កញ្ញា ដាណា ភីន ​​បាន​លើក​យក​ប្រធាន​បទ​អំពី “The Educational Sector is Heading to Digital Platform” ដែល​មាន​ន័យ​ថា “វិស័យអប់រំ កំពុងឆ្ពោះទៅកាន់ទម្រង់ជាឌីជីថល” ក្នុង​​ការ​ប្រកួត​ប្រជែង​និយាយ​ជា​សាធារណៈ​របស់​ខ្លួន។ ទាំងការ​និយាយ ​ទាំង​កាយវិការ ​បូក​រួម​ទាំង​ខ្លឹមសារ​ដ៏​មាន​អត្ថន័យ​ ​របស់​កញ្ញា ដាណា ភីន បាន​ធ្វើ​ឱ្យ​គណៈកម្មការ​ផ្តល់​ពិន្ទុ និង​ទស្សនិក​ជន ដែល​បាន​ទស្សនា​ផ្ទាល់​ មាន​ការ​កោត​សរសើរ​យ៉ាង​ខ្លាំង។

ជាមួយ​គ្នា​នេះ ឧកញ៉ា យ៉ន​ សេងហាន ​​បាន​បង្ហោះ​វីដេអូ​និយាយ​របស់​កញ្ញា ដាណា ភីន ភ្ជាប់​ជាមួយ​សារ​នៅ​លើ​ហ្វេសប៊ុក នៅ​ព្រឹក​ថ្ងៃ​ចន្ទ ទី៨ ខែ​សីហា​នេះ​ថា៖ “សួស្ដី​បងប្អូនទាំងអស់គ្នា ស្គាល់គាត់ទេ? គាត់​ឈ្មោះ​ ដា​ណា ភីន​ ជាកូនស្រី​ ជំទាវ ទ្រី​ ដាណា! ក្នុងនាមខ្ញុំជាគ្រូអប់រំ និងជាអ្នកស្រលាញ់ការសិក្សាម្នាក់ សូមត្រេកអរនិងមោទកភាព ចំពោះក្មួយស្រីដាណាភីន​ ដែលជាក្មេងឆ្លាត​ ឧស្សាហ៍ព្យាយាម​ ទៅជាសិស្ស​ឆ្នើម​ ទោះបីរស់នៅក្នុងគំនរទ្រព្យសម្បត្តិម្តាយក៏ដោយ”។

ឧកញ៉ា យ៉ន​ សេងហាន បានបន្ត​ថា សូមកោតសរសើរដល់​ ជំទាវ​ ទ្រី​ ដាណា​ ដែលបានអប់រំកូន​បានយ៉ាង​ល្អ​ ទោះបី​លោក​ជំទាវ មានអាជីពធំ និងច្រើនយ៉ាងណាក៏ដោយ។​ នេះជាគម្រូមួយដ៏ល្អ​សំរាប់អាណា​ព្យាបាល​កូនទាំងអស់​ ទោះបីរវល់ការងារយ៉ាងណា​ ក៏ត្រូវមានពេលអប់រំណែនាំកូនដែរ។ បើយើងប្រឹង​រក​លុយបានមក​ កូនមិនល្អ​ រៀនមិនពូកែ មិនដើរតាមកន្លងធម៌​ លុយដែលរកបានមកនោះ​ ក៏គ្មានន័យសំរាប់​ជីវិតយេីងដែរ។

គួរបញ្ជាក់ថា លោកស្រី ទ្រី ដាណា ទើប​តែ​បើកសម្ពោធ ហាងពេជ្រ ដាណាទ្រី សាខាច្បារអំពៅ ថ្មីមួយទៀត​ជាផ្លូវការ កាលពី​ថ្ងៃទី២៥ ខែកក្កដា ឆ្នាំ២០២២ កន្លង​ទៅ​ថ្មីៗនេះ​ បន្ទាប់ពីហាងពេជ្ររបស់​លោកស្រី ទទួល​បាន​ជោគជ័យដ៏ធំធេង នៅសាខាធំ លើមហាវិធីឈ្នះ-ឈ្នះ ខណ្ឌព្រែកព្រៅ រាជធានីភ្នំពេញ៕

សូមទស្សនាវីដេអូខាងក្រោម៖

The post កូនស្រីលោកជំទាវ ទ្រី ដាណា ជាប់លេខ២ ក្នុងការប្រកួតនិយាយអង់គ្លេស នៅសាលាប៊ែលធី appeared first on .

លោកស្រី ទ្រី ដាណា បានសរសេរសារដ៏វែងអន្លាយនៅលើបណ្តាញសង្គមហ្វេសប៊ុក នាព្រឹកថ្ងៃអាទិត្យ ទី១៧ ខែកក្កដានេះ ដែលមានខ្លឹមសារដូចខាងក្រោម៖

