អតីតឧកញ៉ា ឡាវ វ៉ាន់ ត្រូវបានតែងតាំងជាអនុរដ្ឋលេខាធិការក្រសួងសាធារណការ

ឧកញ៉ាកោះក្របី — Sat, 19 Feb 2022 03:17:23 +0000

កូនប្រុសបង្កើតអ្នកឧកញ៉ា ឡាវ ឃីន ឧត្តមសេនីយ៍យោធា ឡាវ វ៉ាន់ ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា ត្រាស់បង្គាប់តែងតាំងជាអនុរដ្ឋលេខាធិការនៃក្រសួងសាធារណការ និងដឹកជញ្ជូន កាលពីថ្ងៃទី៧ ខែកុម្ភៈ ឆ្នាំ២០២២។

ឧត្តមសេនីយ៍យោធា ឡាវ វ៉ាន់ ត្រូវជាកូនប្រុសបង្កើតប្រពន្ធមុនរបស់អ្នកឧកញ៉ា ឡាវ ម៉េងឃីន សមាជិកព្រឹទ្ធសភាមកពីគណបក្សប្រជាជនកម្ពុជា មុនពេលលោកបានក្លាយជាស្វាមីអ្នកឧកញ៉ា ជឹង សុភាព កូនស្រីបង្កើតរបស់ឧកញ៉ា ជឹង សុភាព ហៅ «យាយភូ» ដែលជាអគ្គនាយិកាក្រុមហ៊ុនផលិតទឹកបរិសុទ្ធ វីតាល់ ហើយក៏ជាអគ្គនាយិកាក្រុមហ៊ុនផលិត មីជាតិ។

លោក ឡាវ វ៉ាន់ ក៏ធ្លាប់បានទទួលការតែងតាំងងារជាឧកញ៉ា កាលពីថ្ងៃទី០៩ ខែកុម្ភៈ ឆ្នាំ២០០៦ផងដែរ។ ប៉ុន្តែឧកញ៉ា ឡាវ វ៉ាន់ ក៏ត្រូវបានបញ្ចប់គោរមងារជាឧកញ៉ាវិញ ដោយរក្សាទុកក្របខណ្ឌជានាយទាហានថ្នាក់ឧត្តមសេនីយ៍នៃកងយោធពលខេមរភូមិន្ទរបស់ក្រសួងការពារជាតិ (ឋានន្តរសក្តិឧត្តមសេនីយ៍ទោ) ដោយព្រះរាជក្រឹត្យកាលពីថ្ងៃទី២៦ ខែកញ្ញា ឆ្នាំ២០១៩។

ការបញ្ចប់គោរមងារជាឧកញ៉ារបស់កូនប្រុសអ្នកឧកញ៉ា ឡាវ ឃីន បានធ្វើឡើងបន្ទាប់ពីសម្តេចនាយករដ្ឋមន្រ្តី ហ៊ុន សែន នៅក្នុងកិច្ចប្រជុំគណៈកម្មាធិការកណ្តាលគណបក្សប្រជាជនកម្ពុជា កាលពីខែសីហា ឆ្នាំ២០១៩ បានបញ្ជាឱ្យមន្ត្រីកងកម្លាំងប្រដាប់អាវុធណាដែលមានងារជា «ឧកញ៉ា» ត្រូវធ្វើការជ្រើសរើសជាបន្ទាន់ ថាតើត្រូវជ្រើសយកងារជា «ឧកញ៉ា» ឬយកតួនាទីជាកងកម្លាំងប្រដាប់អាវុធដែលខ្លួនកំពុងបំពេញការងារតទៅទៀត។

មុនទទួលបានការតែងតាំងជាអនុរដ្ឋលេខាធិការនៃក្រសួងសាធារណការ និងដឹកជញ្ជូន បច្ចុប្បន្ន ឧត្តមសេនីយ៍យោធា ឡាវ វ៉ាន់ មានមុខតំណែងក្នុងក្របខណ្ឌកងយោធពលខេមរភូមិន្ទក្រសួងការពារជាតិ គឺជាមេបញ្ជាការរងនៃបញ្ជាការដ្ឋានកងពលតូចលេខ៧០៕

The post អតីតឧកញ៉ា ឡាវ វ៉ាន់ ត្រូវបានតែងតាំងជាអនុរដ្ឋលេខាធិការក្រសួងសាធារណការ appeared first on .

