លោកជំទាវ ដេត ម៉ាលីណា

អតីតភរិយាលោក ឌួង ឆាយ អ្នកនាង ដេត ម៉ាលីណា មកកាន់សាលាដំបូងរាជធានីភ្នំពេញ

ឧកញ៉ាកោះក្របី — Wed, 02 Jun 2021 08:38:47 +0000

ថ្ងៃនេះ មហាជនមានការចាប់អារម្មណ៍ ក្រោយបានឃើញអតីតភរិយា លោក ឌួង ឆាយ អ្នកនាង ដេត ម៉ាលីណា ធ្វើដំណើរចេញពីសាលាដំបូងរាជធានីភ្នំពេញ ដោយមានការសង្ស័យជាប់ពាក់ព័ន្ធនឹងករណីប្ដឹងអតីតឧកញ៉ា ឌួង ឆាយ ពីបទប្រើប្រាស់អំពើហិង្សា។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

កន្លងមកធ្លាប់មានការចុះផ្សាយថារឿងរ៉ាវរបស់អ្នកទាំងពីរ បានបញ្ចប់សព្វគ្រប់អស់ ហើយក្រោយពីលោក ឌួង ឆាយ ព្រមអហោសកម្មគ្រប់យ៉ាង ហើយចុះចេញដោយខ្លួនទទេជាមួយនឹងបំណុលធនាគារជាង៣លានដុល្លារអាមេរិកថែមទៀតផង។

ជុំវិញរឿងរ៉ាវខាងលើ គេមិនទាន់ដឹងថាអ្នកនាង ដេត ម៉ាលីណា អាចលើកលែងទោស ឫក៏អហោសកម្មឲ្យអតីតស្វាមីគឺលោក ឌួង ឆាយ ដូចការទទូចសុំក្នុងការឡាយបានដែរឬយ៉ាងណាទេ?។ ដោយឡែកនៅលើផេករបស់អ្នកនាង ដេត ម៉ាលីណា នៅថ្ងៃនេះក៏បានបង្ហោះសាររៀបរាប់យ៉ាងវែងអន្លាយនិងទទូចចង់បានយុត្តិធម៌ផងដែរ៕

The post អតីតភរិយាលោក ឌួង ឆាយ អ្នកនាង ដេត ម៉ាលីណា មកកាន់សាលាដំបូងរាជធានីភ្នំពេញ appeared first on .

ឧកញ៉ា ឌួង ងៀប បកស្រាយជុំវិញរឿងរ៉ាវជាមួយអតីតកូនប្រសារ ដេត ម៉ាលីណា

ឧកញ៉ាកោះក្របី — Fri, 21 May 2021 05:50:36 +0000

នៅថ្ងៃទី២២ ខែឧសភា ឆ្នាំ២០២១នេះ លោកឧកញ៉ា ឌួង ងៀប ចេញមកបកស្រាយជុំវិញរឿងរ៉ាវគ្រួសារដែលកំពុងបង្ករការភ្ញាក់ផ្អើល ខណៈសំណុំរឿងលែងលះគ្នារវាងលោក និងភរិយាស្ថិតក្នុងដៃតុលាការ។ កាលពីថ្ងៃទី១៤ ខែឧសភា ម្ដាយបង្កើតអតីតឧកញ៉ា ឌួង ឆាយ គឺលោកស្រី ខុង លីស៊ីអាណា បានចេញមុខទទូចស្នើសុំយុត្តិធម៌សម្រាប់ខ្លួនឯង និងកូនប្រុសគឺព្រះតេជព្រះគុណ ឌួង ឆាយ។

