នៅលើទំព័រហ្វេសប៊ុក​ផ្ទាល់​ខ្លួន​ កាលពី​ថ្ងៃទី២១ ខែឧសភា ម្សិលមិញនេះ ឧកញ៉ា កែវ មុំ បាន​លើកឡើង​ថា អបអរ​សាទរគម្រប់ខួប ២២ឆ្នាំនៃការបង្កើតក្រុមហ៊ុន លីលី ហ្វ៊ូដ អ៊ិនដាសទ្រី ខូអិលធីឌី។ ក្នុងឱកាស​ដ៏រីករាយ​នេះ លោកស្រី​សូមថ្លែងអំណរគុណ​ដល់​លោក ស៊ុយ សែម និង​លោក ចម ប្រសិទ្ធ អតីតរដ្ឋមន្ត្រី​ក្រសួង​ឧស្សាហកម្ម ព្រមទាំង លោក ហែម វណ្ណឌី បច្ចុប្បន្នរដ្ឋមន្ត្រីក្រសួងឧស្សាហកម្ម បច្ចេកវិទ្យា វិទ្យាសាស្រ្ត និងនវានុវត្តន៍ និង មន្ត្រីក្រសួងឧស្សាហកម្មទាំងអស់ ដែលតែងតែជួយជ្រោមជ្រែង លើកទឹកចិត្ត​និងផ្ដល់វគ្គ​បណ្ដុះបណ្ដាលពង្រឹងសមត្ថភាពជាច្រើនដល់ក្រុមហ៊ុនលីលី។

ជាមួយគ្នា​នេះ លោកស្រីឧកញ៉ា​ស្ថាបនិកក្រុមហ៊ុនផលិតនំស្រួយលីលី ក៏​សូមថ្លែងអំណរគុណដល់បងប្អូន​ដែល​ជាសមាជិកមហាគ្រួសារនៃក្រុមហ៊ុនលីលីទាំងអស់ ដែលខិតខំប្រឹងប្រែងទាំងកម្លាំងកាយចិត្តធ្វើការនៅក្នុង ក្រុមហ៊ុនលីលីមកដល់បច្ចុប្បន្ននេះ។

ក្រុមហ៊ុន លីលី ហ៊្វូដ អ៊ិនដាសទ្រី បង្កើតឡើងដំបូង​នៅឆ្នាំ២០០២ បច្ចុប្បន្ន​មានរោងចក្រចំនួន ២ គឺ មួយ​ស្ថិតនៅរាជធានីភ្នំពេញ និងមួយទីតាំងទៀតស្ថិតនៅតំបន់សេដ្ឋកិច្ចពិសេសក្នុងខេត្តព្រះសីហនុ ហើយ​អាច​ផលិតនំបានជាង ៣០ ប្រភេទ។ ក្រុមហ៊ុន​ផលិត​នំ​ស្រួយ លីលី មិន​ត្រឹម​ជា​សហគ្រាស​ផលិត​​ ដើម្បី​ផ្គត់​ផ្គង់​​ ក្នុង​ស្រុក​ប៉ុណ្ណោះ​ទេ ថែម​ទាំង​​ក្លាយ​ជា​ក្រុមហ៊ុន​ខ្មែរ​ដំបូង​គេ ដែល​​មាន​សមត្ថភាព​ លក្ខណៈសម្បត្តិ​គ្រប់​គ្រាន់ ក្នុង​ការ​ផលិត​ ជា​ផលិតផល​សម្រេច​ចំណី​អាហារ នាំ​ចេញ​ទៅ​កាន់​ទីផ្សារ​អន្តរជាតិ ដូចជា សហរដ្ឋអាមេរិក កាណាដា អូស្ត្រាលី អ៊ីតាលី ថៃ មីយ៉ាន់ម៉ា វៀតណាម ចិន ម៉ាឡេស៊ី​ កូរ៉េខាងត្បូង ​អាហ្វ្រិក នូវែលសេឡង់ និង​ប្រទេស​​​ផ្សេងៗ​ទៀត​ផង​ដែរ។

លោកជំទាវ ឧកញ៉ា កែវ មុំ ស្ថាបនិក និង​ជាអគ្គនាយិកា​​ក្រុមហ៊ុន​នំ​ស្រួយលីលី ​​ធ្លាប់​ទទួលបានពានរង្វាន់ជា «សហគ្រាស​ល្អបំផុត» ពីចក្រភពអង់គ្លេសកាលពីឆ្នាំ២០១៥ លើ​ជោគជ័យអាជីវកម្មផលិតនំស្រួយ ចែកចាយ​ទាំងលើទីផ្សារក្នុងស្រុក និងលើទីផ្សារអន្តរជាតិ ប្រកបដោយគុណភាព និងអនាម័យខ្ពស់ស្របតាមស្ដង់ដារ​គុណភាពប្រទេសជប៉ុន។ ក្រុមហ៊ុន លីលី ហ៊្វូដ អ៊ិនដាសទ្រី បច្ចុប្បន្ន​ដឹកនាំ​ដោយ​លោកស្រី​ អ៊ឹង ឈីវលី ហៅ​ លីលី កូនស្រីឧកញ៉ា កែវ មុំ ជា​អគ្គនាយិកា និង​​មាន​ឧកញ៉ា កែវ មុំ ជាប្រធាន​ក្រុមប្រឹក្សាភិបាល៕

The post ឧកញ៉ា កែវ មុំ រៀបចំពិធីគម្រប់ខួប ២២ឆ្នាំ នៃការបង្កើតក្រុមហ៊ុនផលិតនំស្រួយលីលី appeared first on .