“ថ្ងៃនេះចង់ចែករំលែកពីជីវិតអាជេបន្តិច បងប្អូនមានឆ្ងល់ទេថាហេតុអីបានខ្ញុំទើបតែអាយុ៣០ជាង ហើយខ្ញុំអាចសល់លុយសល់កាក់ល្មមអាចធ្វើឲ្យខ្ញុំរស់ស្រួលបាន ហើយមានបុគ្គលមិនតិចទេដែលចង់បានជីវិតដូចខ្ញុំ តែបងប្អូនមានដឹងទេថាជីវិតមួយនេះវាហត់នឿយប៉ុណ្ណា ប៉ុន្តែខ្ញុំមិនបាននិយាយពីភាពហត់នឿយរបស់ខ្ញុំទេ។ ខ្ញុំគ្រាន់តែចង់ជម្រាបជូនបងប្អូនមួយចំនួនដែលចង់បានជីវភាពធូរធារ និងចង់បានប្រាក់ចំណូលច្រើន បងប្អូនត្រូវធ្វើយ៉ាងម៉េចតែប៉ុណ្ណោះ។

ខ្ញុំកើតនៅឆ្នាំ១៩៨៧ កាលពីក្មេងខ្ញុំជាមនុស្សម្នាក់ដែលមិនចូលចិត្តធ្វើការងារផ្ទះទេ។ ខ្ញុំចូលចិត្តរកស៊ីតាំងតែពីតូចមក ហើយខ្ញុំក៏សុំម្ដាយរបស់ខ្ញុំតាមរហូត ហើយមើលពីការនិយាយស្ដីរបស់គាត់ទៅកាន់អតិថិជន។ ម្ដាយរបស់ខ្ញុំជាមនុស្សម្នាក់ដែលឯករាជ្យមិនមានមិត្តភក្កិ រញ៉េរញ៉ៃច្រើន រហូតមកដល់ខ្ញុំក៏មានចរិតបែបនោះដូចគ្នា។

រហូតមកដល់ឆ្នាំ ២០០៤ ខ្ញុំចាប់ផ្ដើមអាជីវកម្មខ្លួនឯង ពេលនោះខ្ញុំទើបតែអាយុ ១៧ឆ្នាំទេ ប៉ុន្តែបងប្អូនមិនដឹងទេថា ការចាប់ផ្ដើមអាជីវកម្មរបស់ខ្ញុំនោះគឺខ្ញុំខាត់បង់ខ្លាំងមែនទែន ដោយសារខ្ញុំមិនមានបទពិសោធន៍នៅក្នុងការរកស៊ី ចេះតែធ្វើតាមចិត្តចង់ និងគ្មានគោលដៅច្បាស់លាស់។ ខ្ញុំកាលនោះមានក្តីស្រមៃមួយថាខ្ញុំចង់ក្លាយទៅជាអ្នកជំនួញដ៏ឆ្នើមមួយរូបទៅថ្ងៃអនាគត់។ ខ្ញុំខំបន្តហើយបន្តទៀតខ្ញុំនៅតែខាតបង់។ រយៈពេល ៦ឆ្នាំដែលខ្ញុំរកគោលដៅមិនឃើញ ដោយសារខ្ញុំមិនមានភាពច្បាស់លាស់នៅក្នុងការធ្វើជំនួញចាប់មុខនេះបន្តិចចាប់មុខនោះបន្តិច។

បងប្អូនដឹងទេថារយៈពេល ៦ឆ្នាំ តើខ្ញុំឆ្លងកាត់ជំនួញប៉ុន្មានមុខ(លក់ស្បែកជើង, លក់ខោអាវថ្មី, លក់ខោអាវជជុះ, លក់កាហ្វេ, លក់បាយ, លក់បបរ, កាត់ដេរម៉ូត) រយៈពេល ៦ឆ្នាំ ដែលខ្ញុំបានឆ្លងកាត់អាជីវកម្មជាច្រើនដែលមិនទទួលបានភាពជោគជ័យ។ កត្តាដែលធ្វើឲ្យខ្ញុំមិនទទួលបានភាពជោគជ័យនោះដោយសារខ្ញុំនៅក្មេងពេក ហើយការគិតនិងការពិចារណាមិនបានដិតដល់ ហើយខ្ញុំចូលចិត្ត ងាកមើលនិងប្រៀបធៀបជីវិតខ្លួនឯងទៅនិងជីវិតអ្នកដទៃ ដោយសារពេលនោះគឺខ្ញុំនៅក្មេងពេក។

បន្ទាប់មកទៀត ខ្ញុំតែងតែគិតថាតើការប្រៀបធៀបរបស់ខ្ញុំបានអីមកខ្ញុំវិញ? ជីវិតរបស់ខ្ញុំតាំងតែពីដឹងក្តីមកមិនដែលស្គាល់ពាក្យថាមិត្តភក្កិ និងដើរលេងអីទេ ដោយសារខ្ញុំគិតតែម្យ៉ាងខ្ញុំចង់សម្រេចក្តីសុបិនរបស់ខ្ញុំ ថាខ្ញុំនឹងអាចក្លាយទៅជាអ្នកជំនួញមួយដល់ជោគជ័យទៅថ្ងៃក្រោយ។ ខ្ញុំនៅតែបន្តការស្រមៃនិងការអនុវត្តផ្ទាល់របស់ខ្ញុំបន្តទៀត ទោះជាខ្ញុំខ្ញុំបរាជ័យមករយៈពេល ៦ឆ្នាំហើយក៏ដោយ ខ្ញុំមិនបោះបង់ ខ្ញុំមិនបាក់ទឹកចិត្ត ខ្ញុំតែងតែលើកទឹកចិត្តខ្លួនឯង ហើយខ្ញុំតែងតែបន្តធ្វើវាជារៀងរហូតជារាងរាល់ថ្ងៃ។

