ឧកញ៉ាប្តីប្រពន្ធមួយគូ ទទួលការតែងតាំងជា «អ្នកឧកញ៉ា»

រ៉េត សុកធា — Mon, 28 Nov 2022 04:34:19 +0000

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា សព្វព្រះរាជហឫទ័យបានត្រាស់បង្គាប់ផ្តល់គោរមងារ «អ្នកឧកញ៉ា» ជូនដល់ប្តីប្រពន្ធមួយគូ គឺឧកញ៉ា ផែ ហុកឈួន និងឧកញ៉ា អ៊ឹង ស៊ីស្រ៊ន នៅថ្ងៃទី២៦ ខែវិច្ឆិកា ឆ្នាំ២០២២ តាមរយៈព្រះរាជក្រឹត្យលេខ នស/រកត/១១២២/១៤៧៧។

ការផ្តល់គោរម្យងារអ្នកឧកញ៉ា ដល់ពាណិជ្ជករប្តីប្រពន្ធមួយគូនេះ ធ្វើឡើងតាមសេចក្តីក្រាបបង្គំទូលថ្វាយរបស់សម្ដេចតេជោនាយករដ្ឋមន្ត្រី ហ៊ុន សែន។

ឧកញ៉ា ផែ ហុកឈួន ជាអគ្គនាយកក្រុមហ៊ុន យីតាក់ គ្រុប ដែលជាអ្នករកស៊ីដ៏លេចធ្លោនិងមានឥទ្ធិពលមួយរូបនៅក្នុងវិស័យកសិកម្មកម្ពុជា។ ក្រៅពីជំនួញនាំចូលជីកសិកម្ម លោកក៏ជាប្រធានក្រុមហ៊ុន ឡឺប្រេស៉ីដង់ អូតែលកូបេ ផងដែរ។ លោកទទួលបានគោរមងារឧកញ៉ា នៅថ្ងៃទី២៦ ខែកក្កដា ឆ្នាំ១៩៩៥ ដោយព្រះរាជក្រឹត្យលេខ នស/រកត/០៧៩៦/៤៩។

ចំណែកឯលោកស្រី ឧកញ៉ា អ៊ឹង ស៊ីស៊្រន ជាពាណិជ្ជករស្រ្តីម្នាក់ដ៏ឆ្នើម ដែលស្និទ្ធស្នាលជាមួយនឹងក្រុមគ្រួសារត្រកូល ជីប ម៉ុង គ្រុប ទាំងកិច្ចការងារមនុស្សធម៌ និងកសាងហេដ្ឋារចនាសម្ព័ន្ធនានា។ លោកស្រីត្រូវបានតែងតាំងជា ឧកញ៉ា ថ្ងៃទី១២ ខែតុលា ឆ្នាំ២០០៧ តាមរយៈព្រះរាជក្រឹត្យលេខ នស/រកត/១០០៧/៥១០ ក្នុងថ្ងៃតែមួយជាមួយនឹងមិត្តភក្តិលោកស្រី ២នាក់ទៀត គឺលោកស្រី អ្នកឧកញ៉ា ភាព ហៀក ស្ថាបនិកក្រុមហ៊ុន ជីបម៉ុង គ្រុប លោកស្រីឧកញ៉ា យិន ផាន្នី៕

The post ឧកញ៉ាប្តីប្រពន្ធមួយគូ ទទួលការតែងតាំងជា «អ្នកឧកញ៉ា» appeared first on .

