាគារ នៅប្រទេសសឹង្ហបុរី។ ក្នុងឆ្នាំ២០១០ផងដែរ។ នៅទីនោះហើយដែលជាពន្លឺបំភ្លឺផ្លូវត្រួសត្រាយជីវិតរបស់លោកជំទាវឲ្យឈានមកកាន់កាប់ដំណែងកំពូលមួយនៃក្រុមហ៊ុន លី ហួរ ក្រោមដឹកនាំរបស់អ្នកឧកញ៉ា លី​ហួរ ត្រូវជាបិតា មកទល់នឹងពេលបច្ចុប្បន្ន។

លោកជំទាវ ត្រូវបានចាត់ទុកថា ជាធុរជនស្រ្តីវ័យក្មេង និងស្វាហាប់ម្នាក់ ដែលចាប់ផ្តើមអាជីវកម្មផ្ទាល់ខ្លួនតាំងពីអាយុ២៤ឆ្នាំ។ អាជីវកម្មដែលលោកជំទាវបានវិនិយោគក្រៅពីក្រុមហ៊ុន លី ហួរ គ្រុប រួមមាន អាជីវកម្មលក់គ្រឿងស្រវឹង និងភេសជ្ជៈ សេវាក្លឹបកំសាន្ត សាឡន ស្ប៉ា និងសេវាផ្នែកសម្ភស្សជាដើម។

បច្ចុប្បន្ន ក្រុមហ៊ុន លី ហួរ គ្រុប ត្រូវបានទទួលស្គាល់ជាក្រុមហ៊ុនធំមួយដែលមានប្រតិបត្តិការអាជីវកម្មច្រើនប្រភេទក្នុងពហុវិស័យ  ព្រមទាំងមានកេរ្តិ៍ឈ្មោះល្អចំពោះប្រតិបត្តិការដោយសុចរិតនិងស្មោះត្រង់៕

The post ជំទាវឧកញ៉ា លី សុភារី រៀនចប់ពីប្រទេសសឹង្ហបុរី មកកាន់កាប់តួនាទីអនុប្រធាននាយកប្រតិបត្តិក្រុមហ៊ុន លី ហួរ គ្រុប appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព!

SBI Ly hour Bank ផ្តល់ជូននូវសេវាធនាគារពាណិជ្ជ ដល់រូបវ័នបុគ្គល សហគ្រាសធុនតូចនិងមធ្យម ក្រុមហ៊ុន និងសាជីវកម្មទូទៅ ក្នុងការចូលរួមចំណែកអភិវឌ្ឍសេដ្ឋកិច្ចសង្គមនៅក្នុងប្រទេសកម្ពុជា ដើម្បីលើកកម្ពស់ជីវភាពរស់នៅ និងការរីកចម្រើនអាជីវកម្ម។

បើទោះបីស្ថិតនៅក្នុងអំឡុងពេលនៃការរីករាលដាលជំងឺកូវីដ-១៩ក៏ដោយ ធនាគារនៅតែមានកំណើនយ៉ាងខ្ពស់ទាំងបញ្ជើសន្សំ និងឥណទាន។ មិនតែប៉ុណ្ណោះ អេស ប៊ី អាយ លី ហួរ បានពង្រីកការិយាល័យរបស់ខ្លួនចំនួន ៦បន្ថែម ជាមួយនឹង ៤០សាខាដែលមានស្រាប់នៅទូទាំង ២៥រាជធានី/ខេត្ត ព្រមទាំងមានបុគ្គលិកសរុប ១.១៥៧នាក់។ នេះបើតាមការបញ្ជាក់ក្នុងរបាយការណ៍ប្រចាំឆ្នាំ២០២០ ធនាគារ អេស ប៊ី អាយ លី ហួរ។

SBI Ly hour Bank Plc គឺជាការបណ្តាក់ទុនវិនិយោគរួមគ្នារវាងពាណិជ្ជករប្រាក់លានល្បីឈ្មោះម្នាក់នៅកម្ពុជា អ្នកឧកញ៉ា លី ហួរ និងក្រុមហ៊ុន SBI Holdings Inc. ដែលឈរជើងក្នុងទីផ្សារភាគហ៊ុនតូក្យូ ប្រទេសជប៉ុនជាង ២២ឆ្នាំមកហើយ ដែលមានបុត្រសម្ព័ន្ធប្រមាណជាង ២៦០ក្រុមហ៊ុនទូទាំង២០ប្រទេសនៅក្នុងតំបន់ និងទូទាំងសកលលោក។

