លោកជំទាវ ភន ភាវី ​​បាន​បង្ហោះ​រូបភាព​ភ្ជាប់​ជាមួយ​ខ្លឹមសារ​លើ​បណ្តាញ​សង្គម​ហ្វេសប៊ុក​ផ្ទាល់ខ្លួន យ៉ាង​ដូច្នេះ​ថា៖ “អរគុណបង ដែលចូលមកក្នុងជីវិតអូន ហើយក៏បានបំពេញតួនាទីជាកូនប្រសារ​ល្អ ស្វាមីល្អ ប៉ាល្អ ក្នុង​គ្រួសារមួយនេះអស់រយៈពេល ៨ឆ្នាំកន្លងទៅដែរ។ នៅក្នុងថ្ងៃកំណើតអូននេះ អូនក៏សូមក្រាបសំពះសុំពរជ័យ​សិរីមង្គលគ្រប់ប្រការកើតមានដល់អូនណាបង”។

​លោក​ឧកញ៉ា ថូ វុទ្ធី មានតួនាទី​ជា​​អនុប្រធានក្រុមប្រឹក្សាភិបាលជាន់ខ្ពស់ នៃក្រុមហ៊ុន ពិភពដីមាសគ្រុប ខណៈ​ដែល​ភរិយា​របស់​លោក​ ក៏​ជាថ្នាក់ដឹកនាំជាន់ខ្ពស់របស់ក្រុមហ៊ុនអចលនទ្រព្យដ៏ល្បីមួយនេះ ដែល​មាន​អ្នកឧកញ៉ា ហ៊ី គឹមហុង ជា​ប្រធានក្រុមប្រឹក្សាភិបាល ​ផង​ដែរ។ ពាណិជ្ជករវ័យក្មេង ឧកញ៉ា ថូ វុទ្ធី ទើប​ទទួលសញ្ញាបត្រ​បណ្ឌិត ផ្នែកគ្រប់គ្រងពាណិជ្ជកម្ម (Doctor’s Degree in Business Administration) ពីសាកលវិទ្យាល័យ BODHISASTRA រដ្ឋ FLORIDA សហរដ្ឋអាមេរិក កាលពីថ្ងៃទី១៧ ខែធ្នូ ឆ្នាំ២០២២។

សូម​ជម្រាប​ជូន​ថា កាលពី​ថ្ងៃទី​១៣ ខែសីហា ឆ្នាំ២០២២​ លោកជំទាវ ភន ភាវី អនុប្រធានទី១ សប្បុរសធម៌ នៃក្រុមហ៊ុន ពិភពដីមាស គ្រុប ត្រូវបាន​ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ​នៃព្រះរាជាណាចក្រកម្ពុជា ទ្រង់សព្វព្រះរាជហឫទ័យប្រោសព្រះរាជទាន​នូវគ្រឿងឥស្សរិយយស ព្រះរាជាណាចក្រកម្ពុជា ថ្នាក់ មហាសេរីវឌ្ឍន៍ ជូន​ដល់​លោក​ជំទាវ។ នៅថ្ងៃទី២៧ ខែធ្នូ ឆ្នាំ២០២២ លោកជំទាវ ភន ភាវី ក៏ទទួលបានការតែងតាំងជា ទីប្រឹក្សាផ្ទាល់ សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត សម្តេចព្រះមហាសង្ឃរាជ នៃព្រះរាជាណាចក្រកម្ពុជា​ផង​ដែរ៕

The post លោកជំទាវ ភន ភាវី ក្រាបសំពះសុំពរជ័យសិរីមង្គលពីឧកញ៉ា ថូ វុទ្ធី ក្នុងថ្ងៃកំណើតរបស់ខ្លួន appeared first on .