ក្រោយមកចាប់ពីឆ្នាំ ២០១០ ខ្ញុំលែងប្រៀបធៀប ខ្លួនឯងនិងអ្នកដទៃ ខ្ញុំលែងខ្វល់នឹងរឿងអ្នកដទៃដែលគ្មានបានអ្វីមកខ្ញុំនោះ គឺខ្ញុំគិតតែពីរឿងរកស៊ីតែមួយមុខហើយនឹងដើរទៅរកគោលដៅដែលខ្ញុំបានកំណត់ចាប់តាំងពីពេលនោះមកការរកស៊ីរបស់ខ្ញុំរីកចម្រើនពីមួយថ្ងៃទៅមួយថ្ងៃ ដោយចាប់ផ្ដើមពីការលក់ខោអាវក្រោមឆ័ត្រនៅចុងឆ្នាំ២០១០ នៅតាមរោងចក្រ។

ការរីកចម្រើនរបស់ខ្ញុំពីមួយថ្ងៃទៅមួយថ្ងៃធ្វើឲ្យខ្ញុំចេះស្គាល់ពីគោលដៅច្បាស់ ដោយដឹងថាការមិនខ្វល់ពីអ្នកដទៃ ការមិនប្រៀបធៀបខ្លួនឯងជាមួយអ្នកដទៃ ធ្វើអោយអារម្មណ៍របស់យើងមូល ធ្វើឲ្យអារម្មណ៍របស់យើងគិតតែពីគោលដៅ និងការគិតខំប្រឹងប្រែងចំគោលដៅ។ ចាប់តាំងពីពេលនោះមក ភាពរីកចម្រើនរបស់ខ្ញុំពីមួយថ្ងៃទៅមួយថ្ងៃលក់បែបនោះរយៈពេលមួយឆ្នាំ ខ្ញុំមានដើមទុនល្មមគួរសមខ្ញុំក៏បន្ថែមនូវមុខរបរបន្តលក់ទៅលក់គ្រឿងក្រអូប។ ខ្ញុំលក់ចាប់តាំងពីឆ្នាំ ២០១១ ហើយខ្ញុំដឹងច្បាស់ពីការដែលយើងមានគោលដៅច្បាស់លាស់ យើងដើរទៅរកគោលដៅដោយមិនខ្វល់ពីអ្នកដ៏ទៃ ដោយមិនខ្វល់ពីរឿងរបស់អ្នកដទៃ ស្គាល់ខ្លួនឯងច្បាស់ពេលនោះខ្ញុំចាប់ផ្ដើមរីកចម្រើនពីមួយថ្ងៃទៅមួយថ្ងៃរហូតខ្ញុំក្លាយទៅជាដេប៉ូបោះដុំធំមួយដែលមានបុគ្គលិកជិត ៣០នាក់ជួយលក់។

បន្ទាប់មកទៀតក្នុងឆ្នាំ ២០១៥ ខ្ញុំក៏មានធនធានគួរសមអាចល្មមចុះចំណោមគេបាន មានផ្ទះមានឡានទំនើបជិះនឹងមានលុយកាក់សមរម្យ ដែលមនុស្សម្នារជាច្រើនរាប់រកខ្ញុំច្រើនណាស់។ ខ្ញុំនៅតែបន្តបន្ថែមខំប្រឹងទៀតដើម្បីសម្រេចគោលដៅធំ។ បន្ទាប់មកឆ្នាំ ២០១៧ ខ្ញុំក៏សម្រេចបើកក្រុមហ៊ុនមួយ ដែលបងប្អូនធ្លាប់ឃើញគឺ NNP នោះ។ ដោយធ្លាប់ឆ្លងកាត់បទពិសោធន៍ជាច្រើននៅក្នុងការបើកប្រេន និងក្រុមហ៊ុនរបស់ខ្ញុំនោះ ខ្ញុំក៏ទទួលបានភាពជោគជ័យជាបន្តបន្ទាប់ រហូតដល់ខ្ញុំសម្រេចក្តីស្រមៃមួយទៀត គឺខ្ញុំបើកហាងមាសពេជ្ររហូតដល់សព្វថ្ងៃនេះ។

សរុបរួមឲ្យខ្លីមកបងប្អូនដឹងទេថាជីវិតរបស់ខ្ញុំ គឺមិនបានខ្វាយខ្វល់រឿងអ្នកណាម្នាក់ ដែលធ្វើឲ្យខ្ញុំឈឺក្បាលឡើយ គឺខ្ញុំដឹងតែមួយមុខគត់គឺខំប្រឹងដើម្បីគោលដៅរបស់ខ្ញុំ។ ទទួលស្គាល់ថាមនុស្សមិនតិចនាក់ទេ ដែលចង់បានជីវិតដូចខ្ញុំ ប៉ុន្តែបងប្អូនត្រូវដឹងថាគ្រប់យ៉ាងវាមិនមែនបានមកដោយស្រួលទេ ទាល់តែយើងបើកចិត្តឱ្យទូលាយហើយនឹងសាង អំពើល្អឲ្យបានច្រើន គួបផ្សំនឹងភាពវ័យឆ្លាតរបស់យើងផងនោះរួមទាំងការអនុវត្តផ្ទាល់ប្រចាំថ្ងៃនេះ យើងនឹងសម្រេចបានសេចក្តីស្រមៃរបស់យើងមិនខាន។