គិតមកត្រឹមខែធ្នូ ឆ្នាំ២០២០ ក្រុមហ៊ុន អេស ប៊ី អាយ ហូលឌីង ទាំងមូលមានទ្រព្យសកម្ម សរុបប្រមាណជាង ៥០,២ ពាន់លានដុល្លារ ដើមទុនចុះបញ្ជីប្រមាណជាង ៨៨១,៥៧ លានដុល្លារ ប្រាក់ចំណូលសរុប ៣,៣៥ ពាន់លានដុល្លារ និងប្រាក់ ចំណញមុនពេលកាត់ពន្ធប្រមាណជាង ៥៩៧ លានដុល្លារ។

ទោះបីជា​មាន​វត្តមាន​ធនាគារ និងមីក្រូហិរញ្ញវត្ថុ​កាន់តែច្រើន បាននិងកំពុង​ពង្រីកខ្លួន​លើទីផ្សារយ៉ាងណាក្ដី ប៉ុន្ដែ ធនាគារ SBI Ly Hour នៅតែមាន​ទំនុកចិត្ត​ និងជឿជាក់ខ្ពស់ចំពោះ​ការឈាន​ជើង​ចូលមក​បំពេញ​តម្រូវ​ទីផ្សារ ។

ការទទួលបាន​ភាពរីកចម្រើន​ដ៏អស្ចារ្យ​រមកទល់នឹង​សព្វថ្ងៃនេះ គឺមិនអាច​ខ្វះបាន​នូវ​ថ្នាក់ដឹកនាំ​ដែលមាន​ចក្ខុវិស័យ និងទស្សនវិស័យវែងឆ្ងាយ​ នោះគឺ​ CEO ធនាគារ អេស ប៊ី អាយ លី ហួរ របស់មហាសេដ្ឋី លី ហួរ។

ឧកញ៉ាញូស៍ សូមណែនាំប្រិយមិត្តមកស្គាល់ CEO ធនាគារ អេស ប៊ី អាយ លី ហួរ ដែលឈរជើងលើទីផ្សារបំរើសេវាធនាគារជាង ១១ឆ្នាំមកហើយ ក្នុងការជម្រុញ និងលើកកម្ពស់បរិយាប័ន្នហិរញ្ញវត្ថុ តាមរយៈប្រព័ន្ធធនាគារឌីជីថលដ៏ទំនើប និងមានទំនុកចិត្ត។ គឺគ្មាននរណាក្រៅពីបុរសវ័យ៣៨ មកពីខេត្ដកំពង់ធំ លោក អ៊ុត សឿង ដែលមានប្រវត្តិសិក្សាបានខ្ពង់ខ្ពស់នៅបរទេសជាមួយនឹងបទពិសោធន៍ជោគជាំក្នុងវិស័យធនាគារនៅប្រទេសកម្ពុជា។

លោក អ៊ុត សឿង បានបញ្ចប់អនុបណ្ឌិតផ្នែកគណនេយ្យ និងហិរញ្ញវត្ថុ ពីសាលាបារាំងនៅប្រទេសវៀតណាម (CFVG)ក្នុងឆ្នាំ២០០២ ហើយបច្ចុប្បន្នលោកកំពុងបន្តការសិក្សាពីជំនាញវិភាគហិរញ្ញវត្ថុ (CFA) ។

លោកមានបទពិសោធនការងារប្រមាណជាង ១០ឆ្នាំ ដោយធ្វើការនៅក្នុងតួនាទីអ្នកគ្រប់គ្រងជាន់ខ្ពស់មួយចំនួននៅតាមបណ្តាលធនាគារពាណិជ្ជ និងមីក្រូហិរញ្ញវត្ថុ ដូចជា៖ គ្រឹះស្ថានមីក្រូហិរញ្ញវត្ថុ ហត្ថាកសិករ ប្រាសាក់ និងធនាគារ ANZ Royal ជាដើម។ លោកមានជំនាញច្បាស់លាស់លើការគ្រប់គ្រងភិតិសន្យា ការផ្តល់ឥណទានសាជីវកម្ម ការគ្រប់គ្រងផលប័ត្រ ការគ្រប់គ្រងឥណទាន ការគ្រប់គ្រងហិរញ្ញវត្ថុ និងប្រព័ន្ធគ្រប់គ្រងព័ត៌មានវិទ្យា។

ក្នុងអំឡុងពេលបំរើការងារឲ្យធនាគារ ANZ លោក បានឈ្នះពានរង្វាន់ផ្នែកអាជីវកម្មលេខ១ ក្នុងឆ្នាំ២០០៩ ដែលមានវិបត្តិសេដ្ឋកិច្ច រហតូដល់ឆ្នាំមកដល់ចុងឆ្នាំ២០១០ លោកក៏បានសិទ្ធអនុម័ត (CAD) រហូតដល់២លានដុល្លារ ក្នុងពេលដែលលោកជាអ្នកគ្រប់គ្រងហានិភ័យឥណទាន។ នៅជំហានបន្ទាប់លោកធ្លាប់បានដឹកនាំគម្រោងប្រព័ន្ធអេធីអឹម (ATM) និងធនាគារចល័ត (Mobile Banking) ដ៏ទំនើបបំផុត នៅគ្រឹះស្ថានមីក្រូហិរញ្ញវត្ថុ​ ហត្ថាកសិករ ប្រកបដោយភាពជោគជ័យ។  