ថ្លែងក្នុងបើកកម្មវិធី លោកជំទាវឧកញ៉ា កែវ មុំ​​ ប្រធានសមាគមសមាធិព្រះធម៌-កម្ពុជា បានលើកឡើងពីប្រវត្តិលោកគ្រូតា ដាស៊ីរ៉ា ណារ៉ាដា ដែលបានចាប់បដិសន្ធិនៅថ្ងៃទី២៤ ខែតុលា ឆ្នាំ១៨៤៦ នៅទីក្រុងគូឡំបូ ប្រទេសស្រីលង្កា។ លោកបានរៀនចប់ថ្នាក់បណ្ឌិតនៅសាកលវិទ្យាល័យ ណាឡាន់ដា នៅឆ្នាំ១៨៧១ និងបានសិក្សាទស្សនវិជ្ជាផ្សេងៗពីបូព៌ាប្រទេស ដើម្បីរំដោះខ្លួនព្រមទាំងមនុស្សទូរទៅឲ្យបានរួចផុតនូវកម្មរបស់មនុស្សលោក។

លោកជំទាវបន្តថា លោកគ្រូតាបានបង្កើតនូវការសមាធិនេះឡើងនៅឆ្នាំ១៨៩៣។ កន្លងមករយៈពេល១៨ឆ្នាំ លោក បានសម្រេចញាណដោយបានបើកទម្លុះនៅចក្រាដែលអាចនាំមកនូវថាមពលចក្រវាឡមកក្នុងខ្លួន មិនត្រឹមតែប៉ុណ្ណោះ លោកក៏បានរកឃើញវិធីឆ្ពោះទៅរកការបើកចក្រាជូនដល់អ្នកដទៃដោយមិនតម្រូវឱ្យពួកគេឆ្លងកាត់តាមវិធីដ៏វែងនិងលំបាកនោះឡើយ។

បន្ថែមទៀតនោះ​​លោកជំទាវឧកញ៉ា កែវ មុំ បានលើកឡើងពីបុព្វហេតុដែលនាំឱ្យកើតមានទម្រង់សមាធិនេះឡើងនៅកម្ពុជារៀបចំឡើងដោយសមាគមសមាធិព្រះធម៌-កម្ពុជា ដែលមានលោកគ្រូតាជាប្រធាន គឺជាទម្រង់សមាធិមួយរបស់អង្គព្រះសម្មាសម្ពុទ្ធដែលមានទាំងអស់ចំនួន៤០។

លោកស្រី ស្រ៊ុន ស៊ូគីម សិស្សសមាធិកម្រិត៣ បានបង្ហាញអារម្មណ៍ទាំងក្ដុកក្ដួលថា ការចូលរួមធ្វើសមាធិនេះលោកស្រីទទួលបានថាមពលផ្លូវចិត្តយ៉ាងច្រើនពីចក្រា​ មិនតែប៉ុណ្ណោះលោកស្រីអាចមានថាមពលព្យាបាលខ្លួនឯងផង ម្តាយផង ព្រមទាំងស្វាមី​ និងបងប្អូនជាច្រើនរូបផងដែរ។

ជាមួយគ្នានោះ លោកស្រី គង់ ដាឡែន សិស្សសមាធិកម្រិត៣ បានលើកឡើងពីភាពអស្ចារ្យរបស់លោកគ្រូតាថា កាលពីមុនលោកស្រីមានបញ្ហាគីសដៃស្បូនទាំងសងខាងដែលមិនអាចមានកូនបានទេ ក្រោយពីចូលរៀនវគ្គសមាធិ ធ្វើឱ្យលោកស្រីមានថាមពលយ៉ាងខ្លាំងខ្លា ហើយអាចជម្នះភាពភ័យខ្លាចនានា រហូតអាចបង្កើតកូនប្រុសបានម្នាក់ដោយសារការសុំពរពីលោកគ្រូតា ដាស៊ីរ៉ា ណារ៉ាដា។

បើតាមលោកជំទាវប្រធានសមាគមព្រះធម៌-កម្ពុជា បានបញ្ជាក់ថា​ ចក្រារបស់លោកគ្រូតា ដាស៊ីរ៉ា ណារ៉ាដា ពិតជាអាចព្យាបាលជំងឺបានគ្រប់ប្រភេទទាំងអស់ លើកលែងតែជំងឺដែលបានទទួលបានពីកម្មតែប៉ុណ្ណោះ។

នៅក្នុងកម្មវិធីនោះដែរ សិស្សសមាធិគ្រប់កម្រិតក៏បានសម្ដែងនូវការដឹងគុណជាអនេកចំពោះលោកគ្រូតា ដាស៊ីរ៉ា ណារ៉ាដា ដែលបាននាំមកនូវទម្រង់សមាធិនេះ ដែលអាចធ្វើឱ្យពួកគាត់មានកម្លាំងថាមពលដ៏អស្ចារ្យក្នុងការព្យាបាលជំងឺខ្លួនឯង និងមានសមត្ថភាពក្នុងការព្យាបាលជូនអ្នកដទៃផងដែរ៕ អត្ថបទ៖ សុកធា

The post ឧកញ៉ា កែវ មុំ និងអ្នកឧកញ៉ា ភាព ហៀក ដឹកនាំសិស្សសមាធិ ធ្វើខួបកំណើត១៧៧ឆ្នាំថ្វាយលោកគ្រូតា ដាស៊ីរ៉ា ណារ៉ាដា appeared first on .

ពិធីចូលចែចាវស្តីដណ្តឹងរវាងក្រុមឥស្សរសជន និងអ្នកជំនួញល្បីឈ្មោះទាំង២ធ្វើឡើងក្រោមវត្តមានសម្តេចកិត្តិសង្គហបណ្ឌិត ម៉ែន សំអនឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងព្រឹទ្ធសភា-រដ្ឋសភា និងអធិការកិច្ច លោកជំទាវ អាន្នី សុខអាន ជាមាតាខាងកូនប្រុស លោកជំទាវឧកញ៉ា កែវ មុំ ជាមាតាខាងកូនស្រី អ្នកឧកញ៉ា សំ អាង អ្នកឧកញ៉ា ឈុន លាង ព្រមទាំងញាតិមិត្តជិតខាងជាច្រើនរូបបានអញ្ជើញផ្តល់កិត្តិយសក្នុងពីធីចែចាវស្តីដណ្តឹងតាមប្រពៃណីខ្មែរនៅពេលនេះ។

លោក សុខ សង្វារ ជា​កូនពៅរបស់​សម្តេច សុខ អាន ក្នុងចំណោម​កូន​ទាំង​៥​នាក់ បច្ចុប្បន្នអនុរដ្ឋលេខាធិការ​ក្រសួងទេសចរណ៍​ ចំណែក កញ្ញា អ៊ឹង ឈីវលី ជាអគ្គនាយិកា​ (CEO) របស់​ក្រុមហ៊ុន​ផលិត​នំ​ស្រួយ លីលី គឺជា​បញ្ញវន្ត​ខ្មែរ ដែល​បាន​បញ្ចប់​ការ​សិក្សា​កម្រិត​ជាន់ខ្ពស់ មក​ពី​ក្រៅ​ប្រទេស​ដូច​គ្នា។