សារចុងក្រោយនេះ គឺចង់ហើយបងប្អូនទាំងអស់គ្នាកុំយកជីវិតខ្លួនឯង ទៅប្រៀបធៀបជាមួយជីវិតរបស់អ្នកដទៃ…តស៊ូឡើង”។

គួរបញ្ជាក់ថា លោកស្រី ទ្រី ដាណា នឹងបើកសម្ពោធ ហាងពេជ្រ ដាណាទ្រី សាខាច្បារអំពៅ ថ្មីមួយទៀតជាផ្លូវការ នៅថ្ងៃទី២៥ ខែកក្កដា ឆ្នាំ២០២២ខាងមុខនេះ បន្ទាប់ពីហាងពេជ្ររបស់លោកស្រី ទទួលបានជោគជ័យដ៏ធំធេង នៅសាខាធំ លើមហាវិធីឈ្នះ-ឈ្នះ ខណ្ឌព្រែកព្រៅ រាជធានីភ្នំពេញ៕

The post លោកស្រី ទ្រី ដាណា ទម្លាយប្រវត្តិធ្លាប់បរាជ័យជំនួញ៧មុខ មុនក្លាយជាម្ចាស់ហាងពេជ្រ appeared first on .

ឆាកជីវិតរបស់មនុស្សនៅលើលោកនេះ រមែងជួបប្រទះរឿងរ៉ាវដែលនឹកស្មានមិនដល់។ ជួបរឿងកម្សត់ទុក្ខ ព្រួយ ហើយបានព្យាយាមតស៊ូរំដោះខ្លួន ដើម្បីចាកឆ្ងាយរបាំងក្រលំបាកសោកសៅមួយ ឆ្ពោះទៅរកពន្លឺរស្មីមួយប្រសើរ។ យ៉ាងណា​អ្នកប្រកប​របរ​លក់ឡេ​ ៥ នាក់​នេះ បាន​កែប្រែវាសនាខ្លួនឯងទៅជាឧកញ៉ា និងខ្លះ​មានអាជីវកម្មទ្រព្យសម្បត្តិស្តុកស្តម្ភ។

១.ម៉ែរួយ

ម៉ែរួយ​ បាន​ផ្លាស់ប្តូរជីវិតយ៉ាងឆាប់រហ័ស ហើយ​អាចកសាងជីវិតថ្មីបានមិនគួរអោយជឿ។ ​មានក្រុមហ៊ុនមួយក្នុងដៃគឺ​ក្រុមហ៊ុន រួយ អ៊ិនហ្វីនីធី (ម៉ែរួយ) ម៉ែរួយ​ មានឈ្មោះពិត ស្រី ណារួម ក៏​មាន​ងារ​ឧកញ៉ានិង​​ជា​អគ្គនាយិកាគ្រឿងសម្អាងរហ័ស​ម៉ែ​រួយ​។

២.ឧកញ៉ា អ៊ាន ស៊ីវម៉ី

លោកជំទាវ ឧកញ៉ា អ៊ាន ស៊ីវម៉ី ដែលជាអ្នកលក់ផលិតផលតាមអនឡាញដ៏ល្បីឈ្មោះម្នាក់ប្រិយមិត្តអ្នកលេងបណ្តាញសង្គមច្បាស់ជាស្គាល់ជាក់ជាមិនខាន។ លោកជំទាវ ឧកញ៉ា អ៊ា ន សៀវ ម៉ី ជា កូនអ្នកខេត្តព្រៃវែង ហើយបានរើបម្រាស់ចេញពីភាពក្រីក្រររហូតចាប់មុខរបរជាអ្នកលក់អនឡាញហើយក្លាយជាអ្នកជំនួញ ដ៏ជោគជ័យម្នាក់ មានលុយ ឡាន វិឡា ដី មាស ពេជ្រ ពាក់ជ្រែកខ្លួន ជាមួយរូបសម្រស់ ក៏ស្រស់ស្អាតផងនោះ។

៣.ទ្រី ដាណា

ប្រវត្តិ អ្នកស្រី ទ្រី ដាណា ពីកូនកំព្រា លក់ខោអាវជជុះ ហើយបន្តចាប់របរលក់អនឡាញ រហូតក្លាយជាម្ចាស់ហាងពេជ្រ អ្នកណា ក៏កោតសសើរ ។ មនុស្សជាច្រើន ស្គាល់អ្នកស្រី ទ្រី ដាណា តាមរយៈសកម្មភាពសប្បុរសធម៌នានា ។

