យោងតាមសេចក្តីជូនដំណឹងរបស់ធនាគារជាតិនៃកម្ពុជា នៅថ្ងៃទី១៩ ខែមីនាម្សិលមិញបានឱ្យដឹងថា ដើម្បីចូលរួមចំណែកអបអរសាទរខួបលើកទី ៤៤ នៃការបោះផ្សាយក្រដាសប្រាក់រៀល (២០ មីនា ១៩៨០ – ២០ មីនា ២០២៤) ក៏ដូចជាគាំទ្រគោលនយោបាយលើកកម្ពស់ការប្រើប្រាស់ ប្រាក់រៀល។

ធនាគារជាតិបានឲ្យដឹងថា សាធារណជនអាចមកប្តូរក្រដាសប្រាក់រៀលចាស់ ទក់ រហែក ដោយមិនគិតកម្រៃសេវា នៅគ្រប់សាខាធនាគារជាតិនៃកម្ពុជា និងសាខាគ្រឹះស្ថានធនាគារនិងហិរញ្ញវត្ថុរាជធានី-ខេត្តទូទាំង ប្រទេស នៅក្នុងអំឡុងពេលយុទ្ធនាការខាងលើ។

សូមបញ្ជាក់ថា ក្នុងនាមជាអាជ្ញាធររូបិយវត្ថុជាតិ ធនាគារជាតិនៃកម្ពុជា ទទួលប្តូរក្រដាសប្រាក់ រៀលចាស់ ទក់ រហែក ដោយមិនគិតកម្រៃសេវា ជូនសាធារណជន នៅគ្រប់សាខាធនាគារជាតិនៃកម្ពុជា រាជធានី-ខេត្ត ចាប់ពីម៉ោង ៧:៣០ នាទី ដល់ម៉ោង ១១:០០ នាទី រៀងរាល់ថ្ងៃធ្វើការ ទោះជាមិននៅក្នុងអំឡុងពេលយុទ្ធនាការប្តូរប្រាក់រៀលក៏ដោយ ដើម្បីចូលរួមចំណែក ប្រើប្រាស់ប្រាក់រៀលឱ្យកាន់តែទូលំទូលាយ ដើម្បីជាប្រយោជន៍ដល់សេដ្ឋកិច្ច និងសង្គមជាតិនៃកម្ពុជាផងដែរ៕

The post ធនាគារជាតិ នឹងទទួលប្តូរក្រដាសប្រាក់រៀលចាស់ ទក់ រហែក ចាប់ពីថ្ងៃទី២០មីនាតទៅ appeared first on .

អតិថិជនអាចធ្វើការជួញដូរ​ប្រាក់រៀលកម្ពុជា នៅប្រលានយន្តហោះ Changi ជាមួយរូបិយប័ណ្ណបរទេសដូចជា ប្រាក់ដុល្លារសាំងហ្គាពួរ ប្រាក់ដុល្លារអាមេរិក ប្រាក់ដុល្លារអូស្ត្រាលី​ ប្រាក់អឺរ៉ូ និងប្រាក់យ៉េនជប៉ុន។

ការវិនិយោគរបស់ក្រុមហ៊ុន Travelex នៅក្នុងប្រាក់រៀល និងការសម្រេចឲ្យមានការជួញដូរ​នៅក្នុងមជ្ឈមណ្ឌលហិរញ្ញវត្ថុដ៏មានសក្ដានុពលបំផុត​នៅអាស៊ី បានបង្ហាញឲ្យឃើញកាន់តែច្បាស់ថា ប្រាក់រៀលកំពុងមានសន្ទុះ និងមានការអភិវឌ្ឍល្អ។

គួរជម្រាបដែរថា ប្រាក់រៀលគឺអាចចាប់ផ្ដើមជួញដូរ ជាមួយរូបិយប័ណ្ណបរទេសផ្សេងៗ នៅលើទឹកដីសិង្ហបុរីជាលើកដំបូង ខណៈកន្លងមកធនាគារជាតិកម្ពុជា តែងតែធ្វើការផ្សព្វផ្សាយ​ពីប្រាក់រៀលជាញឹកញយ ដើម្បីធានាបាននូវស្ថិរភាពរូបិយប័ណ្ណ និងការលូតលាស់នៃកំណើនសេដ្ឋកិច្ចជាតិ៕

The post ប្រាក់រៀលកម្ពុជាមានសន្ទុះខ្លាំង អាចជួញដូរជាមួយរូបិយប័ណ្ណបរទេសនៅសិង្ហបុរីបាន appeared first on .

យោងតាមការសេចក្តីជូនដំណឹងរបស់ធនាគារជាតិនៃកម្ពុជា នៅថ្ងៃទី១៨ខែកញ្ញនេះ បានអះអាងថា« ក្រោយពីការដាក់ឱ្យដេញថ្លៃលក់ប្រាក់ដុល្លារអាមេរិក ចំនួន៤លើក ក្នុងរយៈពេល២សប្តាហ៍ចុងក្រោយនេះ អត្រាប្តូរប្រាក់រៀលធៀបនឹងដុល្លារអាមេរិក បានធ្លាក់មកដល់កម្រិតសមសម្របតាមស្ថានភាពទីផ្សារ»។

