លោកជំទាវស្ត្រីទី១ ដាក់ក្ដីរំពឹងថា លោក ជួន កក្កដា ក្នុងភេទជាគ្រហស្ថ នៅតែបំពេញកាតព្វកិច្ចក្នុងនាមជាពលរដ្ឋល្អ ជួយដល់សង្គមកម្ពុជា ជាពិសេសនៅតែបន្តការផ្សព្វផ្សាយអប់រំយុវជន យុវតីជំនាន់ក្រោយឱ្យមានសីលធម៌ សុជីវធម៌ មេត្តាធម៌និងគុណធម៌ ដើម្បីក្លាយជាទំពាំងស្នងឬស្សីនិងជាធនធានមនុស្សសម្រាប់កសាងនិងអភិវឌ្ឃន៍ប្រទេសជាតិបន្តទៀត។

លោកជំទាវក៏សូមជូនពរលោក ជួន កក្កដា ឱ្យមានសំណាងល្អក្នុងភាពជាគ្រហស្ថ។

សារខ្លីដែលមានអត្ថន័យបង្កប់ដោយក្ដីអាឡោះអាល័យរបស់លោកជំទាវស្ត្រីទី១ ត្រូវបានបង្ហោះជាសាធារណៈនៅលើបណ្ដាញទំនាក់ទំនងសង្គម (Facebook) នៅវេលាព្រឹកថ្ងៃទី ១៩ ខែមីនាឆ្នាំ ២០២៥ នេះ ក្រោយពេលបានដឹងដំណឹងពីព្រះអង្គមុនិបាលោ ជួន កក្កដា ព្រះវិន័យធម៌ខេត្តតាកែវ និងជានាយកសាលាពុទ្ធិកបឋមសិក្សាប្រាសាទនាងខ្មៅ នៅខេត្តតាកែវ បានសម្រេចចិត្តលាចាកសិក្ខាបទ។

សូមរំឮកផងដែរថា ព្រះអង្គជាព្រះធម្មកថិក មានឈ្មោះល្បីមួយអង្គនៅក្នុងប្រទេស និងជាព្រឹទ្ធបុរសរងនៃសាកលវិទ្យាល័យព្រះសីហនុរាជផងដែរ។ លោក ជួន កក្កដា បានសាងផ្នូសសិក្សារៀនសូត្រផ្នែកពុទ្ធចក្រ តាំងពីឆ្នាំ ១៩៩៨ ក្នុងវ័យ ១៣ ឆ្នាំមកម្ល៉េះ។ លោក ជួន កក្កដា ជាអតីតព្រះសង្ឃខ្មែរដែលមានចំណេះដឹងខ្ពង់ខ្ពស់ បានចូលរួមកិច្ចការផ្សព្វផ្សាយព្រះធម៌ដល់ពុទ្ធសាសនិកជនទូទាំងប្រទេស និងបានចិញ្ចឹមបីបាច់ក្មេងកំព្រា គ្មានទីជម្រកឲ្យស្នាក់អាស្រ័យក្រោមដំបូលវត្តអារាម និងបានបណ្ដុះបណ្ដាលយុវជនខ្មែរឲ្យមានចំណេះវិជ្ជាកសាងខ្លួនជាច្រើនរយនាក់ ក្នុងរយៈពេល ២៧ ឆ្នាំកន្លងមកនេះ៕

The post លោកជំទាវស្ត្រីទី១ ពេជ ចន្ទមុន្នី ជូនពរអតីតព្រះសង្ឃខ្មែរ ជួន កក្កដា និងរំពឹងថាលោកបន្តកិច្ចការអប់រំសីលធម៌និងសុជីវធម៌ ដល់យុវជន យុវតីខ្មែរ appeared first on .

ជាមួយនឹងការចូលរួមអបអរសាទរបេតិកភណ្ឌវប្បធម៌ដ៏សម្បូរបែបរបស់ខ្មែរយើង លោកជំទាវបណ្ឌិត ពេជ ចន្ទមុនី បានគូសបញ្ជាក់ពីការយកចិត្ដទុកដាក់របស់រាជរដ្ឋាភិបាលកម្ពុជា ក្នុងការអភិវឌ្ឍន៍វិស័យវប្បធម៌ និងការបន្ដយកចិត្តទុកដាក់ដល់ការផ្សព្វផ្សាយលើកតម្កើង និងអភិរក្សវប្បធម៌ជាតិ ដោយបន្តការលើកតម្កើងការយល់ដឹងអំពីអត្តសញ្ញាណជាតិ និងភាពជាម្ចាស់ក្នុងការអភិរក្ស និងអភិវឌ្ឍន៍វប្បធម៌ជាតិ ការជម្រុញនិងការច្នៃប្រឌិតផលិតផលវប្បធម៌ថ្មីៗ ការប្តេជ្ញាចិត្តនេះ រួមមានការលើកកម្ពស់ការយល់ដឹងអំពីអត្តសញ្ញាណជាតិ និងភាពជាម្ចាស់ក្នុងការអភិរក្ស និងអភិវឌ្ឍន៍បេតិកភណ្ឌវប្បធម៌របស់យើងផងដែរ»។

