លើកឡើងក្នុងកម្មវិធីផ្សាយផ្ទាល់ MPWT LIVE SHOW ក្រោមប្រធានបទ «លក្ខណៈពិសេសនៃលេខកម្ពុជា និងលេខរាជធានី-ខេត្ត» នៅថ្ងៃទី២៨ ខែកក្កដាម្សិលមិញ លោកស្រី កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន បានឲ្យដឹងថា ក្រសួងសាធារណការ សហការជាមួយក្រសួងមហាផ្ទៃ បានរៀបចំឱ្យមានកម្មវិធីដកពិន្ទុនេះ សំដៅលើការ ដកពិន្ទុលើប័ណ្ណបើកបរយានយន្ត ដែលបានកំណត់ រហូតដល់១២ពិន្ទុ ដែលនឹងមានការចាប់ផ្តើមអនុវត្តន៍ចាប់ពីខែកញ្ញា ដែលតម្រូវឱ្យអ្នកបើកបរត្រូវ តែយកមកភ្ជាប់ជាមួយនៅតាមដងផ្លូវ គឺប័ណ្ណបើកបរជាប់ខ្លួន។

បើតាមលោកស្រី ឯកសារសំខាន់៣ ដែលត្រូវភ្ជាប់នៅពេលបើកបរតាមដងផ្លូវរួមមាន៖ ប័ណ្ណសម្គាល់យានយន្ត ប័ណ្ណបើកបរយានយន្ត និងវិញ្ញាបនបត្រត្រួតពិនិត្យលក្ខណបច្ចេកទេស (ឆៀក) ដែលឯកសារ ទាំង៣នេះ នឹងជួយបញ្ជាក់ដល់អ្នកបើកបរ បានបើកបរដោយត្រឹមត្រូវតាមច្បាប់ ដែលទាមទារឱ្យ មានច្បាប់ដើម ដោយមិនអនុញ្ញាតឱ្យមានការប្រើប្រាស់ ច្បាប់ចម្លងនោះទេ។

លោក ស៊ុន ចាន់ថុល ទេសរដ្ឋមន្ដ្រី រដ្ឋមន្ត្រីក្រសួងសាធារណការ និងដឹកជញ្ជូន ធ្លាប់បានបញ្ជាក់ដែរថា ចាប់ពីឆ្នាំ២០២២តទៅ ក្រសួងមិនឱ្យអ្នកបើកបរល្មើសច្បាប់បង់លុយហើយ បានរួចខ្លួននោះឡើយ។ ជាវិធានការពិន័យបន្ថែមនោះ ក្រសួងនឹងបង្កើត App ថ្មីមួយទៀត ដើម្បីកត់ពិន្ទុតាមចំនួនកំហុសរបស់អ្នកបើកបរ បើខុសច្រើនដងប័ណ្ណបើកបរនឹងប្រើការលែងបានតែម្តង។

លោកបានសង្កត់ធ្ងន់ថា អ្នកបើកបរល្មើសច្បាប់ ហើយកាត់អស់ចំនួន១២ពិន្ទុ ប័ណ្ណបើកបរនឹងប្រើការលែងបានតែម្តង៕

The post លោកស្រី កុយ សុដានី៖ ចាប់ពីខែកញ្ញា តម្រូវឱ្យអ្នកបើកបរត្រូវតែយកមកភ្ជាប់ជាមួយនៅតាមដងផ្លូវ គឺប័ណ្ណបើកបរជាប់ខ្លួន appeared first on .

លោកជំទាវកុយ សុដានី រដ្ឋលេខាធិការក្រសួងសាធារណការនិងដឹកជញ្ជូនបានឲ្យ​ដឹង​ថា ក្នុងថ្ងៃទិវា​សិទ្ធិនារី ៨ មីនា ឆ្នាំ​២០២២​នេះ ក្រសួងសារធារណការនិងដឹកជញ្ជូននឹង​ប្រារព្ធពិធីឡើងក្រោមប្រធានបទ សមភាពយេនឌ័រថ្ងៃនេះ ដើម្បីចីរភាពនាពេលអនាគត។

ទិវាសិទ្ធិ​នារីអន្តរជាតិ ៨ មីនា គឺ​ជា​ថ្ងៃ​ដ៏​មាន​សារៈ​សំខាន់​មួយ​​ ដែល​បាន​បង្ហាញ​ពី​ប្រវត្តិ​ដ៏​អង់​អាច​របស់​ស្ត្រីនៅ​លើ​ពិភព​លោក​។ ​​ទិវានេះរំលឹកដល់ស្រ្តីគ្រប់រូប ដែលខិតខំតស៊ូទាមទារនៅការរើសអើងពីសង្គមដូចជា ព្រំដែនជាតិនិង​ដោយ​ជាតិពន្ធខុសគ្នា ដោយភាពខុសគ្នាខាងភាសា វប្បធម៌ សេដ្ឋកិច្ច និងនយោបាយដើម្បីទទួលបាននៅ សមភាព យុត្តិធម៌ សន្តិភាព និង អភិវឌ្ឍន៍។

បើ​តាម​លោកជំំទាវ ដើម្បីសម្រេចបាននៅសមភាពយេនឌ័រថ្ងៃនេះ ដើម្បីចីរភាពនាពេលអនាគតលុះត្រាតែមានការចូលរួមពីភាគីពាក់ព័ន្ធទាំងអស់។

លោកជំទាវ​បានបន្តទៀតថា ការទទួលបានសមភាពយេនឌ័រពិតប្រាកដ គឺនៅពេលដែលស្ដ្រីគ្រប់រូបត្រូវបានផ្ដល់ឱកាសនិងអំណាចក្នុងការចូលរួមដើម្បីកសាង​អនាគតប្រទេសកម្ពុជា។

ក្រសួងសារធារណការនិងដឹកជញ្ជូន តែងតែ​ប្រារព្ធពិធីសិទ្ធិនារី​អន្តរជាតិ ៨ មីនា រៀងរាល់ឆ្នាំ ព្រមទាំងបានលើកកម្ពស់ស្រ្តីពីមួយឆ្នាំទៅមួយឆ្នាំ តាម​រយៈ​ការ​រៀបចំដាក់ចេញនៅគោលនយោបាយនិងផែនការសកម្មភាពគ្រប់ជ្រុងជ្រោយនៅក្នុងការគាំពារលើកកម្ពស់ស្រ្តី ការអនុវត្តនៅគោលនយោបាយប្រកប​ដោយតម្លាភាពនិងសុក្រឹតភាព និង​ការតាមដានការអនុវត្តនៅគោលនយោបាយប្រកបដោយប្រសិទ្ធភាពខ្ពស់៕

The post ក្រសួង​សាធារណការ​លើក​ប្រធានបទ សមភាពយេនឌ័រថ្ងៃនេះ ដើម្បីចីរភាពនាពេលអនាគត អបអរ​ទិវា​សិទ្ធិ​នារី ៨ មីនា appeared first on .