លោកស្រី ឱ វណ្ណឌីន រដ្ឋលេខាធិការ​ក្រសួង​សុខាភិបាល​បានឲ្យ​ដឹង​ថា ជំងឺអុតស្វាដែលបានកើតឡើងផ្តើមចេញពីប្រទេសអង់គ្លេស ដែលគេឃើញនៅថ្ងៃទី៦ខែឧសភាឆ្នាំ២០២២ បន្ទាប់ពីអ្នកជំងឺបានចេញរោគសញ្ញានៅថ្ងៃទី២៩ ខែមេសា ឆ្នាំ២០២២។

ជំងឺអុតស្វាឆ្លងតាមរយៈការប៉ះពាល់រាងកាយផ្ទាល់ ឬមានភាពប៉ះពាល់ជិតស្និទ្ធជាមួយអ្នកដែលមានរោគសញ្ញារួមទាំងទំនាក់ទំនងផ្លូវទៀតផងដែរ។ វាមានឆ្លងហានិភ័យចំពោះអ្នកមានទំនាក់ទំនងជិតស្និទ្ធជាមួយអ្នកជំងឺនេះរួមទាំងមន្ត្រីសុខាភិបាល គ្រួសារសមាជិកនិងដៃគូផ្លូវភេទ។ លើសពីនេះវាឆ្លងតាមរយៈសម្លៀកបំពាក់ឬសម្ភារៈដូចជាសម្ភារៈបរិភោគអាហារចានក្បានដែលមានជាប់គ្នានោះបណ្ដាលមកពីអ្នកកើតជំងឺ បានប្រើប្រាស់ឡូកឡំជាមួយគ្នាអាចឆ្លងទៅអ្នកដទៃបាន។

បើតាមមន្រ្តី​សុខាភិបាល ជំងឺនេះអាចឆ្លងតាមរយៈទឹកមាត់ ហើយ​ក៏អាចឆ្លងពីអ្នកមានផ្ទៃពោះទៅទារកតាមរយៈទងសុកឬឪពុកម្តាយ ដែលមានជំនេះឆ្លងទៅដល់កូនអំឡុងពេលឬក្រោយពេលឆ្លងទន្លេតាមរយៈការប៉ះនឹងស្បែក​។

លោស្រីវេជ្ជបណ្ឌិត ឱ វណ្ណឌីន បានលើកឡើងទៀតថា រោគសញ្ញានៃជំងឺអុតស្វាមានអាការៈក្តៅខ្លួនឈឺក្បាលខ្លាំងហើមកូនកណ្ដុរឈឺសាច់ដុំនិងចេញកន្ទួលដែលមានពងបែកកន្តួលមានទំនោរប្រមូលផ្ដុំនៅលើមុខបាតដៃនិងបាតជើងមាត់ប្រដាប់ភេទ។នៅភ្នែកក៏អាចរងផលប៉ះពាល់បានដែរហើយរោគសញ្ញានិងកន្ទួលលើស្បែកជាទូទៅមានរយៈពេលជាច្រើនសប្តាហ៍។

ចំណែកការព្យាបាល ករណីភាគច្រើននៃរោគសញ្ញានៃជំងឺអុតស្វានេះនឹងបាត់ទៅវិញដោយខ្លួនឯងក្នុងរយៈពេល ២ ទៅ៣ សប្តាហ៍ ប៉ុន្តែក្នុងករណីខ្លះជំងឺនេះអាចនាំឱ្យមានភាពស្មុគស្មាញក្នុងការព្យាបាលនិងអាចបណ្ដាលឲ្យស្លាប់ដែរ៕

The post ជំងឺ​អុតស្វា​ ឆ្លងរាលដាលទៅ ១២ ប្រទេស​ មិន​ទាន់​រកឃើញ​ករណី​សង្ស័យ​នៅ​កម្ពុជា​ទេ appeared first on .

