ក្រុមហ៊ុន លី ហួរ អ៊ិនសួរេន ម.ក ជា​​ក្រុមហ៊ុន​បុត្រ​​សម្ព័ន្ធ​មួយ​​របស់​ក្រុមហ៊ុន​មេ លី ហួរ គ្រុប ដែល​ដោយ​ទទួល​បានអាជ្ញាប័ណ្ណប្រតិបត្តិការអាជីវកម្មធានារ៉ាប់រងទូទៅ ពីក្រសួង​សេដ្ឋ​កិច្ច និងហិរញ្ញវត្ថុ នៅថ្ងៃទី២២ ខែធ្នូ ឆ្នាំ២០១៧ និង​មានដើមទុនចុះបញ្ជីសរុប ចំនួន ៩.៣១៧ លានដុល្លារអាមេរិក និងបានចាប់ផ្តើមបើកដំណើរការ​ជាផ្លូវការ នៅថ្ងៃទី២៩ ខែមករា ឆ្នាំ២០១៨។ លី ហួរ អ៊ិនសួរេន ម.ក ត្រូវបានបង្កើតឡើងដោយ អ្នកឧកញ៉ា លី ហួរ និងក្រុមគ្រួសារ។

ការ​បង្កើត​ក្រុមហ៊ុន​ លី ហួរ អ៊ិនសួរេន ម.ក ​គឺ​មាន​រចនាសម្ព័ន្ធ​យ៉ាង​ច្បាស់​លាស់ ដោយរួមមានចាប់ពី​​ក្រុមប្រឹក្សា​ភិបាល នាយក​ប្រតិបត្តិ ទីប្រឹក្សានាយកប្រតិបត្តិ ប្រធានប្រតិបត្តិ និង​នាយកដ្ឋាន​​ចំនួន ១១​ទៀត។ ជាមួយ​គ្នា​នេះ សម្រាប់​សមាសភាព​ក្រុមប្រឹក្សាភិបាល គឺ​មាន​​ អ្នកឧកញ៉ា លី ហួរ ជាប្រធាន និង​មាន​អនុប្រធាន​ចំនួន ៤​រូប​គឺ ឧកញ៉ា ស៊ាង លីម, ឧកញ៉ា លី សុភ័ក្ត, ឧកញ៉ា លី សុភាព និង​ជំទាវ​ឧកញ៉ា លី សុភារី។

សូម​ជម្រាបជូន​​ថា ជំទាវ​ឧកញ៉ា លី សុភារី កូនស្រីទី៣ របស់អ្នកឧកញ៉ា លី ហួរ ត្រូវបានតែងតាំងជាអនុប្រធាននាយកប្រតិបត្តិនៅឆ្នាំ២០១១។ លោកជំទាវបានបញ្ចប់ការ​សិក្សានៅមជ្ឈមណ្ឌលអប់រំផ្នែកទេសចរណ៍ និងសណ្ឋាគារ ប្រទេសសិង្ហបុរី ជាកន្លែង​ដែលលោកជំទាវ បាន​ទទួល​សញ្ញាបត្រជំនាញផ្នែកគ្រប់គ្រងសណ្ឋាគារក្នុងឆ្នាំ ២០១០។

លោកជំទាវឧកញ៉ា លី សុភារី ជាធុរជនវ័យក្មេង និងស្វាហាប់ម្នាក់ ដោយបានចាប់ផ្តើមអាជីវកម្ម​ផ្ទាល់ខ្លួន តាំងពីអាយុ​២៤ឆ្នាំ និង​មានក្រុមហ៊ុនអាជីវកម្មមួយចំនួននៅក្នុងប្រទេសកម្ពុជា។ អាជីវកម្មដែលលោកជំទាវ បានវិនិយោគ​ក្រៅពី​ក្រុមហ៊ុន លី ហួរ គ្រុប រួមមាន អាជីវកម្មលក់គ្រឿងស្រវឹង និងភេសជ្ជៈ សេវាក្លឹបកំសាន្ត សាឡន ស្ប៉ា និងសេវា​ផ្នែក​សម្ភស្សជាដើម៕

The post ជំទាវឧកញ៉ា លី សុភារី ស្ថិតក្នុងចំណោមឧកញ៉ា៤រូប ជាសមាជិកក្រុមប្រឹក្សាភិបាល លីហួរ អ៊ិនសួរេន appeared first on .