លោក សុខ សង្វារ មានវ័យ ៣៦ឆ្នាំ ​​​បញ្ចប់​ថ្នាក់បរិញ្ញាបត្រផ្នែកបដិសណ្ឋារកិច្ច និងគ្រប់គ្រងទេសចរណ៍ នៅវិទ្យាស្ថានឧត្តមសិក្សា គ្លីយុង (GLION) ទីក្រុងប៊ូឡល ប្រទេស​ស្វីស នៅ​ឆ្នាំ២០០៨។ ​នៅឆ្នាំ២០១៣ លោកបន្តការសិក្សាថ្នាក់បរិញ្ញាបត្រជាន់ខ្ពស់ ជំនាញសិល្បៈសេរី​នៃបេតិក​ភណ្ឌវប្បធម៌ និងបរិស្ថាន នៅសាកលវិទ្យាល័យជាតិ ប្រទេសអូស្ត្រាលី។

លោក សុខ សង្វារ ​​បាន​វិលត្រឡប់​មក​​ប្រទេស​កម្ពុជា​វិញ នៅ​ឆ្នាំ២០០៨ ​​និង​ត្រូវ​បាន​រាជរដ្ឋាភិបាល​ផ្តល់​សេចក្តី​ទុកចិត្ត​តែង​តែង​មុខ​តំណែង​ជា​បន្ត​បន្ទាប់​ ដូចជា ឆ្នាំ២០០៩-២០១៣ ជាអនុប្រធាន​នាយកដ្ឋានឧស្សាហកម្មទេសចរណ៍នៃក្រសួងទេសចរណ៍, ឆ្នាំ២០១៣-២០២០ ជាប្រធានក្រុមការងារ​អនុវត្តន៍​ផែនការគ្រប់គ្រងទេសចរណ៍អង្គរ, ឆ្នាំ២០១៥-២០២០ ជាអគ្គនាយករង អាជ្ញាធរជាតិអប្សរា និង​នៅ​ឆ្នាំ២០២០ ដល់បច្ចុប្បន្ន ជាអនុរដ្ឋលេខាធិការ នៃ​ក្រសួងទេសចរណ៍ ទទួលបន្ទុកការងារសិក្សាទីផ្សារ និងផ្សព្វផ្សាយ​ទេចរណ៍​ក្រៅប្រទេស។

ដោយឡែក កូនស្រីឧកញ៉ា កែវ មុំ គឺ កញ្ញា លីលី បាន​បញ្ចប់​ការ​សិក្សា​ថ្នាក់​​ទី១២ នៅ​ប្រទេស​កាណាដា ​​ហើយ​កញ្ញា​បាន​​បន្ត​សិក្សា​​​ចប់​បរិញ្ញាបត្រ លើ​ជំនាញ​អាជីវកម្ម ពី​សហរដ្ឋអាមេរិក និង​បាន​បញ្ចប់​ថ្នាក់​បរិញ្ញាបត្រ​ជាន់ខ្ពស់​ លើ​ជំនាញ​គ្រប់គ្រង​អាជីវកម្ម ពី​ប្រទេស​អង់គ្លេស។ កញ្ញា លីលី បាន​ឡើង​កាន់​តំណែង​ជា​​អគ្គនាយិកា​ក្រុមហ៊ុន ផលិត​នំ​ស្រួយ លីលី ចាប់​តាំងពី​ខែ​ឧសភា ឆ្នាំ២០២០ រហូតមកដល់បច្ចុប្បន្ន៕

The post កូនប្រុសពៅសម្តេច សុខ អាន ចូលស្តីដណ្តឹងកូនស្រីឧកញ៉ាម្នាក់! appeared first on .

លោក​ ​សុខ សង្វារ ​បច្ចុប្បន្ន​ជា​អនុរដ្ឋលេខាធិការក្រសួងទេសចរណ៍ ​​បាន​បង្ហោះ​រូបភាព​ផ្អែម​ល្ហែម​ជាមួយ​កញ្ញា លីលី ក្នុង​ឱកាស​ខួប​កំណើត​របស់​លោក កាលពី​ព្រលប់​ថ្ងៃទី៦ ខែកក្កដា ឆ្នាំ២០២៣ ​​យ៉ាង​​ដូច្នេះ​ថា៖ “ឆ្លៀត​ពេល​បន្តិចពីយុទ្ធនាការសម្រាប់ លីលី គូអនាគតរបស់ខ្ញុំ។ អរគុណអូន សម្រាប់​អាហារពេលល្ងាច​ដ៏មិនអាចភ្លេច​បាន និងនំខេកដ៏ពិសេស”។

កញ្ញា លីលី កូនស្រី​របស់​លោកជំទាវ​ឧកញ៉ា កែវ មុំ ប្រធានសមាគមសហគ្រិនស្ត្រីកម្ពុជា និង​លោក សុខ សង្វារ គឺជា​បញ្ញវន្ត​ខ្មែរ ដែល​បាន​បញ្ចប់​ការ​សិក្សា​កម្រិត​ជាន់ខ្ពស់ មក​ពី​ក្រៅ​ប្រទេស​ដូច​គ្នា។ កញ្ញា លីលី បាន​បញ្ចប់​ការ​សិក្សា​ថ្នាក់​​ទី១២ នៅ​ប្រទេស​អូស្ត្រាលី ​​ហើយ​កញ្ញា​បាន​​បន្ត​សិក្សា​​​ចប់​បរិញ្ញាបត្រ លើ​ជំនាញ​អាជីវកម្ម ពី​សហរដ្ឋអាមេរិក និង​បាន​បញ្ចប់​ថ្នាក់​បរិញ្ញាបត្រ​ជាន់ខ្ពស់​ លើ​ជំនាញ​គ្រប់គ្រង​អាជីវកម្ម ពី​ប្រទេស​អង់គ្លេស។ កញ្ញា លីលី បាន​ឡើង​កាន់​តំណែង​ជា​​អគ្គនាយិកា​ក្រុមហ៊ុន ផលិត​នំ​ស្រួយ លីលី ចាប់​តាំងពី​ខែ​ឧសភា ឆ្នាំ២០២០ រហូតមកដល់បច្ចុប្បន្ន។