លោកជំទាវវេជ្ជបណ្ឌិត ឱ វណ្ណឌីន រដ្ឋ​លេខាធិការ​ក្រសួង​សុខាភិបាល បានគូសបញ្ជាក់ថា នៅតាមបណ្តាប្រទេសមួយចំនួនលេីសាកលលោក​ និងក្នុងតំបន់​ មានរកឃេីញករណីឆ្លងអូមីក្រុងជារៀងរាល់ថ្ងៃ​ ក្នុងនោះក៏មានកម្ពុជាដែរ​ ហេីយករណីស្លាប់នៅតាមបណ្តាប្រទេសមួយចំនួននោះ​ ក៏កេីតមានរួចហេីយដែរ​ នៅលេីអ្នកដែលមានជំងឺប្រចាំកាយ​ និងអ្នកដែលមិនបានចាក់​វ៉ាក់សាំង ឫចាក់មិនគ្រប់ដូស។ ដូច្នេះ​ មិនត្រូវមេីលស្រាលលេីលទ្ធភាពវ៉ៃលុកនៃវីរុសអូមីក្រុងនាពេលនេះឱ្យសោះ។

លោកជំទាវថ្លែងយ៉ាងដូច្នេះថា៖​ “អូមីក្រុងបាននិងកំពុងឆ្លងនៅក្នុងសហគមន៍យេីងហេីយណា​ ជាពិសេសកន្លែងដែលមានមនុស្សម្នាច្រេីនកុះករ​ កន្លែងបិទជិតៗគ្មានខ្យល់ចេញចូលប្រេីតែម៉ាស៊ីនត្រជាក់ និងកន្លែងជួបជុំគ្នាច្រេីនពេកខ្វះការអនុវត្តន៍វិធានការ​ ៣ការពារ​ និង៣កុំ​ ហេីយឱ្យតែយេីងធ្វេសប្រហែស​ លទ្ធភាពនៃការឆ្លង​ គឺមានខ្ពស់ហេីយ”។

ជាថ្មីម្តងទៀត លោកជំទាវអ្នកនាំពាក្យក្រសួងសុខាភិបាល សូមធ្វេីការអំពាវនាវដោយត្រូវរួមគ្នាទប់ស្កាត់ការចម្លងវីរុសកូវីដ-១៩​ ពីពេលនេះតទៅ ដូចជា​ នាំមនុស្សជាទីស្រឡាញ់របស់ខ្លួនទៅចាក់វ៉ាក់សាំងកូវីដ-១៩​ ឱ្យបានគ្រប់គ្នា​ យកចិត្តទុកដាក់​ បន្តអនុវត្តន៍វិធានការ​ ៣​ ការពារ​ និង​ ៣កុំ​។

លើសពីនេះ ក៏កុំបង្កឱ្យមានការជួបជុំគ្នាក្នុងចំនួនកេីនឡេីងច្រេីនពេក​ ហើយកុំទៅកន្លែងមនុស្សច្រេីនកុះករ​ កន្លែងបិទជិតៗ​ កុំជួបជុំគ្នាច្រេីនជាដេីម។ ជារួម បេីមានការសង្ស័យ​ សុំធ្វេីតេស្តរហ័សដោយខ្លួនឯង​ បេីវិជ្ជមានកូវីដ-១៩​ សុំនៅដាច់ដោយឡែក៕

The post ក្រសួងសុខាភិបាលកម្ពុជា អំពាវនាវមិនត្រូវមេីលស្រាលលេីលទ្ធភាពវ៉ៃលុកនៃវីរុសអូមីក្រុង នាពេលនេះឱ្យសោះ appeared first on .

ការអះអាងរបស់លោកជំទាវធ្វើឡើង ក្រោយរដ្ឋាភិបាល សម្រេចបើកប្រទេសឡើងវិញជាបណ្តើរៗ និងតាមដំណាក់កាល ជាមួយនឹងភាពប្រយ័ត្នប្រយែង តាមគន្លងប្រក្រតីភាពថ្មី ដោយមានការសម្រួល របបនៃការធ្វើចត្តាឡីស័ក សម្រាប់អ្នកដំណើរមកកម្ពុជា តាមគ្រប់ច្រកចូល ដែលទទួលបានការចាក់វ៉ាក់សាំង ដូសមូលដ្ឋានបានពេញលេញ។

បើតាមការសម្រេច  ក្រៅពីអ្នកវិនិយោគិន មន្ត្រីរាជការ និងមន្ត្រីបរទេស ក៏តម្រូវឱ្យធ្វើចត្តាឡីស័ក ត្រឹម ៣ថ្ងៃ។ ដោយឡែក ពលរដ្ឋខ្មែរ និងជនបរទេសទូទៅ ដែលធ្វើដំណើរមកពីក្រៅប្រទេស ត្រូវធ្វើចត្តាឡីស័ក ៧ថ្ងៃ ខណៈដែលអ្នកដែលមិនទាន់ចាក់វ៉ាក់សាំងការពារកូវីដ-១៩ និងអ្នកចាក់មិនទាន់គ្រប់ដូស ត្រូវធ្វើចត្តាឡីស័ក ១៤ថ្ងៃ ដូចគ្នា។

