កាលពីថ្ងៃទី១៩ ខែមីនា សារព័ត៌មាន Reuters បានរាយការណ៍មកថា លោក ពូទីន នឹងធ្វើដំណើរទៅកាន់ប្រទេសចិននាខែឧសភាខាងមុខ ដើម្បីជួបពិភាក្សាជាមួយលោក ស៊ី ជីនពីង ខណៈដែលវាអាចហៅបានថា ជាដំណើរទៅខាងក្រៅប្រទេសលើកដំបូងរបស់ប្រមុខវិមានក្រឹមឡាំង នៃអាណត្តិថ្មីជាប្រធានាធិបតី។

ជាមួយគ្នា ទីភ្នាក់ងារសារព័ត៌មានរដ្ឋ TASS របស់រុស្ស៊ីបានរាយការណ៍ផងដែរថា នៅអំឡុងកិច្ចប្រជុំជាមួយក្រុមសមាជិកសភា មេដឹកនាំបក្សកុម្មុយនិស្តលោក Gennady Zyuganov បានស្នើសុំឲ្យលោក ពូទីន ជ្រើសយកទីក្រុងប៉េកាំងក្នុងការជួបប្រជុំគ្នា។

“ខ្ញុំសង្ឃឹមថាដំណើរទស្សនកិច្ចលើកដំបូងរបស់លោក ពូទីន គឺទៅកាន់ទិសបូព៌ា មិនមែនទៅទិសខាងលិចនោះទេ។ សមមិត្ត ស៊ី ជីនពីង កំពុងតែរង់ចាំ ពូទីន ទៅលេង គាត់ស្រឡាញ់ប្រទេសរបស់យើងខ្លាំងណាស់”។ នេះបើតាមសម្តីរបស់លោក Zyuganov បានលើកឡើង។

គួរជម្រាបថា បន្ទាប់ពីការបោះឆ្នោតជ្រើសរើសប្រធានាធិបតីរុស្ស៊ីបានចប់រួចរាល់មក រដ្ឋាភិបាលនៃបណ្តាប្រទេសលោកខាងលិច បានរួមគ្នាមិនទទួលស្គាល់អំពីការបោះឆ្នោតនោះទេ ដោយចោទថាជារឿងអយុត្តិធម៌ ហើយមិនមែនជាសេររីភាពនៃការបោះឆ្នោតឡើយ តែយ៉ាងណាប្រទេសធំៗមួយចំនួនដូចជាចិន ឥណ្ឌា ក៏ដូចជាកូរ៉េខាងជើងជាដើម បានផ្ញើសារអបអរសាទរទៅកាន់មេដឹកនាំរុស្ស៊ីលោក វ្ល៉ាឌីមៀ ពូទីន ដែលមានឳកាសបន្តអាណត្តិថ្មី ក្នុងនាមជាប្រធានាធិបតីរុស្ស៊ីរយៈពេលប្រាំមួយឆ្នាំបន្ថែមទៀត៕

The post បោះឆ្នោតរួចភ្លាម លោកពូទីន ពិចារណាធ្វើដំណើរទស្សនកិច្ចទៅកាន់ប្រទេសមួយនៅអាស៊ី appeared first on .

ក្នុងនោះ គេឃើញមានលោក Josep Borrell អ្នកតំណាង​ជាន់ខ្ពស់​ទទួលបន្ទុក​កិច្ចការបរទេស ​និង​គោលនយោបាយ​សន្តិសុខរ​បស់​សហភាព​អឺរ៉ុប បានចេញមុខច្រានចោលលទ្ធផលបោះឆ្នោតនៅរុស្ស៊ីទាំងស្រុងថា ជារឿងដ៏សែនអាម៉ាសមួយបំផុត ស្របពេលរដ្ឋមន្ត្រីការបរទេសអាឡឺម៉ង់លោកស្រី Annalena Baerbock បានធ្វើការរិះគន់ចំៗថា វាគ្រាន់តែជាការបោះឆ្នោតដែលគ្មានជម្រើស ខណៈឯក្រសួងការបរទេសបារាំងឯណោះវិញ បាននិយាយផងដែរថា វាមិនមែនជាលក្ខណ្ឌសម្រាប់ការបោះឆ្នោតដោយសេរី ពហុនិយម និងបែបប្រជាធិបតេ្យនោះទេ។