ក្រោមការ​ដឹកនាំ​ប្រកបដោយ​ចក្ខុវិស័យ​មុតស្រួច​​របស់​លោកបានដឹកនាំគ្រឹះស្ថានមីក្រូហិរញ្ញវត្ថុ លី ហួរ  ភីអិលស៊ី ឈរនៅលេខរៀងទី៨ ក្នុងចំណោមគ្រឹះស្ថានមីក្រូហិរញ្ញវត្ថុ ឈានមុខគេនៅកម្ពុជា បន្ទាប់ពីប្រតិបត្តិការរយៈពេលតែ ១២ ខែ។

លោក អ៊ុត សឿង បានលើកឡើងថា៖ “រៀនពីកំហុសដើម្បីអភិវឌ្ឍន៍ខ្លួនឯងល្អជាងខ្លាចកំហុសមិនបានធ្វើអ្វី”។

ទន្ទឹមនឹងនេះ លោក អ៊ុត សឿង ក៏បានចូលរួមផ្តួចផ្តើមគម្រោងពីរធំៗ គឺ ក្រុមហ៊ុន លី ហួរ លីស៊ីង និងលី ហួរ ផេប្រ៉ូ ភីអិលស៊ី ដែលបានដំណើរការជាផ្លូវការ និងទទួលស្គាល់ពីសាធារណជនយ៉ាងរហ័ស។ កាន់តែពិសេសទៀតនោះ លោកគឺជាអ្នកដឹកនាំក្រុមការងារពិសេសក្នុងការកម្លាយខ្លួនពីគ្រឹះស្ថានមីក្រូហិរញ្ញវត្ថុ លី ហួរ ភីអិលស៊ី ទៅជាធនាគារពាណិជ្ជផងដែរ៕

The post មកស្គាល់កូនអ្នកខេត្តម្នាក់ក្លាយជា CEO ធនាគារ អេស ប៊ី អាយ លី ហួរ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

នៅពីក្រោយកិត្តិនាមល្បាញល្បីរន្ទឺនាពេលបច្ចុប្បន្ន ក៏មិនភ្លេចឡើយ សហគ្រិនស្រ្តីដ៏ឆ្នើម និងជាសេនាធិការល្អឯករបស់មហាសេដ្ឋី លី ហួរ ដែលបានរួមសុខរួមទុក្ខជាមួយគ្នាក្នុងការជំនះរាល់ឧបសគ្គរាប់រយជំពូក ដើម្បីនាំនូវភាពជោគជ័យអស្ចារ្យមកឲ្យគ្រួសារ និងក្រុមហ៊ុន។

តើសហគ្រិនស្រ្តីនៅពីក្រោយភាពជោគជ័យរបស់ លី ហួរ គ្រុប ជានរណា?

លោកជំទាវឧកញ៉ា ស៊ាង លីម អនុប្រធាននាយិកាប្រតិបត្តិក្រុមហ៊ុន លី ហួរ គ្រុប និងនាយិកាប្រតិបត្តិ លី ហួរ អិចឆេង ឯ.ក (Ly Hour Exchenge)។ លោកស្រី ស៊ាង លីម កើតនៅថ្ងៃទី៣១ ខែធ្នូ ឆ្នាំ ១៩៥៧ ក្នុងខេត្តកំពង់ចាម ជាកន្លែងដែលបានចាប់ផ្តើមអាជីវកម្មដំបូង នៅដើមទសវត្សរ៍ឆ្នាំ១៩៨០ រយៈពេលបួនឆ្នាំបន្ទាប់ពីលោកស្រី បានរៀបអាពាហ៍ពិពាហ៍ជាមួយអ្នកឧកញ៉ា លី ហួរ ឆ្នាំ១៩៧៦ ក្នុងរបបប៉ុល ពត។

លោកស្រី ស៊ាង លីម និងលោក លី ហួរ ត្រូវបានប្តូរលំនៅឋានពីខេត្តកំពង់ចាមមករស់នៅរាជធានីភ្នំពេញ ដោយប្រកបមុខរបរលក់សំលៀកបំពាក់ និងក្រណាត់ដែលចូលមកពីប្រទេសវៀតណាម។ ក្រោយមក អ្នកទាំងពីរ បានប្តូរជំនួញពីលក់ក្រណាត់មកចាប់ផ្តើមអាជីវកម្មប្តូរប្រាក់និងលក់មាសក្នុងឆ្នាំ១៩៨៦។