លោកជំទាវវេជ្ជបណ្ឌិត បញ្ជាក់ថា បុគ្គល ម្ចាស់អាជីវកម្ម និងអាជ្ញាធរមូលដ្ឋានត្រូវបានលើកទឹកចិត្ត ក្នុងការចាប់ផ្តើមរៀបចំឱ្យបានត្រឹមត្រូវជាមួយនឹងការថ្លឹងថ្លែងតុល្យភាពនៃហានិភ័យ និងត្រូវបន្តអនុវត្តវិធានការការពារជាចាំបាច់ដើម្បីធានាបាននូវការបើកដំណើរការដែលប្រកបដោយសុវត្ថិភាព ឆ្ពោះទៅរកការរស់នៅក្នុងគន្លងប្រក្រតីភាពថ្មី។

ទិន្ន័យក្រសួងសុខាភិបាល បានបញ្ជាក់ថា កំណេីនអត្រាចាក់វ៉ាក់សាំងកូវីដ-១៩ នៅកម្ពុជា  គិតត្រឹមថ្ងៃទី១៦ ខែតុលា ឆ្នាំ២០២១ មាន ៩៩,៤៥%  ធៀបជាមួយចំនួនប្រជាជនគោលដៅ ១០លាននាក់  និងលើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៩០,២៤% ធៀបជាមួយចំនួនប្រជាជនគោលដៅ ១,៩៦៦,៩៣១ នាក់ និងលើកុមារអាយុពី ០៦ឆ្នាំ  ដល់ក្រោម ១២ឆ្នាំ មាន  ៩៨,៣១% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់៕

The post លោក​ជំទាវ​ ឱ វណ្ណឌីន៖ ការបើកអាជីវកម្ម និងសង្គមឡើងវិញ តម្រូវឲ្យមានការគ្រប់គ្រងប្រុងប្រយ័ត្នខ្ពស់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្រសួង​សុខាភិបាល​បាន​ប្រកាស​តួលេខ​អ្នក​ឆ្លង​ថ្មីថ្ងៃនេះ​ចំនួន ៨៣៦ នាក់ ថយ​ចុះ​ជា​ងម្សិលមិញ​ដែលមានអ្នក​ឆ្លងសរុប ៨៨៩ នាក់។ ជាមួយ​គ្នានេះ​មានអ្នក​ជា​សះស្បើយ ៩២៨ នាក់ និង ២៤ នាក់បានស្លាប់។

គិតត្រឹមព្រឹកថ្ងៃទី១៧ ខែកក្កដា ឆ្នាំ២០២១ តួលេខ​អ្នកឆ្លង​សរុប​នៅប្រទេសកម្ពុជា​ឡើងដល់ ៦៦ ៣៣៦ នាក់ អ្នក​ជា​សះស្បើយ ៥៧ ៩៥៥ នាក់ និង​ស្លាប់ ១ ០៧៦ នាក់។

ទន្ទឹមនឹងនេះ មន្រ្តីជាន់ខ្ពស់ក្រសួងសុខាភិបាល លោកស្រីវេជ្ជបណ្ឌិត ឱ វណ្ណឌីន បានព្រមានម្តងហើយម្តងទៀតចំពោះបញ្ហាប្រឈមរបស់កម្ពុជាដែលនឹងការដេីរហួសបន្ទាត់ក្រហម​ ប្រសិនបេីបុគ្គល​ និងគ្រួសារ​ នៅតែមិនយកចិត្តទុកដាក់​ ទទួលខុសត្រូវរៀងៗខ្លួនក្នុងការការពារទេនោះ។ 

លោកស្រីនិយាយតាមបណ្តាញទំនាក់ទំនងតេឡេក្រាមថា៖ ខ្ញុំបានលេីកឡេីងនូវការបារម្ភ​ និងសុំឱ្យបងប្អូនយេីងងាកមករកការការពាររៀងៗខ្លួនឱ្យបានហ្មត់ចត់ឡេីងវិញ​ កុំបន្ធូូរបន្ថយឱ្យសោះបេីយេីងមិនចង់ឃេីញសោកនាដកម្មសុខភាពសាធារណ:​ ដែលវាអាចនឹងទៅហួសបន្ទាត់ក្រហមនោះទេ។