៤.យាយស្រួយ

ពីអ្នកលក់អនឡាញដ៏ល្បីម្នាក់ដែលមានឈ្មោះថា យាយ ស្រួយ រហូតមានទ្រព្យសម្បត្តិមិនខ្វះចាយ​និងប្រេនផ្ទាល់ខ្លួនផងដែរ។ អ្នកលក់អនឡាញរូបនេះត្រូវបានគេដឹងថាជាអ្នកលក់ម្នាក់ ដែលពូកែខាងវោហាស័ព្ទមានភាពកំប្លុកកំប្លែងខ្លាំងគ្រប់ពេលដែលឡាយលក់ផលិតផលម្តងៗគឺមានមហាជនជាច្រើនចូលទៅមើលការឡាយ ព្រោះយាយស្រួយ តែងតែធ្វើឲ្យអ្នកទស្សនាសើចតាំងពីដើមរហូតដល់ចប់តែម្តង។

៥ Love Riya

តារាលក់ឡេលាបស្បែកតាមហ្វេសប៊ុក ជាមួយការបញ្ចេញរូបរាងកាយដ៏សិចស៊ី «Love Riya» គឺជាតារាហ្វេសប៊ុកដ៏ល្បីមួយរូបផងដែរ។ ដោយសារតែស្រ្តីរូបនេះតែងតែផ្សាយផ្ទាល់តាមទំព័រហ្វេសប៊ុក ជាមួយការបញ្ចេញរូបរាងដ៏ស៊ិចស៊ីរបស់នាង និងផ្សព្វផ្សាយលក់ផលិតផលលេលាបស្បែក ដែលសព្វថ្ងៃនេះមានទ្រព្យសម្បត្តិអាជីវកម្មនិងប្រេនផ្ទាល់ខ្លួនលក់លើបណ្ដាញសង្គមហ្វេសប៊ុក។

The post អ្នកលក់ឡេ ៥ នាក់ កែប្រែវាសនាខ្លួនឯងទៅជាឧកញ៉ា និងមានអាជីវកម្មទ្រព្យសម្បត្តិស្តុកស្តម្ភ appeared first on .

ការព្រមព្រៀងបន្តចុះកុងត្រាលើកិច្ចការពារតាមផ្លូវច្បាប់ រវាងក្រុមហ៊ុននាំចូល និងចែកចាយផលិតផលគ្រឿងសំអាង អាហារបំប៉ន រួមទាំងហាងមាសពេជ្រដ៏ធំ DANATRY (CAMBODIA) TRADING CO., LTD ជាមួយក្រុមហ៊ុនមេធាវី HNS Law Group ក្នុងរយៈពេលកន្លះឆ្នាំបន្តទៀតនេះ ធ្វើឡើងក្នុងគោលបំណងចម្បងមួយចំនួន ដូចជា៖ ទទួលនូវសេវាកម្មការពារផ្លូវច្បាប់ ប្រកបដោយប្រសិទ្ធិភាព ទាន់ពេលវេលា និងជួយសម្រួលដល់ដំណើរការប្រតិបត្តិការរបស់ក្រុមហ៊ុន ក៏ដូចជាបង្កើននូវជំនឿចិត្តដល់អតិថិជនរបស់ក្រុមហ៊ុនបានយ៉ាងល្អប្រសើរ ធ្វើឲ្យក្រុមហ៊ុនកាន់តែមានភាពរីកចំរើនទៅមុខជាលំដាប់។

ការិយាល័យក្រុមមេធាវី អេជ អេន អេស (HNS Law Group) គឺជាក្រុមហ៊ុនផ្ដល់សេវាកម្មផ្លូវច្បាប់ដ៏ល្បីល្បាញមួយ ដែលបណ្ដុំទៅដោយក្រុមមេធាវីមានជំនាញវិជ្ជាជីវៈខ្ពស់ និងបទពិសោធន៍ច្រើនឆ្នាំក្នុងវិស័យច្បាប់នៅកម្ពុជា ។  ការិយាល័យក្រុមមេធាវី អេជ អេន អេស មានអាសយដ្ឋាននៅផ្ទះលេខ៧៤ ផ្លូវលេខ៥៦៦ ភូមិ៤ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។

លោកអ្នកនាងកញ្ញា អាចទំនាក់ទំនងប្រឹក្សាយោបល់ និងស្វែងរកសេវាកម្មផ្លូវច្បាប់ ជាមួយក្រុមហ៊ុនបាន តាមរយៈលេខទូរស័ព្ទ 017 905 805/ 077 998 198 ឬទាក់ទងទៅកាន់ហ្វេសប៊ុកផេកផ្លូវការឈ្មោះ ក្រុមមេធាវី អេជ អេន អេស HNS Law Group

The post ក្រុមមេធាវី HNS Law Group ជំទាវឧកញ៉ា នឹម វណ្ណៈ បន្តចុះកុងត្រាការពារផ្លូវច្បាប់ជូនក្រុមហ៊ុន ដាណាទ្រី (ខេមបូឌា) ត្រេឌីង ឯ.ក appeared first on .

