ថ្លែងក្នុងពិធីពិសាភោជនាហារសាមគ្គីប្រចាំឆ្នាំរបស់សមាជិកសមាគមផលិតផលធ្វើដំណើរ និងស្បែកនៅកម្ពុជា កាលថ្ងៃទី៣០ ខែវិច្ឆិកា ឆ្នាំ២០២៤ នៅណាហ្គាវើលដ៍ លោកស្រីរដ្ឋមន្ត្រី បានលើកទឹកចិត្តឱ្យអ្នកឧកញ៉ា លី ឃុនថៃ និងសមាគមផលិតផលធ្វើដំណើរ និងស្បែកនៅកម្ពុជា បន្តខិតខំប្រឹងប្រែងចូលរួមជាមួយក្រសួងពាណិជ្ជកម្ម និងក្រសួង-ស្ថាប័នពាក់ព័ន្ធ ដើម្បីជំរុញការនាំចេញទៅកាន់ទីផ្សារសំខាន់ទាំងក្នុងតំបន់ និងសកលលោក តាមរយៈកិច្ចព្រមព្រៀងពាណិជ្ជកម្មសេរី ដែលកម្ពុជាជាសមាជិក និងប្រព័ន្ធអនុគ្រោះពាណិជ្ជកម្មនានា ព្រមទាំងការពង្រឹងគុណភាព ការកសាងកេរិ៍្តឈ្មោះ និងនវានុវត្តន៍ផលិតផលនៅកម្ពុជា «ផលិតនៅកម្ពុជា – Made in Cambodia» ទៅកាន់ទីផ្សារតំបន់ និងពិភពលោក។

លោកស្រីរដ្ឋមន្ត្រី បន្តថា វិស័យផលិតផលធ្វើដំណើរ និងស្បែកនៅកម្ពុជា គឺជាវិស័យអាទិភាពមួយរបស់រាជរដ្ឋាភិបាលកម្ពុជា ហើយតាមរយៈនេះ រាជរដ្ឋាភិបាលបានដាក់ចេញនូវយុទ្ធសាស្ត្រអភិវឌ្ឍន៍វិស័យកាត់ដេរ ផលិតស្បែកជើង និងកាបូបកម្ពុជា ២០២២-២០២៧ ដើម្បីជាផែនទីក្នុងការអភិវឌ្ឍវិស័យនេះទៅជាឧស្សាហកម្ម ប្រកបដោយចីរភាពបរិស្ថាន មានភាពធន់ មានតម្លៃបន្ថែមខ្ពស់ ផ្តោតលើផលិតផលថ្លៃខ្ពស់និងមានលក្ខណៈពិសេស។

ជាមួយគ្នានេះ លោកស្រីរដ្ឋមន្ត្រី បានវាយតម្លៃខ្ពស់ចំពោះសមិទ្ធិផលដែលសមាគមផលិតផលធ្វើដំណើរ និងស្បែកនៅកម្ពុជាសម្រេចបាន ដែលពិតជាចូលរួមចំណែកសំខាន់ក្នុងការជំរុញអភិវឌ្ឍន៍វិស័យនេះ ឱ្យកាន់តែរីកចម្រើន មានភាពធន់ និងបង្កើនភាពប្រកួតប្រជែងរបស់កម្ពុជានៅលើទីផ្សារអន្តរជាតិ ជាពិសេសនៅពេលកម្ពុជា ចាកចេញពីចំណាត់ក្រុមប្រទេសអភិវឌ្ឍន៍តិចតួច នាពេលខាងមុខ។

សូមជម្រាបថា កាលពីថ្ងៃទី១៨ ខែវិច្ឆិកា ឆ្នាំ២០២៤ អ្នកឧកញ៉ា លី ឃុនថៃ បានថ្លែងប្រាប់ដល់ ឧកញ៉ា ញូស៍ ឱ្យដឹងថា វិស័យស្បែកជើង និងផលិតផលធ្វើដំណើរ នៅក្នុងឆ្នាំ២០២៤ មានការនាំចេញ កើនឡើងជាង២០% បើធៀបនឹងឆ្នាំ២០២៣ ខណៈការបញ្ជារទិញក៏មានច្រើនគួរឱ្យកត់សម្គាល់។ អ្នកឧកញ៉ាបញ្ជាក់ថា ការបញ្ជារទិញច្រើនបែបនេះ គឺដោយសារតែស្ថានភាពនយោបាយនៅកម្ពុជាមានភាពនឹងនរ ចំណែកឯការបញ្ជារទិញ និងរោងចក្រ មានទំនុកចិត្ដកាន់តែខ្លាំង។ នៅក្នុងឆ្នាំ២០២៥ អ្នកឧកញ៉ា រំពឹងថាការបញ្ជារទិញផលិតផលធ្វើដំណើរ និងស្បែកជើងនៅកម្ពុជា នឹងកាន់តែកើនឡើងបន្ថែមទៀត ក្នុងរង្វង់យ៉ាងតិច២០ ទៅ៣០% ផងដែរ៕

The post រដ្ឋមន្ត្រីក្រសួងពាណិជ្ជកម្ម លើកទឹកចិត្តឱ្យអ្នកឧកញ៉ា លី ឃុនថៃ បន្តខិតខំជំរុញការនាំចេញផលិតផលធ្វើដំណើរ និងស្បែកនៅកម្ពុជា ទៅកាន់ទីផ្សារអន្តរជាតិ appeared first on .