បុរសដែលក្លាយជាកូនលោះក្នុងថ្ងៃអាពាហ៍ពិពាហ៍ និងជាឧត្តមស្វាមី លោកជំទាវឧកញ៉ា លី សុភារី មាននាមថា សេង វិសាល ដ៏ស្រសស់សង្ហាមាឌធំដំបង ដែលរៀបចំឡើងដោយរោងជ័យ ឌីសាញដេគ័ររោងកាដូចឋានសួគ៌លើដី ប្រៀបបាននឹង សួនច្បារយ៉ាងប្រណីត។

ទិដ្ឋភាពកន្លែងទទួលភ្ញៀវកិត្តិយស គឺរៀបចំឡើងនៅហាលវាលក្រៅអគារគ្មានដំបូល ជាពិសេសរោងទាំងមូលបាន បន្ថែមនូវរូបមេអំបៅពាសពេញរោង មើលពីលើមួយភ្លែត ស្មានតែរូបគំនូរ បើតុបតែងឡើងបៃតងស្រងាត់ សាកសមនឹងconceptប្រើរូបមេអំបៅ ហាក់ដូចសួនផ្សារពិតៗផងដែរ។

សូមគួចគន់រូបភាពដ៏ស្រស់ស្អាតនៃថ្ងៃមង្គលការកូនមហាសេដ្ឋី លី ហួរ ដូចខាងក្រោម៖

The post បង្ហាញមុខកូនកំលោះដ៏ស្រស់សង្ហាក្នុងថ្ងៃមង្គលការលោកជំទាវឧកញ៉ា លី សុភារី appeared first on .

ក្នុងពិធីអាពាហ៍ពិពាហ៍កូនស្រីអ្នកឧកញ៉ា លី ហួរ ប្រព្រឹត្តិទៅក្រោមវត្តមានលោកមេប៉ាចាស់ទុំ ត្រកូលរាមច្បងទាំងសងខាងដើម្បីទទួលស្គាល់ជាគូរភរិយាថ្មីនៃគ្រួសារត្រកូលអភិជន និងកូនប្រុសមន្រ្តីរាជការនៅពេលនេះ។

ក្នុងនោះផងដែរ ក៏ឃើញមានវត្តមានដ៏ខ្ពង់ខ្ពស់ពីសម្តេច ឯកឧត្តម អ្នកឧកញ៉ា ឧកញ៉ា លោកជំទាវ បណ្ឌិត អ្នកជំនួញ និងភ្ញៀវកិត្តិយសយ៉ាងច្រើនកុះករចូលរួមផ្តល់ជាកិត្តិយស រួមមាន៖

សម្តេចវិបុលសេនាភ្តី សាយ ឈុំ ប្រធានព្រឹទ្ធសភា

សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ

លោកជំទាវកត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច

ឯកឧត្តម ជា សុផារ៉ា ឧនាយករដ្ឋមន្រ្តី រដ្ឋមន្រ្តីក្រសួងរៀបចំដែនដីនគរូបនីយកម្ម និងសំណង់

ឯកឧត្តមឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច អូន ព័ន្ធមុនីរ័ត្ន

ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ

ឯកឧត្តម វង្សី វិស្សុត រដ្ឋមន្រ្តីអមប្រតិភូនាយករដ្ឋមន្រ្តី និងរដ្ឋលេខាធិ​ការ​ប្រចាំការ នៃក្រសួងសេដ្ឋកិច្ច

អ្នកឧកញ៉ា លី យ៉ុងផាត់ ម្ចាស់ក្រុមហ៊ុន វ៉ាយអិលភី គ្រុប

ឯកឧត្តម ហ៊ុន ម៉ានី សមាជិករដ្ឋសភាជាតិ និងប្រធានសហភាពសហព័ន្ធយុវជនកម្ពុជា

ឯកឧត្តមអភិបាលរាជធានីភ្នំពេញ ឃួង ស្រេង ព្រមទាំងភ្ញៀវកិត្តិយសជាច្រើនរូបទៀត

រូបភាពពី៖ The Ring Wedding Cambodia

The post មហាសេដ្ឋី និងថ្នាក់ដឹកនាំកំពូលគ្រាក់ៗជាច្រើនចូលរួមជាកិត្តិយសក្នុងថ្ងៃអាពាហ៍ពិពាហ៍កូនស្រីមហាសេដ្ឋី លី ហួរ appeared first on .