ចំណែក​ឯ​លោក សុខ សង្វារ ​​កើត​ឆ្នាំ១៩៨៧ ត្រូវបានក្រុមគ្រួសារជញ្ជូនទៅរៀននៅប្រទេសបារាំង នៅឆ្នាំ​១៩៩៨ កាល​វ័យ​ត្រឹម​ ១១​ឆ្នាំ។ លោក​បាន​បញ្ចប់​ការ​សិក្សា​ថ្នាក់អនុវិទ្យាល័យ និង​​វិទ្យាល័យ​នៅ​ប្រទេស​បារាំង នៅ​ឆ្នាំ២០០៥។ បន្ទាប់​មក លោក​ បាន​បញ្ចប់​ថ្នាក់បរិញ្ញាបត្រផ្នែកបដិសណ្ឋារកិច្ច និងគ្រប់គ្រងទេសចរណ៍ នៅវិទ្យាស្ថានឧត្តមសិក្សា គ្លីយុង (GLION) ទីក្រុងប៊ូឡល ប្រទេស​ស្វីស នៅ​ឆ្នាំ២០០៨។ ​នៅឆ្នាំ២០១២-២០១៣ លោក ក៏សម្រេចឆ្លៀតពេលបន្តសិក្សាយកសញ្ញាបត្រថ្នាក់បរិញ្ញាបត្រជាន់ខ្ពស់ ជំនាញសិល្បៈសេរី​នៃបេតិក​ភណ្ឌវប្បធម៌ និងបរិស្ថាន នៅសាកលវិទ្យាល័យជាតិ ប្រទេសអូស្ត្រាលី។

សូម​ជម្រាប​ថា លោក សុខ សង្វារ ​​បាន​វិលត្រឡប់​មក​​ប្រទេស​កម្ពុជា​វិញ នៅ​ឆ្នាំ២០០៨ ​​និង​ត្រូវ​បាន​រាជរដ្ឋាភិបាល​ផ្តល់​សេចក្តី​ទុកចិត្ត​តែង​តែង​មុខ​តំណែង​ជា​បន្ត​បន្ទាប់​ ដូចជា ឆ្នាំ២០០៩-២០១៣ ជាអនុប្រធាន​នាយកដ្ឋានឧស្សាហកម្មទេសចរណ៍នៃក្រសួងទេសចរណ៍, ឆ្នាំ២០១៣-២០២០ ជាប្រធានក្រុមការងារ​អនុវត្តន៍​ផែនការគ្រប់គ្រងទេសចរណ៍អង្គរ, ឆ្នាំ២០១៥-២០២០ ជាអគ្គនាយករង អាជ្ញាធរជាតិអប្សរា និង​នៅ​ឆ្នាំ២០២០ ដល់បច្ចុប្បន្ន ជាអនុរដ្ឋលេខាធិការ នៃ​ក្រសួងទេសចរណ៍ ទទួលបន្ទុកការងារសិក្សាទីផ្សារ និងផ្សព្វផ្សាយ​ទេចរណ៍​ក្រៅប្រទេស៕

The post គូអនាគតរបស់កញ្ញា CEO នំស្រួយលីលី ជាបញ្ញវន្តក្រៅប្រទេសដូចគ្នា និងជាកូនប្រុសពៅសម្តេច សុខ អាន appeared first on .

​ថ្លែង​ប្រាប់​ ឧកញ៉ា ញូស៍ ក្នុង​បទ​សម្ភាសន៍​​មួយ កាល​ពី​ពេល​ថ្មីៗ​កន្លង​ទៅ​ លោក​ជំទាវ​ឧកញ៉ា កែវ មុំ​ ​បាន​ឱ្យ​ដឹង​ថា ផលិត​ផលនំ​ស្រួយ​ លីលី គឺ​​បាន​ប្រើប្រាស់​នូវ​វត្ថុធាតុដើម អង្ករ​ផ្កា​រំដួល ដែល​ជា​អង្ករ​ជាប់​ចំណាត់​ថ្នាក់​​លេខ​១ លើ​ពិភពលោក ដូច្នេះ​ធ្វើ​ឱ្យ​នំ​ដែល​​​ផលិត​ចេញ​​ មាន​រស់​ជាតិ​ឈ្ងុយឆ្ងាញ់​ ដែល​​អាច​ប្រកួត​ប្រជែង​លើ​ទីផ្សារ​អន្តរជាតិ​បាន។ លោក​ជំទាវ បន្ត​ថា​ជាការពិត​ណាស់​​ ផលិតផល​ចំណី​អាហារ គឺ​ផ្តោត​សំខាន់​លើ​រស់ជាតិ កាលណា​រស់​ជាតិ​យើង​ឆ្ងាញ់ តែង​ទទួល​បាន​ការ​គាំទ្រ ​ហើយ​ទើប​យើង​អាច​ពង្រីក​សក្តានុពល​បាន។ ជា​រៀង​រាល់​៣ឆ្នាំ ឬ​៥​ឆ្នាំ​ម្តង ក្រុមហ៊ុន​លីលី​ ​តែង​តែ​ផ្លាស់ប្តូរ​បច្ចេកវិទ្យា​ថ្មីៗ និង​បង្កើន​នូវ​ផលិតផល​ថ្មីៗ​បន្ថែម​ទៀត ដើម្បី​​ឱ្យ​​អតិថិជន​បន្ត​ការ​គាំទ្រ​ជា​រៀង​រហូត។ ​