បើតាមលោកស្រី រឿងវីរុសដែលតានេះ​ ក្រសួងសុខាភិបាល​ បានចេញសេចក្តីជូនព័ត័មានរួចហេីយ។   អ្វីដែលសំខាន់នាពេលនេះ​ ទោះជាដែលតា​ ឫអាល់ហ្វា​ យេីងត្រូវតែរួមគ្នាការពារ​ ព្រោះបច្ចុប្បន្ននេះ​ អាល់ហ្វាក៏កំពុងតែចរាចរខ្លាំងក្លា​ ទៅសឹងគ្រប់ខេត្ត-ក្រុងទៅហេីយ​ រីឯអ្នកស្លាប់ក៏មានជារៀងរាល់ថ្ងៃ។ 

លោកស្រីបញ្ជាក់ថា ហេតុអ្វូីយេីងគិតតែពីដែលតា​ ហេីយខ្វះការប្រុងប្រយ័ត្នបច្ចុប្បន្ននេះសម្រាប់កាត់ផ្តាច់ចរាចរអាល់ហ្វា​ ឫវីរុសកូវីដ-១៩​ ជារួម​ ទោះជាប្រភេទអ្វីក៏ដោយ​ ក៏យេីងនៅតែមានផលប៉ះពាល់គ្រាន់តែតិច​ និងច្រេីន។  ដូច្នេះ​ ការការពារកុំឱ្យឆ្លង​ ឫបេីឆ្លងហេីយត្រូវការពារកុំឱ្យឆ្លងបន្តទៅក្រុមគ្រួសារ​ និងអ្នកដទៃ​ ជាការចាំបាច់បំផុតក្នុងពេលនេះ។

លោកស្រីបន្ថែមថា ត្រូវភ្ញាក់រលឹកឡេីង​ បុគ្គលម្នាក់ៗ​ ​ត្រូវរួមគ្នាទទួលខុសត្រូវក្នុងការការពារការចម្លងវីរុសកូវីដ-១៩​ ទោះជាប្រភេទណាក៏ដោយ​ ដេីម្បីសុខភាពខ្លួន​ សុខភាពគ្រួសារ​ និងសហគមន៍មានសុវត្ថិភាព៕

The post ខេត្តព្រះសីហនុ បើកដំណើរការម៉ាស៊ីនផលិតខ្យល់អុកស៊ីសែន ស្របពេលមន្រ្តីជាន់ខ្ពស់ក្រសួងព្រមានរឿងវីរុស Delta កំពុងចរាចរខ្លាំងខ្លា​ appeared first on .

១៖ អ្នកអាចនឹងមានផលរំខានខ្លះដូចជា ឈឺ ឬហើមតិចតួចនៅកន្លែងចាក់ ក្តៅខ្លួន ស្រៀវស្រាញ អស់កម្លាំង ឈឺក្បាល ឈឺសាច់ដុំ ឈឺនៅសន្លាក់ វិលមុខ ដែលនឹងបាត់ទៅវិញក្នុងរយៈពេល ២ ឬ ៣ ថ្ងៃ។ អ្នកអាចលេបថ្នាំបំបាត់ការឈឺចាប់ ឬថ្នាំបញ្ចុះកំដៅ ប្រសិនបើអ្នកមិនមានបញ្ហាសុខភាព ដែលពេទ្យហាមមិនឲ្យលេបថ្នាំប្រភេទនេះ។២៖ ប្រសិនបើអ្នកឈឺ នៅចំកន្លែងចាក់ អ្នកអាចស្អំជាមួយក្រណាត់សើមត្រជាក់ដែលស្អាត។
៣៖ កុំលេបថ្នាំបំបាត់ការឈឺចាប់ ឬថ្នាំបញ្ចុះកំដៅ មុនពេលចាក់វ៉ាក់សាំងដើម្បី ការពារផលរំខាន។
៤៖ បរិភោគទឹកអោយបានច្រើន និងបរិភោគអាហារដែលមានជីវជាតិគ្រប់គ្រាន់
៥៖ បន្តអនុវត្តន៍ ៣ការពារ និង ៣កុំ +៣កុំ៖ កុំទៅទីកន្លែង មានមនុស្សច្រើន កុំទៅកន្លែងបិទជិត គ្មានខ្យល់ចេញចូល កុំប៉ះពាល់ចាប់ដៃឬអោបគ្នា+៣ការពារ៖ រក្សាគម្លាត ១.៥ម៉ែត្រឡើងទៅ ពីអ្នកដទៃ លាងដៃអោយ បានញឹកញាប់៕

