លោកស្រីឧកញ៉ា កែវ មុំ មានប្រសាសន៍ថា «ថ្ងៃនេះខ្ញុំពិតជាសប្បាយចិត្ដរីករាយក្រៃលែងដែលសភាមុខរបរ និងមីក្រូ សហគ្រាសកម្ពុជា បានសហការចុះ MOU ជាមួយភោជនីយដ្ឋានបាយ័ន ដោយបានផ្ដល់ផលនិងសេវាកម្មជាច្រើនដល់សភាមុខរបរ»។ ទន្ទឹមនឹងនេះលោកស្រីរំពឹងថា នៅថ្ងៃខាងមុខម្ហូបរបស់ខ្មែរនឹងមានវត្ដមាននៅគ្រប់ប្រទេសទាំងអស់ ដើម្បីបង្ហាញបរទេសពីមុខម្ហូបដែលឆ្ងាញ់របស់ខ្មែរ។

លោកស្រីគូសបញ្ជាក់ថា ការចាប់ដៃសហការរវាងសភាមុខរបរនិង ភោជនីយដ្ឋានបាយ័ន គឺជាការបង្ហាញ ឲ្យឃើញនូវភាពសាមគ្គីរវាងគ្នា ហើយអនុស្សរណៈនេះពួកយើង នឹងអាចធ្វើការងារជាច្រើនជាមួយគ្នា។

លោកស្រីឧកញ៉ាបានសង្កត់ធ្ងន់ថា៖ «ការធ្វើអាជីវកម្មនៅសម័យបច្ចុប្បន្ននេះ មិនដូចពីបុរាណនោះទេ…! កាលពីបុរាណអ្នកដែលមានលុយគ្មានចំណេះដឹងក៏អាចធ្វើអាជីវកម្មបាន…! ប៉ុន្ដែនៅសម័យនេះគឺមិនបាននោះទេ ទាមទារឱ្យមានសមត្ថភាព លុយនិងកម្លាំងរួមសហការគ្នា…! ហើយតាមរយៈការគិតគូ ប្រកបដោយចក្ខុវិស័យវែងឆ្ងាយនេះហើយ ទើបភោជនីយដ្ឋាន បាយ័ន សម្រេចចុះ MOU»។

ជាមួយគ្នានេះដែរ លោកស្រី ថេ ដាឡែន អគ្គនាយិកាភោជនីយដ្ឋាន បាយ័ន ក៏លើកឡើងពីគោលបំណងនៃការចុះ MoU ធ្វើឡើងក្រោយពីលោកស្រីបានមើលឃើញពីវឌ្ឍនភាពរបស់សភាមុខរបរ មីក្រូសហគ្រាសកម្ពុជា ទើបមានចក្ខុវិស័យ បេសកម្ម និងគោលបំណងរួមគ្នា អភិវឌ្ឍមុខរបរឱ្យរីកចម្រើន លូតលាស់លើវិស័យមីក្រូសហគ្រាស ជ្រកក្រោមម្លប់សន្ដិភាព។

សូមជម្រាបជូនថា តាមរយៈការចុះអនុស្សរណៈយោគយល់គ្នានេះ នឹងផ្ដល់អត្ថប្រយោជន៍ជាច្រើនលើគ្រប់វិស័យដល់សមាជិករបស់សភាមុខរបរ និងមីក្រូ សហគ្រាសកម្ពុជា ដែលផ្ដល់ដោយភោជនីយដ្ឋានបាយ័ន ដូចជា៖ មិនគិតថ្លៃចំពោះបន្ទប់បណ្ដុះបណ្ដាល គ្រប់សាខាទាំងអស់, ថ្លៃអាហារ និងអាហារសម្រន់អាចមានការបត់បែន និងពិភាក្សាតាមកញ្ចប់ថវិកា, មិនគិតថ្លៃចំពោះគ្រូបណ្ដុះបណ្ដាលដែលចាត់តាំងទៅជួបវាគ្មិន, បញ្ចុះតម្លៃ១០% សម្រាប់អាហារព្រឹក និងថ្ងៃត្រង់ ចំពោះសមាជិកទាំងអស់របស់សភាមុខរបរ និងមីគ្រូសហគ្រាសកម្ពុជា, ការរៀបចំកម្មវិធីជប់លៀងទាំងក្នុងភោជនីយដ្ឋាន ឬនៅកន្លែងណា មួយ ដែលជាសមាជិកសភាមុខរបរ និងសហគ្រាសកម្ពុជា បានធ្វើការកក់ ពីភោជនីដ្ឋានបាយ័ននឹងមានការបញ្ចុះតម្លៃ១០% សម្រាប់ការចំណាយអស់១០០០ដុល្លារ និងបញ្ចុះ១៥% សម្រាប់ការចំណាយអស់ចាប់ពី២០០០ដុល្លារ៕