អ្នកជំនួញស្រ្តីពីររូប ត្រូវបានព្រះមហាក្សត្រផ្តល់គោរមងារឧកញ៉ា ក្នុងជំនាន់ជាមួយមហាសេដ្ឋីប្រាក់លាន ភាព ហៀក

ឧកញ៉ាកោះក្របី — Fri, 04 Jun 2021 04:05:30 +0000

សម្រាប់វិស័យជំនួួញនៅកម្ពុជា ភាគច្រើនសុទ្ធតែបុរសៗអ្នកកាន់កាប់ ខណៈចំនួនអ្នកទទួលបានគោរមងារជាឧកញ៉ាក៏មានច្រើនជាងស្រ្តី ប៉ុន្តែនិយាយបែបនេះមិនមែនស្រ្តីគ្មានសមត្ថភាពក្នុងការគ្រប់គ្រងជំនួញនោះទេ។ អ្នកជំនួញស្រ្តីជើងចាស់ ៣រូប ត្រូវបានព្រះមហាក្សត្រត្រាស់បង្គាប់តែងតាំងជា “ឧកញ៉ា” ក្នុងខែតែមួយ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

១.ឧកញ៉ា តាន់ ផល្លី

លោកជំទាវឧកញ៉ា តាន់ ផល្លី ជាម្ចាស់បូរី សុខាផល្លី អគ្គនាយិកាសហគ្រាសឯកបុគ្គល អភិវិឌ្ឍន៍លំនៅដ្ឋាន និងផ្សារថ្មីកំពង់ស្ពឺ។ លោកស្រីទទួលបានងារជា ឧកញ៉ា តាមព្រះរាជក្រឹត្យ នស/រកត/១០០៧/៥២៣ ចុះថ្ងៃទី២៤ ខែតុលា ឆ្នាំ២០០៧។

២.ឧកញ៉ា អ៊ឹង ស៊ីស្រ៊ន

លោកជំទាវឧកញ៉ា អ៊ឹង ស៊ីស្រ៊ន គឺជាអ្នកជំនួញមិនសូវបង្ហាញមុខរបរឲ្យគេឯងបានដឹងនោះ ប៉ុន្តែក្នុងកិច្ចការងារមនុស្សធម៌ជួយសង្គម សាសនា និងការកសាងហេដ្ឋារចនាសម្ព័ន្ធផ្សេងៗវិញ ឃើញវត្តមានលោកជំទាវជាញឹកញាប់។ លោកជំទាវទទួលបានគោរមងារជា ឧកញ៉ា តាមព្រះរាជក្រឹត្យ នស/រកត/១០០៧/៥១០ ចុះថ្ងៃទី១២ ខែតុលា ឆ្នាំ២០០៧។

៣.អ្នកឧកញ៉ា ភាព ហៀក

លោកជំទាវអ្នកឧកញ៉ា ភាព ហៀក ប្រធានក្រុមប្រឹក្សាភិបាលក្រុមហ៊ុន ជីប ម៉ុង គ្រុប ដែលមានក្រុមហ៊ុនបុត្រសម្ព័ន្ធជាច្រើន ក្នុងវិស័យការអភិវឌ្ឍលំនៅឋាន, បេតុងលាយស្រេច, ការចែកចាយ និងផលិតស៊ីម៉ងត៍, ការ ចែកចាយផលិតផលបរិភោគ, ការផលិតស្រាបៀរ និងភេសជ្ជៈធំមួយនៅកម្ពុជា។

លោកជំទាវទទួលបានគោរមងារជា ឧកញ៉ា តាមព្រះរាជក្រឹត្យ នស/រកត/១០០៧/៥១១ ចុះថ្ងៃទី១២ ខែតុលា ឆ្នាំ២០០៧។ ហើយការពីឆ្នាំកន្លងទៅអ្នកជំនួញស្រ្តីដ៏មានឥទ្ធិពលនៅកម្ពុជា ភាព ហៀក ត្រូវបានព្រះមហាក្សត្រ ត្រាស់បង្គាប់ផ្តល់គោរមងារជា អ្នកឧកញ៉ា តាមព្រះនស/រកត/០៩២០/៩៤៦ ចុះថ្ងៃទី ០៣ ខែកញ្ញា ឆ្នាំ ២០២០៕

The post អ្នកជំនួញស្រ្តីពីររូប ត្រូវបានព្រះមហាក្សត្រផ្តល់គោរមងារឧកញ៉ា ក្នុងជំនាន់ជាមួយមហាសេដ្ឋីប្រាក់លាន ភាព ហៀក appeared first on .