The post បើ​អ្នក​​នៅ​បារម្ភ​ពេល​ចាក់​វ៉ាក់សាំង​រួច នេះអ្វីត្រូវដឹង​ ត្រូវធ្វើ ជាការ​ណែនាំ​ដោយ​ក្រសួង​សុខាភិបាល appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោកជំទាវ ឱ វណ្ណឌី​ន បានគូសបញ្ជាក់​ថា នៅពេល​យើង​បញ្ចប់​ការបិទ​ខ្ទប់​នេះ ប្រជាពលរដ្ឋ​ច្បាស់​ជា​ចេញទៅ​ខាងក្រៅ ហើយ​ការចម្លង​វីរុស​កូ​វីដ​-១៩ វា​នឹង​អាច​លោត​ហក់​ឡើងវិញ ហើយ​វា​ខ្លាំង​ជាង​យើង​បិទ​ខ្ទប់​លើក​ទី​១​ទៀត។

បើតាមលោកជំទាវ ជឿថា បងប្អូន​មិន​ចង់​រស់នៅ​បិទ​ខ្ទប់​ដូច​មុន​ទេ ប៉ុន្តែ​បងប្អូន​ត្រូវ​ចូលរួម​អនុវត្ត​វិធានការ​ណែនាំ​របស់​រាជ​រដ្ឋាភិបាល និង​វិធានការ​សុខាភិបាល ពិសេស​បុគ្គល​គ្រប់រូប ត្រូវ​រៀន​រស់​ជាមួយ វីរុស​កូ​វីដ​-១៩ ដោយ​មិន​ត្រូវ​ឲ្យ​វីរុស​កូ​វីដ​-១៩ ឆ្លង​មក​ខ្លួនឯង​ទេ តាមរយៈ​វិធានការ ៣​កុំ ៣ ការពារ និង ២​ចូលរួម កុំទៅ​ទីតាំង​ណា​ដែល​មាន​ការ​ប្រមូលផ្ដុំ​មនុស្ស​ច្រើន ពិសេស​ទៅទៀត​នោះ​មានតែ​បុគ្គល​គ្រប់ៗ​រូប​ប៉ុណ្ណោះ ដែល​អាច​ការពារ​មិន​ឲ្យ​ឆ្លង​ពី​មនុស្ស​ម្នាក់​ទៅ​មនុស្ស​ម្នាក់ទៀត​បាន ហើយនឹង​ឈានទៅ​កាត់ផ្តាច់​ការ​ចម្លង​ក្នុង​សហគមន៍៕

The post លោកជំទាវ ឱ វណ្ណឌី​ន៖ ការចម្លង​វីរុស​កូ​វីដ​-១៩ វា​នឹង​អាច​លោត​ហក់​ឡើងវិញ ហើយ​វា​ខ្លាំង​ជាង​យើង​បិទ​ខ្ទប់​លើក​ទី​១​ទៀត appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ ជាអ្នកនាំពាក្យក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស (គ.វ.ក-១៩) កាលពីថ្ងៃទី៣០ ខែមេសា ឆ្នាំ២០២១ បានមានប្រសាសន៍ថា៖ សូមកុំភ្លេចថា​ បេីបុគ្គលម្នាក់ៗ​ មិនបានអនុវត្តវិធានការ​ ៣ការពារ​ និង​ ៣កុំ​ ត្រឹមត្រូវទេនោះ​ ការចម្លងនៅតែមាន​ ហេីយខ្សែចម្លងរិតតែអូសបន្លាយឆ្ងាយទៅៗ​ រហូតដល់ថ្ងៃណាមួយនឹងហួសពីសមត្ថភាពយេីងហេីយណា។

លោកជំទាវថ្លែងបញ្ជាក់យ៉ាងដូច្នេះថា នៅឥណ្ឌា​ យេីងឃេីញស្រាប់ហេីយ​ៗយេីងក៏មិនចង់ជួបព្រឹត្តិការណ៍បែបនោះដែរ​ មែនទេ? បេីមែន​ ត្រូវតែរួមគ្នាឆ្លងកាត់ការលំបាកពេលនេះឱ្យបាន​ ហេីយគ្មានអ្វីដែលអាចការពារខ្លួនយេីងបានក្រៅតែពី​ ៣ការពារ​ ៣កុំ​ ចាក់វ៉ាក់សាំង​ និងនៅផ្ទះ​ (ប្រសិនបេីមិនមានការចាំបាច់ទេនោះ​ ព្យាយាមកុំចេញក្រៅផ្ទះ)។