លោក គាត ហ៊ុល បាន​មាន​ប្រសាសន៍​ថា ក្នុង​នាម​រដ្ឋបាល​ក្រុង​ប៉ោយ​ប៉ែត លោក​ពិត​ជា​មាន​ក្ដី​ត្រេក​អរ ព្រោះ​អំណោយ​ដែល​ផ្ដល់​ជូន​ទាំង​អស់​នេះ​គឺ​ប្រជាពលរដ្ឋ​កំពុង​ត្រូវ​ការ​ជា​ចាំ​បាច់ ដោយ​សារ​ពួក​គាត់​ជាប់​នៅ​តំបន់​បិទ​ខ្ទប់ បន្ទាប់​ពី​មាន​ការ​រីក​រាល​ដាល​នៃ​ជំងឺ​កូវីដ១៩ នៅ​ក្នុង​ក្រុង​ប៉ោយ​ប៉ែត។

លោក​អភិបាល​ក្រុង​បាន​បញ្ជាក់​បន្ថែម​ទៀត​ថា អំណោយ​ទាំង​អស់​នេះ នឹង​ត្រូវ​ចាត់​ចែង​បែង​ចែក​ទៅ​ដល់​ប្រជាពលរដ្ឋ​ដែល​ជួប​ការ​លំបាក​គ្រប់​ៗ​គ្នា។

ចំណែក​ឧកញ៉ា ហ៊ីង បញ្ញារិទ្ធ បាន​បញ្ជាក់​ប្រាប់​លោក​អភិបាល​ក្រុង​ប៉ោយប៉ែត​ថា បន្ទាប់​ពី​ឃើញ​ព័ត៌មាន​អំពី​ការ​បិទ​ខ្ទប់​នៅ​តំបន់​ក្រុង​បោយ​ប៉ែត លោក​និង​ភរិយា ក៏​បាន​សម្រេច​ចិត្ត​ថា​ផ្ដល់​ជំនួយ ដើម្បី​ជួយ​ដល់​ប្រជាជន។ ដើម្បី​អនុវត្ត​វិធានការ​ការពារ​ជំងឺ​​កូវីដ១៩ មិន​អាច​មាន​ការ​ជួប​ជុំ​ច្រើន ទើប​ឧកញ៉ា និង​លោក​ស្រី ទ្រី ដាណា មិន​អាច​ផ្ដល់​ជូន​ដោយ​ផ្ទាល់ ដោយ​រៀប​ចំ​ចែក​ជូន​តាម​មេ​ភូមិ​នីមួយៗ ដែល​មាន​ការ​បិទ​ខ្ទប់។

គួរ​បញ្ជាក់​ដែរ​ថា អំណោយ​ដែល​ឧកញ៉ា ហ៊ីង បញ្ញារិទ្ធ និង​លោក​ស្រី ទ្រី ដាណា ផ្ដល់​ជូន​រដ្ឋបាល​ក្រុង​ប៉ោយ​ប៉ែត​រួម​មាន អង្ករ ៥​តោន មី ២០​កេស​ធំ (ស្មើ​នឹង ១២០​កេស​តូច) ត្រីខ ២០​កេស (ស្មើ​នឹង ២០០​យួរ) និង​ទឹក​ពិសារ​ដប​ចំនួន ១០០កេសស។

លើស​ពី​នេះ លោក​ឧកញ៉ា និង​លោក​ស្រី ក៏​បាន​រៀប​ចំ​ស្បៀង​បន្ទាន់ ១០៥​គ្រួសារ​ទៀត ចែក​ជូន​តាម​មេ​ភូមិ​ដែល​មាន​ការ​បិទ​ខ្ទប់ ដើម្បី​ចែក​បន្ត​ដល់​ប្រជាពលរដ្ឋ។ ​អំណោយ​ទាំង​នោះ​មាន អង្ករ មី ត្រីខ ពងទា បន្លែ ទឹកបរិសុទ្ធ និង​ថវិកា​មួយ​គ្រួសារ​ចំនួន៥ម៉ឺន​រៀល៕

The post អភិបាលក្រុងប៉ោយប៉ែត ថ្លែងអំណរគុណលោកស្រី ទ្រី ដាណា នាំស្បៀងអាហារជួយប្រជាជនបិទខ្ទប់ដោយកូវីដ១៩ appeared first on .

តើសហគ្រិនស្ត្រីទាំងនោះជានរណា? កំពុងកាន់កាប់មុខជំនួញអ្វី?

លោកជំទាវ ទ្រី ដាណា

ពីអ្នកលក់ខោអាវជជុះក្រោមឆត្រ នៅតាមមុខរោងចក្រមកក្តាប់មុខជំនួញរាប់សិបលានដុល្លារនាពេលបច្ចុប្បន្ន។ បន្ទាប់ពីមានប្រាក់ក្នុងដៃ លោកស្រី បានចាប់ផ្តើមរកស៊ីដោយភាពប្រថុយយកគ្រឿងសម្អាងពីគេមកលក់បន្តនៅតាមផ្សារ ដោយភាពតស៊ូ និងភាពក្លាហាន បានធ្វើឱ្យលោកស្រី មានម៉ូយកាន់តែច្រើនឡើង។ បន្ទាប់មកលោកស្រីក៍សម្រេចចិត្តប្រថុយយកគ្រឿងសម្អាងពីប្រទេសថៃមកលក់នៅក្នុងស្រុក។

ការប្រឹងប្រែងមិនបោះបង់គោលដៅ រហូតបានសម្រេចក្ដីស្រមៃមួយ គឺបើកក្រុមហ៊ុនមួយកាលពីខែឧសភា ឆ្នាំ២០១៨ ដោយមាននាមករណ៍ ថា ក្រុមហ៊ុន ដាណា ទ្រី ខេមបូឌា ត្រេនឌីង ខូអិលធីឌី ជាក្រុមហ៊ុននាំចូលគ្រឿងសម្អាងម៉ាក NNP Cambodia។