The post លោកស្រីឧកញ៉ា កែវ មុំ ចាប់ដៃជាមួយភោជនីយដ្ឋានបាយ័ន អភិវឌ្ឍមុខរបរឱ្យរីកចម្រើនលូតលាស់លើវិស័យសហគ្រាសមីក្រូ តូច និងមធ្យមនៅកម្ពុជា appeared first on .

អគ្គនាយិការូបនេះ បានបង្កើត​ភោជនីយដ្ឋាន បាយ័ន ដំបូង​តាំងពីឆ្នាំ២០០៩ ហើយរហូត​មក​ដល់​បច្ចុប្បន្ន​លោកស្រី បាន​លក់​ Frabchise និង​មាន​ទីតាំង​​សរុប​ចំនួន​ ០៤​កន្លែង​ហើយ​រួម​មាន សាខាបឹងស្នោរ (ជិតបុរីប៉េងហួត), សាខាផ្លូវ៥៩៨ (ទល់មុខស្នងការក្រុង), សាខាព្រៃស និងសាខាសែនសុខ។ បន្ថែម​ពី​នេះ​ សាខា​ទី​៥ ដែល​មាន​ទីតាំង​នៅ​ជិត​មន្ទីរពេទ្យ​កាល់ម៉ែត្រ នឹង​សម្ពោធ​ក្នុង​ពេល​ឆាប់ៗ​នេះ។

រីឯ​​ហាង​គុយទាវ (អូនគុយទាវ) វិញ ​​បច្ចុប្បន្ន​​មាន​ ៦​ទីតាំង​គឺ៖ សាខាបឹងស្នោរ សាខាព្រៃស សាខាម៉ៅសេទុង សាខាផ្លូវ៥៩៨ សាខាសែនសុខ និងសាខា៦០ម៉ែត្រ។ ចំណែកឯ​ ម៉ូលី រីសត នៅខេត្តកំពត​របស់​លោកស្រី ​​គឺ​មាន​ទីតាំង​​លើផ្លូវ​ទឹកឈូ ហួសស្ពានរថភ្លើង ២០០ម៉ែត្រនៅស្តាំដៃ។

គួរបញ្ជាក់ផងដែរថា លោកស្រី ថេ ដាឡែន ​ក៏​កំពុង​តែ​បន្ត​លក់​ ​Frabchise ភោជនីយដ្ឋាន​ បាយ័ន ហើយ​សម្រាប់​អ្នក​ចង់​​​ធ្វើ​អាជីវកម្ម​នេះ​ ​​អាច​មាន​ជម្រើស​ក្នុង​ទំហំ​ទឹកប្រាក់ ១៥ម៉ឺន​ដុល្លារ, ២០ម៉ឺនដុល្លារ, ២៥ម៉ឺនដុល្លារ និង ៤០​ម៉ឺនដុល្លារ ទៅតាមទំហំដី ទំហំទីតាំង និងទំហំវិនិយោគ ហើយក្រុមហ៊ុនជាអ្នករ៉ាប់រង លើការគ្រប់គ្រង​មុខ​ជំនួញ និងធ្វើឱ្យមានដំណើរការទាំងស្រុង ក្រោយពេលបើកដំណើរការ។

The post ស្ត្រីវ័យក្មេងស្រស់ស្អាត ជាម្ចាស់អាជីវកម្មធំៗចំនួន៣ appeared first on .