លោក សូ ណារ៉ូ ប្រតិភូអមនាយករដ្ឋមន្ត្រី បង្ហាញរូបភ្ញៀវកិត្តិយសចូលរួមខួបអាពាហ៍ពិពាហ៍ ៩ ឆ្នាំអ្នកឧកញ៉ា គិត ម៉េង

រ៉េត សុកធា — Fri, 22 Mar 2024 07:26:52 +0000

កាលពីថ្ងៃ ២០ មីនា ឆ្នាំ ២០២៤ កន្លងទៅ អ្នកឧកញ៉ា គិត ម៉េង ព្រមទាំងអ្នកឧកញ៉ា ម៉ៅ ចំណាន បានប្រារព្ធខួបអាពាហ៍ពិពាហ៍គម្រប់ ៩ ឆ្នាំទាំងនៅក្រុមហ៊ុន Royal Group និងនៅគេហដ្ឋានរបស់អ្នកឧកញ៉ាផងដែរ។

កម្មវិធីពេលព្រឹកដែលរៀបចំនៅក្រុមហ៊ុនមានតែបុគ្គលិកក្រោមបង្គាប់ចូលរួមក្នុងខួបអាពាហ៍ពិពាហ៍ អ្នកឧកញ៉ា គិត ម៉េង និងអ្នកឧកញ៉ា ម៉ៅ ចំណាន តែបើនៅគេហដ្ឋានពេលល្ងាចវិញ សុទ្ធតែថ្នាក់អ្នកមុខអ្នកការ និងមន្ត្រីរាជការ ព្រមទាំងអ្នកជំនួញជាដើម។ នេះបើតាមរូបភាពដែលលោក សូ ណារ៉ូ ប្រតិភូអមនាយករដ្ឋមន្ត្រី មានវត្តមានក្នុងកម្មវិធីនោះ បង្ហោះលើបណ្ដាញសង្គម។

រូបភាពនៅថ្ងៃខួបអាពាហ៍ពិពាហ៍ អ្នកឧកញ៉ា គិត ម៉េង និងអ្នកឧកញ៉ា ម៉ៅ ចំណាន ពេលនោះមានអ្នកឧកញ៉ា ហុង ពីវ,អ្នកឧកញ៉ា ទ្រី ភាព និងអ្នកជំនួញជាច្រើនរូបភាពផ្សេងទៀត មកចូលរួមអបអរ ព្រមទាំងទទួលទានអាហារពេលល្ងាច។

កម្មវិធីមានទាំងការទទួលទានអាហារជួបជុំគ្នា កាត់នំ និងថតរូបទុកជាអនុស្សាវរីយ៍ ទាំងម្ចាស់កម្មវិធីគឺអ្នកឧកញ៉ា គិត ម៉េង ព្រមទាំងអ្នកឧកញ៉ា ម៉ៅ ចំណាន រួមទាំងភ្ញៀវកិត្តិយស សុទ្ធតែបង្ហាញទឹកមុខសើចសប្បាយរីករាយក្នុងឱកាសពិសេសនោះ៕

The post លោក សូ ណារ៉ូ ប្រតិភូអមនាយករដ្ឋមន្ត្រី បង្ហាញរូបភ្ញៀវកិត្តិយសចូលរួមខួបអាពាហ៍ពិពាហ៍ ៩ ឆ្នាំអ្នកឧកញ៉ា គិត ម៉េង appeared first on .

លោកបណ្ឌិត សូ ណារ៉ូ