លោក​ជំទាវ​ឧកញ៉ា បាន​បន្ត​​​​ដូច្នេះ​​ថា៖ “ចំពោះចង្វាក់​ផលិតកម្ម យើង​ផលិត​បាន​ជិត ១០តោនក្នុង​មួយ​ថ្ងៃ។ ចំពោះ​ចក្ខុវិស័យ​វិញ​ យើង​តែង​តែ​គិត​គូរ​នូវ​ការ​ពង្រីក​នូវ​សក្តានុពល និង​​ចង្វាក់​ផលិតកម្ម ​ផលិត​នូវ​អ្វីៗ​ថ្មី​បន្ថែម​ទៀត ហើយ​អាច​ផ្សព្វផ្សាយ​ផលិត​ខ្មែរ ជាពិសេស​យើង​ផលិត​​​ គឺ​យើង​យក​កសិផល​របស់​ខ្មែរ​យើង​ យក​មក​កែច្នៃ ដែល​អាច​ជួយ​ដល់​ដោះស្រាយ​បញ្ហា​របស់​កសិករ​យើង ​ព្រោះ​ពេល​ខ្លះ​កសិករ​គាត់​ប្រមូល​ផល មិន​ដឹង​ថា​ គួរ​យក​ទៅ​លក់​នៅ​ទីណា អត់​មាន​អ្នក​ទិញ ឬ​តម្លៃ​ធ្លាក់​ចុះ ធ្វើ​ឱ្យ​ពួកគាត់​ខាត លះបង់​ការ​ដាំដុះ និង​ត្រូវ​ធ្វើ​ចំណាក​ស្រុក។ ដូច្នេះ​ក្រុមហ៊ុន​ លីលី ធ្វើ​ម៉េច​ជួយ​ដោះស្រាយ​នូវ​បញ្ហា​របស់​កសិករ​យើង​ផង​ដែរ។

​ឧកញ៉ា កែវ មុំ បាន​​ឱ្យ​ដឹង​បន្ថែម​ទៀត​ថា វត្ថុ​ធាតុ​ដើម​ដែល​ចម្បង​​គឺ ពោត​ អង្ករ និង​ម្សៅ​ដំឡូងមី ដែល​ជា​កសិផល​នៅ​ក្នុង​ប្រទេស​ខ្មែរ​យើង ​ហើយ​​ក្រៅ​ពី​ធ្វើ​នំ​ ​​ក្រុមហ៊ុន​​ក៏​កំពុង​តែ​គិត​គូរ​ពី​ការ​កែច្នៃ​បន្លែ​ ផ្លែឈើ​ក្រៀមដែរ។ កន្លង​មក​​ក្រុមហ៊ុន​​ធ្លាប់​​បាន​ធ្វើ​ការ​ផលិត​ម្តង​រួច​ហើយ ប៉ុន្តែ​ដោយសារ​ថ្លៃ​ដើម​ខ្ពស់​ពេក ពិបាក​ក្នុង​ការ​ប្រកួត​ប្រជែង ក៏​ផ្អាក​មួយ​រយៈ ទោះ​យ៉ាងណា​​ក្រុមហ៊ុន​របស់​លោក​ជំទាវ​ ​នឹង​មិន​បោះបង់​នោះ​ទេ ​​ហើយ​នឹង​ចាប់​ផ្តើម​រក​វិធី​ផលិត​បន្ត​ទៀត។

គួរបញ្ជាក់​ថា ក្រុមហ៊ុន​ផលិត​នំ​ស្រួយ លីលី ដែលមានរោងចក្រ​ ស្ថិត​នៅ​ភូមិ​ក្បាលដំរី សង្កាត់កាកាប ខណ្ឌ​ពោធិ៍សែនជ័យ រាជធានីភ្នំពេញ ​​បាន​ចាប់​ផ្តើម​ដំណើរការ​ ចាប់ពី​ខែ​ឧសភា ឆ្នាំ​២០១២។ ក្រុមហ៊ុន​ផលិត​នំ​ស្រួយ លីលី មិន​ត្រឹម​ជា​សហគ្រាស​ផលិត​​ ដើម្បី​ផ្គត់​ផ្គង់​​ ក្នុង​ស្រុក​ប៉ុណ្ណោះ​ទេ ថែម​ទាំង​​ក្លាយ​ជា​ក្រុមហ៊ុន​ខ្មែរ​ដំបូង​គេ ដែល​​មាន​សមត្ថភាព​ លក្ខណៈសម្បត្តិ​គ្រប់គ្រាន់ ក្នុង​ការ​ផលិត​ ជា​ផលិតផល​សម្រេច​ចំណី​អាហារ នាំ​ចេញ​ទៅ​កាន់​ទីផ្សារ​អន្តរជាតិ ដូចជា សហរដ្ឋអាមេរិក កាណាដា អូស្ត្រាលី អ៊ីតាលី មីយ៉ាន់ម៉ា វៀតណាម ចិន ម៉ាឡេស៊ី​កូរ៉េខាងត្បូង ​និង​ប្រទេស​​​ផ្សេងៗ​​មួយ​ចំនួន​ទៀត៕

The post ដឹងអត់ថា ក្រុមហ៊ុននំស្រួយ លីលី របស់ឧកញ៉ា កែវ មុំ ផលិតអស់អង្ករប៉ុន្មានតោនក្នុងមួយថ្ងៃ? appeared first on .

គោលបំណង​​នៃកម្មវិធីដំបូងអស្ចារ្យមួយនេះ គឺ​ធ្វើ​ឡើង​ដើម្បីបើកឱកាសឱ្យសហគ្រិនស្ត្រី​ និងក្រុមគ្រួសារមាន​ឱកាស​ជួបជុំគ្នា និងបង្កើតទំនាក់ទំនងល្អ រវាងសមាជិកាចាស់ និងសមាជិកាថ្មីៗ ជាពិសេសអាចដាក់តាំង​បង្ហាញ​លក់ផលិតផល និងសេវាកម្មរបស់ខ្លួន។

សមាគមសហគ្រិនស្រ្តីកម្ពុជា​ កំពុងបន្តធ្វើការងារឆ្ពោះទៅមុខ​ ដើម្បីផ្ដល់ឱកាសដល់ប្រព័ន្ធអេកូឡូស៊ី (ecosystem) របស់សេដ្ឋកិច្ចស្ត្រីជាធុរជន និងធ្វើ​ឱ្យ​រឹតតែល្អប្រសើរឡើង​នូវលទ្ធភាពជោគជ័យ​របស់អាជីវកម្ម​នានាក្នុងសហគមន៍ តាមរយៈការចូលរួម ក៏ដូចជាបង្កើតវេទិកានានា ដើម្បីអភិវឌ្ឍសកម្មភាព​ក្នុងភាពជា​សហគ្រិន។ វត្តមានរបស់ស្រ្តីកម្ពុជាកាន់តែត្រូវបានទទួលស្គាល់ និងមានភាពសកម្មនៅក្នុងសេដ្ឋកិច្ច និងសង្គម ជាពិសេសនៅក្នុងយុគ្គសម័យឌីជីថល។

