នៅក្នុងឱកាសធ្វើបទបង្ហាញជូនអង្គទូតស្ដីពីស្ថានភាពតំបន់វប្បធម៌កម្ពុជា តាមបណ្ដោយព្រំដែនកម្ពុជា-ថៃ
កាលពីរសៀលថ្ងៃទី២២ ខែឧសភា ឆ្នាំ ២០២៦, លោកស្រី ភឿង សកុណាបានគូសបញ្ជាក់ពីការបំផ្លិចបំផ្លាញយ៉ាងធំធេង ចំពោះប្រាសាទព្រះវិហារ ដែលជាតំបន់បេតិកភណ្ឌពិភពលោកចុះបញ្ជីក្នុងអង្គការយូណេស្កូ ក៏ដូចជាចំពោះ បូជនីយដ្ឋានវប្បធម៌ដទៃទៀត ដែលមានតម្លៃលេចធ្លោជាសកល។

លោកស្រីក៏បានសង្កត់ធ្ងន់ថា សកម្មភាពរបស់ថៃនៅតំបន់បណ្ដុំប្រាសាទតាមាន់ ប្រាសាទតាក្របី និងប្រាសាទខ្នារ ចាប់តាំងពីបទឈប់បាញ់កាលពី ថ្ងៃទី២៧ ខែធ្នូ ឆ្នាំ២០២៥ មក គឺជាការទាមទារអធិបតេយ្យដោយខុសច្បាប់របស់ថៃ។ សកម្មភាពទាំងនេះ រួមមានការរៀបចំពិធីសាសនា ការទៅទស្សនាទីតាំងដោយសមាជិកគណៈរដ្ឋមន្ត្រីថៃ សកម្មភាពជួសជុលដោយគ្មានការអនុញ្ញាត ការដាក់បញ្ចូលប្រាសាទទាំងនោះទៅក្នុងបញ្ជីសារពើភណ្ឌបេតិកភណ្ឌជាតិរបស់ថៃ និងការ សាងសង់សំណង់អចិន្ត្រៃយ៍ជាច្រើនទៀត ដូចជាការកសាងព្រះពុទ្ធបដិមាធំៗជាដើម ។

ជុំវិញសកម្មភាពទាំងអស់នេះ លោកស្រីរដ្ឋមន្រ្ដីក្រសួងវប្បធម៌បានបញ្ជាក់ប្រាប់ទូតថា កម្ពុជាបានដាក់កំណត់ទូតតវ៉ា ជាច្រើន ហើយនឹងបន្តប្រឆាំងដាច់ខាតចំពោះសកម្មភាពខុសច្បាប់បែបនេះរបស់ថៃ ដែលប៉ុនប៉ងបង្កើតស្ថានភាព លើដីជាក់ស្ដែង និងព្យាយាមជំរុញការទាមទារដែលពុំមានមូលដ្ឋានទាំងអង្គហេតុនិងអង្គច្បាប់ ចំពោះ បេតិកភណ្ឌវប្បធម៌ខ្មែរ៕

The post រដ្ឋមន្រ្ដីក្រសួងវប្បធម៌៖ សកម្មភាពរបស់ថៃ នៅបណ្ដុំប្រាសាទតាមាន់ តាក្របី និងប្រាសាទខ្នារ ចាប់តាំងពីបទឈប់បាញ់ ជាការទាមទារអធិបតេយ្យខុសច្បាប់ appeared first on .

ថ្លែងក្នុងពិធីបើកមហោស្រពភាពយន្តអន្តរជាតិកម្ពុជា លើកទី១៣ កាលពីថ្ងៃទី ២៥ ខែមិថុនា ឆ្នាំ២០២៤ លោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ បានឱ្យដឹងថា មហោស្រពភាពយន្តអន្តរជាតិកម្ពុជា បានបំពេញតួនាទីយ៉ាងសំខាន់ក្នុងការបង្កើតបរិស្ថានភាពយន្តដ៏សំបូរបែប និងរស់រវើកនៅក្នុងប្រទេសកម្ពុជា ព្រមទាំងបានរួមចំណែកយ៉ាងសំខាន់ដល់ ក្នុងការជុំរុញកម្ពុជាជាដែនដីស្វាគមន៍ការថតភាពយន្តជាតិ និងអន្តរជាតិ ព្រមទាំងជួយលើកកម្ពស់កិតិ្តនាមកម្ពុជាឲ្យល្បីរន្ទឺលើឆាកអន្តរជាតិ ក្នុងបរិបទសុខសន្តិភាព ស្ថេរភាពនយោបាយ ព្រមទាំងការអភិវឌ្ឍនៅគ្រប់ហេដ្ឋារចនាសម្ព័ន្ធជារូបវ័ន្ត ក្រោមគោលនយោបាយឈ្នះឈ្នះ។

ជាមួយគ្នានោះ លោកស្រីរដ្ឋមន្រ្តី បានលើកឡើងពីរបាយការណ៍របស់នាយកដ្ឋានសិល្បៈភាពយន្តដែលបង្ហាញថា ឆ្នាំ២០២៣វិស័យឧស្សាហកម្មភាពយន្តបានផ្តល់ចំណូលដល់សេដ្ឋកិច្ចជាតិប្រមាណជាង១៥លានដុល្លារ ដែលបានមកពីការទិញសំបុត្រចូលទស្សនាភាពយន្តរបស់ប្រជាជនមានចំនួនជាង៤លាននាក់។

លោកស្រីបន្តថា ក្រៅពីនេះ វិស័យឧស្សាហកម្មភាពយន្តដែលមានដូចជា ការផលិតភាពយន្ត ការចែកចាយភាពយន្ត និងរោងភាពយន្តបានផ្តល់ការងារក្នុងប្រព័ន្ធនិងក្រៅប្រព័ន្ធដល់ប្រជាជន ជាពិសេសយុវជនប្រមាណជាង៧.០០០កន្លែងផងដែរ។

សូមជម្រាបជូនថា ឆ្នាំ២០២៣ មានក្រុមហ៊ុនផលិតភាយន្តបរទេសប្រមាណ៤០ក្រុម ស្នើមកថតនៅកម្ពុជា ដែលនេះជាផលវិជ្ជមានដល់សេដ្ឋកិច្ចជាតិ និងជាការផ្សព្វផ្សាយនូវសក្តានុពលបេតិកភណ្ឌវប្បធម៌ជាតិរបស់កម្ពុជា ពិសេសរួមចំណែកទាក់ទាញភ្ញៀវទេសចរនានាមកទស្សនានៅកម្ពុជាផងដែរ៕

The post ឆ្នាំ២០២៣កន្លងទៅ កម្ពុជារកចំណូលបានជាង១៥លានដុល្លារ ពីការលក់សំបុត្រចូលទស្សនាភាពយន្ត appeared first on .