ថ្នាក់ដឹកនាំកំពូលៗនៅក្នុងក្រុមហ៊ុនយក្សមួយនេះ គឺសម្បូរទៅដោយមហាេសដ្ឋីដែលកើតចេញពីអាជីវកម្មប្តូរប្រាក់អ្នកឧកញ៉ា លី ហួរ ជាមួយយុទ្ធសាស្រ្តមុតស្រួច និងសមធម៌សង្គម រួមនឹងក្រុមគ្រួសារសមាជិកជាអ្នកគ្រប់គ្រង់ផ្ទាល់ផងដែរ។ ការទទួលបាននូវភាពជោគជ័យយ៉ាងសម្បើម និងលើកស្ទួយមាត់សេដ្ឋកិច្ចជាតិនៅពេលនេះ គឺមិនអាចមើលរំលងបានឡើយនៅសហគ្រិន និងជាមគ្គុទ្ទេសន៍ ដែលខិតខំប្រឹងប្រែងនឹងនាំភាពជោគជ័យដ៏អស្ចារ្យ គឺលោកជំទាវឧកញ៉ា ស៊ាង លីន ជាភរិយា កូនប្រុសច្បង ឧកញ៉ា លី សុភ័ក្ត កូនប្រុសទី២ ឧកញ៉ា លី សុភាព និងកូនស្រីទី៣ ឧកញ៉ា លី សុភារី។

សូមចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ឧកញ៉ាញូស៍ សូមមិនលើកយកពាណិជ្ជករទាំង ៥រូបមកបង្ហាញទាំងអស់នោះទេ ដោយគ្រាន់តែបើកកកាយបង្ហាញឲ្យស្គាល់នូវសហគ្រិនស្រ្តីវ័យក្មេងម្នាក់ស្ថិតក្នុងចង្កោមគ្រួសារ អ្នកឧកញ៉ា លី ហួរ។ តើសហគ្រិនវ័យក្មេងនោះជានរណា? គឺគ្មាននរណាក្រៅពីលោកជំទាវឧកញ៉ា លី សុភារី ដែលជាស្រ្តីពោពេញដោយសមត្ថភាពចំណេះដឹង និងមានបទពិសោធនជោគជ័យច្រើនឆ្នាំក្នុងការនាំភាពជោគជ័យ និងកេរ្តិ៍ឈ្មោះល្បីល្បាញមកឲ្យក្រុមហ៊ុនយក្ស លី ហួរ គ្រុប ក្តោបក្តាប់បុត្តសម្ព័ន្ធជាច្រើនវិស័យ។

លោកជំទាវឧកញ៉ា លី សុភារី មានតួនាទីជាអនុប្រធាននាយកប្រតិបត្តិនៃក្រុមហ៊ុន លី ហួរ គ្រុប ចាប់តាំងពីឆ្នាំ២០១១មកម្លេះ។ លោកជំទាវបានបញ្ចប់ការសិក្សានៅមជ្ឈមណ្ឌលអប់រំ ផ្នែកទេសចរណ៍ និងសណ្ឋាគារ និងបញ្ចប់ថ្នាក់សញ្ញាបត្រជំនាញគ្រប់គ្រងសណ្ឋាគារ នៅប្រទេសសឹង្ហបុរី។ ក្នុងឆ្នាំ២០១០ផងដែរ។ នៅទីនោះហើយដែលជាពន្លឺបំភ្លឺផ្លូវត្រួសត្រាយជីវិតរបស់លោកជំទាវឲ្យឈានមកកាន់កាប់ដំណែងកំពូលមួយនៃក្រុមហ៊ុន លី ហួរ ក្រោមដឹកនាំរបស់អ្នកឧកញ៉ា លី​ហួរ ត្រូវជាបិតា មកទល់នឹងពេលបច្ចុប្បន្ន។

លោកជំទាវ ត្រូវបានចាត់ទុកថា ជាធុរជនស្រ្តីវ័យក្មេង និងស្វាហាប់ម្នាក់ ដែលចាប់ផ្តើមអាជីវកម្មផ្ទាល់ខ្លួនតាំងពីអាយុ២៤ឆ្នាំ។ អាជីវកម្មដែលលោកជំទាវបានវិនិយោគក្រៅពីក្រុមហ៊ុន លី ហួរ គ្រុប រួមមាន អាជីវកម្មលក់គ្រឿងស្រវឹង និងភេសជ្ជៈ សេវាក្លឹបកំសាន្ត សាឡន ស្ប៉ា និងសេវាផ្នែកសម្ភស្សជាដើម។

បច្ចុប្បន្ន ក្រុមហ៊ុន លី ហួរ គ្រុប ត្រូវបានទទួលស្គាល់ជាក្រុមហ៊ុនធំមួយដែលមានប្រតិបត្តិការអាជីវកម្មច្រើនប្រភេទក្នុងពហុវិស័យ  ព្រមទាំងមានកេរ្តិ៍ឈ្មោះល្អចំពោះប្រតិបត្តិការដោយសុចរិតនិងស្មោះត្រង់៕

The post ជំទាវឧកញ៉ា លី សុភារី រៀនចប់ពីប្រទេសសឹង្ហបុរី មកកាន់កាប់តួនាទីអនុប្រធាននាយកប្រតិបត្តិក្រុមហ៊ុន លី ហួរ គ្រុប appeared first on .