ឧកញ៉ា ឌួង ងៀប បានឲ្យដឹងថា រឿងដីដែលនិយាយថា ខ្ញុំកាត់ឈ្មោះឱ្យនោះ ការពិតដីនេះដំបូងឡើយខ្ញុំបាននិយាយជាមួយធនាគារមួយដែលខ្ញុំរាប់អានជិតដិតនោះ ជួយទម្លាក់លុយឱ្យកូនប្រុស ឌួង ឆាយ និងនាង ដេត ម៉ាលីណា ដើម្បីចាប់ផ្តើមវិនិយោគដូចដែលខ្ញុំបានរកស៊ី រាប់សិបឆ្នាំកន្លងមក។ ដោយពេលនោះដន្លងខ្ញុំ ម្តាយបង្កើត ដេត ម៉ាលីណា ក៏ចូលហ៊ុនតូចមួយក៏មានទឹកប្រាក់ ៨៥.០០០ ដុល្លារ ស្មើ ៥០០០ ម៉ែត្រការ៉េ នៅក្នុងកិច្ចសន្យាទិញដីមួយកន្លែង ដោយមានមេធាវីបោះត្រាយ៉ាងត្រឹមត្រូវ សរុបទឹកប្រាក់ (ហុកសិបប្រាំម៉ឺនដុល្លារ) ស្របពេលនោះ ឌួង ឆាយ និងនាង ដេត ម៉ាលីណា ចាប់ផ្តើមមានជម្លោះគ្នាមិនទាន់ឈានដល់ការលែងលះគ្នាទេ ហើយ ដេត ម៉ាលីណា ក៏និយាយជាមួយខ្ញុំថា សុំប៉ាជួយកាត់ឈ្មោះឱ្យខ្ញុំទៅ ព្រោះខ្ញុំមិនមានទ្រព្យអីធំដុំទេ ។

ចំណែកដីទ្រព្យដែលប៉ាឯងឱ្យទៅ ឌួង ឆាយ ប្រហែលជាង ២០ លានដុល្លារនោះ ឆាយ មិនចែកឱ្យខ្ញុំទេ ដោយ ឆាយ និយាយថា នេះជាកេររបស់ឪពុកម្តាយគេទេ ដូច្នេះប៉ាឯងកាត់ឱ្យខ្ញុំទាំងអស់នោះមកដូចប៉ាជួយចៅទាំង ៣ អញ្ចឹង ខ្ញុំឆ្លើយថា ប៉ានឹងជួយកូនឯង តែកូនឯងត្រូវមានការយល់ព្រមពី ឆាយ តែក្រោយមកទៀតជម្លោះរវាង ឌួង ឆាយ និង ដេត ម៉ាលីណា កាន់តែខ្លាំងរហូតដល់ការលែងលះគ្នា ។

លោកបានបញ្ជាក់ថា ចំណែកដីរបស់ម្ដាយ ដេត ម៉ាលីណា បច្ចុប្បន្តម្ចាស់ដីឈ្មោះ សុខ វិបុល បានប្រគល់ដី និងកាត់ឈ្មោះជូនលោកស្រី អេង ស៊ីម៉ាដែរ ម្តាយនាង ដេត ម៉ាលីណា ។ រយៈពេលជិត ១ ឆ្នាំចុងក្រោយនេះខ្ញុំមិនបានជួប ឬទៅផ្ទះរបស់ ឌួង ឆាយ និងនាង ដេត ម៉ាលីណា ទេ ។ ទើបតែរយៈពេល ២ ខែមុននេះពូបង្កើតរបស់នាង ដេត ម៉ាលីណា ឈ្មោះ អេង សំផល អេង សោភា ដែលជាកូនចៅខ្ញុំផង និងមិត្តភក្ដិជិតដិតបំផុត (ជាប៉ូលិស) ដែលបានដឹងរឿងគ្រប់យ៉ាងតាំងពីដើមដល់ចប់ បានយកឡានមកដឹករូបខ្ញុំបាទទៅជួប ដេត ម៉ាលីណា នៅផ្ទះរបស់នាងដែលមានការចូលរួម ៖ ១- ដេត រិទ្ធី បងប្រុសបង្កើតរបស់នាង ដេត ម៉ាលីណា ២- អេង សំផល (ពូ) ៣- អេង សោភា និងរូបខ្ញុំបាទផ្ទាល់ព្រមទាំងម្ដាយបង្កើតរបស់នាង និងចៅៗទាំងអស់ ។

