ពិធីនេះប្រព្រឹត្តទៅក្រោមអធិបតីលោក ជា កុសល រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ នៅសណ្ឋាគារ ហៃយ៉ាត់ រេជិនស៊ី រាជធានីភ្នំពេញ។ ការចុះហត្ថលេខានាពេលនេះគឺជាសក្ខីភាពនៃការប្តេជ្ញាចិត្តរួមគ្នាក្នុងការបណ្តុះបណ្តាល និងលើកកម្ពស់គុណភាពធនធានមនុស្សក្នុងផ្នែកជំនាញគណនេយ្យធុរកិច្ច ហិរញ្ញវត្ថុ និងពន្ធដារនៅកម្ពុជា។

ថ្លែងក្នុងនាមជាអ្នកសង្កេតការណ៍មួយរូប និងក្នុងនាមក្រសួងដែលទទួលបន្ទុកវិស័យរបណ្តុះបណ្តាលបច្ចេកទេសនិងវិជ្ជាជីវៈ លោក ជា កុសល បានវាយតម្លៃខ្ពស់ចំពោះគោលបំណងនៃអនុស្សរណៈទាំងពីរ ដែលផ្តោតលើការបណ្តុះបណ្តាលតាមស្តង់ដាអន្តរជាតិ ដើម្បីរៀបចំយុវជនឱ្យមានសមត្ថភាពខ្ពស់ស្របតាមតម្រូវការទីផ្សារការងារតំបន់ និងសកលលោក ហើយដែលកិច្ចសហការនេះក៏នឹងសង្កត់ធ្ងន់លើការអនុវត្តជាក់ស្តែង ការធានាគុណភាពសិក្សា និងការបង្កើតស្ពានតភ្ជាប់រវាងការសិក្សានិងឧស្សាហកម្ម តាមរយៈកម្មវិធីតម្រង់ទិស និងការបង្កើតបណ្តាញទំនាក់ទំនងវិជ្ជាជីវៈ។

លោករដ្ឋលេខាធិការ ក៏បានបង្ហាញនូវជំនឿយ៉ាងមុតមាំថា កិច្ចសហប្រតិបត្តិការនេះ នឹងក្លាយជាគ្រឹះដ៏រឹងមាំក្នុងការរួមចំណែកកសាងប្រព័ន្ធអេកូឡូស៊ីអប់រំបណ្តុះបណ្តាលបច្ចេកទេសនិងវិជ្ជាជីវៈ ប្រកបដោយបរិយាបន្ន និងនិរន្តរភាព ដែលនាំមកនូវផលប្រយោជន៍ដ៏មហាសាលដល់សង្គមជាតិទាំងមូល។

ក្នុងឱកាសនោះដែរ ឧកញ៉ា តាំង ជូលី បានលើកឡើងថា កិច្ចសហប្រតិបត្តិការនេះឆ្លុះបញ្ចាំងពីចក្ខុវិស័យរួមក្នុងការអភិវឌ្ឍជំនាញបច្ចេកទេសវិជ្ជាជីវៈឱ្យកាន់តែល្អប្រសើរ និងមានស្តង់ដាខ្ពស់ជាពិសេសលើជំនាញគណនេយ្យធុរកិច្ច ហិរញ្ញវត្ថុ និងពន្ធដារ។

ទន្ទឹមនេះលោកជំទាវឧកញ៉ាបានបញ្ជាក់បន្ថែមថា សិស្សដែលបញ្ចប់ការសិក្សាដោយជោគជ័យនឹងទទួលបានវិញ្ញាបនបត្ររួមដែលទទួលស្គាល់ដោយក្រសួងការងារ និងបណ្តុះបណ្តាលវិជ្ជាជីវៈ ព្រមទាំងការបញ្ជាក់គុណវុឌ្ឍិអន្តរជាតិពីស្ថាប័ន ACCA ផងដែរ។

តាមរយៈសកម្មភាពទាំងនេះ ភាគីពាក់ព័ន្ធមិនត្រឹមតែចូលរួមបណ្តុះបណ្តាលជំនាញប៉ុណ្ណោះទេ ប៉ុន្តែថែមទាំងបង្កើតនូវទំនុកចិត្ត និងអនាគតដ៏រុងរឿងសម្រាប់សិក្ខាកាមគ្រប់រូបក្នុងគោលដៅបង្កើតសក្តានុពលធនធានមនុស្សប្រកបដោយចីរភាពដើម្បីចូលរួមអភិវឌ្ឍសង្គម និងសេដ្ឋកិច្ចជាតិ៕

The post ឧកញ៉ា តាំង ជូលី ចុះអនុស្សរណៈយោគយល់គ្នាជាមួយស្ថាប័ន ACCA និង BSA ដើម្បីផ្តល់ និងពង្រឹងគុណភាពបណ្តុះបណ្តាលវិជ្ជាជីវៈគណនេយ្យធុរកិច្ច ហិរញ្ញវត្ថុ និងពន្ធដារ appeared first on .

តាមរយៈការប្រកាសនេះ លោកស្រីឧកញ៉ា តាំង ជូលី បានប្រកាសជាសមាជិកថ្មីកាលពីថ្ងៃទី២៨ ខែកុម្ភៈ ឆ្នាំ២០២៤។ បច្ចុប្បន្នលោកស្រីឧកញ៉ាជា អភិបាលក្រុមហ៊ុន ស៊ីអេសអាយ ស្ទីល អ៊ិនដាសស្រ្ទី (ខេមបូឌា) ឯ.ក ជាក្រុមហ៊ុនប្រភេទអាជីវកម្ម សិប្បកម្មផលិតស័ង្កសី និងសរសៃដែក។

លោកស្រីឧកញ៉ា សែន ពិសិដ្ឋវណ្ណីដា បានប្រកាសជាសមាជិកថ្មីកាលពីថ្ងៃទី១២ ខែមីនា ឆ្នាំ២០២៤។ បច្ចុប្បន្នលោកស្រីឧកញ៉ា ជាអភិបាលក្រុមហ៊ុន បេនចារ៉ាន អ៊ែសេត មេនេម៉ិន (ខេមបូឌា) ម.ក ជាក្រុមហ៊ុនប្រភេទអាជីវកម្ម សេវាពិគ្រោះយោបល់លើផ្នែកគ្រប់គ្រង។

សូមជម្រាបជូនថា សភាពាណិជ្ជកម្ម គឺជាស្ថាប័នមួយមិនសំដៅរកប្រាក់ចំណេញ ដែលសមាជិកភាពមានលក្ខណៈស្ម័គ្រចិត្ត និងជាស្ថាប័នតំណាងការពារផលប្រយោជន៍ជូនវិស័យឯកជនលើផ្នែកពាណិជ្ជកម្ម ឧស្សាហកម្ម សិប្បកម្ម សេវាកម្ម និងកសិកម្ម ដោយធ្វើសកម្មភាពបម្រើឲ្យសេដ្ឋកិច្ចជាតិ ក្នុងដែនសមត្ថកិច្ចរបស់ខ្លួន និងនៅទូទាំងប្រទេស៕

The post លោកស្រីឧកញ៉ា ២រូប បានក្លាយជាសមាជិកថ្មីនៃសភាពាណិជ្ជកម្មកម្ពុជា appeared first on .