គួរ​បញ្ជាក់​ថា សមាគម​សហគ្រិន​ស្ត្រីកម្ពុជា (CWEA) ​ជា​អង្គការ​សមាជិក​មួយ​ ដែល​បាន​បង្កើត​ឡើង នៅ​ក្នុង​ឆ្នាំ២០១១ ក្រោម​គំនិត​ផ្តួចផ្តើម​របស់​ក្រសួង​កិច្ចការ​នារី ដោយ​មាន​កិច្ចគាំទ្រ​ផ្នែក​បច្ចេកទេស​ពី​សំណាក់​ធនាគារពិភពលោក និង​សហគ្រិនស្ត្រី​កម្ពុជា​ចំនួន ១៤​រូប។ ​សមាគមសហគ្រិនស្ត្រី​កម្ពុជា មាន​គោលបំណង​ជួយ​គាំទ្រ​ឱ្យ​ស្ត្រី​មាន​ការ​រីក​ចម្រើន​ផ្នែក​ធុរកិច្ច តាម​រយៈ​ការ​ផ្តល់​ឱ្យ​ស្ត្រី​នូវ​វេទិកា​ធុរកិច្ច និង​ឱកាស​រៀបចំ​បង្កើត​បណ្តាញ​ស្ត្រី​ទាំង​នៅ​ក្នុង​ប្រទេស និង​ក្រៅ​ប្រទេស ក៏​ដូចជា​គាំទ្រ​ដល់​ការ​បង្កើត​ប្រព័ន្ធ​អេកូសហគ្រិនភាព សម្រាប់​ស្ត្រី​ក្នុង​ប្រទេស​កម្ពុជា​ផង​ដែរ៕

The post ឧកញ៉ា កែវ មុំ រៀបចំ «ទិវាគ្រួសារសមាគមសហគ្រិនស្ត្រីកម្ពុជា» ប្រចាំឆ្នាំ ជាលើកដំបូង appeared first on .

លោក​ជំទាវ​ឧកញ៉ា កែវ មុំ ​​បាន​ឱ្យ​ដឹង​ថា ​ការចុះអនុស្សរណៈយោគយល់គ្នារវាង សមាគមសហគ្រិនស្ត្រីកម្ពុជា ជាមួយនឹង​ក្រុមហ៊ុន​ទាំង​ពីរ​ខាង​លើ​នេះ​ គឺ​ក្នុងគោលបំណងផ្ដល់សេវាកម្មគ្នា​ទៅវិញទៅមក ​ដូចជា ក្រុមហ៊ុន​ឧត្តុង្គអ៊ិចប្រេស​នឹងផ្ដល់​រថយន្ត​១គ្រឿង សម្រាប់ដឹកជញ្ជូនសមាជិកសមាគមសហគ្រិនស្ត្រី ទៅតាមបណ្តាខេត្ត ក្នុងមួយខែម្ដង ដោយឥតគិតថ្លៃ។ ​ចំណែក​ឯ​ក្រុមហ៊ុនអចលទ្រព្យស៊ី​៧ នឹងមានការបញ្ចុះតម្លៃ សម្រាប់សមាជិក​សមាគមសហគ្រិនស្ត្រី ដែលមានបំណង​ចង់ទិញអចលទ្រព្យពីក្រុមហ៊ុនស៊ី៧។

គួរ​បញ្ជាក់​ថា លោក​ជំទាវ​ឧកញ៉ា កែវ មុំ ​​​​​ជា​រឿយៗ​តែង​តែ​ដឹកនាំ​សមាគមសហគ្រិនស្ត្រីកម្ពុជា ​​ធ្វើ​ការ​ចុះអនុស្សរណៈ​យោគយល់គ្នា ជាមួយ​នឹង​ស្ថាប័ន​ជាតិ អន្តរជាតិ និង​ក្រុមហ៊ុន​​ជា​ច្រើន​ទៀត ក្នុង​គោល​បំណង​ដើម្បីពង្រឹងបេសកកម្មរបស់សមាគម និងដើម្បី​រួមចំណែកដល់កំណើនសេដ្ឋកិច្ចរបស់ប្រទេស។ ជាពិសេស​ គឺ​បាន​រួមចំណែកដល់ឧស្សាហកម្ម សហគ្រាសធុនតូច និងមធ្យមនៅកម្ពុជា ដែលមានប្រមាណ ៦៥% បង្កើត​ឡើង​ដោយស្រ្តី និង ៩៩% ត្រូវបានគ្រប់គ្រងដោយស្ត្រី។

សមាគម​សហគ្រិន​ស្ត្រីកម្ពុជា (CWEA) ​ជា​អង្គការ​សមាជិក​មួយ​ ដែល​បាន​បង្កើត​ឡើង នៅ​ក្នុង​ឆ្នាំ២០១១ ក្រោម​គំនិត​ផ្តួចផ្តើម​របស់​ក្រសួង​កិច្ចការ​នារី ដោយ​មាន​កិច្ចគាំទ្រ​ផ្នែក​បច្ចេកទេស​ពី​សំណាក់​ធនាគារពិភពលោក និង​សហគ្រិនស្ត្រី​កម្ពុជា​ចំនួន ១៤​រូប។ ​សមាគមសហគ្រិនស្ត្រី​កម្ពុជា មាន​គោលបំណង​ជួយ​គាំទ្រ​ឱ្យ​ស្ត្រី​មាន​ការ​រីក​ចម្រើន​ផ្នែក​ធុរកិច្ច តាម​រយៈ​ការ​ផ្តល់​ឱ្យ​ស្ត្រី​នូវ​វេទិកា​ធុរកិច្ច និង​ឱកាស​រៀបចំ​បង្កើត​បណ្តាញ​ស្ត្រី​ទាំង​នៅ​ក្នុង​ប្រទេស និង​ក្រៅ​ប្រទេស ក៏​ដូចជា​គាំទ្រ​ដល់​ការ​បង្កើត​ប្រព័ន្ធ​អេកូសហគ្រិនភាព សម្រាប់​ស្ត្រី​ក្នុង​ប្រទេស​កម្ពុជា​ផង​ដែរ៕

The post ឧកញ៉ា កែវ មុំ ប្រធានសមាគមសហគ្រិនស្ត្រីកម្ពុជា ចុះ MoU ជាមួយក្រុមហ៊ុនចំនួនពីរ appeared first on .