ជាមួយគ្នា រដ្ឋមន្ត្រីការបរទេសអង់គ្លេសលោក David Cameron បានបញ្ចេញមតិបែបនេះថា លទ្ធផលនៃការបោះឆ្នោតនៅរុស្ស៊ីអាចគូសបញ្ជាក់ថា វាមានការគាបសង្កត់ជម្រៅណានៅក្នុងប្រទេសរុស្ស៊ី។ លោក ពូទីន បានដកគូប្រជែងនយោបាយ គ្រប់គ្រងប្រព័ន្ធផ្សព្វផ្សាយ ហើយបន្ទាប់មកជ្រើសយកខ្លួនឯងជាអ្នកឈ្នះ នេះមិនមែនជាប្រជាធិបតេយ្យនោះទេ។

ដូចគ្នាទៅនឹងបណ្តាប្រទេសមួយចំនួននៅលោកខាងលិចដែរ ប្រធានាធិបតីអ៊ុយក្រែនលោក Volodymyr Zelenskiy បានលើកឡើងថា ការបោះឆ្នោតរបស់រុស្ស៊ីមិនមានភាពស្របច្បាប់ទេ វាច្បាស់ណាស់សម្រាប់មនុស្សគ្រប់គ្នានៅក្នុងពិភពលោក ថាគាត់ធ្វើអញ្ចឹងដើម្បីបានអំណាច​ ហើយកំពុងធ្វើអ្វីគ្រប់បែបយ៉ាង ដើម្បីគ្រប់គ្រងអំណាចរបស់ខ្លួនជាងរៀងរហូត។ យ៉ាងណា ប្រធានាធិបតីអាមេរិកលោក Joe Biden នៅមិនទាន់ឮលោករិះគន់អ្វីឡើយ ប៉ុន្តែអ្នកនាំពាក្យសេតវិមានកាលពីថ្ងៃ១៧ ខែមីនាបាននិយាយផងដែរថា ជាក់ស្តែងការបោះឆ្នោតរបស់រុស្ស៊ីគឺមិនសេរី និងគ្មានយុត្តិធម៌នោះឡើយ។

សូមជម្រាបបន្ថែមថា បើទោះបីជាបណ្តាប្រទេសលោកខាងលិច បានធ្វើការរិះគន់យ៉ាងចាស់ដៃដូច្នេះក៏ដោយ សម្ព័ន្ធមិត្តធំៗមួយចំនួនដូចជាចិន ឥណ្ឌា និងកូរ៉េខាងជើង បានអបអរសាទរទៅកាន់មេដឹកនាំរុស្ស៊ីលោក វ្ល៉ាឌីមៀ ពូទីន ដែលនឹងត្រូវបន្តតំណែងបានមួយអាណត្តិទៀតក្នុងនាមជាប្រធានាធិបតី ព្រមទាំងបានធ្វើការប្តេជ្ញាចិត្តពង្រឹងចំណងមិត្តភាពរបស់ប្រទេស ឲ្យកាន់តែរឹងមាំជាងមុនថែមទៀត៕

The post លោកខាងលិចរិះគន់យ៉ាងចាស់ដៃ ចំពោះលទ្ធផលឈ្នះឆ្នោតរបស់បុរសខ្លាឃុំទឹកកក appeared first on .

អ្នកនាំពាក្យវិមានក្រឹមឡាំង បានលើកឡើងថា៖ បើសិនជាការសម្រេចចិត្តបែបនេះពិតជាធ្វើឡើងមែន ពួកគេពិតជាធ្វើខុសច្បាប់ខ្លាំងណាស់។ ពួកគេនឹងត្រូវឡើងតុលាការ ទាំងអ្នកដែលសម្រេចចិត្ត និងអ្នកយល់ស្របទាំងអស់ នឹងប្រឈមការប្ដឹងផ្ដល់រយៈពេលរាប់ទសវត្សជាមិនខាន។