បើតាមសេចក្តីជូនដំណឹងដដែលបានបញ្ជាក់ថា«ដោយពិនិត្យឃើញពីការកែប្រែប្រួលតម្លៃប្រាក់ដុល្លារអាមេរិកនៅលើទីផ្សារអន្តរជាតិ និងការអភិវឌ្ឍនៃស្ថានភាពម៉ាក្រសេដ្ឋកិច្ចកម្ពុជា បច្ចុប្បន្ននិងពេលខាងមុខ ធនាគារជាតិនៃកម្ពុជានឹងបន្តគ្រប់គ្រងសម្ពាធលើអត្រាប្តូរប្រាក់បន្ថែមទៀត។ក្នុងគោលដៅនេះ ធនាគារជាតិនៃកម្ពុជា នឹងបន្តធ្វើអន្តរាគមន៍តាមការចាំបាច់ រហូតដល់អត្រាប្តូរប្រាក់ស្ថិតក្នុងកម្រិតមួយសមស្រប ដែលជួយពង្រឹងអំណាចទិញរបស់ប្រាក់រៀលនិងរួមចំណែកគំាំទ្រការបន្តងើបឡើងនៃសេដ្ឋកិច្ចកម្ពុជា ក្រោយវិបត្តិជំងឺកូវីដ១៩ »។
បើតាមធនាគារជាតិនៃកម្ពុជា ការធ្វើអន្តរាគមន៍គ្រោងនឹងធ្វើឡើងចំនួន២ដងក្នុងមួយសប្តាហ៍ «ថ្ងៃពុធ និងសុក្រ»សម្រាប់រយៈពេល៤សប្តាហ៍តទៅមុខទៀត។

យោងតាមការជូនដំណឹងរបស់ធនាគារជាតិនៃកម្ពុជាកាលថ្ងៃទី៤ខែកញ្ញា ឱ្យដឹងថា ធនាគារជាតិនៃកម្ពុជានឹងដាក់ឱ្យដេញថ្លៃប្រាក់ដុល្លារអាមេរិក៖នៅថ្ងៃពុធទី៦ខែកញ្ញា ឆ្នំា២០២៣ចំនួន១០លានដុល្លារអាមេរិក, ថ្ងៃសុក្រទី៨ខែកញ្ញាឆ្នំា២០២៣ចំនួន១៥លានដុល្លារអាមេរិក, ថ្ងៃពុធទី១៣ ខែកញ្ញាឆ្នំា២០២៣ចំនួន១០លានដុល្លារអាមេរិកនិងថ្ងៃសុក្រទី១៥ខែកញ្ញាឆ្នំា២០២៣ចំនួន១៥លានដុលា្លរអាមេរិក។

ទាក់ទងនិងការដាក់ឱ្យដេញថ្លៃប្រាក់ដុល្លារអាមេរិកខាងលើនេះ ប្រធានាយកដ្ឋានទំនាក់ទំនងនៃសមាគមមីក្រូហិរញ្ញវត្ថុកម្ពុជាយល់ឃើញថាបើតាមការយល់ឃើញថា នៅក្នុងរយៈប៉ុន្មានខែកន្លងមកនេះលុយដុល្លារអាមេរិកវាឡើងខ្លំាង បើប្រៀបធៀបទៅនិងលុយខ្មែរ ហើយវាអត់ចុះមកវិញទេ ស្ថិតក្នុងនៅក្នុងពេលនេះលុយដុល្លារអាមេរិកក្នុង១ដុល្លារឡើងដល់៤១៥០រៀលឬលើសពីនេះ។

លោក កំាង តុងងី មានប្រសាសន៍ថា« នេះជាយុទ្ធសាស្ត្រ ដើម្បីថែរក្សាស្ថិរភាពប្រាក់រៀលរបស់ខ្មែរគឺធនាគារកណ្តាល គាត់ត្រូវបញ្ចេញលុយដុល្លារអាមេរិកដើម្បីឱ្យប្រាក់រៀលយើងមានស្ថិរភាពឡើងវិញ»។

លោកលើកឡើងថា តាមការអង្កេតរបស់ខ្ញុំ បញ្ហាអតិផរណា លុយរបស់ប្រទេសនីមួយៗវាមិនមែនកើតឡើងតែនៅកម្ពុជានោះទេ សម្រាប់ប្រទេសនៅក្នុងតំបន់យើងក៏ជួបបញ្ហាដែរ ហើយមានបញ្ហាធ្ងន់ធ្ងរជាងកម្ពុជាឆ្ងាយណាស់ដោយ ប្រទេសខ្លះអតិផរណាលុយឡើងរហូតដល់១០០%, ប្រទេសខ្លះមានកម្រិត៧០% និងប្រទេសខ្លះទៀតមានកម្រិត៥០%។

លោកបន្តថា «ការពិតកម្ពុជាទៅវិញទៅដែលយើងមានស្ថិរភាពអត្រាប្តូរប្រាក់ល្អ ។ស្ថិរភាពអត្រាប្តូរប្រាក់ល្អនេះមួយផ្នែកអាចមកយើងចាយប្រាក់ដុល្លារអាមេរិកដែរ ប៉ុន្តែមួយផ្នែកទៀតដោយសារតែការគ្រប់គ្រងសេដ្ឋកិច្ចនិងគោលនយោបាយសាច់ប្រាក់របស់យើងមានភាពល្អប្រសើរតាមរយៈការដឹកនាំរបស់ធនាគារជាតិនៃកម្ពុជា»៕
អត្ថបទ៖សារេត

The post អត្រាប្តូរប្រាក់រៀលធៀបនឹងលុយដុល្លារអាមេរិកបានធ្លាក់មកដល់កម្រិតសមស្របតាមស្ថានភាពទីផ្សារវិញហើយ appeared first on .

នេះជារូបភាពបានពីបណ្តាញសង្គម:

The post អបអរសាទរកម្ពុជា មានក្រដាសប្រាក់គំរូថ្មី សន្លឹក ១៥០០០ ៛ appeared first on .