ជាមួយបញ្ហាដ៏តឹងតែងនិងគ្រោះថ្នាក់នៅគ្រាលនេះលោកជំទាវអ្នកនាំពាក្យរូបនេះ ក៏ណែនាំឲ្យបងប្អូនប្រជាពរលដ្ឋមេត្តាជួយអប់រំគ្នាឱ្យបានច្រេីនបំផុតដែលអាចធ្វេីទៅបាន។ លោកជំទាវមានជំនឿជឿជាក់និងសង្ឃឹមថា​ យេីងនៅមានពេលដែលអាចទាញសភាពឆ្លងរាតត្បាតឱ្យថយចុះវិញ​ ដោយទាំងអស់គ្នាត្រូវចូលរួមអនុវត្តវិធានការខាងលេីឱ្យបានគ្រប់ៗគ្នា៕

សូមចុចអានអត្ថបទខាងក្រោម៖

The post លោកជំទាវ ឱ វណ្ណឌីន៖​ ការចម្លងនៅតែមាន​ ហេីយខ្សែចម្លងរិតតែអូសបន្លាយឆ្ងាយទៅៗ​ រហូតដល់ថ្ងៃណាមួយនឹងហួសពីសមត្ថភាពយេីង appeared first on .

សូមអាន សេចក្ដីជូនព័ត៌មានលម្អិតរបស់ក្រសួងសុខាភិបាល ដូចខាងក្រោម៖

The post មិនមានសញ្ញាថមថយទេ​ សូមបងប្អូនបន្តប្រុងប្រយ័ត្ន! អ្នកឆ្លងកូវីដថ្មីថ្ងៃនេះមានចំនួន ៥០៨នាក់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

រដ្ឋលេខាធិការ  និងជាអ្នកនាំពាក្យក្រសួងសុខាភិបាល លោកជំទាវ  ឱ  វណ្ណឌីន បានលើកឡើងថា ខ្ញុំសូមលើកទឹកចិត្តបងប្អូនប្រជាពលរដ្ឋទាំងអស់​ ឱ្យអនុវត្តតាមវិធានការណ៍របស់រាជរដ្ឋាភិបាល​ និងក្រសួងសុខាភិបាល​ ដែលបានដាក់ចេញរួចហើយ។ សុខភាពរបស់លោកអ្នក​ មានសារៈសំខាន់ជាងអ្វីៗទាំងអស់​ ហើយលោកអ្នកត្រូវតែការពារពីការចម្លងជំងឺកូវីដ-១៩ ឱ្យបាន​គ្រប់គ្នា​ ដោយចាប់ផ្តេីមធ្វេីសក្មភាពចេញពីបុគ្គលម្នាក់ៗ​ និងរួមសាមគ្គីគ្នាធ្វេីសកម្មភាពឆ្លេីយតបពីឥឡូវនេះ។

លោកជំទាវមានប្រសាសន៍ថា ការចាក់វ៉ាក់សាំង​កូវីដ-១៩ គឺជាជម្រេីសមួយរួមជាមួយជម្រេីសដទៃទៀត​របស់លោកអ្នក​ ក្នុងការអនុវត្តន៍វិធានការណ៍បង្ការជំងឺកូវីដ-១៩​ ដែលអាចការពារលោកអ្នកបាន​ ហេីយដែលតម្រូវឲ្យបុគ្គល​ និងប្រជាជន​ ចាំបាច់មានវិន័យត្រឹមត្រូវ​ និងការយល់ដឹងចាំបាច់​ ខណៈពេលដែលកំពុងស្វែងរកសេវាកម្មចាក់វ៉ាក់សាំងនៅតាមទីតាំងណាមួយដែលប្រកាសដោយគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស​ ព្រមទាំងការអនុវត្តន៍ឱ្យបានពេញលេញនូវវិធានការ ៣ការពារ និង៣កុំ។