លោកស្រីមានបទពិសោធន៍ទូលំទូលាយ ក្នុងការគ្រប់គ្រងអាជីវកម្មជាង៣៥ឆ្នាំ ដែលមានតួនាទីជានាយិកាប្រតិបត្តិក្រុមហ៊ុន លី ហួរ អ៊ិចឆេង។
លោកស្រីបានដឹកនាំក្រុមការងារឆ្នើមក្នុងការបំពេញបេសកកម្មបម្រើសេវាកម្មប្តូរប្រាក់ជូនអតិថិជនប្រកបដោយវិជ្ជាជីវៈតាមរយៈបណ្តាញ
ការិយាល័យប្រតិបត្តិការចំនួន ១៤ សាខានិងបានកសាងកេរ្តិ៍ឈ្មោះល្អសម្រាប់ក្រុមហ៊ុននៅក្នុងទីផ្សារកម្ពុជា។

ក្រុមហ៊ុន លី ហួរ អ៊ិចឆេង ឯ.ក ជាក្រុមហ៊ុនដំបូងគេដែលជាសមាជិកនៃក្រុមហ៊ុន លី ហួរ គ្រុប ដែលត្រូវបានបង្កើតឡើងដោយអ្នកឧកញ៉ា លី ហួរ និងលោកជំទាវឧកញ៉ា ស៊ាង លីម ជាសហភាគទុនិក ចាប់តាំងពីឆ្នាំ១៩៨៦ មានដើមទុនជាមាសចំនួនពីរជី អាជីវកម្មប្តូរប្រាក់​ ចាប់ផ្តើមធ្វើប្រតិបត្តិការតាមរយៈតូបដ៏តូចមួយស្ថិតនៅចន្លោះផ្សារធំថ្មី ផ្សារអូឫស្សី និង ផ្សារអូឡាំពិក ។

ដំបូងឡើយ អាជីវកម្មប្តូរប្រាក់នេះបានធ្វើប្រតិបត្តិការជាទ្រង់ទ្រាយតូច    និងជាលក្ខណៈគ្រួសារ ដោយសមាជិកគ្រួសារទាំងអស់ជាអ្នកទទួលខុសត្រូវផ្ទាល់ ក្នុងការគ្រប់គ្រងនិងផ្តល់សេវាប្តូរប្រាក់ប្រចាំថ្ងៃជូនអតិថិជន។ បន្ទាប់ពីបានប្រតិបត្តិការអស់រយៈពេលជាង៣៥ឆ្នាំ  ដោយប្រកាន់ខ្ជាប់ជានិច្ចនូវគោលការណ៍ស្នូលរួមមាន ភាពស្មោះត្រង់ សុចរិត តម្លាភាព គណនេយ្យភាព និងការចាត់ទុកអតិថិជនជាដៃគូអាជីវកម្មរយៈពេលវែង   អាជីវកម្មប្តូរប្រាក់បានទទួលនូវការគាំទ្រនិងទំនុកចិត្តខ្ពស់ពីអតិថិជនទូទៅ ទាំងអតិថិជនក្នុងប្រទេស និងក្រៅប្រទេសផងដែរ។

បច្ចុប្បន្ន ក្រុមហ៊ុនបានក្លាយជាអ្នកនាំមុខទីផ្សារប្តូរប្រាក់នៅក្នុងប្រទេសកម្ពុជា ដោយផ្តល់សេវាជូនអតិថិជនជាង ២.៥០០ នាក់ក្នុងមួយថ្ងៃ។ ក្រុមហ៊ុនផ្តល់ជូនអតិថិជននូវសេវាកម្ម និងផលិតផលច្រើនប្រភេទប្រកបដោយទំនុកចិត្តខ្ពស់តាមរយៈបុគ្គលិកមានវិជ្ជាជីវៈ   និងក្រមសីលធម៌ត្រឹមត្រូវ។
– សេវាកម្មប្តូរប្រាក់ (មានរូបិយប័ណ្ណបរទេសជាង២០ប្រភេទ)
– សេវាកម្មបង់ពន្ធ
– សេវាកម្មបង់ទឹក បង់ភ្លើង
– សេវាកម្មផ្ទេរប្រាក់ តាមរយៈការសហការជាមួយក្រុមហ៊ុនលីហួរវេរលុយ
– សេវាកម្មដាក់ប្រាក់ ឬដកប្រាក់ពី Visa Card តាមរយៈការសហការជាមួយធនាគារក្រៅប្រទេស៕

The post តើសហគ្រិនស្រ្តីនៅពីក្រោយភាពជោគជ័យរបស់ លី ហួរ គ្រុប ជានរណា? appeared first on .