បន្ទាប់ពីជោគជ័យលើមុខជំនួញគ្រឿងសម្អាង លោកស្រី បានបើកអាជីវកម្មថ្មីមួយទៀតគឺហាងលក់គ្រឿងអលង្ការ មាស ពេជ្រ ក្នុងឆ្នាំ២០១៩ នៅផ្សារព្រែកភ្នៅ។

លោកជំទាវ នួន សុន្ទរី ហៅស្រីអូន

​អតីតកាល​ដ៏​ជូរចត់​របស់ស្រីអូនមិនខុសពីនារីមួយចំនួនទៀតឡើយ លោកស្រីធ្លាប់បានរំលឹកប្រវត្តិកាល​នៅ​លក់​អន្សមអាំង​ និងទឹកអំពៅ ទាំង​កណ្ដាល​ថ្ងៃ​ក្ដៅ​ជាមួយម្តាយ ​នៅ​ផ្សារ​គីឡូ​លេខ​៤។

អ្វីដែល​ខ្លោចចិត្ត​បំផុត​សម្រាប់លោកស្រី គឺអាណិត​ម៉ាក់​ដែល​ត្រូវ​ឈរ​អាំងអន្សម​ទាំង​ក្ដៅ​ ពេលខ្លះ​ខ្យល់ គរ​ងងឹតមុខ ហើយសម្រាប់​ប៉ា​ គឺ​រត់​ម៉ូតូឌុប​ខ្លះ​ហើយ​ទៅ​ទិញ​ចេក​និង​អំពៅ ពេល​ល្ងាច​ម៉ាក់​អង្គុយ​រាប់​លុយ​ចំណេញ​តិចតួច បើ​លក់​អស់​មិន​អី​ទេ​តែ​ថ្ងៃ​ខ្លះ​សល់​ច្រើន​ម៉ាក់​ដកដង្ហើម​ធំ​។

ពីកូនអ្នកលក់អន្សមអាំង និងទឹកអំពៅ តស៊ូទម្រាំមានមុខជំនួញ ដែលមានទុនវិនិយោគរាប់សិបលានដុល្លារសហរដ្ឋអាមេរិក។ ក្រុមហ៊ុន លោកស្រីក្តោបក្តាប់ និងគ្រប់គ្រងជំនួញ មានដូចជា ក្រុមហ៊ុន ស្រីអូន សម្រស់ធម្មជាតិ ជាក្រុមហ៊ុនលក់អាហារបំប៉នសុខភាព ឃូស៊ី ដែលកំពុងមានការចាប់អារម្មណ៍និងគាំទ្រពីប្រជាពលរដ្ឋ។

អ្វីដែលគួរឲ្យភ្ញាក់ផ្អើលបំផុតនោះគឺលោកស្រី បានទុនវិយោគលើវិស័យសោទស្សន៍ បានបង្កើតផលិតកម្ម ឈ្មោះ រាម មិនតែប៉ុណ្ណោះទាក់ទាញកំពូលតារាចម្រៀងស្រីល្បីច្រើនជំនាន់ មាស សុខសោភា និងលោក ដួង វីវៈសិទ្ធិ ដែលជារាតាចម្រៀងប្រចាំផលិតកម្មរស្មីហង្សមាស មករួមទ្រនំផងដែរ។

លោកជំទាវឧកញ៉ា អ៊ាន សៀវម៉ី

មួយរយៈចុងក្រោយនេះ លោកជំទាវ ឃើញថាជួបឧបសគ្គផ្ទួនៗគ្នា ដោយរងពាក្យបណ្តឹងត្រូវបានតុលាការកោះហៅជាបន្តបន្ទាប់ លោកជំទាវក៍បានអញ្ជើញទៅតាមការកោះហៅដើម្បីបំភ្លើរួចរាល់ហើយដែរ។ ស្ត្រីអ្នកជំនួញអនឡាញរូបស្រស់ កំពុងកាកកប់និងបាននាំនូវភាពជោគជ័យលេចធ្លោមួយដល់ក្រុមហ៊ុន។

នៅថ្ងៃទី២៧ ខែសីហា ឆ្នាំ២០២០ លោកជំទាវ ត្រូវបានព្រះមហាក្សត្រត្រាស់បង្គាប់ ផ្ដល់គោរមងារ ជា ឧកញ៉ា និងជាអ្នកលក់ផលិតផលតាមអនឡាញតំបូងគេ ដែលទទួលបានងារមួយនេះ។

លោកជំទាវឧកញ៉ា ស្រី ណារួម

ជីវិតរបស់ម៉ែរួយមានប្រវត្តិធ្លាប់ជួបទុក្ខលំបាកវេទនា កាលពីអាយុ១៧ឆ្នាំ ដោយភាពក្រីក្រលោកជំទាវក៍បានបោះបង់ចោលការសិក្សា ទៅស៊ីឈ្នួលគេនៅប្រទេសថៃ។ រស់នៅប្រទេសថៃជាពលរកអស់រយៈពេល ៥ឆ្នាំ ដើម្បីធ្វើការយកលុយមកចិញ្ចឹមគ្រួសារ និងដោះបំណុលគេរាប់សិបម៉ឺនដុល្លារ។