ការប្តេជ្ញានេះ ក្នុងជំនួបពិភាក្សាការងាររវាងលោកស្រី ចម និម្មល រដ្ឋមន្រ្តីក្រសួងពាណិជ្ជកម្ម និងបានលោកស្រី មីឡេណា ការីដាដ ស្សាលឌីវ៉ារ ពាដ្រា (Milena Caridad Zaldivar Piedra) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋគុយបា ប្រចាំព្រះរាជាណាចក្រកម្ពុជា កាលព្រឹកថ្ងៃ ទី៧ ខែសីហា ឆ្នាំ២០២៤ នាទីស្តីការក្រសួងពាណិជ្ជកម្ម។

ក្នុងជំនួបនេះ ក្រសួងពាណិជ្ជកម្ម និងស្ថានទូតគុយបា បានពិភាក្សានិងផ្លាស់ប្តូរយោបល់គ្នាដើម្បីជំរុញទំនាក់ទំនងពាណិជ្ជកម្មទ្វេភាគី និងលើកកម្ពស់កិច្ចសហប្រតិបត្តិការរវាងកម្ពុជា និងគុយបា។

សូមរម្លឹកដែរថា យោងតាមការប្រកាសរបស់ក្រសួងការបរទេសកម្ពុជា កាលពីថ្ងៃទី១០ ខែមិថុនា ឆ្នាំ២០២៤ បានឱ្យដឹងដែរថា កម្ពុជា-គុយបា បានឯកភាពគ្នាពង្រីកកិច្ចសហប្រតិបត្តិការក្នុងវិស័យថ្មីៗដែលមានសក្តានុពល រួមទាំង កសិ-ពាណិជ្ជកម្ម ផលិតកម្មស្រូវ និងការវិនិយោគ។ក្រោពីនេះ ភាគីទាំងពី ក៏បានពិភាក្សាគ្នាអំពីឱកាសក្នុងការជំរុញពាណិជ្ជកម្ម និងធុរកិច្ច តាមរយៈសកម្មភាពនានា ដូចជាពិព័រណ៍ពាណិជ្ជកម្មនៅក្នុងប្រទេសនីមួយៗជាដើម។

លើសពីនេះទៀត លោកស្រីឯកអគ្គរដ្ឋទូតគុយបា ក៏បានប្តេជ្ញាចិត្តធ្វើកិច្ចសហប្រតិបត្តិការឱ្យកាន់តែស៊ីជម្រៅជាមួយកម្ពុជា ជាពិសេសលើវិស័យកសិកម្ម កីឡា សុខាភិបាល និងការផ្លាស់ប្តូរការអប់រំថែមទៀត៕អត្ថបទ៖ រង្សី

The post កម្ពុជា-គុយបា ប្តេជ្ញាលើកកម្ពស់កិច្ចសហប្រតិបត្តិការ និងជំរុញទំនាក់ទំនងពាណិជ្ជកម្មទ្វេភាគី appeared first on .

កុលបុត្រដែលសម្រេចចិត្ដបួសមានចំនួន៩៣នាក់ នៅក្នុងនោះក៏ឃើញមានវត្ដមាន របស់ឯកឧត្តមកិត្តិសេដ្ឋា​បណ្ឌិត ចម ប្រសិទ្ធ ផងដែរ ដោយបានបំបួសផ្ទាល់ ពីសម្ដេចព្រះមហាអរិយវង្សបណ្ឌិត យ៉ន សេងយៀត ព្រះប្រធាន គណៈកម្មការរៀបចំពិធីបុណ្យថ្វាយព្រះបរមសពសម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជនៃព្រះរាជាណាចក្រកម្ពុជា។

សូមជម្រាបជូនថា ព្រះរាជពិធីថ្វាយព្រះភ្លើងព្រះបរមសពសម្តេចព្រះអគ្គមហាសង្ឃរាជាធិបតីកិត្តិឧទ្ទិសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា បាននឹងកំពុងតែប្រព្រឹត្ដឡើងនៅថ្ងៃទី៣ ខែមិថុនា ឆ្នាំ២០២៤នេះ នៅមុខវត្ដបទុមវតីរាជវរារាម រាជធានីភ្នំពេញ។

ការយាងចូលទិវង្គតរបស់សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស គឺជាការបាត់បង់​នូវឥស្សរសមណសង្ឃពហុស្សូតជាន់ខ្ពស់មួយព្រះអង្គ របស់សាសនា ជាព្រះបិតាសង្ឃ និងព្រះស្ថាបនិក​ព្រះសង្ឃ ដែលបានរួមចំណែកយ៉ាងសកម្មក្នុងការលើកស្ទួយតម្លៃព្រះពុទ្ធសាសនា និងសង្គមជាតិ ប្រកបដោយ​ព្រះស្មារតីទទួលខុសត្រូវខ្ពស់ និងក្នុងមួយព្រះជន្មរបស់សម្តេច បានលះបង់កម្លាំងព្រះកាយពល និងព្រះបញ្ញា​ញាណ​ក្នុងបុព្វហេតុព្រះពុទ្ធសាសនា សង្គមជាតិ វប្បធម៍ អរិយធម៌ អក្សរសាស្រ្ត និងបានស្ថាបនានូវស្នាម​ព្រះហត្ថយ៉ាងច្រើនអនេកទាំងពុទ្ធចក្រ និងអាណាចក្រ ទុកសម្រាប់បច្ឆាជនប្រើប្រាស់ ជាធនធានក្នុងការរួម​ចំណែក​អភិវឌ្ឍសង្គមជាតិ តទៅអនាគត៕

The post កុលបុត្រ៩៣នាក់ បានសម្រេចបួសក្នុងព្រះរាជពិធីថ្វាយព្រះភ្លើងព្រះបរមសពសម្តេចព្រះអគ្គមហាសង្ឃរាជាធិបតីកិត្តិឧទ្ទិសបណ្ឌិត ទេព វង្ស appeared first on .