លោកជំទាវបណ្ឌិត បានសង្កតធ្ងន់ថា តាមរយៈការយកចិត្ដទុកដាក់របស់រដ្ឋាភិបាល និងគោលបំណងរបស់ក្រុមហ៊ុនសិប្បករអង្គរ នឹងរួមគ្នាបង្កើតការងារបន្ថែមដល់ប្រជាជននៅតាមជនបទលើ ផ្នែកចម្លាក់ ការតម្បាញសូត្រខ្មែរ ការថែរក្សាអភិរក្សនិងអភិវឌ្ឍន៍វិស័យសូត្រខ្មែរ និងការប្រែក្លាយកសិដ្ឋានសូត្រសិប្បករអង្គរឱ្យក្លាយជាគោលដៅទេសចរណ៍វប្បធម៌ចម្បងមួយសម្រាប់ភ្ញៀវជាតិនិងអន្តរជាតិ។

ជាមួយគ្នានោះ លោក កាយ ឡូត ប្រធានក្រុមប្រឹក្សាភិបាល និងជាអគ្គនាយកនៃក្រុមហ៊ុនសិប្បករអង្គរ បានលើកឡើងថា ការបើកឱ្យដំណើការឡើងវិញនៃសិប្បករអង្គរនាពេលនេះ គឺដើម្បីថែរក្សាប្រពៃណីរាប់ពាន់ឆ្នាំរបស់ដូនតាខ្មែរ។

សូមជម្រាបជូនថា ការបើកដំណើរការឡើងវិញនូវ កសិដ្ឋានសូត្រសិប្បករអង្គរ គឺបានបង្ហាញពីការចាប់ផ្តើមទំព័រថ្មីនៃការរស់ឡើងវិញនៃវប្បធម៌ខ្មែរ ដោយរំលេចឱ្យឃើញនូវជំនាញសិល្បៈរបស់សិប្បករខ្មែរ ប្រកបដោយក្ដីស្រឡាញ់ជាប់ចិត្ត និងការប្តេជ្ញាចិត្តរបស់ពួកគាត់ ស្ដែងឡើងតាមរយៈផលិតផលនីមួយៗ៕

The post លោកជំទាវបណ្ឌិត ពេជ ចន្ទមុនី អញ្ជើញចូលរួមពិធីបើកសម្ពោធដំណើរការឡើងវិញ កសិដ្ឋានសូត្រសិប្បករអង្គរ appeared first on .

តាមរយៈបណ្តាញសង្គមផ្លូវការ លោកជំទាវបានលើកឡើងថា៖ “ក្រោយពីបាន share នូវការសម្តែងរបាំបុរាណរឿងជ័យវរ្ម័នទី៧ នាងខ្ញុំនៅតែមិនអស់ចិត្តក៏ឆ្មក់ចូលទៅសំងំទស្សនាដោយផ្ទាល់ដើម្បីចង់ដឹងពីខ្លឹមសារសាច់រឿង ពិេសសចង់ចូលរួមជាមួយបងប្អូនប្រជាពលរដ្ឋយើងដោយផ្ទាល់នាល្ងាចថ្ងៃទី២៨ ខែកញ្ញា ២០២៤ វេលាម៉ោង៣រសៀលនេះ។

នាងខ្ញុំពិតជារីករាយនឹងរំភើបចំពោះឈុតឆាកសម្តែង រួមផ្សំនឹងដេគ័រ ពន្លឺ បច្ចេកទេសគ្រប់យ៉ាងល្អឥតខ្ចោះ ដែលញ៊ាំងឲ្យការសម្តែងកាន់តែមានសោភណ្ឌភាពអស្ចារ្យ ពិសេសខ្លឹមសារដ៏ជ្រាលជ្រភនៃប្រវត្តិសាស្ត្រយើងដែលបង្ហាញនូវវីរភាពនៃអង្គក្សត្រាគ្រប់គ្រងដែនចក្រភពខ្មែរយើងនាសម័យមហារនគរដ៏រុងរឿង”។

ទន្ទឺមនេះ លោកជំទាវបានអំពាវនាដល់បងប្អូន ពូមីងយាយតា អញ្ជើញចូលរួមទស្សនាដោយផ្ទាល់ឲ្យបានច្រើនកុះករ នៅមានការសម្តែងថ្ងៃទី២៩ កញ្ញា មួយថ្ងៃទៀត។ ទន្ទឹមនេះលោកជំទាវក៏អរគុណសិល្បករ ពិសេសអ្នករៀបចំកម្មវិធី និងក្រុមការងារទាំងអស់ ក្នុងបុព្វហេតុសិល្បៈវប្បធម៌យើង។

សូមជម្រាថា ព្រឹត្តិការណ៍មហោស្រពបុរាណខ្មែររឿង « ព្រះបាទជ័យវរ័្មនទី៧ » នៅថ្ងៃទី ២៨ និង ២៩ ខែ កញ្ញា នេះ នៅមហោស្រពកោះពេជ្រ ដែលមានឈុតឆាកសម្តែងជាច្រើនរយៈ ១ ម៉ោងកន្លេះ ៕

The post លោកជំទាវ ពេជ ចន្ទមុន្នី ឆ្មក់ចូលទៅសំងំទស្សនាការសម្តែងរបាំបុរាណរឿងព្រះបាទជ័យវរ្ម័នទី៧ និងពោលសរសើរថា «ល្អឥតខ្ចោះ» appeared first on .