អំឡុងពេលជួបនោះដោយរូបខ្ញុំផ្ទាល់ និង អេង សោភា បានអង្វរថា សុំឱ្យ ដេត ម៉ាលីណា កុំប្ដឹង ឌួង ឆាយ អីអាណិតប៉ាផង ។ អាណិតដល់ចៅៗទាំង៣ ដោយខ្ញុំអង្វរពោលពាក្យថា អាឆាយ ឥឡូវវាអស់គោរមងារជាឧកញ៉ា ដូចបានដាក់ទោសវារួចហើយ ដូច្នេះកូនឯងកុំប្ដឹងវាទៀតអី បើពុំដូច្នេះកូនៗ ឌួង ឆាយ ធំឡើងវាស្អប់កូនឯង ។ តែនាង ដេត ម៉ាលីណា ថែមទាំងខឹងខ្ញុំ និងពូៗរបស់ខ្លួនទាំងពីរដោយប្រាប់ថា ឈប់យករឿង ឌួង ឆាយ មកនិយាយទៅ ចំណែក ដេត រិទ្ធី ក៏ប្រាប់ថា ពូងៀប កុំជួយ ឆាយ ទុកឱ្យច្បាប់ធ្វើការ៕

The post ឧកញ៉ា ឌួង ងៀប បកស្រាយជុំវិញរឿងរ៉ាវជាមួយអតីតកូនប្រសារ ដេត ម៉ាលីណា appeared first on .

ភរិយាឌួង ឆាយ ច្រានចោលអ្នកនាងការប្តី ដោយសារសម្លឹងឃើញទ្រព្យ

ឧកញ៉ាសម្រែ — Sat, 19 Dec 2020 07:32:02 +0000

ក្រោយប្រកាសលែងលះជាមួយឧកញ៉ាឌួង ឆាយ អ្នកនាង ដេត ម៉ាលីណា បានជម្រះការចោទប្រកាន់ថា ការរៀបអាពាហ៍ពិពាហ៍របស់នាងជាង ១០ ឆ្នាំនេះ កើតឡើងដោយសារសម្លឹងឃើញទ្រព្យសម្បត្តិស្វាមី។

ស្រ្តីកូន ៣ ដែលប្រកាសលែងប្តីជាត្រកូលអភិជនបញ្ជាក់ថា ទ្រព្យសម្បត្តិដែលបានមកដល់សព្វថ្ងៃនេះ កើតចេញពីកម្លាំងញើសឈាមដែលនាងខំរក មិនមានចំណែកណាមួយពីគ្រួសារខាងប្តីនោះទេ។

អ្នកនាងប្រាប់បន្តថា អ្នននាងរៀបការជាមួយឧកញ៉ាឌួង ឆាយ តាំងពីមិនទាន់មានងារជាឧកញ៉ាមកម៉្លេះ។ ការបែកគ្នាពេលនេះ ក៏មិនមែនមកពីមានអ្នកទី ៣ ឬរឿងទ្រព្យសម្បត្តិអីដែរ។

អ្នកនាងដេត ម៉ាលីណា លើកមូលហេតុឈានទៅកាត់ផ្តាច់ចំណងអាពាហ៍ពិពាហ៍ជាមួយឧកញ៉ាឌួង ឆាយ ដោយសារអ្នកនាងឆ្អែតទៅនឹងទង្វើ និងភាពមិនស្មោះត្រង់ដែលអ្នកនាងមិនអាចស៊ូទ្រាំបានតទៅទៀត។ អ្នកនាងបញ្ជាក់ថា អាពាហ៍ពិពាហ៍របស់នាងជាង ១៣ ឆ្នាំនេះ គឺមានតែទឹកភ្នែក និងសម្ពាធផ្លូវចិត្តតែប៉ុណ្ណោះ។

យ៉ាងណាមិញ ការសម្រេចចិត្តបែកគ្នានេះគឺបញ្ចប់ដោយសន្តិវិធី និងការព្រមព្រៀងគ្នាទាំងសងខាង។ អ្នកនាងស្នើឲ្យមហាជនឈប់សួរនាំរឿងរបស់អ្នកនាងនិងឧកញ៉ាឌួង ឆាយ គឺលែងពាក់ព័ន្ធអីទៀតហើយ។ ទំនាក់ទំនងជាមួយគ្នានៅពេលនេះ គឺត្រឹមតែជាឪពុកកូនទាំង ៣ របស់នាង មិនមែនជាស្វាមីដូចមុនទេ៕

The post ភរិយាឌួង ឆាយ ច្រានចោលអ្នកនាងការប្តី ដោយសារសម្លឹងឃើញទ្រព្យ appeared first on .