ឧកញ៉ា កែវ មុំ ​​បាន​ឱ្យ​ដឹង​តាម​រយៈទំព័រហ្វេសប៊ុក​ថា ថ្ងៃមុន លោកជំទាវ​បាន​យកអំណោយ​មកចែកជូន​អង្គការ​សង្គ្រោះជនអស់សង្ឃឹម ពេលនោះលោកយាយៗ គាត់ថាចង់ពិសារកាហ្វេ។ ដូច្នេះ​ថ្ងៃនេះ លោកជំទាវ​ឧកញ៉ា បាននាំយកកាហ្វេ និង​នំស្រួយលីលី យកមកជូនលោកយាយពិសារ ហើយសំណាងបានជួបលោកយាយ ម៉ារី អិន្ស វ័យ​៨៨ឆ្នាំ ដែលគាត់​បានមកដល់ប្រទេសកម្ពុជាយើង តាំងពីឆ្នាំ១៩៦១​មកម៉្លេះ ហើយមាននិស្ស័យជាមួយ​នឹងបងប្អូន​ប្រជាពលរដ្ឋខ្មែរ ទើបគាត់សម្រេចចិត្ត បើកអង្គការជួយដល់ស្ត្រីអស់សង្ឃឹមរហូតមកដល់ពេលនេះ។

អង្គការសង្គ្រោះជនអស់ក្តីសង្ឃឹម ដែល​មាន​ទីតាំង​ស្ថិតនៅសង្កាត់កំបូល រាជធានីភ្នំពេញ ជា​អង្គការ​មួយ​បង្កើត​ឡើង​ក្នុង​គោលបំណង​ជួយ​ដល់​កុមារកំព្រា សិស្ស និស្សិត កម្មករ អ្នក​ផ្ទុក​មេរោគអេដស៍ ​​និង​ស្ត្រី​ចាស់​ជរា​គ្មាន​ទីពឹង រស់​នៅ​ឯកា​អស់​សង្ឃឹម ដើម្បី​ឱ្យ​ពួកគេទទួលបាននូវការរស់រាន ការថែទាំ​​ទាំងសុខភាព ការអប់រំ និង​ឱកាស​ជាច្រើន ដូចជន​ទូទៅនៅក្នុងសង្គមជាតិ៕

The post ឧកញ៉ា កែវ មុំ នាំយកកាហ្វេ និងនំស្រួយលីលី ជូនដល់លោកយាយៗនៅអង្គការសង្គ្រោះជនអស់សង្ឃឹម appeared first on .

ក្នុង​ជំនួប​ណែនាំ​ដល់​អ្នកវិនិយោគ​មក​ប្រទេស​ចិន​​ជា​ច្រើន​ក្រុមហ៊ុន​នេះ ឧកញ៉ា កែវ មុំ ​​​សង្ឃឹម​ថា​ក្រុមហ៊ុន​ចិន​ ​​នឹង​មើលឃើញ​ពី​សក្តានុពល​វិនិយោគ​នៅ​កម្ពុជា ជា​ពិសេសភាពធូរស្បើយនៃការរាតត្បាតជំងឺកូវីដ១៩ ​​ហើយ​លោកស្រី​ឧកញ៉ា រំពឹង​ថា​ក្រុមហ៊ុន​ចិន​ជា​បន្តបន្ទាប់​​ នឹង​អាច​មក​វិនិយោគ​នៅ​តំបន់​សេដ្ឋកិច្ចពិសេស​កំពង់សីលា ​ខណៈ​ដែល​បច្ចុប្បន្ន​​គម្រោង​​តំបន់សេដ្ឋកិច្ចពិសេស​កំពង់សីលា​នេះ បាន​ចាប់​ផ្តើម​អនុវត្ត​ជា​បណ្តើរៗ​ហើយ។

គួរបញ្ជាក់ថា តំបន់សេដ្ឋកិច្ចពិសេសកំពង់សីលា របស់ឧកញ៉ា កែវ មុំ មានទីតាំងស្ថិតក្នុងឃុំកំពង់សីលា ស្រុកកំពង់សីលា ខេត្តព្រះសីហនុ លើផ្ទៃដីសរុប ៨០០ ហិកតា ខណៈដែលបច្ចុប្បន្នកំពុងរៀបចំហេដ្ឋារចនាសម្ព័ន្ធជាបណ្តើរៗហើយ។

ឧកញ៉ា​ កែវ មុំ ធ្លាប់​បាន​លើក​ឡើង​ផង​ដែរ​ថា គម្រោងដ៏ធំមួយនេះ លោកស្រីបានបោះទុនរាប់លានដុល្លារ ព្រោះ​ចង់​បំពេញតម្រូវការអ្នកវិនិយោគទាំងក្នុង និងក្រៅប្រទេស ព្រោះ​តំបន់នេះ​ពោរពេញទៅដោយសក្តានុពល ទាំង​នៅផ្លូវគោក ផ្លូវទឹក និងផ្លូវអាកាស។ ទន្ទឹមនឹង​នេះ វាក៏អាចផ្តល់ឱកាស​ការងារដល់​ប្រជាពលរដ្ឋ​ក្នុងស្រុក​ជា​ច្រើន​ផង​ដែរ៕

The post ឧកញ៉ា កែវ មុំ ណែនាំគម្រោងតំបន់សេដ្ឋកិច្ចពិសេសរបស់ខ្លួន ដល់អ្នកវិនិយោគិនចិន ចំនួន៧០ក្រុមហ៊ុន appeared first on .