លោកជំទាវបានបន្តថា នៅផ្ទះ​ គឺជាជម្រេីសដ៏ល្អមួយ​ សម្រាប់ការពារការចម្លងជំងឺកូវីដ-១៩។ វិធានការបិទខ្ទប់​ គឺជាវិធានការបណ្តោះអាសន្ន​ប៉ុណ្ណោះដែលមានពេលកណត់ មិនមែនជាការចាក់សោរជារៀងរហូតដែលមនុស្សមិនអាចធ្វេីអ្វីបាននោះឡេីយ។ វាជាការចាំបាច់ណាស់ ដែលយេីងត្រូវរៀបចំទុកជាមុន​ មុននឹងពេលដេីរចេញពីវិធានការបិទខ្ទប់​ បើមិនដូច្នោះទេ​ ការផ្ទុះឡេីងនូវការចម្លងរាលដាលខ្លាំងថ្មីមួយទៀត​ នឹងអាចកេីតឡេីង​ ហេីយអាចមានគ្រោះថ្នាក់ខ្លាំងជាងនាពេលនេះទៅទៀត​ ព្រោះនៅពេលនោះ​ មនុស្សគ្រប់គ្នាទាំងអ្នកចាត់ចែងដាក់វិធានការ​ និងអ្នកដែលត្រូវអនុវត្តវិធានការទប់ស្កាត់ការចម្លង​ជំងឺដ៏កាចសាហាវនេះ មានការហត់នឿយ​ និងអស់ថាមពលទៅហេីយ​ ចុះទម្រាំមានការផ្ទុះចេញសារជាថ្មីទៀតនោះ​ នៅពេលដែលកម្លាំងយេីងមិនទាំងទាន់បានស្រាកស្រាន្តផងនោះ​ ឫអាចនិយាយបានថា​ អស់ថ្ម​ តែថ្មនោះមិនទាន់ទាំងបានសាកបញ្ចូលពេញវិញផង​ តេីនឹងក្លាយទៅជាយ៉ាងណា?

អ្នកនាំពាក្យរូបនេះបានបញ្ជាក់ថា ធនធានប្រហែលជាមិនគ្រប់គ្រាន់សម្រាប់ទប់ស្កាត់ការចម្លងដែលជានិន្នាការចម្លងមួយដែលអាចកេីតមានជាបន្តបន្ទាប់​ប្រសិនបើបុគ្គលម្នាក់ៗ​ និងសហគមន៍​ មិនធ្វើសកម្មភាពជាមួយគ្នា​ ជួយគ្នា​ ដើម្បីការពារការផ្ទុះឡេីងនូវការឆ្លងវីរុសកូវីដ-១៩ សារជាថ្មីឡើងវិញ​ បន្ទាប់ពីការដេីរចេញពីវិធានការបិទខ្ទប់នាពេលខាងមុខ​ (ទោះជាការដេីរចេញនូវវិធានការបិទខ្ទប់អាចកេីតមានក្នុងពេលឆាប់​ ឫយូរក៏ដោយ)។ ខ្ញុំសឹងតែមិនហ៊ានគិតដល់ចំណុចនោះទេ​ តែខ្ញុំត្រូវតែបង្ហាញជាមុន​ ដេីម្បីជូនដល់លោកអ្នក​ មានការប្រុងប្រយ័ត្នលេីចំណុច​នេះទាំងអស់គ្នា។

លោកជំទាវបន្តទៀតថា បុគ្គលគ្រប់រូប​ អាចមានសុវត្ថិភាពពីការឆ្លងជំងឺកូវីដ-១៩បាន​ ប្រសិនបើមនុស្សគ្រប់គ្នា​ អាចផ្លាស់ប្តូរអាកប្បកិរិយាផ្ទាល់ខ្លួនបានទាន់ពេល​ និងបានលឿនជាងការវាយលុករបស់វីរុសកូវីដ-១៩​ ដោយសម្របខ្លួនឱ្យបានជាមួយនឹងជីវិតរស់នៅធម្មតាតាមបែបគន្លងថ្មី។ រាល់ទីតាំងដែលបិទជិត​ ឫជាកន្លែងប្រមូលផ្តុំមនុស្សច្រេីន​ ដូចជាហាងលក់ឥវ៉ាន់​ ភោជនីយដ្ឋាន​ រោងកុន​ ទីផ្សារ​ និង​រោងចក្រ-សហគ្រាដស ជាដើម​ ម្ចាស់ទីតាំង​ និងអតិថិជន​ ត្រូវតែគោរព​ និងអនុវត្តយ៉ាងហ្មត់ចត់នូវវិធានការណ៍បង្ការជំងឺ​ ដែលណែនាំដ៏ខ្ពង់ខ្ពស់ដោយសម្តេចតេជោ​ ហ៊ុន​ សែន​ នាយករដ្ឋមន្ត្រីនៃកម្ពុជា​ និងដោយក្រសួងសុខាភិបាល​ ដូចជាពាក់ម៉ាស់​ លាងដៃឱ្យបានត្រឹមត្រូវ​ និងរក្សាគម្លាតសុវត្ថិភាពបុគ្គលពី ១,៥ ម៉ែត្រឡេីងជាដេីម។