ការមិនលះបង់ចោលនូវការតស៊ូ ជាហេតុធ្វើឲ្យលោកជំទាវ ក្លាយជាអគ្គនាយិកាក្រុមហ៊ុនគ្រឿងសម្អាង Rouy Infinity Co.,ltd ដែលកំពុងមានភាពល្បីល្បាញក្នុងពិភពជំនួញអនឡាញនៅកម្បុជា។ ដោយមានប្រវត្តិធ្លាប់ជួបការលំបាក់ និងយល់ស៊ីជម្រៅរសជាតិនៃជីវិតក្រខ្សត់ បានជម្រុញទឹកចិត្តលោកជំទាវ តែងតែចំណាយថវិការផ្ទាល់ខ្លួន ដើម្បីជួយដល់សង្គមជាហូរហែ និងត្រូវបានព្រះមហាក្សត្រចេញព្រះរាជក្រិត្យ ប្រោសព្រះរាជទានគោរមងារជា ឧកញ៉ា កាលពីថ្ងៃទី២៨ ខែសីហា ឆ្នាំ២០២០កន្លងទៅ៕

The post ស្ត្រីវ័យក្មេង ៤រូប កំពុងធ្វើឲ្យកក្រើកក្នុងពិភពជំនួញអនឡាញ appeared first on .

ម្ចាស់ហាងពេជ្ររូបនេះបានគូសបញ្ជាក់ថា ខ្ញុំសប្បាយចិត្តណាស់ដែលថ្ងៃនេះបានមកដល់ដូច្នេះទាំងរូបខ្ញុំនិងសមាជិកខ្ញុំទាំងជាង ៧ ម៉ឺននាក់កំពុងតែរង់ចាំតុលាការរកយុត្តិធម៌ជូនខ្ញុំសង្ឃឹមយ៉ាងមុតមាំថាយុត្តិធម៌ប្រកដជាមានពិតប្រាកដមកលើរូបខ្ញុំក៏ដូចជាសមាជិករបស់ខ្ញុំដូច្នេះសូមផ្ដាំផ្ញើទៅកាន់តំណាងទាំង ៧ម៉ឺននាក់ជាងពួកយើងនឹងរកបានយុត្តិធម៌ក្នុងពេលឆាប់ៗនេះ។

នៅព្រឹកនេះដែល ប្អូនស្រីបង្កើតនាយករដ្ឋមន្រ្តីសម្តេចតេជោ ហ៊ុន សែន លោកស្រី ហ៊ុន សុីណាត ក៏បានឲ្យដឹងតាមទំព័រហ្វេសបុកថា យុត្តិធម៌ត្រូវតែមានចំពោះក្មួយពីតុលាការ ក៏ប៉ុន្ដែសូមកុំឲ្យមានអាវប្បធម៌អន្តរាគមន៍អី ពេលនេះរាស្ត្រមួយប្រទេសកំពុងតែរងចាំមើលមិនដាក់ភ្លែកទេក្នុងរឿងនេះ។

សូមរម្លឹកថា កម្លាំងនគរបាលព្រហ្មទណ្ឌក្រសួងមហាផ្ទៃ បានចុះទៅដល់ផ្ទះ តាមបង្គាប់ឲ្យនាំខ្លួនរបស់ចៅក្រមស៊ើបសួរសាលាដំបូងរាជធានីភ្នំពេញ ដែលយោងតាមពាក្យបណ្តឹងរបស់លោកស្រី ទ្រី ដាណា ដោយបង្គាប់ឲ្យឃាត់ខ្លួនឧកញ៉ា អ៊ាន សៀវម៉ី ពាក់ព័ន្ធនឹងករណី បរិហាកេរ្តិ៍ជាសាធារណៈ និងញ៉ុះញង់ឲ្យមានការរើសអើង ប្រព្រឹត្តិទៅកាលពីថ្ងៃទី ២៤ ខែសីហា ឆ្នាំ២០២០ កន្លងទៅនេះ។

នៅថ្ងៃសុក្រ ទី២៩ ខែមករាកន្លងទៅ លោកស្រីឧកញ៉ា អ៊ាន សៀវម៉ី បានចូលខ្លួនទៅ ឆ្លើយបំភ្លឺ ជាលទ្ធផលមិនទាន់ដឹងនៅឡើយទេ ហើយខាងតុលាការក៏អនុញាតឱ្យឧកញ៉ា រង់ពាក្យបណ្តឹងរូបនេះ វិលត្រលប់ទៅផ្ទះវិញ៕

The post រឿងធំផ្អើលហើយ! ភរិយាឧកញ៉ា ហ៊ីង បញ្ញារិទ្ធ រង់ចាំយុត្តិធម៌ពីតុលាការ appeared first on .

The post ឧកញ៉ា ហ៊ីង បញ្ញារិទ្ធ និងលោកស្រី ទ្រីដាណា ទទួលបានគ្រឿងឥស្សរិយយស ថ្នាក់ខ្ពស់បំផុត appeared first on .