មហាសេដ្ឋីលំដាប់កំពូលម្នាក់ ទទួលបានគោរមងារឧកញ៉ា ក្នុងថ្ងៃខែឆ្នាំជាមួយឧកញ៉ា ជឹង សុភាព

ឧកញ៉ាកោះក្របី — Sun, 06 Jun 2021 02:12:06 +0000

សេដ្ឋីលំដាប់កំពូលពីររូប ត្រូវបានព្រះមហាក្សត្រត្រាស់បង្គាប់ផ្តល់គោរមងារជា ឧកញ៉ា ថ្ងៃខែឆ្នាំតែមួយ ខណៈដែលពួកគាត់គ្រប់គ្រងអាណាចក្រជំនួញក្នុងវិស័យផ្សេងគ្មា។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

លោកជំទាវឧកញ៉ា ជឹង សុភាព ហៅយាយភូ គឺភរិយាលោកឧកញ៉ា ឡាវ ម៉េងឃីន សមាជិកព្រឹទ្ធសភាខាងកូតាគណបក្សប្រជាជនកម្ពុជា ត្រូវបានចាត់ថា ជាសហគ្រិនមានដ៏មានឥទ្ធិពលនៅកម្ពុជា ជាសហម្ចាស់កម្មសិទ្ធិក្រុមហ៊ុន Pheapimex នាយកគ្រប់គ្រងក្រុមហ៊ុន Shukaku Inc (សូកាគូអ៊ីន) គឺបានទទួលសិទ្ធិឲ្យវិនិយោគទីតាំងបឹងកក ឲ្យក្លាយជាទីក្រុងរណប រយៈពេល៩៩ឆ្នាំ និងមានក្រុមហ៊ុនគ្រាក់ៗជាច្រើនទៀត។

លោកជំទាវទទួលបានងារជាឧកញ៉ា តាមព្រះរាជក្រឹត្យលេខ ១១០៦/៤៤៣ នៅថ្ងៃ៨ ខែវិច្ឆិកា ឆ្នាំ២០០៦។

អ្នកឧកញ៉ា ជឹម ឃាន ប្រធានក្រុមហ៊ុន បុរី សែនសុខ និងអនុប្រធានសមាគមសម្ព័ន្ធខ្មែរចិននៅកម្ពុជា។ លោកជាអ្នករកស៊ីជើងចាស់វស្សាមួយរូបដែលទទួលបាននូវភាពជោគជ័យខ្លាំងលើវិថីជំនួញ។

ព្រោះតែមានឈាមជ័រចិន អ្នកឧកញ៉ាមានលទ្ធភាពទាក់ទាញការបណ្តាក់ទុនពីក្រុមហ៊ុនចិនជាច្រើននៅប្រទេសកម្ពុជា។ លោកទទួលបានងារជាឧកញ៉ា តាមព្រះរាជក្រឹត្យលេខ ១១០៦/៤៤៣ នៅថ្ងៃ៨ ខែវិច្ឆិកា ឆ្នាំ២០០៦។

គិតមកទល់បច្ចុប្បន្ននេះ ឧកញ៉ា ស្រុកខ្មែរមានមិនតិចជាង ១០០០នាក់ទេ ថ្វីត្បិតតែ មានការដកងារនេះពីអ្នកខ្លះ ដែលប្រព្រឹត្តមិនគប្បីយ៉ាងណាក្តី ចំពោះគ្រួសារ មុខជំនួញ និងសង្គមជាតិ៕

The post មហាសេដ្ឋីលំដាប់កំពូលម្នាក់ ទទួលបានគោរមងារឧកញ៉ា ក្នុងថ្ងៃខែឆ្នាំជាមួយឧកញ៉ា ជឹង សុភាព appeared first on .