លោក Peskov បោះសម្ដីព្រមានបែបនេះ គឺដោយសារទទួលបានដំណឹងថា ក្រុម G7 និងសហភាពអឺរ៉ុប មានបំណងប្រើប្រាស់ទ្រព្យសម្បត្តិដែលបង្កកពីមហាសេដ្ឋី និងធនាគារកណ្ដាលរុស្ស៊ីក្នុងទំហំទឹកប្រាក់ប្រមាណ ២៥០ពាន់លានដុល្លារ យកទៅធ្វើជាជំនួយដល់ប្រទេសអ៊ុយក្រែន។

បន្ថែមពីនោះ លោក Dmitry Peskov ក៏បានសង្កត់ធ្ងន់ថា ការប្រើប្រាស់ទ្រព្យសម្បត្តិដែលរឹបអូស​ពីជនជាតិរុស្ស៊ីដោយខុសច្បាប់នោះ គឺជាការរំលោភលើកម្មសិទ្ធ និងទ្រព្យសម្បត្តិរបស់បុគ្គល​ដទៃ ដែលធ្វើឲ្យខូចសណ្ដាប់ធ្នាប់មូលដ្ឋានគ្រឹះនៃប្រព័ន្ធសេដ្ឋកិច្ចទាំងមូល៕

The post រុស្ស៊ីព្រមានលេងផ្លូវច្បាប់ បើលោកខាងលិចហ៊ានប្រើទ្រព្យសម្បត្តិបង្កក ជួយអ៊ុយក្រែន appeared first on .

លោក Denis Manturov បាននិយាយនៅក្នុងបទសម្ភាសន៍ជាមួយទីភ្នាក់ងារសារព័ត៌មានរដ្ឋរុស្ស៊ី RIA ថា៖ ខ្ញុំមិនចង់អួតទេ ក៏ប៉ុន្តែខ្ញុំអាចនិយាយបានថា យើងចាប់ផ្តើមទទួលបាន និងបង្កើនល្បឿននៃការផលិតលឿនជាងបណ្តាប្រទេសលោកខាងលិចទៅទៀត។

លោក Manturov ដែលជារដ្ឋមន្ត្រីក្រសួងឧស្សាហកម្ម និងពាណិជ្ជកម្មរបស់ប្រទេសរុស្ស៊ីផងដែរនោះ បានកត់សំគាល់ថា ពួកយើងកំពុងធ្វើការក្នុងក្របខ័ណ្ឌនៃកម្មវិធីសព្វាវុធរបស់រដ្ឋ និងកម្មវិធីរយៈពេលវែង ដែលពាក់ព័ន្ធនឹងរយៈពេលរវាងឆ្នាំ២០២៥ និង២០៣៤ ។ មួយវិញទៀត លោក Manturov បាននិយាយថា ក្រសួងរបស់គាត់ និងក្រសួងការពារជាតិរុស្ស៊ី កំពុងធ្វើការយ៉ាងសកម្មដើម្បីផ្ទៀងផ្ទាត់ និងរៀបចំប៉ារ៉ាម៉ែត្រទាំងនេះ។

លោកក៏បាននិយាយផងដែរថា សម្រាប់មុខទំនិញមួយចំនួន យើងបានបង្កើនបរិមាណផលិតកម្ម និងការផ្គត់ផ្គង់ពី១០ ទៅ១២ដង ហើយដោយសារតែភាពខុសគ្នាខ្លះ ខ្ញុំមិនអាចនិយាយអំពីទិន្នន័យជាក់លាក់នៃការផ្គត់ផ្គង់ និងហិរញ្ញប្បទានបានទេ ប៉ុន្តែជឿខ្ញុំទៅ ចំនួនផលិតកម្មគឺមានច្រើនណាស់។

ជម្រាបដែរថា ប្រធានាធិបតីវ្ល៉ាឌីមៀ ពូទីន និងរដ្ឋមន្ត្រីការពារជាតិលោក Sergei Shoigu ក៏ធ្លាប់បានលើកឡើងថា ការផលិតកាំភ្លើងធំ យន្តហោះគ្មានមនុស្សបើក រថក្រោះ និងរថពាសដែក កំពុងតែមានចំនួនកើនឡើង៕

The post រុស្ស៊ីថាខ្លួនជាប្រទេសនាំមុខលោកខាងលិច លើការផលិតសព្វាវុធ appeared first on .