ឧកញ៉ា កែវ មុំ ប្រធានសមាគមសហគ្រិនស្ត្រីកម្ពុជា ​​បាន​បង្ហើប​ប្រាប់​ដល់ ឧកញ៉ា ញូស៍ ក្នុង​បទសម្ភាសន៍​​មួយ កាល​ពី​ពេល​ថ្មីៗ​កន្លង​ទៅ​ថា ​​កូនស្រី លីលី របស់​លោកស្រី បាន​បញ្ចប់​ការសិក្សា​កម្រិត​មធ្យមសិក្សា​បឋមភូមិ (ឌីប្លូម) នៅ​ប្រទេស​កម្ពុជា និង​បាន​បន្ត​ការ​សិក្សា​នៅ​ប្រទេស​កាណាដា រហូត​ដល់​ចប់​ថ្នាក់ទី១២។ លោកស្រី បាន​បន្ត​ថា លីលី ​​បាន​​បន្ត​សិក្សា​​​ចប់​បរិញ្ញាបត្រ លើ​ជំនាញ​អាជីវកម្ម ពី​សហរដ្ឋអាមេរិក និង​បាន​បញ្ចប់​ថ្នាក់​បរិញ្ញាបត្រ​ជាន់ខ្ពស់​ លើ​ជំនាញ​គ្រប់គ្រង​អាជីវកម្ម ពី​ប្រទេស​អង់គ្លេស។

លោកស្រី បាន​​បង្ហើប​ឱ្យ​ដឹង​បន្ថែម​ថា កញ្ញា លីលី ចេះ​៣​ភាសា​ គឺ​ភាសាខ្មែរ ភាសាអង់គ្លេស និង​ភាសាចិន យ៉ាង​ស្ទាត់​ជំនាញ ព្រម​ទាំង​ភាសា​មួយ​ចំនួន តិច​តួច​ទៀត។ អ្វី​ដែល​ធ្វើ​ឱ្យ​លោកស្រី មាន​មោទនភាព​លើ​កូនស្រី លីលី គឺដោយសារ​ លីលី​ ជា​មនុស្ស​ម្នាក់​រៀន​ឆ្លាត ឆាប់​ចាប់​បាន​លឿន និង​អាច​វិភាគ​លើ​អ្វី​បាន​ស៊ី​ជម្រៅ​ខ្លាំង ដូចជា​ការ​មើល​អត្តចរិកមនុស្ស​ជា​ដើម។ លោកស្រី បន្ថែម​ថា កញ្ញា លីលី ក៏​ពូកែ​ខាង​ចិត្ត​វិទ្យា​ដែរ ដូច្នេះ​បុគ្គលិក​​ថ្នាក់​ក្រោម តែងតែ​គោរព​ស្រឡាញ់​កញ្ញា។

គួរ​រំឭក​ថា ​​ក្នុង​ឱកាស​ខួប​កំណើត​កញ្ញា លីលី ​​កាលពី​ខែ​សីហា ឆ្នាំ២០២២ ឧកញ៉ា កែវ មុំ បាន​ឱ្យ​ដឹង​ថា កូនស្រី​ទី​២ របស់​លោកស្រី​រូប​នេះ បាន​ឡើង​កាន់​តំណែង​ជា​​អគ្គនាយិកា​ក្រុមហ៊ុន (CEO) ​​រយៈពេល ២​ឆ្នាំ​មក​ហើយ គិត​ចាប់​តាំងពី​ខែ​ឧសភា ឆ្នាំ២០២០។ ​លោកស្រី​មាន​កូន​៣​​​នាក់ ក្នុង​នោះ​​​​ប្រុស​២​នាក់ និង​ស្រី​១​នាក់ ខណៈ​ដែល​កូនប្រុស​ទាំង​ពីរ​ ក៏​​កំពុង​តែ​មាន​​មុខ​ជំនួញ​ក្នុង​ដៃរៀងៗខ្លួន។

ឧកញ៉ា កែវ មុំ ​បាន​បញ្ជាក់​ឱ្យ​ដឹង​ផង​ដែរ​ថា មូលហេតុ​ដាក់​ឈ្មោះ​ថា ក្រុមហ៊ុន នំស្រួយលីលី គឺ​ដំបូង​ឡើយ​លោកស្រី​បាន​រក​នឹក​ថា តើ​គួរ​ដាក់​ឈ្មោះ​អ្វី​ ឱ្យ​មាន​ការ​ទាក់ទាញ និង​ធ្វើ​ឱ្យ​គេ​ឆាប់ចាំ ​​ហើយ​ចុង​ក្រោយ​លោកស្រី ក៏​សម្រេច​​ដាក់​ឈ្មោះ​កូនស្រី​តែ​ម្តង​គឺ​ឈ្មោះ លីលី ដើម្បី​ងាយស្រួល​ហៅ ហើយ​ភាសាចិន ក៏​មាន​អត្ថន័យ​ល្អ​ ចម្រុងចម្រើន ឬ​រីកចម្រើន​​ទៀត​ផង។

គួរបញ្ជាក់​ថា ក្រុមហ៊ុន​ផលិត​នំ​ស្រួយ លីលី ដែលមានរោងចក្រ​ ស្ថិត​នៅ​ភូមិ​ក្បាលដំរី សង្កាត់កាកាប ខណ្ឌ​ពោធិ៍សែនជ័យ រាជធានីភ្នំពេញ ​​បាន​ចាប់​ផ្តើម​ដំណើរការ​ ចាប់ពី​ខែ​ឧសភា ឆ្នាំ​២០១២។ ក្រុមហ៊ុន​ផលិត​នំ​ស្រួយ លីលី មិន​ត្រឹម​ជា​សហគ្រាស​ផលិត​​ ដើម្បី​ផ្គត់​ផ្គង់​​ ក្នុង​ស្រុក​ប៉ុណ្ណោះ​ទេ ថែម​ទាំង​​ក្លាយ​ជា​ក្រុមហ៊ុន​ខ្មែរ​ដំបូង​គេ ដែល​​មាន​សមត្ថភាព​ លក្ខណៈសម្បត្តិ​គ្រប់គ្រាន់ ក្នុង​ការ​ផលិត​ ជា​ផលិតផល​សម្រេច​ចំណី​អាហារ នាំ​ចេញ​ទៅ​កាន់​ទីផ្សារ​អន្តរជាតិ ដូចជា សហរដ្ឋអាមេរិក កាណាដា អូស្ត្រាលី អ៊ីតាលី មីយ៉ាន់ម៉ា វៀតណាម ចិន ម៉ាឡេស៊ី និង​ប្រទេស​កូរ៉េខាងត្បូង ​ផង​ដែរ៕

The post មកដឹងប្រវត្តិសិក្សារបស់កូនស្រីឧកញ៉ា កែវ មុំ ដែលបច្ចុប្បន្នជា CEO ក្រុមហ៊ុន នំស្រួយលីលី appeared first on .