លោកជំទាវ ដេត ម៉ាលីណា៖ ខ្ញុំមិនស្ដាយក្រោយនិងអតីតកាល

ឧកញ៉ាកោះក្របី — Thu, 17 Dec 2020 04:57:43 +0000

ខ្ញុំមិនស្ដាយក្រោយនិងអតីតកាល ប៉ុន្តែខ្ញុំស្ដាយពេលវេលាដែលចំណាយទៅលេីមនុស្សខុស អ្នកដទៃមេីលមកអ្នកជាមនុស្សបែបណាមិនសំខាន់ទេ អ្វីដែលសំខាន់អ្នកធ្វេីខ្លួនបែបណាឲ្យគេមេីល,ពេលខ្លះហត់នឿយណាស់ តែមិនអាចឈប់បានទេ ព្រោះខ្លួនឯងគឺត្រូវពឹងខ្លួនឯង។ នេះជាសំណេរលោកជំទាវ ដេត ម៉ាលីណា បានឲ្យដឹងតាមទំព័រហ្វេសបុកនៅថ្ងៃទី១៦ ខែធ្នូ ឆ្នាំ២០២០នេះ។

លោកជំទាវ ម៉ាលីណា ធ្លាប់បានបង្ហោះសារជាច្រើនដងមុនប្រកាសថា ចែកផ្លូវជាមួយឧកញ៉ា ដួង ឆាយ។ នៅថ្ងៃទី៨ ខែធ្នូ កន្លងទៅ លោកជំទាវ បានសរសេរលើបណ្តាញសង្គមថា តម្លៃរបស់មនុស្សស្ថិតនៅត្រង់សេចក្ដីល្អមានគុណធម៌ ចិត្តមេត្តា និងភាពស្មោះត្រង់ មិនមានថ្ងៃម្សិលមិញសម្រាប់ឲ្យយេីងកែខៃ មានតែថ្ងៃថ្មីឲ្យយេីងដេីរបន្តទៅមុខរីករាយថ្ងៃថ្មី កុំភ្លេចផ្ដល់ស្នាមញញឹម និងក្ដីសង្ឃឹមឲ្យខ្លួនឲ្យច្រេីន។

គូរបញ្ជាក់ថា ថ្ងៃទី១៣ ខែធ្នូ ឆ្នាំ២០០២ លោកជំទាវបានប្រកាសថា សូមពូមីងបងប្អូនទាំងអស់គ្នាជួយទទួលដឹងលឺ ចាប់ពីថ្ងៃនេះតទៅនាងខ្ញុំនិងឌួង ឆាយ បានព្រមព្រៀងលែងលះគ្នារួចរាល់ហេីយអញ្ចឹងចាប់ពីពេលនេះតទៅអ្វីដែលពាក់ព័ន្ធនិង ឌួង ឆាយហេីយនិងគ្រួសារគាត់គឺពុំមានពាក់ព័ន្ធនិងនាងខ្ញុំតទៀតទេសូមអរគុណ។

The post លោកជំទាវ ដេត ម៉ាលីណា៖ ខ្ញុំមិនស្ដាយក្រោយនិងអតីតកាល appeared first on .

លោកជំទាវ ដេត ម៉ាលីណា

អតីតភរិយាលោក ឌួង ឆាយ អ្នកនាង ដេត ម៉ាលីណា មកកាន់សាលា​ដំបូងរាជធានីភ្នំពេញ

ឧកញ៉ា ឌួង ងៀប បកស្រាយជុំវិញរឿងរ៉ាវជាមួយអតីតកូនប្រសារ ដេត ម៉ាលីណា

ភរិយាឌួង ឆាយ​ ច្រានចោលអ្នកនាងការប្តី​ ដោយសារ​សម្លឹងឃើញទ្រព្យ

លោកជំទាវ ដេត ម៉ាលីណា៖ ខ្ញុំមិនស្ដាយក្រោយនិងអតីតកាល

អតីតភរិយាលោក ឌួង ឆាយ អ្នកនាង ដេត ម៉ាលីណា មកកាន់សាលាដំបូងរាជធានីភ្នំពេញ

ភរិយាឌួង ឆាយ ច្រានចោលអ្នកនាងការប្តី ដោយសារសម្លឹងឃើញទ្រព្យ