លោកជំទាវគូសញ្ជាក់យ៉ាងដូច្នេះថា ប្រសិនបើយើងមិនចង់វិលត្រឡប់ទៅរកស្ថានភាពបិទខ្ទប់វិញទេនោះ​ បុគ្គលម្នាក់ៗ​ ត្រូវរៀនសូត្រសម្រាប់ការផ្លាស់ប្តូររបៀបរស់នៅរបស់លោកអ្នកទៅរកស្ថានភាពធម្មតាតែមានការប្រុងប្រយ័ត្នការពារដូចបានរៀបរាប់ខាងលើ។

ជាចុងក្រោយ លោកជំទាវក៏សូមជូនពរបងប្អូនទាំងអស់​ សូមមានសុខភាពល្អ​ និងមានសុវត្ថិភាពពីការចម្លងជំងឺកូវីដ-១៩។ ខ្ញុំសូមថ្លែងអំណរគុណយ៉ាងជ្រាលជ្រៅដល់បងប្អូនប្រជាពលរដ្ឋទាំងស់​ ដែលបានចូលរួមសហការគ្នាដើម្បីប្រយុទ្ធជាមួយសត្រូវអត់សម្រោលកូវីដ-១៩នេះ៕

The post លោកជំទាវ ឱ វណ្ណឌីន៖ ការផ្ទុះឡើងនូវការចម្លងរាលដាលខ្លាំងថ្មីមួយទៀត អាចនឹងមានគ្រោះថ្នាក់ខ្លាំងជាងនាពេលនេះទៅទៀត appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោកជំទាវ ឱ វណ្ណឌីន ថ្លែងថា “ក្នុងមួយថ្ងៃប្រសិនបើយើងចំណាយពេល២ម៉ោង ក្នុងការអាន ឬមើលព័ត៌​មានដែលរន្ធត់ ព័ត៌មានដែលមិនពិត ព័ត៌មានដែលប្រឌិត ធ្វើឱ្យយើងខ្វាយខ្វល់ យើងរន្ធត់ពេក បើសិនជាយើងមើលបែបហ្នឹង ក្នុងរយៈពេល ២ ម៉ោង ក្នុងរយៈពេល ២សប្តាហ៍ លោកអ្នកនឹងមានជំងឺផ្លូវចិត្ត”។

បើតាមលោកជំទាវ នៅក្នុងបរិបទនៃការប្រយុទ្ធនឹងជំងឺកូវីដ១៩ គេក៏សង្កេតឃើញ​ថាមានបងប្អូនមួយចំនួន ក៏មានបញ្ហាផ្លូវចិត្ត ដូច្នេះគេធ្វើការសិក្សា​ទៅថាតើបញ្ហា​ផ្លូវចិត្ត​ហើយរកឃើញថាបញ្ហាផ្លូវចិត្តក៏កើតចេញមកពីការអានព័ត៌​មានឥតប្រយោជន៍នេះដែរ។

លោកជំទាវ ឱ វណ្ណឌីន បញ្ជាក់ថា “ឥឡូវយើងមាន អ្នកមួយចំនួន ក៏កំពុងតែស្ថិតក្នុងស្ថានភាពនេះដែរ អញ្ចឹងសំខាន់ណាស់ ដើម្បីកុំឱ្យខ្លួនយើងធ្លាក់ទៅលើបញ្ហាផ្លូវចិត្ត កុំទៅមើលអារព័ត៌មានណាចេញតែផ្តេសតែផ្តាស់រុញវាចោល លុបវាចោលទៅ”៕

The post លោកជំទាវ ឱ វណ្ណឌីន៖ កុំចំណាយពេលវេលាទៅមើលព័ត៌មានរន្ធត់ ព័ត៌មានប្រឌិត ដែលវាអាចបណ្តាលឱ្យកើតជំងឺផ្លូវចិត្តមិនដឹងខ្លួន appeared first on .